[Discontinued] Karma's a Bitch and so is Snow

Revenge #14

A/N: Thank you sa pagbabasa mo sa storyang to, sa votes, tsaka sa comments mo. =)

Revenge #14: Choose Wisely

Naramdaman kong umangat ang katawan ko. May bumuhat sa akin at inilapag ako sa isang malambot na higaan. Sigurado akong kotse iyon ni Miguel dahil amoy na amoy ko ang car freshener niya.

"J, paypayan mo si Snow." Utos ni Migs kay Jana.

"Ayoko. Ikaw na lang, Josh." Sabi nito. Maya-maya'y naramdaman kong may nagpapaypay na sa akin.

Umaandar na rin ang sasakyan. Nangangati na ang braso ko. Gusto kong kamutin iyon pero hindi pwede. Kailan ka ba nakakita ng hinimatay tapos nagawa pang magkamot?

"Anong pinakamalapit na Hospital dito? Shit, baka may masamang mangyari sa kaniya." Rinig kong sabi ni Miguel. Nasa boses niya ang pag-aalala. Mabilis na ang pagpapatakbo niya ng sasakyan.

Ang kati na talaga ng braso ko. "What about me? Masakit ang tiyan ko." Reklamo ni Jana. I wanna roll my eyes.

"Magpacheck up ka na rin." Wika ni Migs.

Bago pa kami makarating sa Hospital na pupuntahan namin at bago pa nila ma-discover na nagpapanggap lang ako ay nagpasya na akong kunwaring magising. I was about to say the famous line 'Asan ako?' when I saw Miguel's concerned eyes through the rearview mirror.

"What happened?" Iyon na lang ang naging litanya ko. Umupo ako ng maayos at hinawakan ko pa ang ulo ko na kunwaring masakit.

Agad akong inabutan ni Josh ng tubig.

"You fainted." Sabi ni Miguel. "Dadalhin ka namin sa hospital." Deklara nito.

Mabilis akong umiling. "Wag na. I'm okay. Mainit lang siguro kaya ako hinimatay. I'm so tired too." Tanggi ko.

Nakipagtalo pa sa akin si Miguel pero hindi ko siya hinayaang manalo. Ayoko kong magpahospital. Wala akong sakit.

"You can bring Jana to there. Di ba may sakit siya?" Nagtaas ako ng kilay kay Jana na naka-upo sa passenger's seat. "Masakit ang tiyan mo di ba?"

Ngumiti lang siya. A fake one. "No. I'm okay now. Let's go somewhere else na lang Migs." Malambing na sabi niya kay Miguel na siyang ikinairita ko at ikinalukot naman ng mukha ni Josh.

Tumango ang kausap niya. "Sure. But first, let's bring them home."

Josh shake his head. "Pakibaba na lang ako dito." Saad nito.

"What? No way! Nasa high way tayo, Josh." Angal ni Jana.

"May taxi naman. Isa pa, baka maabala ko kayo sa date niyo." Sabi nito. Walang siyang ipinapakitang emosyon pero alam kong nasasaktan siya.