روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثالث والثلاثون

يزن: ما علينا المهم شسويت مع غلا
تركي : ابد جالسين نجهز لزواج يعني تقدر تقول ماشين صح
يزن: الله يوفقكم
تركي : امين ويكتب لك نصيب احسن
ابتسم يزن وهو يرجع للابتوبه .....
.
.
عند عزام كان جالس بالغرفه اللي ينام فيها عجز ينام يحاول يحصل حل ثاني يبعد نور عن الخطر عدل جلسته وجلس بجنب الشباك والتفت على صوت الاغاني ناظر لغرفة البنات وكان شباك غرفتهم مردود شوي دقق وشاف نور ترفع الصوت المسجله بأستهبال بدت ترقص على الاغنيه وهي تستهبل على حور وام عزام ابتسم وهو يشوف حركاتها صد وهو يقول : طلعتك من البيت ي نور هالبيت
رجع يلتفت وهو يشوفها تبدل بين الاغاني وكل اغنيه ترقص عليها وتستهبل وعايشه جوها ابتعد وانسدح بتعب وهو حاير فعلا مايدري وش يسوي غمض عيونه وهو يتمنى يفتح عيونه ويحصل كل شي انتهى خلاااااص
.....

عند ابو ماجد اللي كان جالس ورا مكتبه في بيته وهو ساند راسه على الكرسي رجعت به ذاكرته لاشياء ندم عليها حيل غمض عيونه بقوه وخانته دمعته اللي نزلت على وجهه التعبان اللي كله شيب قطع عليه دخول الخادمه : طال عمرك ابو تركي يبيك عند الباب
ابو ماجد صد وهو يمسح دموعه: خله يدخل
دخل ابو تركي : سلام عليكم
ابو ماجد وقف وهو يتوجه له : اهلااا ي فادي شخبارك
ابو تركي : الحمدلله انت شمسوي
ابو ماجد : عايش كيفك كيف عيالك انت
ابو تركي : يسلمون عليك ولكنك قاطع الكل مايصير كذا ي سعود
ابو ماجد : وش بيدي ي فادي كيف تبيني اجلس واناظر النااس
ابو تركي : سعوود اللي صار صار وانتهى وانت مابيدك شي تسويه انسى وارجع لحياتك وانتبه لولدك كفايه ضياع كفايه ماجد ماله ذنب جرب انك. تداريه وتحتويه
ابو ماجد : انا من يحتويني من يداريني كيف تبي اداري ماجد قولي ي فادي فاقد الشي لا يعطيه
ابو تركي : لا حول ولا قوة الا بالله بس ي سعود لا تعيد غلطك مره ثانيه وتضيع ولدك
قام ابو تركي وطلع وترك ابو ماجد اللي مشتت ولا هو عارف وش يسوي
....

من بكره الصبح طلع عزام وهو لابس ولا كان في مزاجه ابد وقف وهو يلبس جاكيته شاف امه طالعه: عزام يمه رايح
عزام: ايه يمه
ام عزام: تعال قبل شوف رعد تعبان
عزام بفجعه: وش فيه
نور من ورا : لا تخاف شوية سخونه
عزام : وينه
نور: هذا هو
دخل عزام وقرب من رعد حط يده على جبينه وشافه مسخن : شوية حراره ايش هذا يحترق
وقف عزام وهو حامل رعد اخذه للحمام وابتداء يروشه غمض لما انتشرت بالمكان ريحة عطر نور اللي كان بملابس رعد لفه بالمنشفه ورجع للغرفه وهو يساعده يلبس عشان يوديه للمستشفى معاه خلص وحمله وطلع من الغرفه وهو يرفع جواله ويدق على ضاري يجي سريع سكر وهو يناظر نور اللي واقفه وباين انها خايفه على رعد صد وهو يسمع ضاري يدق الباب طلع
ضاري : شفييييه رعد
عزام: شوي مسخن وباخذه المستشفى
ضاري : زين يلا
ركبوا وعزام كان ماسك رعد بحضنه وساكت تكلم ضاري : ماغيرت رايك
رد عزام: ما لقيت حل ( بمعنى اني ما بغير راايي)
ضاري :عزام الله يخليك شوية وقت صدقني بتحصل حل
عزام كان ساكت وهو يسمع اقتراحات ضاري اللي كلها ما تودي لسبيل وصلوا المستشفى ونزل عزام وهو حامل رعد بين يدينه ويمشي وضاري وراه ويترجاه يغير اللي في باله التفت عزام وقف قبال ضاري : ابي افهم وش هالاصرار على نور وش مخليك تركض وراي من الصبح عشان ما خليها تروح ممكن تبرر
ضاري انصدم وغمض وهو يقول : عزام بعيد عن كل شي انت شايف تركي ويزن ما بيخلونها حيييه
عزام: وانت شعليك اهلها وهم حرين فيها ذبحوها علقوها شنقوها مالك شغل معليش ي ضاري هذا كثير نور طيبه نور مرحه نور سوت شي كثير غيرت فينا كثير بس هذا ما يعني إنا نصير أنانيين وش دراك لو امها منجلطه والا احد ماينام اللي عشانها ضاري اصحى نور ماهي منا سامع
تركه عزام ودخل للمستشفى وضاري باقي واقف مثل اللوح تحرك وهو مصر يوقف عزااام ولا يسوي اللي براسه
....

اما عزام اللي دخل الطوارئ ودخل رعد قسم الاطفال وهو معه وبعد ما خفضوا حرارته وتأكدوا انه كويس طلع عزام ومعه رعد شاف هاله من بعيد تناظره ابتسم بالغصب واتجه لها وهو مغبون بس ماله الا هالحل
هاله ماصدقت انه ابتسم لها وانجلطت لما شافته اقبل عليها وقفت ببلاهه وهي تناظره وهو والولد اللي بيده
عزام: سلاام
هاله :عليكم السلام
عزام: كيفك
هاله :هاه
عزام ابتسم وهو يحاول يخلص من ذا البلا : هاله اسالك كيفك
هاله: تمام وانت
عزام : بخير دامك هنا
هاله استغربت وابتسم عزام لما حس انه صدمها وقال: اسمعيني ارسلي لي عنوانك رساله واتجهزي الليل للكتب الكتاب والا ماودك
هاله : ايييش ..