I love you Professor (COMPLETED)

Chapter 5

Kinabukasan ganon pa rin ang nangyari, papasok ako at dadaan sa College Of Engineering at magbabakasali na makita siya. 7 am na at hindi ko pa nakikita ang sasakyan niya sa mga nakapark dito sa tapat ng Heroes Park.

Kaya nang makitang mag 7:15 na ay nagdecide nakong pumasok sa klase dahil malapit lang naman ang Building namin sa COE kaya naman wala akong pangamba na malelate ako.

Natanaw ko na si Cesar na nasa labas ng Classroom at mukhang hinihintay ako. Nang makita niya ako ay mabilis siyang humakbang papunta sakin.

Kumaway naman ako bago siya makalapit ng husto.
"Akala ko hindi ka papasok." Aniya.

"Bakit naman hindi?" I rolled my eyes. Ganito palagi ang tunguan namin sa isa't isa. Ganito din kami kaclose kaya kahit maging brutal o maging masungit ako sakanya ay sanay na siya.

"Palaging may irap na kasama?" Natatawa niyang sabi.

"Pake mo ba. Halika na pasok na tayo." Mabilis niyang nahabol ang braso ko at hinarap ako sakanya.

"Kain tayo mamaya libre ko." Kaya naman natawa na ako. Dahil palagi naman niya ako nililibre anong bago doon?

"Ewan ko sayo Cesar!" Natatawa ko pa rin nang tinalikuran siya at pumwesto na sa silya ko.

Tinanaw ko ang mga kapwa estudyante ko na nakapila sa bawat hilera ng mga pagkain. Hindi ko alam kung paano natapos ang subject namin na ganon ganon lang at ngayon ay nandito na kami sa Canteen para kumain.

Hinayaan kong si Cesar na ang pumili at bumili ng kakainin namin. Tutal naman ay libre niya kaya siya na don.

Habang nagmamasid sa mga taong nagsisiksikan sa gitna ay isang grupo ang nakita kong nagtitilian at halos himatayin na.

Umirap ako ng isang beses at bumaling ulit sa pwesto ng grupo na mas dumami pa. Halos hindi magkamayaw sa pagpaypay dahil bukod sa mainit na, nakukuha pa nilang mag ingay sa hindi ko alam ang dahilan.

Karamihan sakanila ay naging kaklase ko noong mga nakaraang year. Pero dahil hindi ko naman din sila naging close ay hindi rin kami nag-papansinan kahit pa nagkakasalubong na kami.

Binaling ko nalang ang sarili ko kay Cesar na papunta na ulit dito na may bitbit na ng tray.

Pagkababa palang niya ng tray ay narinig ko na naman ang grupo kanina, pero laking gulat ko ng pati ang college student's dito ay nakikitili at nakiki-isyoso. Kaya naman sinundan ko ang kanilang mga mata at halos mabilaukan ako kahit wala pa akong sinusubo.

Si Sir Sarmiento may kasamang babaeng matangkad na sobrang puti. Hawak-hawak niya ang baywang ng babae.

Nagsimula na akong macurious sa nakita. Kaya imbis na mag enjoy ako sa nakahain ay nagkaroon lang ako ng maraming tanong at matinding pagkadismaya sa nasaksihan.

Habang nasa gitna kami ng pagkain ay hindi ko maiwasan na mapadpad ang mata ko sa pwesto kung saan sila nakaupo ng babaeng hindi ko kilala.

Teacher din ba 'yan dito? Bakit parang ngayon ko lang siya nakita? Girlfriend ba niya yan. Imposible, sinearch ko kahapon ang account niya. Wala namang nakalagay na in a relationship, so sino itong babaeng kung makakapit sa braso ng Calix ko ay ganon nalang.

Napabaling ang babae sa pwesto namin, mas naging galaite pa ako ng makitang ngumiti siya kaya naman sinamaan ko siya ng tingin.

"Bakit ganyan ka makatingin?" puna ni Cesar.