📖 روايـــــــــــــة ✍🏼
{ كئيب الليل ياطفلة يغيب الكل لا غبتي }
طلت وهي تشوف عزام شايل رعد ويرميه فوق وهو يضحك ابتسمت على اشكالهم وشافت عزام يدخل الغرفه قامت ولبست وطلعت وراحت لحور في المطبخ تساعدها بعد شوي جاء عزام
عزام: حور
حور: هلا
عزام : دوري لي اي شي اكله عشان اناام عجزت انام من الجوع
نور التفت : وانت ليش ماتجي تسوي ما تشوفها مشغوله
عزام : وش انتي شتبيين اكلم اختي انا
نور: اي اختك مشغوله
عزام: نور لفي لشغلك ومالك شغل وش رايك اجل انتي اللي بتسوينه
نور: شكلك نايم جد وتحلم
عزام : معك خمس دقايق اي شي يجي والا والله ي نور تندمين
نور : معصي
عزام: تتحدين هاه
نور: ايه
عزام: زين اجل لا تزعلين
راح عزام وهو يبتسم بخبث طلع برا وهو يتلفت شاف جراده كبيره ابتسم واخذ منديل وشالها فيه ودخل وهو ناوي عليها
دخل المطبخ وهو يقول :جهز ولا
نور: لا
عزام دخل بشويش وصرخت حور :لاااا
نور التفت بسرعه وشافت اللي بيده وصرخت : يمه لا عزام لا ما اتفقنا كذا لا ي خاله
عزام :هههههه اجل تتحدين ولا انتي مسويه ولا حور
نور: عزام بعدها تكفى الله يخليك لاااااا
عزام: معك حل واحد اللي هو انك تجهزين الاكل والا والله والله احطها عليك
نور: مابي عزام مابي بعد مالي شغل تنجاز انت واختك بس وخر
عزام: لا لا انتي تسوين ... قربها منها
نور لزقت بالجدار:لااااااااااااا ي خاله
ام عزام جات تركض: عزام شتسوي ابعد عنها
عزام: يمه ابعدي تكفين
نور: خاله الله يخليك خليه يبعد
ام عزام: عزام ابعد عنها
عزام لف لامه وهو يغمز لها يعني مابحطها بس بخوفها: يمه حلفتك بالله تبعدين عنها
نور: عزام والله بالزعل والله
عزام: هيا خلصي صلحي اي شي وصلحيه زين موب يسد النفس بسرعه
نور عمرها ماسوت لاحد شي وعمر محد اجبرها حتى ترفع كوب وكان يمديها تعاند وبألف طريقه يمديها تتخلص من عزام بس شي في نفسها خلاها تسويه بس تتحلطم وعزام واقف بعيد شوي معاه الجراده خلصت بعد ما حطت شوية اكل وعطته
نور: خذ
عزام: حطيه برا
رعد كان حنب ابوه ويصفق ويضحك: بابا حطها عليها
نور: ماشاء الله وانت بعد
عزام: انتي الملقوفه تستاهلين
نور نزلت الصينيه :خلاص بعدها
عزام رمى الجراده وراح يغسل وهو يضحك عليها وهي راحت تتحلطم وحور وام عزام منصدمين من عزام عمره ما مزح كذا مع اي احد وكانوا ساكتين ويراقبون ....
٠
٠
عند ضاري اللي كان يتقلب بفراشه عجز ينام وهو يتذكر شكل نور (حضك ي عزام عندك ذا الزين ومطنش )
دخلت ريما عليه وشافته صاحي : ضاري ما نمت
ضاري جلس : لا
ريما : ليش غريبه عاد انت نوام
ضاري : ولا شي كذا
ريما: عيني بعينك اشوف
ضاري : مسويه قافطه انتي ووجهك
ريما : وش مسوي اعترف انت اذا جلست صاحي ما نمت اكيد مسوي شي
ضاري :ماني مسوي شي ليه الانسان مايجيه ارق
ريما: بعد هالكلام اقطع يدي اذا ما انت مسوي شي
ضاري : اقول قومي بس روحي خليني انام
ريما : صرف صرف
ضاري صد وهو يغطي راسه ويبتسم ( والله مدري لو هالنور اخذت قلبي)
طلعت ريما وهي متأكده انه في شي
....
عند سمر وغلا كانو جالسين يسولفون
غلا: والله اشتقت لنور الدنيا هاجده بدونها
سمر: من جد احس اني اكتأبت نفسي اهرب زيها
غلا: انجنيتي اجلسي بس
سميه : سلااام
غلا: اهلين تعالي اخيرا افتكيتي من الكتب
سميه: لابس قلت اخذ بريك
سمر: ادعس يالبريك تعالي بس ذبحتي عمرك بكره بتعقدين يزن
سميه:اووووف لا تذكريني بيزن مالي خلق احس بموت إذا تذكرت
غلا: بلا استهبال انتي شفيه يزن
سمر: من جد حرام عليك وبعدين هو دعم اخواته قبلك اكيد بيدعمك
سميه: ي ناس افهمو هم اخواته وانا بصير زوجته وبكره بدخل في سين وجيم وعيال زوج ومتطلبات وبنشغل عن حياتي ودراستي
غلا : سميه شيلي من بالك وانتبهي ليزن تراه من جد ما يتعوض ما بيسبب لك قلق واحمدي ربي انك بتتزوجينه وجربي ترفضيه لين جدي يزوجك اخس منه
سمر: ع الاقل يزن فاهم ورايق وعاقل ولما طلبتي منه انه يفركش الزواج ماقصر بس جدي هدده فهذا اكبر دليل انه مابيغصبك على شي
سميه: اووش انتي وهي خلوني على تفكيري لا تغيروني
سمر: نصيحه لا تضعينه من يدك ترا قلبه ابيض وبيفهمك لو شرحتي له
غلا: جربي تشرحين وتعطينه فرصه يشرح هو بعد
سميه قامت وهي ماتبي تسمع ماتبي تحب يزن ما تبي كل ذا
...
عند طلال اللي كان مستمر ويدور على ابوه رجع البيت وحصل نور وحور جالسين بالحوش ويسولفون
طلال: شعندها نور من كذب بعد
نور: انت مو وجه احد يسولف لك
طلال: هيا شوفيني جاي من بدري عشان اسمع كذبك
ام عزام طلعت من الغرفه : طلال عيب عليك
نور: معليش ي خاله بس عيالك الله يعينك عليهم
طلال: لا يكون تبيني احترمك
نور: المفروض
طلال: هههههه ضحكتيني ي حليلك
حور: طلال نبي اغراض من البقاله روح جيبها ..