جيل بعد جيل .. يولد حبا جديد
يواري خبث العادات و التقاليد
بين نهوة و فصلية
هدية و دية
اولاد ضحية
وشيوخ ظالمة لا تجد للإمور حلاً غير السلاح
.. من العراق وعلى ارض السماوة
اقدم لكم (كحل عرب )
بفقرة تفاعلكم .. نبشر حل زمان الحرب .. فأستعدوا لمجازر اليمة ..
لسؤال : ابعدي القصة من السياسة ضروري ذكر وصايا الشيخ بما اوصاه لابنه سياسيا لإنو لأنو مرتبطة بأحداث سياسية كما في السابق لما شرحت الاحداث السياسية و انعكاسها على احداث القصة .. حاكم راح ضحيتها .. ولما طلع حاكم من السجن .. ابتعدت من السياسة لإنو بهذه الفترة ما صارت احداث سياسية على العكس العراق بفترة السبعينات كان في القمة .. و اجمل فترة مرت على العراق هي السبعينات .. لهذا ابتعدت من السياسة لإنو ماكو احداث سياسية مرتبطة بالرواية .. اما الان فاحنا امام حرب المحمرة ... ذكرها جزء لا يتجزأ من الرواية
و طبيعي ذم الأحزاب سواء حزب البعث او حزب الدعوة او رؤسائهم ما يعني ذم لفئة معينة لإنو هالحزبين بقعة سوداء بتاريخ العراق .. والرواية راح تشرح نتائج صراعاتهم عبر الاجيال.
اما تعقيبا على كلامكم ( ليش وصفتي الخميني بروح الله ) تحجون صدك 😒 الخميني اسمه روح الله بن مصطفى الموسوي ولقبه الخميني .. سبع سنين احنا بحرب ويا ايران و ما تعرفون اسم الحاربنا شنو ؟🤦♀️ مع هذا عدلت على اسمه و ذكرت لقبه فقط لإنو البعض يجهل الأسم و يعتبره مدح ضروري اشرح كيف تعاطف الشارع العراقي مع ثورته و على اساسها ابتلشنا بحرب اخذت من حيلنا هواية وراحت مئات الاف من العراقيين بحرب ما منها لا ربح ولا خسارة .. والى الان العراق يدفع ديون حرب ايران .. لو مستغلين هاي الاموال بأعمار العراق و اكمال اوج التطور في السبعينات و استمرار الثقافة وابعاده من الصراعات و الحروب... كان هسه العراق ينافس الدول المتقدمة .. لكن نكول حسبنا الله و نعم الوكيل .
وهسه نبلش ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
