Caught In His Arms (Published Under Pop Fiction)

Mission 74

Mission 74

Bumaba na ako sa sasakyan at tinanaw ang Minnestype Coffee Shop, iilan pa lang ang nakikita kong tao. Sinipat ko muna ang wristwatch ko, it's 9:45am. Maaga pa ako.

"Florence, dadaanan na lang kita dito mamaya" tumango na lang ako kay Kuya Nik. Iniabot niya na rin sa akin ang mga dala dala kong gamit.

"Thanks" hinalkan niya muna ako sa noo bago siya bumalik sa sasakyan. Nagsimula na akong humakbang papasok sa Coffee shop. Mukhang maghihintay pa ako ng ilang minuto. Agad akong kumuha ng lugar na pangdalawahan. Mabilis namang lumapit sa akin ang waiter para kuhanin ang order ko. Ibinigay ko sa kanya ang paborito kong inumin, pati na rin ang kay Troy Ferell.

Habang naghihintay kay Troy Ferell, inabala ko ang sarili ko sa pag iisip ng mga sasabihin sa kanya. Pero hindi rin nagtagal ay nakikita ko na ang paparating na Troy Ferell na papasok nan g coffee shop. He's holding bouquet of white roses. Agad hinanap ng kanyang mga mata ang posisyon ko, itinaas kong bahagya ang isa kong kamay para makuha ang atensyon niya.

Lumapad ang kanyang mga ngiti nang sandaling nagtama ang aming mga mata. Kailan pa ba ako huling nakakita ng isang Ferell na nakangiti?

"For the girl with the pure heart" inabot niya sa akin ang hawak niyang bouquet.

"Pure heart huh?" pinagtaasan ko siya ng kilay na madalas kong ginagawa sa kanila.

"I just want to give you flowers for last time we'll see each other. This coffee date is a goodbye right?" nakangiting tanong niya sa akin. I've seen him smile for so many times but this smile is quite different. Hindi man lang umabot sa mata.

"Well, yes" sagot ko sa kanya.

"Can we just walk? I want fresh air" tumango na lang ako sa kanya. Binitbit ko ang mga dala kong gamit kasama bouquet na ibinigay niya sa akin.

"Let me help you, what's that?" nagtatakang tanong niya sa mga dala ko.

"It's a secret" sagot ko sa kanya. Ibinigay ko lang sa kanya ang bouquet ng rose at ang maliit na kahong hawak ko. Pinili kong bibitin ang mas malaki kong dala na may nakatakip na kulay puting tela.

Napatigil kami sa isang pampublikong parke kung saan maririnig mo ang mga tawanan ng mga bata, iba't ibang ingay mula sa mga tao, mga tindero at tindera na may sarisaring paninda at maging ang malakas na buhos ng tubig mula sa fountain na siya mismong sentro ng parke.

Napakasigla ng parkeng ito. If I can just blend with them.

"Diba mas masaya dito?" biglang tanong sa akin ni Troy. Tumango ako sa kanya.

"Yes, punong puno ng buhay sa lugar na ito" bahagyang tumahimik si Troy sa sinabi ko.