Walang kinikilalang love interest si Elise kung hindi ang kanyang pinakamamahal na laptop at computers. Kung pwede lang pakasalan iyon ay pinakasalan na niya. Kuntento at masaya na sana siya sa buhay niya sa tuwing nakakalaro ng computer games at nakakapag-program ng mga laro at websites-nang muling dumating si Ivo sa buhay niya. Ito lang naman ang kauna-unahang lalaki sa buhay niya. Wala silang naging relasyon. Nagising na lang siya isang umaga na katabi ito sa kama. Matagal na sana niyang ibinaon sa limot iyon pero heto ito at ipinapaalalang muli sa kanya ang lahat. Ang pagkakaiba nga lang ngayon, hindi na niya ito basta-basta malalayasan dahil palagi na itong nakabuntot sa kanya at nanggugulo sa tahimik nilang buhay ng mga computers niya. Ano na naman kayang sakit sa ulo ang hatid sa kanya ng binata?