بأعين دامعة كانت ترى شقيقها الأكبر بكل ذلك الهوان و الانكسار لطالما عهدته قوياََ لا يهتز مهما حدث لكنها تعذره بل تعطيه كل الحق فما حدث اليوم يفعل الافاعيل بأي شخص نزلت دمعة من عيناه جعلتها تبكي بصمت حزناََ عليه خاصة عندما ردد بحسرة و حزن :
ليه تعمل فيا كده يا حياة
لم تجيب في الحقيقة هي لم تجد اجابة ليتابع هو بحزن و ألم يرتسم بوضوح على ملامح وجهه :
العيب في مين في تربيتي انا و امها و لا في مين بالظبط !!!
ثم تابع بدموع انسابت على وجنتيه دون ان يشعر :
لو العيب في تربيتي طب ما اخواتها نفس التربية ربيتها ليهم و قبلهم كنتي انتي و اخواتك
نظرت له بحزن و شفقة ربتت على يده قائلة برجاء بعدما رأته يحل رابطة عنقه يبدو انه يجد صعوبة في التنفس :
اهدى يا ادم ، عشان خاطري اهدى كل حاجة هتتحل
صافي صغيرة و اتضحك عليها م......
صرخ عليها بغضب :
متقوليش صغيرة ، اصغر منها و بيحافظوا على شرفهم و لو اضحك عليها ليه و عشان ايه ناقصها ايه عشان واحد يضحك عليها بكل سهولة و تسلمه شرفها و شرفي لو كانت بس قالتلتي انها بتحبه و عايزاه كنت انا هتصرف
اجابتها بسبب غير مقنع بالمرة و ذلك لأنها لا تجد ما تقوله ابداََ بهكذا موقف :
يمكن خافت منك
ضحك بسخرية مريرة قائلاََ :
خافت ، طول عمري بعاملها على انها صحبتي مش بنتي كل حاجة بتحصل في يومها كنت بشاركها فيها عمري ما عملتها بأسلوب يخوفها مني و انتي تشهدي على ده ربيتك زمان على ايدي عمري استخدمت معاكي اسلوب عنيف يخوفك مني شوفتيني في يوم مديت ايدي عليها
لم تجد ما تقول لا تعرف ما يقال بمواقف كهذه لكنها حقاََ حزينة و قلبها يتألم على شقيقها الذي لا يستحق كل ما يحدث
فتابع ادم بانكسار و غضب :
على اخر الزمن بنتي تكسر ضهري بالشكل ده و توطي راسي اللي طول عمره مرفوع و تخلي واحد.....زي ده يقعد يبيع و يشتري فيا عشان حاطط صباعي تحت ضرسه
قاطعته قائلة بحزن :
متقولش كده يا اخويا لا عاش و لا كان اللي يوطي راسك و لا يعمل فيك كده
ابتسم بسخرية قائلاََ بحزن :
عاش و كان يا حياة و السبب بنتي !!!
مسح دموعه قائلاََ بصرامة :
بس خلاص انا من اللحظة دي اعتبرتها ماتت و متستاهلش حتى اخد عزاها و خليها تشيل شيلتها بقى !!!
سألته بصدمة :
انت بتقول ايه يا ادم صافي حامل يعني لازم كلنا نقف جنبها و نخلص الموضوع ده ق......
قاطعها قائلاََ بصرامة :
تشيل شيلتها ، مليش فيه زي ما رخصت نفسها و عملت كده تروح تجيب حقها و تتصرف بقى او ما تتصرفش هي حرة !!!
....
شخابيط من الجزء الثاني لرواية ضحايا الماضي ♥️
مستنية رأيكم حكاية صافي هي غير ما فهمتوها من المشهد لسه فيها غموض مش زي ما ظاهر
متنسوش تنوروني ع الانستا اللينك موجود على صفحتي ع الواتباد في السيرة الذاتية 👇🏻♥️
أنت تقرأ
رواية ضحايا الماضي ( شهد الشورى )
Mystery / Thrillerخمسة اخوة تختلف شخصية كل منهم عن الأخر ولكن يتفقون في حبهم لبعض و رغبتهم في الأنتقام ممن كان سبب في تدميرهم في الماضي هل سيغيرهم العشق ام ستتغلب رغبتهم في الأنتقام على قلوبهم روايـة ضـحـايـا الـمـاضـي بـقـلـم شـهـد الـشـورى
