မြို့တော်၏ နာမည်ကြီး တရုတ်အော်ပရာပြဇာတ်ရုံရှေ့တွင် Benzကားတစ်စီး ရပ်နေသည်။
ယနေ့တွင် တရုတ်ပြည်၏နာမည်ကြီး အော်ပရာသီဆိုသူ ရှောင်းချောင်၏ ဖျော်ဖြေပွဲရှိသည့်အတွက်ကြောင့် ပြဇာတ်ရုံသို့ လာရောက်နေကြသော ကားများက ပြဇာတ်ရုံအတွင်းသို့ ဝင်ထွက်သွားလာနေကြသည်။ အထက်တန်းလွှာမှ သူဌေးတစ်ဦး၏ ဖိတ်ကြားချက်ဖြင့် ကျင်းပသော ပွဲဖြစ်တာကြောင့် လာရောက်သူများက နိုင်ငံ၏ ဒိတ်ဒိတ်ကြဲ သူဌေးများသာ ဖြစ်လေသည်။ ပြဇာတ်ရုံပြင်ပတွင် တူညီသော ယူနီဖောင်းဝတ်လုံခြုံရေးများက တင်းကြပ်စွာစောင့်ကြပ်နေကာ ပွဲတစ်ခုလုံးကို စောင့်ကြည့်နေကြသည်။
ထိုအချိန်၌ မိုလန်သည် ကားပေါ်တွင် ထိုင်နေလျက် သူမသည် စီလင်း ဝေလာကို စောင့်နေခဲ့သည်။ စီလင်း၏ ဝါသနာမှာ အရှေ့တိုင်း ခေတ်ဟောင်းသီချင်းများကို နားထောင်ရခြင်း ဖြစ်သည့်အတွက် မိုလန်သည် စီလင်း သူမ၏မွေးရပ်မြေသို့ ရောက်နေတုန်း နာမည်ကြီး အော်ပရာအဆိုတော်ကို အဆက်အသွယ်များနှင့် ရှာကာ တခြားသူဌေးများနှင့် ပူပေါင်း၍ ယနေ့ပွဲကို စီစဉ်နိုင်ခဲ့ခြင်း ဖြစ်သည်။ မိုလန်သည် ပုံမှန်အနက်ရောင်အ၀တ်အစားထက် ပိုထူးခြားသော တရုတ်ယဉ်ကျေးမှုကို နှီးနွယ်ချုပ်လုပ်ထားသော ဝတ်စုံကို ဝတ်ဆင်ထားသည်။ အေဒီ 1368 မှ 1644 ခုနှစ်အထိ ကြာမြင့်ခဲ့သော ဟန်တရုတ်မင်းဆက်နောက် အုပ်ချုပ်ခဲ့သော မင်မင်းဆက်ကို အစွဲပြုကာ ခေတ်မီဆန်းသစ်သော ပုံစံဖြင့် Ming အနက်ရောင် ၀တ်စုံအင်္ကျီသည် ရိုးရာမန်ဒရင်ကော်လာ၊ ရွှေအနားကွပ်၊ ပန်ကိုးကြိုးများကို ပေါင်းစပ်ချုပ်လုပ်ထားသည်။ ထို့ပြင် ဘယ်ဖက်ရင်ဖက်နေရာ၌ လှပစွာ ရွှေခြည်ထိုးထားသော ရွှေနဂါးရုပ်ကြောင့် လူငယ်လေး၏ ချောမောသော ရုပ်သွင်ကို ပိုမိုတောက်ပြောင်စေခဲ့သည်။ မိုမိသားစု၏ အယ်လ်ဖာသမီးပျိုသည် ကြောက်မက်ဖွယ်ကောင်းလောက်အောင်ပင် အရွယ်ရောက်ကြီးပြင်းနေလေပြီ ဖြစ်လေသည်။
" မိုလေး ၊ ကျွန်မ ရောက်နေပြီ။ ရှင် ဘယ်မှာလဲ ? "
စီလင်းဆီမှ မက်ဆေ့ကို လက်ခံရရှိသောအခါတွင် မိုလန်သည် စိတ်လှုပ်ရှားစွာ ကားထဲမှ ထွက်လာခဲ့သည်။ ငယ်ချစ်ဦးကို နောက်တစ်ကြိမ်ပြန်တွေ့ခွင့်ရသည်က သူမကို နတ်ဘုရားက ချီးမြောက်ခြင်း မည်လေသည်။ မိုလန်သည် ပြင်သစ်ရေမွှေးကို နားရွက်အနောက်နှင့် လက်ကောက်ဝတ်နေရာတွင် ဖြန်းလိုက်ပြီးနောက် သူမသည် စီလင်းကို တွေ့ရန် ပြဇာတ်ရုံဝင်ပေါက်သို့ လာခဲ့လေသည်။
YOU ARE READING
Happy Marriage : Days After 24 Years Old
Fantasyလှပပြီး အောင်မြင်သူများကိုသာ အလေးပေးတတ်သော မမျှတသည့်လောကကြီးထဲက ဝဖိုင့်ဖိုင့်၊ရုပ်ဆိုးဆိုး အိုမီဂါကောင်မလေးတစ်ယောက်နှင့် စိတ်သဘောထားမကောင်းသော အမျိုးသမီးအယ်လ်ဖာ မိုလန်တို့၏ အိမ်ထောင်ရေးဇာတ်လမ်းတစ်ပုဒ်။ Female Alpha + Female omega Omegaverse Unico...
