She's The Billionaire's Obsession Book 1

Fall Chapter 20

Nagising ako dahil sa sikat ng araw na tumatama sa muka ko habang may labing lumalapat sa leeg ko, paulit-ulit iyon at minsan ay hindi pa nakukontento dahil kinakagat at binabasa niya pa ito ng dila sabay sipsip. Nagbigay iyon ng kakaibang pakiramdam sa buong sistema ko ngunit agad din nawala nang bumaling ang ulo ko at sumalubong ang nakakasilaw at masakit sa mata na sikat ng araw.

Sinalo ng braso ko ang sikat ng araw dahilan para maimulat ko ang aking mga mata. Naniningkit ang mga mata na lumingon ako sa katabi ko ngunit hindi ko inaasahan ang labing sumalubong sa akin. Lumapat iyon sa labi ko dahilan para manlaki ang mga mata ko at maestatwa. Ibang klase ang guts ng lalaking 'to.

Parang sandaling tumigil ang oras maging ang paghinga ko. Ang lambot ng labi niya este ng labi ko. Nang matauhan ako ay hinawakan ko siya sa magkabilang balikat sabay marahang tulak sa kaniya. Agad naman itong ngumiti na parang walang ginagawang kabulastugan. Ano ba sa tingin niya ang ginagawa niya?

Let's say he is my husband and I'm his wife, but first of all, I still have all the right to say no if I don't want to. If there is no consensual there, then it's a forced thing and it's still part of women's rights.

Ang lakas ng topak niya. Kahapon lang ay hindi niya kinakausap at hindi niya ako pinapansin. Kapag inutusan ko siya ay susunod naman siya pero hindi niya ako tinataponan ng tingin at hindi siya kumikibo. Para siyang batang nagtatampo. Ayos lang sana e, hindi ko ramdam 'yung awkwardness nung nandito pa si Flor pero ang bruha pagkatapos ayusin ang mga gamit namin umalis din agad.

"Bibigyan ko po kayo ng space," kinikilig na sabi ni Flor bago umalis.

Tanging masamang tingin lang ang ibinigay ko kay Cosmer. Ngumisi naman si Cosmer bago bumati ng goodmorning at nagpaalam na maliligo muna. Inirapan ko lang ito bago umiwas ng tingin. Ang lakas ng topak niya. Para siyang ni-regla kagabi, hindi mamansin tapos biglang gagawa ng kalokohan. Isa kang dalagang ginoo, Cosmer.

Mabuti na lang at uuwi na kami ngayon. Malawak ang bahay namin for sure makakatakas ako sa kaniya pag-nakauwi na kami. Wow, Heaven. Ang lakas maka-bahay namin, feeling co-owner ng mansyon. Napapitlag ako nang mangibabaw ang notification ring ng phone ni Cosmer sa buong k'warto.

Napahawak ako sa dibdib ko sabay lingon sa side table kung nasaan ang phone ni Cosmer. Tinignan ko muna ang c.r dahil baka biglang lumabas si Cosmer. Nang masigurong wala pa si Cosmer ay mabilis kong dinampot ang cellphone niya.

Isang message galing sa unregistered number ang bumangad sa akin. Binasa ko iyon sa isip lang. Hey, Babe. I hope you're doing fine. Don't worry, I'll be back soon. Halos magsalubong ang dalawang kilay ko sa nabasa. Babe? Ang corny, ang common. Sino kaya ang babaing 'to? Baka wrong number lang pero feel ko hindi. May mistress ba si Cosmer? O baka ako ang mistress?

Hindi ko mapigilang mapatutulala habang ang mga mata ay nasa cellphone ni Cosmer. I'm not hurt but my ego is knocking. How could Cosmer did this to me? And to my family?

Ilang minuto akong nakatulala hanggang sa marining ko ang pagbukas ng pinto sa restroom. Natauhan ako at natatarantang nilapag ang cellphone ni Cosmer sa dating kinalalagyan nito.

Nagpanggap ako na parang walang nangyari. Hinarap ko si Cosmer na may pilit na ngiti. Ngumiti naman ito habang papalapit. Kung siguro hindi ko nakita ang message sa cellphone niya. Baka nangingisay na ako sa pagkatakam. Iba rin siguro ang takbo ng isip ko ngayon lalo na at tanging pang-ibabang katawan lang ni Cosmer ang natatakpan ng tuwalya. Ang hot niya rin tignan habang nagpapatuyo ng buhok gamit ang maliit na tuwalya.

"May problema ba?" pagpuna ni Cosmer sa kakaibang aura ko.

Marahan akong umiling habang may kalmadong postura. Kinuha ko ang mga damit ko maging dextrose bago nagpaalam na maliligo na. Tahimik naman siyang nagmasid sa akin hanggang sa makapasok ako sa restroom.