{الفصل_الأول}
{#اللقاء🌷}
"ألا يمكن أن يبدأ حديثنا بإبتسامة لطيفة..ذكرى رائعه..أو حتى فنجان قهوة في مقهى قديم على أنغام أغنية كلاسيكية.."
_إبتدت مراسم الحنة والغناء بالرطانة والرقيص🌷..كنت مستمتعه ومتابعه وجنبي أروى..وعهد مشت ترقص في نص الناس😂...ما عارفة ليه كان عندي إحساس إني ح اشوف حسّان..وحتى لما شفتو إنبسطت شديد..كأنو بينا سابق معرفة قديمة..أروى قامت ترقص برضو وبقيت قاعدة براي..جات زهراء قالت لي:- شكلك ما ليك في جوو الحفلات..قولته ليها:- والله ما ميالة ليها بس صراحه فعالياتكم جميلة جداً..قالت لي:- طيب تعالي أفرجك على الجامعه بما أنك أول مرة تجي هنا..مشيت معاها..كانت سابقة خطواتي وبتحكي لي عن الجامعه وأسلوب التعليم المُتبع والتفاصيل الواضحة...أخدنا لفتنا ورجعنا محل الناس مجتمعين...
"لا تجزم أنك أحببت لمجرد أنك تهتم...الحب شعور عميق..يمكن أن يتسلل إلى قلبك دون أن تعي ذلك..ليس المهم من تُحب...بل الأهم أن تستحق الحب..❤!"
_نزلت البوست ده في الفيسبوك على صفحتي الشخصية...وقفلت الشبكه..رفعت كم قميصي وكنت منزل راسي لتحت...فجأه سمعتا صوت الكاميرا بتلتقط لقطة...رفعت راسي لقيتا إيناس...قالت لي:- ما تكون ما بتحب الصور؟؟...قولته ليها:- لا بحبها..بس ما البتجي فجأه دي...قالت لي:- يعني امسحها؟!...قولته ليها :- الكاميرا حقتك وإنتي إلتقطي الصورة بكامل إرادتك..وقد تكون الصورة جميلة...فخليهاا وما تمسحيها❤....إبتسمت لي وقالت :- طيب أنت ما ح تتم لي قصة حلفا...قولته ليها :- المكان ما مناسب هنا وحتى الاجواء..بس لو ربنا أحيانا وإتلاقينا تاني..بوعدك أحكيها ليك..🌷..قالت لي :-يمكن ما نتلاقى...قولته ليها :-العاوزو ربنا ح يكون....ضحكت وأضافت:- لفتة حلوة أنك ما عاوز تشيل رقمي...ما تخاف ما بحرجك وبديك ليهو😆...قولته ليها :- ما الفكرة...بس في أشخاص لطيفين بظهروا في حياتنا صدفة..وما ضروري بناء على الصدفة دي تتوطدت المعرفة....قالت :- ولو الصُدف إتكررت!!؟...جاوبتها بثقة :- وقتها أكيد ربنا عندو حكمة منها🌷...!!
_رجعنا البيت متأخرين..لقينا هناء وألق اشتروا كمية من الحاجات...عجبني الطربوش الاشترتوا ألق..قولته ليها :- حلووو شديد ياخي😭😭..قالت لي:- تتفضليي طوااالي...قولته ليها:- ما هو أنا أكيد ح أتفضلو..بس عاوزة واحد براي بدون مشااركة..ضحكت وقالت لي:- طيب بكرة ح امشي معاكم السوق ونلف شوية عشان نرجع بعد بكرة🌷...
بعد العشاء..كل واحدة رقدت في سريرا..فيهم النايمة..وفيهم الماسكه تلفونها...وأنا كنت بتذكر في كلام حسّان...أول مرة يلاقيني شاب بفكر كده...وطريقة تفكيرو صح شديد...ما كل شخص بنلاقي في محطة من محطات حياتنا ينفع يكون جزء منها..والحاجه دي مريحة🌷...!
_اليوم التاني صحيت بدري...أصوات الديوك وريحه الطين المبلول...لفحت طرحتي وطلعت برة...بين أصوات العصافير وحفيف الشجر..غمضت عيوني وأخدت نفس🌷..الريف دايما بفوز بقلبي..بعد الفطور إتجهزنا وطلعنا على السوق..كل حاجه هناك حلوة وتتمنى إنك تشتريها...لفينا مع هناء واخدنا حاجات كتيرة...وزرنا كذا مكان...وكاميرتي كانت بتجسد الذكريات دي❤...لما رجعنا البيت أروى قالت لينا:- يعني كده خلاص ح نرجع بكرة!!..ألق قالت ليها طبعااا💃🏼...قالت ليهم حقيقي يا بنات كانت تجربة حلوة❤...عهد قالت لينا:- المرة الجاية نطلع برة بالله😂😂..كفاية سياحه داخلية ..ألق قالت ليها :- والله لو علي ابداً م عندي مشكله..هناء قالت :- ما ف شي بعيد على فكرة..خلونا بس نرجع...وقتها موضوع نسافر برة ده بتسهل🌷...
_تخرُج الامين كان بالصباح..نفس الاجواء حقت الحنة ويمكن أكثر جمالاً...كنت مبسوط عشانه...وإنو واخيراً..رجع للجامعه وخلصها وح يبتدي مشوارو في التدريس زي ما كان بتمنى❤....سرحت بذاكرتي بعيد...إتذكرت لما كنت في الثانوي وواحد من الاساتذة قال لي :- "ما بعلم الغيب..بس أنت ح تبقى شخصية عظيمة🐾"..وقتها الكُل إستهزاء..يمكن عشان كنت مشاغب حبتين و عشان دراستي م كانت بالاهمية دي عندي...كنت متفرغ تماماً للعب الكورة والكتابة وسماع الاخبار والاشعار....فلما الاستاذ قال كلامه ده...حولت من أدبي لعلمي هندسة❤...ما حققتا حلمي بإني بقيت مهندس...لا حققتا حلم الهندسة بدراستي ليها...🐾!
_كنت بعاين للصورة حقت حسّان بتمعن...عيونه ما هي كبيرة ولا صغيرة...طوله مناسب مع وزنو...مرتِب شعره بعناية فائقة...لحيته لا هي كثيفة ولا هي خفيفة...ما بقدر أجزم ليكم أنو جميل..لأني جذبني تفكيره أكتر من شكله...
_بين البنات هي طويلة..لونها زي لون بنياتنا السُمر..عدساتها بنية..حواجبها كثيفة..عندها حسنة في وشها..أنفها مستقيم..روحها عاكسة على شكلها بصورة كبيرة.الواحد بلقى نفسه مرتاح في الكلام معاها...ولو كنت محظوظ..أكيد ح أشوفا من تاني...❤
#نتلاقى∆∆
