{الفصل_الخامس}
{#ثِمار_الحُب❤}
_بدات ماما تتحدث عن موضوع حلقتها بموضوعية وعقل واعي كأنها ما طفلة..لحدي ما وصلت لختام الحلقة وكانت المفاجأه إنها حكت قصتنا شكل خاطرة جميلة ما أعتقد الكُل يفهمها بس عجبتني لدرجه بقيت اعاين لحسان وعيوني مليانة دموع...❤🌷
الخاطرة :-
"قطارٌ مُسرِع يتجه نحو الشرق...فتاةٌ سمراء والشابٌ أسمر"
~ملامح سودانية واضحة~
"صُدف قدرية جمعت بينهما"
"أباء متفهمون..والأُمهات حُنان"
"فتاةٌ بِلا إخوة..وشابٌ لديه أربع قمرات"
*بين دقات القلب وأنينها وقع في حب السمراء*
"كان الزواج ترجمة لمشاعرهم الدافئة...فتراتٌ من السعادة..والحزن يحتل الموقف"
"المساندة ويد العون..وصلا إلى بر الأمان"
"في ذاك الشاطئ الرائع يقفان وخلفهما 👇🏻
#ثِمار_الحُب❤
إنتهت حلقتنا لليوم يا أحبابي..صديقتكم :- كوثر حسّان صلاح الدين...إلى المُلتقى...!🌻❤
*أحببته حتى صار جزئي وبعضي والكُل كلي...❤*
#الختام:-
قبل أشكركم أو أشكر أصحابي..حابة أشكر تلفوني الما فضحني معاكم وبقى راجل صنديد🙂❤..رغم الشاشة المحروقة الانا كنت كل يوم بخاف تطفيء وأسمبكم بس هو ما خزلني...شكراً بِحُب🎶....
شكراً لأصحابي وصحباتي الكانوا داعمين لي بشكل كبير حتى لو عبر رسالة صغيرة او تعليق ظريف او إنتقاد بناء...ممتنة ليكم الف وربنا يديم وصل المحبة البينا❤🎶
شكراً شديد ليكم أنتو يا أعزائي على حسن المتابعة..كنتم الجزء اللطيفة في القصة دي لو تعلموا يعني..كنت بحس بتعب وارهاق لما أقرأ الكومنتز بنبسط جداً...أنا ما من النوع الما بلتزم بمواعيده فبتلقوني دايماً بخلص القصة سرعة سرعة لأنو والله بتوتر وبكون حاسة بشحتفتكم..أسفة لو زعلت اي زول من غير قصد...أعفوا لي❤🎶
#الخلاصة:-
فكرة القصة وحتى طريقتها النمطية والاسلوب كانت في بالي من فترة بس ما كنت جاهزة كلياً عشان ابدا فيها...
أول حاجه يخوانا نحنا ك شباب معظمنا بعيدين كل البعد عن الثقافة السودانية...ما بنعرف الشعراء ولا حتى الكُتاب إلا قليل منهم..وحتى الدين💔..هل ربع ساعه في اليوم ح تكلفك حاجه؟؟..لالا...ادخل قوقل شوف تفسير ايات،،أحاديث مثلاً،،قصص الانبياء،،أسماء المعارك القديمة،،أعرف الجزر.،،البلدان عموماً بتتميز بشنو..بلدك الانت فيها صفاتها شنو وشنو وشنو...كابس هبش هنا وهناك..ما تبقى مجرد بني آدم أقصى طموحاته ينجح في الجانب الاكاديمي..زي ما الجانب الاكاديمي مهم..باقي الجوانب ليها حق عليك..أنا ياما قعدت مع ناس يا بلقى مستوى فكري أعلى منهم يا أقل منهم بكتير وبحس بخجل..اي والله بخجل..لما أسمع زول بتكلم عن جزيرة في الحته الفلانية بادق تفاصيلها وبعرف معلومات دينية انا بحس الهواء ضاربني زي الكتكوت المبلول💔...عشان كده يخوانا ما تقعدوا ساااااي..ربنا بسألكم بعدين من شبابكم ده..قضيتوا في شنو...الجنبة..شارع النيل..حفلات...ياخ عيش دنيتك وابقى واعي واركز..مخك ده ذاكرته ما هييينة..أملا الذاكرة دي حاجات مفيدة ورهيبة..بدل تعمل ليك في حاجات فارغة خش يوتيوب إن شاء الله تحضر كورة..على الاقل تقدر تفرق بين الفِرق...داااااقش كاااابس أقرا..إتثقف..القراية بتنور عقلك وبتجدد افكارك❤..م تقرأ كتابين وتجي تقول لي هيييع بالحيل أنا مثقف💔...
