Simoun: The Aggressive Man Challenge

Challenge # 24

Nakatanaw lang ako sa malayo habang nakaupo sa isa sa mga benches sa harapan ng swimming pool nang umagang iyon. Hindi ako nakatulog dahil sa pag-aalala kay Azul. Hindi ko na siya ma-contact. Iniwan niya sa akin ang cellphone niya, iniwan niya sa akin ang puso niya at iniwanan niya ako ng isang pangakong panghahawakan ko hanggang sa kaharap ko na siyang muli.

Walang naiwan sa bahay na iyon kundi ako, si Arruba at ang babaeng kung manigarilyo ay parang chimeneya ang bunganga. Wala akong ideya kung sino siya pero sabi ni Ido ay may kinalaman daw siya kay KD - kaya lalong nawalan ako ng pakialam. Lahat ng may kinalaman kay King David ay wala akong pakialam. Huminga ako nang napakalalim. Ano na kayang nangyayari sa asawa ko?

Bago pa rin sa pandinig ko ang tawagin siyang asawa pero iyon na siya sa akin. Asawa ko na siya. Kaming dalawa ay iisa na. Hindi ko na iyon mababago at masayang - masaya ako.

Nang tumaas na ang araw ay pumasok na ako dahil kahit malamig ang simoy nang hangin ay napakainit naman ng araw. Dumiretso ako sa kusina at doon natagpuan ko si Mariella na may hawak na baso ng tubig. Nakita kong may inilabas siya mula sa kanyang bulsa na kulay putting powder. Kumunot ang noo ko nang itaktak niya iyon sa inumin. Matapos iyon ay hinalo niya sa tubig. Hindi kumulay iyon. Nang maiayos niya ay saka siya lumakad. Wala sa loob na sinundan ko siya. Nakita kong papunta siya kay Arruba.

"Prof, here's your water."

Prof? Water? Nanlaki ang mga mata ko. Hindi kaya lasunin ni Mariella si Arruba? Agad akong lumakad papunta sa kanila at sinasadya kong tabigin ang baso. Naging dahilan iyon para malaglag sa sahig ang baso at mabasag.

"Fuck!" Mariella said. Napatayo naman si Arruba.

"Sorry. Hindi ko sadya." Wika ko. Walang abog na hinatak ko ang kamay ni Mariella paalis doon. Nagtatakang nakatingin sa amin si Arruba pero hindi na ako kumibo. Umakyat kami sa itaas - sa kwarto naming ni Azul. Ini-lock ko ang pintuan at isinara ang mga bintana - saka ko siya hinarap.

"Naloloka ka na ba? Nakita kita! Lalasunin mo siya! Hindi ka ba nag-iisip? Bakit mo sasayangin ang buhay mo sa pagpatay sa kanya?"

"Oy! 'Wag kang judgmental! Hindi ko siya papatayin! Pupurgahin ko lang siya nang mahirapan naman siya sa buhay niya kahit paano! Ang siste kasi, palagi siyang nakaupo sa tasa. Lahat madali sa kanya, eh sa akin? Nakikiamot na lang ako ng pagmamahal, wala pang maibigay sa akin!"

Hugot. Iyon ang una kong naisip. Tiningnan ko si Mariella. Mukhang malalim ang sugat sa puso niya. She sighed. Lumakad siya papunta sa teresa ng silid at saka binuksan ang pintuan niyon. Kumuha siya ng sigarilyo - Marlboro Blue - at saka hinithit na parang zest-o lang. Naintriga na ako kaya nilapitan ko na siya.

"Kaano-ano ka ba ni KD? Wala kasi akong pakialam sa kanya dahil nakakabiwisit siya -"

"I feel you! Nakakabwisit siya diba?" Nanlalaki pa ang mga mata niya. "Wala siyang alam kundi Arruba, Arruba, Arruba! Kundi si Arruba si Gianna Consunji. Kaya ko ngang bilangin kung ilang Arruba ang sinasabi niya kapag nagse-sex kaming dalawa! Ang masama, ako ang kasama niya, sa akin siya nakapatong pero si Arruba ang tinatawag niya. Minsan, sabi ko takpan niya ang mukha ko ng unan at saka kantutin niya ako at Arruba ang sabihin niya - na ginawa naman niya. Ewan, masokista nga ata ako. Wala pa man pero kota na ako sa sakit - ang masama - hindi pa ako nadadala."

Napanganga ako. Wala pa akong masyadong tinatanong sa kanya pero heto siya at halos sabihin na niya sa akin ang kalahati ng kwento ng buhay niya kasama ang King David na iyon. Hindi ko maintindihan kung bakit interesado ako. Umiral na naman ang pagiging tsismosa ko. Naubos na niya ang dalawang stick ng sigarilyo at umisa pa siya. She looked at me.

"Buti ka pa. Okay kayo ni Mr. Azul. Mabait siya ano? Palagi ko kasing naririnig si David na ikinukwento ang mga kaibigan niya. I would really love to fit in their world but that spot beside him is for Arruba only." She sighed. Hindi pa man din ako nakakahuma ay sinabayan na niya ng pagsinghot ang paghithit. Umiiyak siya.