"ရေကန်ဘေးမှာ ငါ့နှလုံးဖောက်တော့ မင်းငါ့ကို စွမ်းအင်နဲ့ကုသပေးတယ်.... ဒါပေမယ့် မင်းကုသပေးတာမဟုတ်ဘူး ငါ့နတ်ဆိုးသားရဲသွေးကို နှိုးဆွတဲ့ မန္တာန်တစ်ခုကပ်လိုက်တာ ဟုတ်တယ်မလား...."
"မင်းတကယ် ရင်ဆိုင်ရခက်တဲ့သူပဲ.... ဒါပေမယ့် စိတ်ချပါ လော့လော်ငါနဲ့နေရင် လုံခြုံတယ်""ရှီချိုး....."
ရှီချိုးက ထွက်သွားလေပြီ။
"ပြန်လာခဲ့.... လော့လော်ကို လွှတ်လိုက်.... ရှီချိုး...."
မလင်းမမှောင် အခန်းထဲတွင် ဟွမ်ကျင်းရွှေတစ်ယောက်တည်းသာ ကျန်ခဲ့သည်။ သူ့ခြေထောက်နဲ့ လက်တို့သည် နံရံက ဖောက်ထွက်လာသော သံကြိုးများကြောင့် ရုန်းမရအောင် အချုပ်ခံထားရသည်။ ကျန်သောသူတွေ ဘယ်လိုဖြစ်နေသလဲတောင် သူမသိနိုင်တော့ချေ။
ရှီချိုး ဘာကြောင့် ဒီလိုလုပ်သလဲ၊ ဘာလုပ်ချင်နေသလဲဆိုတာလည်း သူခန့်မှန်းရခက်နေသည်။
တစ်ဖက်တွင်တော့။
"အား......"
"လော့လော်..... လော့လော်......"သတိလစ်နေရာမှ အထိတ်တလန့်ဖြင့် ထအော်တော့သည်။ သူမသည် အော်လည်းအော် ငုတ်တုတ်လည်း ထိုင်မိသွားပြီး သူမကိုစောင့်ပေးနေသော ရှီချိုးလည်း ထိတ်လန့်သွားပုံပင်။
"လော့လော်...."
"ရှီချိုး.... ရှင်လား... ရှင့်ကို မကောင်းဆိုးဝါးကောင် ဖမ်းသွားတာမဟုတ်ဘူးလား.... ရှင်ဘာမှမဖြစ်ပါဘူးနော်"ရှီချိုးသည် သူမအား ပြုံးလျက်ကြည့်နေကာ
"မင်းငါ့ကို စိတ်ပူတယ်ပေါ့...."
"စိတ်ပူလို့ လိုက်ရှာတာပေါ့.... ဒါပေမယ့် ရှင်ကဘာမှဖြစ်ပုံမရဘူး ဒါနဲ့ ကျွန်မဘယ်ရောက်နေတာလဲ ကျင်းကိုကိုကော...."ရှီချိုး၏ပြုံးကြည့်နေသော မျက်ဝန်းတွေ ချက်ချင်းအေးစက်သွားသည်။ သူဖွင့်ပြောတဲ့နေ့ကလည်း ဟွမ်ကျင်းရွှေရောက်လာတာကြောင့် လော့လော်က သူ့ကိုပစ်ထားခဲ့သည်။ အခုလည်း ဟွမ်ကျင်းရွှေအကြောင်းကိုပဲ မေးနေပြန်ပြီ။
"ကျင်းကိုကိုကောလို့...."
ရှီချိုးက ဘာမှမပြော။ လော့လော်သည် သူရောက်နေသော နေရာကို မျက်လုံးနှင့် အကဲခတ်လိုက်သောအခါ သူမသည် လှပသေသပ်သော နန်းဆောင်ကြီးတစ်ခုထဲကို ရောက်နေတာဖြစ်ကာ သူမအိပ်ခဲ့တဲ့ ခုတင်ကလည်း ကောင်းမွန်သော ချည်ထည်ဖြင့် ရက်ထားသော အိပ်ရာခင်းဖြစ်နေသည်။
ČTEŠ
တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)
Historická literaturaNormal သိုင်းစာစဥ်လေးပါ Normal သိုင္းစာစဥ္ေလးပါ
🦋43🦋
Začít od začátku