#للروحِّ_حسان19
{الفصل_الرابع}
{#وقد_كان🌷}
"فلتُشرق شمس الغد مُحمرة دعوها ترتدي الأحمر دعوها تأخذ الحلوى...ما بين العمامة والشال..والفستان الأحمر والبخور الذي يتصاعد وإنشغال العالم بالحديث عنا...قبلتنِي حبيبتي🌷"
_حسان قال لي :- يلا ح أمشي تصبحي في قلبي❤..قولته ليهو :- ح أشتاق ليك..وقبل يرد ماما جات من جوه..هو على طول إستأذن وطلع..ماما جات علي مسكت معاي الفستان..قالت لي:- أرح أساعدك تطلعي...مشينا غرفتي اللي كانت زي ما هي..أول ما دخلتها دموعي غصباً عني نزلت💔..ماما مسحتهم لي وبعدين بمساعدة منها طلعت الفستان..لبست بجامه عادية..كنت على وشك أنوم بس بابا جاا شايل صينية عشاء..قال لي:- عارفك بتكوني ما أكلتي من فطور الصباح صح؟؟..وقعد جنبي..وبقى يأكل فيني..ماما قالت ليهو بهظار:- حتى أنا ما أكلتا على فكرة..قام على حيله وقف قصادها...شال لقمة وبدا يأكلها❤..قال ليها:- تاكلي طوالي...قعدوا معاي شوية وبعدين مشوا غرفتهم..أتصلت على حسان من الجرس الاول رد😂..قولته ليهو:- المصحيك شنوو؟؟..رد بمكر:- ندمااان أني وافقتك نعمل الزفاف في يوم والجرتق في يوم..تخيلي يا إنسانة وأنتي قريبة مني بشتاق ليك. فكيف هو الحال في البُعد❤...قولته ليهو:- ده موقف أسمه العذاب الحلو...يلا ممكن تنوم عشان بكرة تصحى رايق وجميل❤..قال لي:- حاضر..وأنتي ما ح تنومي!؟..قولته ليهو:- عاوزة أنزل بوست بس وح أنوم..قال لي :- طيب لما تنزلي واتأكد أنك نمتي بعدين أنا بنوم❤...قفلنا الخط ومشينا الفيسبوك..كتبت على صفحتي الشخصية :-
أول بسمة وأول نظرة
داك الاسمر ماسك يد الحاج
وبِقرا ف سورة الفاتحه
ماسك قلبي وأخخ يا الله
تم الفرحه وشال ست بيتو
كمل دينو وايوة اْنا مرتو
❤❤❤❤❤❤
رد علي حسان في تعليق:-
ست قلبي وست البيت
عقدنا خلاص يلا نودع
كل الامة ونطلع بيتنا
شلتك غالية وح تفضلي غالية
أمسحي دمعك وألفحي توبك...بقينا إتنين واحلى اتنين
عُقبال التالت ينور بيتنا....
❤❤❤❤❤❤
رديت أنا:-
حسان يا حبيبي ظبِط شالك..وقول لي بابا بتك ليا🙈
صوني ويلاااا أبشر وأطلع على العربية
أعمل بوري..بجيك انا طالعه
عاد راجلي وأحلى هدية
يديمك ليا الخالق وتفضل جنبي يا نني عنيااا...❤
البوست أنفجر بالتبريكات والتهاني❤..بعدها حسان أتصل علي..أتكلم معاي شوية وقفل....
"صباح اليوم التاني_يوم الجرتق_في مزرعة ()"
_صحيت الصباح بدري شربت الشاي وطوالي طلعت على بيت ناس عهد والمرة دي معاي ماما...حسان وأهله والمعازيم كلهم ح يتحركوا على المزرعة طوالي..طول السكة أنا وماما بناخد في صور وبكتب عليها أخت العروس❤😂...وصلنا بيت ناس عهد..خالتو قالت لي :-الجرتق الساعه كم؟؟..قولته ليها من الساعة 3 لحدي 9...قالت لي:- ماشاء الله كويس والله...طلعت ليها توبي وشبشبي شافتهم❤...ماما جابت الدهب والجدلة والقرمصيص..قالت لي:- أبوك ح يجي يسوقنا من هنا...أنا ماشة أخد لي غفوة..قولته ليها:- غفوة شنو يا ماما..أنتي الوزيرة يعني خليك واقفة جنبي❤...ماما لون توبها كان دهبي×دهبي...
