Unicode''ချစ်တေးသီ''
ချစ်တေးအိမ်ထဲရောက်ရောက်ချင်းမှာအမေဖြစ်သူရဲ့မျက်နှာတည်တည်နဲ့အသံခပ်ဆောင့်ဆောင့်၏ကြိုဆိုခြင်းခံလိုက်ရသည်။
''လာဦးဒီကို''
ချစ်တေးဧည့်ခန်းထဲလျှောက်သွားပြီးသူမအမေနဲ့မျက်နှာချင်းဆိုင်မှာထိုင်ကာ
''ဟုတ်မေမေ''
''သူငယ်ချင်းဆီဟန်းချိန်းသွားယူတာကိုးနာရီလောက်ကြာတယ်ပေါ့ မနက်ကိုးနာရီလောက်ကတည်းကအိမ်ကထွက်သွားတာလေ ခုမှပြန်လာတာလား ခြောက်နာရီတောင်ထိုးတော့မယ်''
''သူငယ်ချင်းနဲ့လျှောက်လည်နေလို့''
''ခုအိမ်ကိုဘယ်သူပြန်လိုက်ပို့တာလဲ''
''ဆုထက်ဦးလေး''
''မေမေမြင်လိုက်တာဦးလေးအရွယ်မဟုတ်ဘူးနော်''
''ဦးဂုဏ်ကအရမ်းနုတာလေ အသက်သုံးဆယ်လို့မထင်ရဘူးမလား ကိုရီးယားမင်းသားတွေလိုပဲအသက်လေးဆယ်ကျော်နေတာတောင်20ကျော်လေးလို့ထင်ရသလိုဦးဂုဏ်လည်းအဲလိုပဲထင်ရတယ်မလား''
ထိုလူ့အကြောင်းပြောတာနဲ့တက်ကြွသွားတဲ့သမီးကိုကြည့်ပြီးဒေါ်ယိမ်းနုငယ်မျက်မှောင်အစုံကျုံ့ကာ
''နေပါဦး သမီးကအဲ့လူအကြောင်းပြောတာကိုဘာလို့ဒီလောက်တက်ကြွနေတာလဲ''
''ဟို ဦးဂုဏ်ကတစ်ကယ်ချောလို့လေ ပြီးတော့သဘောလည်းအရမ်းကောင်းတာ သမီးသူ့ကိုအရမ်းခင်တာ အဲဒါကြောင့်ပါ''
''သမီးနော် ကြည့်ကြပ်နေ သမီးအဖေအကြောင်းသိတယ်မလား''
''သိပါတယ်မေမေ''
''အင်း မေမေပြောတယ်ဆိုတာအခုသမီးကငယ်သေးလို့ အသက်အရွယ်တစ်ခုရောက်လို့သမီးရည်းစားထား အိမ်ထောင်ပြုမယ်ဆိုရင်သမီးအဖေခွင့်မပြုရင်တောင်မေမေကိုယ်တိုင်သမီးအဖေကိုရအောင်ပြောပေးမှာ ဒါပေမယ့်အခုတော့မဟုတ်သေးဘူး''
''ဟုတ်ကဲ့ပါမေမေ''
''အင်း သွားသွား ခြေလက်သန့်စင်ပြီးအဝတ်အစားသွားလဲ''
''ဟုတ်ကဲ့''
ပြောပြီးချစ်တေးအိမ်ပေါ်တက်လာခဲ့လိုက်၏။
အခုမဟုတ်သေးဘူးဆိုတော့ဘယ်တော့လဲ။
သူမကဘယ်ချိန်မှရည်းစားထားပြီးယောကျ်ားယူရမှာပါလဲ။