(Unicode)
တမှူး နံဘေးရှိငြိမ်သက်နေသော စီနီယာ့ကို တစ်ချက်ငဲ့ကြည့်လိုက်သည်။ မနေ့က ဘာကြောင့် ကျောင်းမတက်သလဲ မေးချင်သော်လည်း စီနီယာ မကြိုက်မှာစိုးသည်။ နောက်ပြီး တက္ကသိုလ်ကျောင်းသားတစ်ယောက် ကျောင်းပျက်ခြင်းဟာ ထူးခြားသည့် ကိစ္စရယ်လို့မှလည်း မဟုတ်တာ။
"ကောင်လေး"
"ဗျာ..."
စီနီယာ့ကို ခိုးကြည့်နေတုန်း စီနီယာက ခေါ်လာသောကြောင့် အလန့်တကြားထူးလိုက်မိသည်။
"..."
ခေါ်ပြီး စီနီယာက ဘာမှ မပြောပါ။ တမှူး တစ်ခုခုပြောနိုးဖြင့် စောင့်နေရင်း စီနီယာ့ကို ထပ်မံငဲ့ကြည့်လိုက်မိသည်။
စီနီယာက မျက်မှောက်ကုတ်ထားကာ တစ်ခုခုကို အသည်းအသန်စဥ်းစားနေဟန်။
"စီနီယာ ဘာပြောမလို့လဲ"
"ဘာမှ မဟုတ်တော့ဘူး"
စီနီယာက သက်ပြင်းတစ်ချက်ရှိုက်ရင်း ပြန်ဖြေသည်။ ဒီနေ့မနက် စီနီယာ့ပုံစံက ထူးဆန်းနေသည်။ စိတ်ညစ်စရာ တစ်ခုခုရှိနေဟန်ဖြင့် အနည်းငယ်နွမ်းနယ်နေသည်။
"စီနီယာ"
"ဟင်"
"စီနီယာ ကျွန်တော့်ကို တကယ်ခင်ရဲ့လား"
"ခင်တာပေါ့ ကောင်လေးရဲ့၊ ဘာလို့မေးတာလဲ"
"ကျွန်တော့်ကို စီနီယာတကယ်ခင်ရင် စီနီယာ့မှာ အဆင်မပြေတာ တစ်ခုခုရှိတိုင်း ကျွန်တော့်ကို ယုံယုံကြည်ကြည်ပြောလို့ရပါတယ်၊ ကျွန်တော်က အကြံဉာဏ်ကောင်းတွေ မပေးနိုင်ရင်တောင် စီနီယာခံစားနေရသမျှကို နားထောင်ပေးပြီး အနည်းငယ်ပဲဖြစ်ဖြစ် စီနီယာ့ကိုယ်စား မျှဝေခံစားပေးနိုင်ပါတယ်၊ အခု ကျွန်တော့် စိတ်ထင် စီနီယာက ကျွန်တော့်ကိုဆို လျှို့ဝှက်တယ်၊ ကျွန်တော်နဲ့ စီနီယာက အရမ်းဝေးနေသလို ကျွန်တော်ခံစားရတယ်"
တမှူး တကယ်စိတ်ရင်းပါ။ စီနီယာက တမှူးအပေါ်ကောင်းလွန်း၍ စီနီယာ့အတွက် တမှူးလည်း တတ်နိုင်သမျှပြန်လုပ်ပေးချင်ပါသည်။
"ကိုယ် ကောင်လေးကို လျှို့ဝှက်တာမဟုတ်ပါဘူးကွာ၊ အခု ကိုယ် ပြောသင့် မပြောသင့်ချိန်ဆနေတာက...
အင်း...ကောင်လေး ကိုယ့်နှဖူးကို စမ်းကြည့်"
YOU ARE READING
I ADORE YOU. (COMPLETED)
RomanceI adore you.....💙 Type- Romance,Drama Started date - September 3, 2020. End date -December 6,2020. Cover photo crd from pinterest.
