{الفصل_الأول}
{#اللقاء🌷}
"لنتفق على صدفة مدبرة..أو لقاء غير عابر..لننثر الشعر ولتسقط أراء النُقاد..دعنا نلتقي لقاء قدري يربُطنا إلى النهاية وما بعد النهاية...والآن هلاّ التقينا؟!..."
_صحينا الصباح أنا والبنات .ساعدنا عفاف في نضافه بيتها وبعد كده جهزنا نفسنا علشان نرجع...عفاف قالت لينا:-_ والله كنتوا منورننا🌷ياريت تكرروا زيارتكم مرة تانية...قولته ليها :- إن شاء الله ح نجي...عهد قالت ليها:- عن نفسي بوعدك أرجع هنا...لأنو المنطقة عجبتني...شالت أرقامنا ووعدتنا تتواصل معانا..هناء وقفت وأخدت لينا صورة ك تذكار❤...طلعنا من عندها على المحطة..ما عارفة بس كنت حاسة بإحساس غريب وأنا في المحطة..أروى قالت لينا :- بنات عندي ليكم خبر حلو...قولنا ليها :- هااا بشري🌷...قالت لينا :- أول ما ارجع ح أسافر الكويت ..صاحب أبوي لقى لي شغل هناك ومُصر إني لازم أمشي..يعني فرصة وما ح تتكرر...باركنا ليها وفرحنا ليها شديد..🌷..وأنا واقفه جااني ولد صغير بيبيع مناديل وحلويات وكده..قال لي :- أشتري مني يا السمحه يا ست البنات❤...مع كلمته أنا ابتسمتا....وبدون تردد اشتريت منو كذا منديل وحلويات كتيرة😂..هناء قالت لي الولد شكلوو مُسوق شاطر..قولته ليها حقيقي ياخ..وبعدين الكلمة الطيبة جواز سفر..شفتي وهو بقول لي السمحه يا ست البنات❤😂..قالت لي :- أيوة أيوة ولاحظت لفصلتك هههههه...!
_واقف في المحطة..نهاية الرحلة❤صحبي جاا معاي ودعني ومشى..كنت واقف وماسك لي جريدة بقرأ في تقرير لأبوي❤كاتب تقرير عن جيلنا الحالي..وأنو أغلبنا ما بعرف شي عن السودان والثقافة القديمة ولا حتى العادات والتقاليد..كتب عن الاغاني الهابطة وقارنها بالأغاني القديمة اللي ليها معنى...حقيقي مقاله كان جميل ومُلفت..بس سألت نفسي سؤال :- كم شاب ح يقروا المقال ده؟؟ ح يأثر فيهم ولا لا..أغلب شباب اليوم التلفون بقى محور حياتهم..لدرجه تلقى الوقت كلو ماسكه..ولو سألتو ليه ما قادر تنجز..يقول ليك ماف زمن وانا مشغول..!!.للاسف عمر الشباب والزهور البقولو عليهو في جيلنا ده بضيع بين التلفون والطلعات الما مفيدة كل الوقت...وحاجات كتيرة فارغة ما ليها داعي...واصلت قراية ما تبقى من المقال وطبقت الجريدة وطلعت القطر...!
"على الجهه الاخرى"
_ماما حسان ح يوصل متين؟؟!..ردت الأم:- غالباً بكرة..قبيل إتكلمتا معاهو...أمس أبوكم قال لي بتخططوا لحاجهه..مفاجأه وكده صح!؟...نغم قالت ليها:- أيووة وعايزين منك خدمة🙈..قالت ليها :- أعمل ليكم بسبوسة طبعا..قالت ليها طول عمري بقول عليك بتفهميني😂❤...جات رهف وقالت ليهم :- عاينوا ح أزين الصالة الفوق تمام..عشان يتفاجأ جد جد..وباقي البيت خلوهو عادي...أمها قالت:- حلوو..طيب يلا أمشوا نادوا أبوكم ورُمي علشان نتغدا...
"في بيتنا🌷"
"ماما كانت واقفة في غرفتي بترتب فيها وبتنظم لي مكتبتي...جاا بابا لقاها هناك...سلم عليها في راسها "
قال ليها:- على فكرة هي ح توصل بكرة..إنتي متحمسة من أسي ليه!؟!..قالت ليهو عشان أنا كل مرة بقول ليها دي أخر مرة تسافر فيها وأنت بتكسر كلمتي وتتفق معاها وتخليها تسافر..كل مرة بحسها بتاخد قلبي معاها💔آدم دي بتنا الوحيدة ما تتخيل لما تسافر أنا بخاف عليها كيف..وأول م تقول راجعه بفرح شديد وكل الوقت بدعي إنها توصل بالسلامة وترجع لحضني❤بخاف عليها شديد..قال ليها ماف حاجه ح تحصل ليها غير المكتوب..وانتي قلتيها بتنا الوحيدة!..يعني مستحيل أحرمها من حاجه نفسها فيها..وانا عارف وانتي عارفة أنو ربيناها تربية كويسة❤وده المهم..تاني البجي من رب العباد نحنا ح نكون رضيانيين بيهو....مفهوم ولا لا؟!...قالت ليهو :- مفهوم..قال ليها:-_ يلا نتغدا أنا جعان شديد..قالت ليهو :- طيب أسبقني..ارتب كم حاجه هنا وبجيك...🌷!
#تنبيه_أول:-
شباب أنا ما حددتا المنطقة المتواجدين فيها الأبطال عمداً عاوزاكم تحسوا وكأنو الابطال ديل في نفس الحته الانتو فيها زي ما بقولو اطلقوا العنان لأمخاخكم بس❤😆
#تنبيه_تاني:-
كل فصل بحتوي على خمسه حلقات..خلال كل فصل بتنزل حلقتين حلقتين حلقة..زي ما حصل أمس ونزلتا حلقة واحده❤ متفقين؟؟!
#نهاية_الفصل_الأول
{#لقاء🌷}
نتلاقى باكر في #الفصل_التاني {#أقدار🌷}...!!
