Para sa aking magiging Binibini Nandirito akong muli Umaasang sa pamamagitan ng aking tula ikaw ay mabighani Masisilayan ang iyong mga ngiti na tila bahaghari Katulad nito, nais ko ring bigyang kulay ang iyong mundo Lalo na kapag umuulan na sumisimbolo ng mga luha mo Sa pagtila ng ulan Bahaghari, ang iyong magiging hari, ako, ang iyong matatagpuan Sa kulay na pulang tila dugo Hindi ko hahayaang masugatan ang puso mo Sa kulay na kahel Ako ang gagabay sa iyo na ani mo'y isang anghel Sa kulay na dilaw Ipararamdam kong ika'y mahal sa araw-araw Sa kulay na berde Ipahahatid ko sa iyong ika'y marikit kahit walang arte Sa kulay na asul Atensiyon ko'y sa'yo lang ipupukol Sa kulay na indigo Pag-ibig ko sa'yo ay hindi magbabago Sa kulay na lila Kakantahan ka kahit pa tinig ko'y hindi nakapanghahalina Sa makulay na bahaghari Pagmamahal ko sa iyo ang maghahari - Isang Ginoong makata na nagnanais ng tunay at walang hanggang pagmamahal, araw-araw gumagawa ng tula at nagdarasal na matagpuan na niya. Bilang isang makata ay napaka-hopeless romantic niya. Naniniwala sa fairy tale at naghahangad na maranasan iyon. Kung pagbibigyan sila ng tadhana, hanggang kailan kaya? Katulad sa ulan na sumisimbolo ng kapighatian, makakamit kaya nila ang grasya ng bahagharing nagpapahatid ng kasiyahan?
18 parts