Happy Marriage : Days After 24 Years Old

Part (16)

Unicode

ချန်ကီသည် မိုစံအိမ်မှ သူမ၏အခန်းငယ်လေးအတွင်း သစ်သားတုံးများကို အမှန်အသားများပြုလုပ်ရင်း သူမက အတွေးများနေလေသည်။ တခြားကိစ္စရပ်တော့ မဟုတ်ရပါချေ။

သူတို့က ယခုလအတွက် ပရောဂျက်တင်ပြရန်ရှိလေရာ ကျောင်းသား၆ယောက်နှင့် ပရော်ဖက်ဆာ တစ်ယောက်ပူးပေါင်းလုပ်ရလေသည်။ ချန်ကီက ထိပ်တန်းအဆင့်၆ဖြစ်တာကြောင့် ထိပ်တန်း ၅ ယောက်နဲ့အတူ လုပ်ရသော်လည်း ပရော်ဖက်ဆာ လော့ရန့်က သူ့‌အပေါ် တစ်မျိုးဖြစ်နေသလိုပင်။

သက်သေခိုင်လုံစွာ မရှိသော်လည်း ပရော်ဖက်ဆာ လော့ရန့်က သူ့အပေါ် အလွန်စူးစမ်းနေသကဲ့သို့ ခံစားရလေသည်။ သို့သော်လည်း ပရော်ဖက်ဆာ လော့ရန့်က သူကိုလည်း စကားအပိုမဆိုချေ။

ချန်ကီသည် ထူးဆန်းသည်ဆိုတဲ့ခံစားချက်ကို ရတာကြောက့် ဆွန်ယာကို မေးကြည့်တော့လည်း ပရော်ဖက်ဆာလော့ရန့်က လူတိုင်းအပေါ် ဖော်ရွေတတ်ကြောင်း၊သူမက အလုပ်အများကြီး လုပ်နေရတာကြောင့် မလိုအပ်ဘဲ စိတ်ပူနေခြင်းဖြစ်သည်ဟု ဆိုလေသည်။

" ဘာပဲ ဖြစ်ဖြစ် ထူးဆန်းတယ် "

"ဘာကလဲ ? "

"အောင်မယ်လေး "
မိုလန်၏ အသံက ရုတ်တရက် ခေါင်းပေါ်ကနေ ထွက်လာတော့ ချန်ကီ လန့်ဖြတ်ကာ အော်မိသည်။ မိုလန်က ချန်ကီနောက်က စားပွဲကို လက်ထောက်ကာ ရပ်နေရင်း ချန်ကီ ဖြတ်နေသော သစ်သားချောင်းတွေကို စိတ်ဝင်တစားကြည့်နေလေသည်။

ပြီးခဲ့တဲ့ ရက်တွေတုန်းက စံအိမ်ငယ်မှာ သွားနေနေတာကြောင့် တစ်ပတ်လောက်နီးနီး မိုလန်ကို ‌မတွေ့ခဲ့ရပေ။ မိုလန်သည် ဆံပင်ရှည်တွေကို တရုတ်စာလုံးများထွင်းထားသော ဆံထိုးဖြင့် လျော့တိလျော့ရဲ ထုံးထားကာ တရုတ်ရိုးရာနှင့်ဆင်တူသော ရိုးရာဝတ်စုံ စိမ်းဖျော့ဖျော့ကို ဝတ်ထားလေရာ အသားအရေကမူ သိသိသာသာပင် ကြည်လင်တောက်ပနေလေသည်။

ချန်ကီကမူ ကြမ်းပြင်တွေ ထိုင်ကာ လွှဖြတ်နေတာကြောင့် သူ့ပုံစံက နည်းနည်းလေး ဖြစ်ကတတ်ဆန်းနိုင်လှသည်။ ထို့အပြင် ချန်ကီက ဆံပင်အတိုကို ၂ ဖက်ခွစီးကာ ခဲတံတွေကိုလည်း ထိုးထားတာကြောင့် သူ့ပုံစံက ရှုပ်ပွနေလေသည်။ ချန်ကီက ဆံပင်တွေကို ဂရုစိုက်ဖို့အချိန်မရှိ‌တာကြောင့် သူက အမြဲခပ်တိုတိုသာ ညှပ်လေ့ရှိသည်။