روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت السابع والستون

ابتسم عزام وهو يخبط على كتف ثامر
تركي : انا تركي اذا ما عرفتني اصير طبيب مع عزام وبنفس الوقت ... تردد وبعدين قال: وولد عمه
ثامر ابتسم له : تشرفت انا ثامر صاحبه من زمان بس ننشغل عن بعض بالظروف
تركي : تشرفت فيك
وصلوا شقة ثامر ونزلوا وابتداء ثامر يطلع كل شي جابه وابتداء يدخل الشفرات وتركي وعزام جالسين تركي التفت على عزام وقال : عزام ابشرك قريب بترجع لوظيفتك
عزام التفت بصدمه: ايش
تركي : مسكنا دليل على المدير انه اخذ رشوه من جدي واخذنا ايصال التحويل بين حساباتهم واخذناها لشرطه وتوه يزن قال جابو المدير وباقي جدي طالع بطريقه
عزام فز وهو فرحان : بذمتك ي تركي
تركي : وربي وازود عليك اقل عقوبه غرامه مليون ريال وسجن ١٠ سنين او وحده منها والمدير مو قادر على المليون واذا قدر بينفصل من منصبه هذا اقل شي يصير فيه
عزام ضم تركي وهو فرحان فرحه مو طبيعيه: مدري وش اقول ي تركي مدري وش اقول
تركي ابتسم وقال: هذا اقل شي نسويه عشانك انت مو بس انقذت نور انت سويت اشياء كثيره احنا نعجز عنها عزام يعلم الله اني حبيتك من اول ماشفتك حسيت كذا انتمي لك وسبحان مجمع الاقدار
عزام ما قدر يعبر عن اي شي غير انه قرب لتركي يضمه حيل وهو فعلا يحس انه ينتمي له
ثامر ابتسم وهو يقول : مو وقت الانتماء العائلي تعالوا شوفوا وش لقيت
فزوا له كلهم وابتدوا يشوفون المستندات اللي كلها تودي الجد في سته وستين داهيه تركي كان مصدوم لدرجه مو طبيعيه مو معقوله جده سوا كل هذا ( قتل _ نصب واحتيال _ تزوير _ رشوه _ اختطاف _اسلحه _مخدرات _غسل اموال _ مسكرات)
عزام كان متوقع يحصل جريمه جريمتين بس تفاجأ بكل هذا وثامر بعد
عزام يجلس وهو يقول : مو لذا الدرجه
تركي : مو معقوله كل هذا
ثامر: لو يطلع بس ملفين ينتهي جابر الجابر
عزام: هذا واحنا باقي ماطلعنا من حدود الشركه ولا رحنا لمستنداته الخاصه
تركي : فعلا جابر الجابر انتهى بس عزام انتبه لا تورط احد معه
عزام: والله وطحت ولا احد سمى عليك
تركي :انا بتصل على يزن نشوف شصار فيه
عزام كان بيتكلم بس قطع عليه اتصال هاله : نععععم
هاله : عزام اب
عزام قطع عليها بصراخ : اقطعي ماني فاضي لك
سكر في وجهها وطلع وهو يقول : عندي شغله اخلصها وارجع لك
تركي اشر اوك وهو يكلم يزن
٠٠٠٠

عند يزن كان واقف وهو يسمع التحقيقات مع المدير اللي غرموه مليون غير المحاكمة قرب منه وقال : وش كان بيصير لو كنت امين وحقاني وش كان بيصير لو ظليت على المال الحلال ولا وصخت نفسك قول وش كان بيصير دائماً نهاية كل حرام كذا فضيحة بالدنيا غير حساب الآخرة عند أرحم الراحمين ..
قطع عليهم دخول جابر اللي كان له هيبه مخيفه التفت يزن وهو يبتسم له وانصدم الجد لما شاف المدير ويزن بس تقدم بثقه وجلس وهو يقول : نعم اقدر افهم ليش استدعيتوني
الضابط وقف وهو يقول : معليش بهز برستيجك شوي ي جابر الجابر عندنا ادله تثبت انك راشي اعطيت سلمان الماجد مبلغ مليون ريال مقابل انه يفصل الدكتور عزام سعود جابر الجابر والسبب مشاكل شخصيه بينكم
الجد بثقه: وعلى اي اساس انت تحكم علي بهذا الحكم
الضابط رمى الاوراق قباله: هاذي ايصالات على تحويلك مليون ريال لحسابه وهذا تسجييل صوتي لمكالمة المدير وهذا تسجيل صوتي ثاني بصوتك وصوته
قرب يزن وشغل الصوت وارتفع التسجيل اللي صدم الجد وقف وهو يقول : هذا كله كذب وافتراء
يزن: معليش ي جدي معاد يمديك للكذب سلمان اعترف
كانت الصدمه واضحه على وجهه الجد بس تدارك امره وحاول يطلع نفسه من الموضوع وقدر يدخل واسطات وطلع بغرامة مليون وسقط عنه السجن اما المدير راح فيها خسر وظيفته وتغرم وانسجن طلع يزن وهو يشوف نظرات جده الحاقده ركب سيارته وراح وهو مسبوط واخذ الاوراق اللي فيها تثبيت عزام مع زياده الراتب معاه
٠٠٠٠٠

عند عزام اللي راح شقة هاله رفس الباب ودخل شافها جالسه وتبكي وقف وقربت لعزام بس دفها وهو يشد شعرها : تحملتك كثير لكن ألين هنا وبس ما راح احاسبك على كل اللي راح وبخليك تدرين ليش عشان ضاري في الموضوع بس والا انتي حشره رماها وقال :انتي طالق طالق طالق
وطلع وتركها وهو فعلا عشان ضاري ماسوى اي شي واصلا مو فاضي لها بيفكر كيف ينتقم من جابر من دون مايضر احد تركها اخذ تاكسي وراح لشقة ثامر وصل مع يزن قرب عزام ليزن وضمه : مشكور على كل اللي سويتوه معروفكم بشيله برقبتي
يزن : لا تقول كذا انت مغرقنا بفضلك هذا جزء بسيط وفي النهايه احنا اخوان
عزام شد عليه وابتعد وقال: وش صار معك
يزن: تعال تعال ندخل واقولكم كل اللي صار
عزام : يلا ..