လိုင်ကုန်းကျိုအနောက်မှ ထွက်ပေါ်လာသော မိန်းကလေးသည် စောစောကလို အဝတ်ဗလာနဲမဟုတ်တော့ဘဲ ဝတ်စုံတစ်ခုကို ပြောင်းလဲဝတ်ဆင်ထားတာ တွေ့ရ၏။ ညို့အားပြင်းတဲ့ မျက်နှာသွင်ပြင်သည် ဟွမ်ကျင်းရွှေတို့အား လှမ်းကြည့်လာသည်။
ပြီးနောက် လိုင်ကုန်းကျိုရှေ့ကို တစ်လှမ်းချင်းလျှောက်သွားသည်။
"လိုင်ကုန်းလျို..... မထင်ထားဘူးမလား"
'ဟူ.....'
လိုင်ကုန်းလျိုသည် သေးသေးညှောင်ညှောင်အသံကလေးကို ဂရုမစိုက်နိုင်ပေ။ သူသည် လက်စည်းတံဆိပ်ပုံဆောင်၍ သူ့ခန္ဓာကိုယ်တွင် ထိုးစိုက်နေသော ဆံထိုးကိုအဝေးသို့ ပစ်ပေါက်လိုက်သည်။
မတိုင်ခင်က သူပွတ်သပ်နမ်းရှိုက်ခဲ့သော မိန်းကလေးသည် ယခုတော့ နူးညံ့ကာ ချစ်စရာကောင်းသော ပုံစံမဟုတ်တော့ဘဲ ထူးဆန်းသော အဝတ်အစားပုံစံနဲ့ မိန်းကလေးဖြစ်သွားလေသည်။ သူမသည် သူမ၏ရင်ဘတ်ကို အနည်းငယ် လစ်ဟပြထား၏။
လော့လော်က ဟွမ်ကျင်းရွှေလက်ကို အမြန်စောင့်ဆွဲသည်။
"သွားရအောင်...."
"အဖေ....."
လိုင်မုန်ရောက်လာလေပြီ။ ဟွမ်ကျင်းရွှေ နှင့် လော့လော်သည် လိုင်ကုန်းကျိုနန်းဆောင်အမိုးပေါ်သို့ ပျံတတ်သွား၏။ နန်းဆောင်အလယ်တွင် အပေါက်ကြီးတစ်ပေါက်ဖောက်ထားတာကြောင့် လွယ်ကူအဆင်ပြေစွာပင် ထွက်သွားနိုင်သည်။
လိုင်မုန်အခန်းထဲ ဝင်လာသည့်အခိုက် ခရမ်းရောင်မိန်းကလေးသည် သူမ၏စွမ်းအင်ဖြင့် လိုင်မုန်ထံသို့ပစ်လိုက်ကာ တစ်ကိုယ်လုံးလှုပ်မရအောင် ပြုလုပ်လိုက်တာကို ခေါင်းမိုးပေါ်ကနှစ်ယောက်လည်း မျက်ဝါးထင်ထင် မြင်လိုက်ရသည်။
လော့လော်သည် အံ့သြလွန်းလို့ ပါးစပ်ကိုလက်ဝါးဖြင့် ပိတ်ထားမိသည်။ လိုင်မုန်လို စွမ်းအင်အားကောင်းသူကို တစ်ချက်တည်းနဲ့ ထိန်းချုပ်ပစ်တာ နည်းတဲ့ အရည်အချင်းတော့ မဟုတ်နိုင်ပေ။
"မင်း.... အဖေ...... အဖေ...... "
'ဖူး......'
လက်အစီအရင်တည်ရင်း လိုင်ကုန်းကျို နောက်ထပ်သွေးအန်လာသည်။
YOU ARE READING
တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)
Historical FictionNormal သိုင်းစာစဥ်လေးပါ Normal သိုင္းစာစဥ္ေလးပါ