ZBS 4: Green Bee's Longing Touch (COMPLETED)

Chapter One

Chapter One

            NAPALUNOK siya habang nakatingin sa malaking screen na nasa harapan niya, ang kanyang mga kaibigan naman ay nagsiupuan na sa sahig habang siya ay naka-upo sa upuan na yari sa plastic. Siya lang ang nakaupo sa upuan habang iyong iba ay kung anu-anong pwesto na, hindi niya alam kung paano siya makakaalis sa lugar na iyon.

            "No!" sigaw niya ng isalang na ni Hexel ang tape sa dvd player, lumingon ito sa kanya saka ngumisi at kumindat pa. "Parang awa niyo na huwag iyan!" sigaw niya. Tinawanan lang siya ng kanyang mga kaibigan.

            "Eh di alisin mo sa DVD player," pangungunsume pa ni Monique sa kanya na nakangisi na parang aso habang nakatingin sa kanya. Kumuha pa ito ng pop corn at saka ibinato sa kanya at sa kasamaang palad ay hindi siya nakaiwas. Paano pa siya makakaiwas kung nakatali siya sa silyang inuupuan niya. Unfortunately, nakatulog siya habang hinihintay ang mga ito at siya iyong klase ng taong nakakatulog agad kapag naupo na at pagkagising niya ay itinali na naman siya ng mga ito.

            "Kapag ako nakaalis dito sa tali kukurutin ko kayo sa singit at hihilahin koi yang panty niyo at isasangag ko kahit nakakadiri at ipapakain ko sa inyo!" sigaw niya. "Tulong mga kapitbahay itinali ako ng mga rapist dito."

            "Kung ikaw nalang ang rereypin namin huwag na oy, hindi ka masarap gahasain." Si Zyrene na binato siya ng french fries. "Buka mo ang bibig mo para makakain ka." At iyon nga ang ginawa niya at binato siya ng french fries na nakain naman niya. Ngumuya siya tapos ay ngumawa ulit ng full volume na ang stereo at nagsimula na ang Korean horror movie na hindi pa niya alam ang title pero kapag Asian horror ay talagang nakakatakot, ilang beses na siyang nakapanood ng mga horror movies courtesy of her best of friends, nanonood lang naman sila ng mga horror kapag nakatali siya.

            "Manahimik ka nga ang ingay mo manonood na kami." Sita ni Karylle sa kanya.

            "Bakit ba kasi iyan ang pinapanood niyo manood nalang tayo ng something cute like Barbie?" she tried to struggle pero talagang mahigpit ang pagkakatali sa kanya. "Karylle bakit ba ang higpit mong magtali?"

            "Magpupulis ako eh kailangan kong magpractice magtali ng mga criminal para sa investigation."

            "Buwisit ka! Hindi ako criminal."

            "Anong hindi? Kinuhanan mo kami ng pictures na nakatwo piece at ibenenta mo sa mga classmates mo, bawal iyon!"

            Sumimangot siya, "Hindi ko kayo ibenenta ano ba, ano lang iyon sharing your friend's beauty and sexy body."

            Binato siya ng mga ito ng kung anu-ano, nanlaki ang kanyang mga mata ng matingnan si Monica na may hawak ng remote at iyon ang ibabato sa kanya.

            "Monica kapag iyan nasaktan ako ibebenta ko rin iyong natutulog ka." Aniya dito, tahimik lang ito pero iba ang lakas ng kaibigan nila. Kaya nitong magbuhat ng mabibigat na bagay kahit na sobrang liit ng katawan nito.

            "Pakawalan niyo na ako dito!" sigaw niya ulit ng biglang lumakas ang suspense music mula sa stereo. Naiiyak na siya matatakutin talaga siya at mabilis siyang matakot kaya music pa lang ay naiihi na siya sa salawal niya. "Promise hindi na ako magbebenta ng mga pictures ng walang pahintulot niyo. Hexel babes, sorry na." muli itong lumingon sa kanya tapos ay ngumit ng pagkatamis-tamis.

            "Girls." Anito sa mga kaibigan nila. "Patawarin na natin si Diana Rose."

            Nakahinga naman siya ng maayos sa sinabi nito. Tumayo na ang mga ito at akala niya ay papakawalan na siya ng mga ito kaya lang ay biglang nagsipulasan palabas ng silid na iyon ang mga ito.