Chapter 30
Nasa garden na kami nun. Abala sina Elmo at PJ sa pagkkwentuhan sa may treehouse at kami naman nina Sarah at Anneth ay nakaupo sa mga bench dito. Si Manang Sol ay umalis para naman magsimba.
"Sarah..." untag ko. Timingin sa akin si Sarah saka pa ngumiti. "Bakit pala isasabay yung binyag ni Jericho sa birthday niya?" tanong ko.
"Ah. Kasi, gusto ko sana pagtuntong niya ng 3 months ay nabinyagan na siya. Kaya lang si PJ gusto niya isabay na lang daw sa birthday para isang handaan na lang." aniya. Tumango naman ako. "Kayo ni Elmo? Bakit di pa kayo kasal? Kwento sa akin ng asawa ko, mahigit sampung taon na daw kayong magboyfriend."
"Hahaha. Si PJ talaga makwento masyado." sabi ko. "Busy pa kami ni Elmo sa mga trabaho namin eh. Ewan ko. Siguro di pa ngayon yung year namin para ikasal."
"Pero grabe no? Sampung taon..."
"Sinabi mo pa. Alam mo nakakatuwa nga sila eh. Simula noon hanggang ngayon, hindi nagbabago yung pagmamahal nila sa isa't isa. Parang palagi silang bagong magboyfriend-girlfriend." sabi naman ni Anneth.
"Grabe ka naman samen, Neth! Hahahaha."
"Totoo kaya ate! Alam mo yung mga tingin niyo sa isa't isa? Nako! Nakakakilig kaya. Halatang mahal na mahal niyo ni Kuya Elmo yung isa't isa." sabi niya pa.
"Oo nga. Kaninang kumakain tayo naobserbahan ko rin sa inyo yun. Ang cute niyo nga eh. Hindi niyo mahuli-huli yung titig ng isa't isa. Na parang naiilang kayo na kinikilig sa tuwing tumititig kayo sa isa't isa." sabi naman ni Sarah.
Napalingon ako kanila Elmo at PJ na abala ngayon sa pakikipaglaro kay Jericho sa treehouse. Nakakatuwang pagmasdan si Elmo na aliw na aliw sa bata. Seeing him enjoying himself as he played with kids is like seeing him become a father. A great father to be specific.
"Ang sabi nila kapag mahilig daw sa bata ang lalaki, magiging mabuting ama daw siya. Si PJ, sobrang hilig sa bata niyan. Nung magboyfriend pa lang kami, sa tuwing may mga kumakain na isang pamilya sa restaurant na pinagttrabauhan namin, palagi niyang binibigyan ng pansin yung mga bata. May libreng dessert lagi lalo na kapag nakikipaglaro yung bata sa kanya. Kaya nung nalaman niyang buntis ako? Kung pwede lang ipaalam niya hanggang Malacañang, gagawin niya dahil sa sobrang saya niya."
"Ikaw Ate Julie? Di mo pa ba naiisip na magkaanak kayo ni Kuya Elmo?" tanong ni Anneth.
"Naisip na rin. Gusto ko nga kamukhang-kamukha ni Elmo yung magiging baby namin eh. Lalo na yung mata niya tsaka yung buhok." sagot ko. Lumingon sa amin si Elmo habang karga niya si Jericho at kumaway sila sa amin. Ngumiti naman ako sa kanya at kumaway rin.
"Hey. What are you girls up to?" tanong niya nang makalapit sa amin. Iminwestra ni Jericho ang kamay niya sa akin kaya naman kinuha ko siya kay Elmo at pinanggigilan.
"We were just talking about how you and PJ look cute with Echo." sabi ko. Ngumiti siya saka humalik sa sintido ko.
"Gusto mo na din ba magkaron ng baby?" tanong niya. Namula ang pisngi ko saka ako napaiwas ng tingin sa kanya at nilaro na lang si Echo.
"Gusto syempre. Kaya lang gusto ko magkakababy tayo kapag di na tayo parehas busy sa trabaho. Lalo ka na. Napakarami mong out of towns. Ako naman stressed din. Sabi nila mahirap daw magkababy kapag stressed."
"Tama. Yan ang sinabi sa akin ng OB ko nun. Bawal din mastress kapag nabuntis ka na. Kaya kung balak niyo na talaga magkaanak, siguro mas mainam nga kung wala na kayong masyadong iniisip. Isa pa, mas mabibigyan niyo ng atensyon ang bata kapag di na kayo busy pareho." ani Sarah.
Nang makabalik si Manang Sol mula sa simbahan ay nagpaalam na rin kami ni Elmo. Maggagabi na and we still have work tomorrow. May meeting pa naman si Elmo bukas ng umaga kaya kailangan na talaga naming makauwi.
