Unicode
အကယ်၍များ သင်က အလွန်တရာကို အားလပ်နေ၍ Google မှာ Mo Family ဆိုပြီးတော့ ရိုက်နှိပ်ကာ ရှာလိုက်မယ်ဆိုရင် ပထမဆုံး ဓာတ်ပုံ ဆယ့်လေးပုံကျလာတာကို မြင်ရမှာဖြစ်ပါတယ်။ ပထမဆုံးမြင်ရမှာကတော့ လေတပ်စစ်ဗိုလ်မှူးကြီး ၂ ဦးကို တွေ့မြင်ရမှာဖြစ်ပါတယ်။ သူတို့က
1939 ကနေ 1945 ဒုတိယကမ္ဘာစစ်အတွင်း ပြင်သစ်လွတ်လပ်ရေးတပ်တွေမှာ ပါဝင်ခဲ့တာဖြစ်ပါတယ်ဆိုပြီး ရေးထားတာဖြစ်ပါတယ်။ဒါပေမဲ့ သူတို့ပြောတဲ့ ပြင်သစ်လွပ်လပ်ရေးတပ်မတော်က Vichy France ၊ Free France၊ French Equatorial Africa၊ French Somaliland၊ French West Africa အဲထဲက ဘယ်အုပ်စုထဲ ပါသလဲတော့ မပြောတတ်ပေ။ သူတို့အောက်မှာ လင့်တွေ ပေးထားပြီးတော့ သင်က အလွန်အမင်းကို အားလပ်ပြီး အသက်အန္တရာယ်ကိုတောင် စိုးရိမ်ရတဲ့ အခြေအနေမှာဆိုရင် ဖတ်ဖို့ အကြံပြုပါတယ်။
လွတ်လပ်ရေးရပြီးနောက်ပိုင်းမှာ ဗိုလ်ချုပ် ၂ယောက်က စစ်တပ်ကနေ ထွက်ပြီးတော့ မြေထဲပင်လယ်မှာ သစ်နဲ့ပတ်သက်သော ကုမ္ပဏီတစ်ခုကို တည်ထောင်တယ်။ နာမည်ကိုတော့ ပြင်သစ်စကားလုံး " Mon ami" ကနေ Mo ကုမ္ပဏီဆိုပြီး ဖြစ်လာတာပဲ။
1980 အစောပိုင်း စီးပွားရေးကျဆင်းမှုတွေ ဖြစ်ပြီးတဲ့နောက် တစ်ယောက်က ကုမ္ပဏီကနေ ထွက်ပြီးတော့ အရှေ့တိဗက်ကို တရားအားထုတ်ဖို့ ထွက်သွားတယ်။ကျန်တဲ့ တစ်ယောက်ကတော့ ဝီနန်ဂရုနဲ့ ပေါင်းပြီးတော့ နှစ်ထောင်ပြည့်နှစ်နောက်ပိုင်းမှာတော့ မိုလုပ်ငန်းစုက တဖြည်းဖြည်းကြီးထွားလာတယ်။ အခုဆိုရင် မိုလုပ်ငန်းစုက ဥရောပစီးပွားရေးမှာ ရှယ်ယာ ၁၀ ရာခိုင်နှုန်းအထိ ပိုင်တဲ့ လုပ်ငန်းစု ဖြစ်လာနေပြီ ဖြစ်သည်။
ကျန်ခဲ့တဲ့ ဗိုလ်ချုပ်ကတော့ မိုလန့်အဖိုးဖြစ်ပြီးတော့ မိုလန်အဖိုးက သူ့မိတ်ဆွေကို အရှေ့တိုင်းမှာ ပြန်လာရှာခဲ့တဲ့အချိန်မှာ ဇနီးသည်ကိုသာ တွေ့ပြီး မိတ်ဆွေကတော့ ဆုံးသွားပြီဖြစ်သည်။ မိတ်ဆွေ၏ဇနီးက လူထုကူညီကယ်ဆယ့်သည့်ပရဟိတအလုပ်တွေကို လုပ်ပြီး မိဘမဲ့ဂေဟာက ဆရာမ ဖြစ်လေသည်။
မိုလန်အဖိုးက မိတ်ဆွေဇနီးသည်နှင့် အတူ အလုပ်လုပ်နေသော ဆရာမလေးကို နှစ်သက်ကာ အပြန်ခေါ်ခဲ့ပြီး မိုလန်တို့က ပြင်သစ်-အာရှကပြားတွေ ဖြစ်လာခဲ့သည်။ နောက်ပိုင်း အေအိုဘီဗိုင်းရပ်တွေကြောင့် လူတွေက အမျိုးအစားများ ကွဲပြားကာ စစ်ပွဲများကလည်း အသွင်ပြောင်းသွားခဲ့သည်။
YOU ARE READING
Happy Marriage : Days After 24 Years Old
Fantasyလှပပြီး အောင်မြင်သူများကိုသာ အလေးပေးတတ်သော မမျှတသည့်လောကကြီးထဲက ဝဖိုင့်ဖိုင့်၊ရုပ်ဆိုးဆိုး အိုမီဂါကောင်မလေးတစ်ယောက်နှင့် စိတ်သဘောထားမကောင်းသော အမျိုးသမီးအယ်လ်ဖာ မိုလန်တို့၏ အိမ်ထောင်ရေးဇာတ်လမ်းတစ်ပုဒ်။ Female Alpha + Female omega Omegaverse Unico...