Unicode
ဂုဏ်ရှိန်သေချာနားဝင်အောင်ချော့ပြောလိုက်မှချစ်တေးတစ်ယောက်သူ့ဆီကနေပြန်သွားပါသည်။
သူ့ဆီကနေချစ်တေးပြန်သွားကတည်းကသူဆိုဖာမှာမလှုပ်မယှက်ထိုင်နေတာနာရီဝက်ခန့်ကြာတဲ့အထိပါ။
သူ့အာရုံထဲမှာချစ်တေးရဲ့မျက်နှာလေးကတဝဲလည်လည်နှင့်။
''ဦးဂုဏ်ရင်တွေအရမ်းခုန်နေတယ်နော်''
သူမျက်လုံးမှိတ်လိုက်တာနဲ့သူမစကားသံကသူ့နားထဲတိုးဝင်လာပြီးလူကအသက်ရှူပါကြပ်သွားသလိုပင်။
သူအင်္ကျီအပေါ်ကြယ်သီးသုံးလုံးကိုဖြုတ်ပြီးဆိုဖာကျောမှီချလိုက်၏။သူခုလိုဖြစ်နေတာချစ်မိခြင်းရဲ့လက္ခဏာပါဆိုလျှင်.....။
<<<<<<<>>>>>>>
ချစ်တေးအိမ်ပြန်ရောက်ရောက်ချင်းခြံထဲမှာသူမအဖေရဲ့ကားကိုမြင်ပြီးလူကတံထွေးနင်သွားသလိုပင်။
ချစ်တေးအိမ်ထဲရောက်တော့သူမမေမေကလက်ထဲမှာပန်းကန်တစ်လုံးကိုကိုင်ပြီးအိမ်ပေါ်တက်ဖို့ပြင်နေ၍ချစ်တေးအမေဖြစ်သူထံပြေးသွားပြီး
''မေမေ ဖေဖေပြန်ရောက်နေတာလား''
ချစ်တေးသူမအမေလက်ထဲကပန်းကန်ကိုကြည့်လိုက်တော့ဆန်ပြုတ်ထည့်ထားတဲ့ပန်းကန်ဖြစ်နေလေသည်။
''အဲဒါဖေဖေ့အတွက်လား''
''အင်း သမီးအဖေအအေးမိပြီးဖျားနေလို့အိမ်ပြန်လာတာ''
ချစ်တေးချက်ချင်းပဲအိမ်ပေါ်ထပ်ကိုပြေးလာခဲ့လိုက်၏။
သူမအဖေအခန်းထဲရောက်တော့ကုတင်ပေါ်မှာလှဲအိပ်နေတဲ့အဖေဖြစ်သူနားကပ်ထိုင်ပြီး''ဖေဖေ''
ဦးဝဠာမျက်လုံးတွေမှိတ်ထားရာကအသာဖွင့်ကြည့်ပြီးသမီးရဲ့မျက်နှာကိုမြင်တော့လှဲအိပ်နေရာမှထထိုင်လိုက်၏။
''ဖေဖေနေမကောင်းဘူးဆို''
''ဒီအတိုင်းအအေးမိတာပါ ဘာမှမဖြစ်ပါဘူး''
ဒေါ်ယိမ်းနုငယ်လည်းအခန်းထဲဝင်လာပြီး
''ဘာကိုဘာမှမဖြစ်ရမှာလဲ ဒီလောက်ကိုယ်တွေပူနေတာကို''
![](https://img.wattpad.com/cover/364342302-288-k908283.jpg)