{الفصل_الرابع}
{#وقد_كان🌷}
"Gezdiğimiz yerler soracak seni سيسأل عنك كل" مكان زرناه❤🌎"
*العبارة تركية_وما تأليفي*
_على ضوء الشموع ودندنات موسيقى كلاسيكية..لابسة فستان أحمر صارخ وحسان لابس قميص أسود وبنطلون أسود..مسك خصري بين يديه وأبتدينا نرقص على تلك الدندنات...عيونه مرتكزة علي وأنا بحاول ما أعاين ليهو كتير...حسب الرقصة رفعني لفوق وبقى لافي بي وتاني جابني وراا ضهرو...بين الحين والآخر كانت قبلاته تُطبع على عنقي❤...بعد خلصنا رقيص قعدنا على السُفرة اللي كان فيها انواع الاكلات الشرقية وحلى فاخر تركي..أتعشينا وبقينا متابعين منظر باقي الراقصين...كنا في مطعم قريب من المنطقة اللي نحنا فيها..ناسو بساط ولُطاف🌷...!
"صباح اليوم التاني"
_كان اول يوم أصحى بدري...الصباح التركي🌎❤..بتشوف الشمس طالعه من بيتها وسط غيووم ناصعه البياض وتحتها خضرة والجبال عاكسة سراب رائع...كنت عاوزة أصحي حسان بس كان مُرهق..شلتا تلفونه وبقيت أصور الشروق...بعد صحى من النوم قرأ ورد من القرآن الكريم وبقى يدعي ربنا يرزقنا الزريه الصالحه...خليته لما خلص..قولته ليهو:- مستعجل على إنجاب الاطفال !؟..قال لي:- مش أسمها مستعجل..إسمها متحمس❤...تلاتة اربعه ستة...م عاوز أقل من كده...قولته ليهو:- حتى انا..عاوزاهم كتاااار❤يبقوا لي أخوان قبل إبناء...قال لي:- إن شاء الله...ااا بالمناسبة نحنا ح نرجع السودان كمان أسبوعين...قولته ليهو:- بالجد!؟؟..أحلى حاجه..مشتاقة لبابا وماما شديييد..وناس رهف..قال لي:- وأنا!؟ لحقتي تزهجي مني..أنتي عارفة كنت ناوي على شهر عسل 6 أشهر قاااافل..بس المشكلة شغلي ح يتأثر..كويس حالياً رهف ماسكه الشغل...تكون ملت...قولته ليهو:- بالنسبة لأنك قلت إني ما مشتاقة ليك..فأنا مشتاقة ليك جداً❤ وكان تعمل شهر عسلنا 6 أشهر ما لو🙈...البلد هنا حلوة شديد...قال لي:- لو ما الغربة مُرة...حقيقي كنا نجي ونستقر هنا..قولته ليهو:- بعيداً عن الغربة وغيرها..السودان ده شايل قلبي شيل..رغم المآسي بس ح يفضل مميز ❤...!
"على لسان حسان"
_إيناس دي جميلة في كل حالاتها..ضاحكه مكشرة باسمة أي شي أي شي❤...كنت بعاين ليها بلهفة وأنا شاغل بالي الحنين ومشتاق ليها...مازحتها:- إيناس شفتي الكرسي الخشبي اللي في غرفتنا أتكسر كيف..أكيد ح يدفعوني غرامة..قالت بخلعه:- متين أتكسر!؟..ما شفته...قولته ليها:- تعالي بوريك أنا..مسكتها من كتفها ومشينا الغرفة..مشت على إتجاه الكرسي لقته سليم..قالت لي:- الكرسي ما فيهو حاجه..قولته ليها:- فعلاً لا يشكي من شي يا سمراءتي...انا العاوزك في كلمتين وونسة دُقاق...أثناء ما بتعاين لي بدهشة وإبتسامة ممزوجه بغضب...قفلتا الباب علينا❤🌎....!
