روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت(44)

على الساعه ٢ رجع عزام البيت دخل وراح لامه باس راسها والتفت على رعد يضمه وهو يكلم نور: نور هاه كيف الغداء اليوم عساه ما احترق لاني جوعان عاد اذا احترق بطبخك بداله ( عزام ماكان جوعان بس مايبيها تحس بالضعف ويفهمها الوضع عادي )
نور فهمت ان عزام يبيها تتطمن ابتسمت وهي تقول : الغدا خلص من زماان ويجنن ومزبوط لكن على كلامك هذا لو تذوب جوع مافيه غدا
عزام وقف : وشو على كيفك بتذبحيني
نور : الكلام وصلك ياليت ما تزعجني
ابتسم عزام ورمى عليها الجاكيت : مالت مابي غداك اصلا اتسمم احسن لي
نور : ااااااااي عساك الحنش ي دب نشوف ي عزام اذا تتغدا او لا ...... رجعت رمت عليه التكايه ومسكه عزام قبل يوصله ورجع لها وخبطها في راسها واتعبى البيت من صراخ نور وضحك عزام اللي على طول دخل الحمام عشان ما ترد له .
٠٠٠٠

عند يزن وتركي قاله تركي كل اللي صار معه
يزن: اكيد انه انجن وش التحدي بالموضوع وش فيه الخبل هذاك ترى ما نشحذه احنا بينطم ويسكت على باله هو قد جدي حاله والله
تركي : يزن لا تخلي ضغوطك تجننك عزام ما قصر معنا والرجال معه حق
يزن: اييه جزاه الله خير بس هو اللي بيخرب كل شي سوااااه انهبل بعقله ي نااس هذا اللي يقاله صام صام وافطر على بصله
تركي : مافيه الا اني اقنعه انا اعتذرنا وفهمنا الرجال الحكي وقبل هذا هو
يزن : اتمنى يفهم
٠٠٠٠

عند نور اللي كانت تتحلطم وتجهز الغدا سمعت باب الحمام انفتح وركضت اخذت القدر اللي هي مجهزته وكان عباره عن ( فكس وزييت دابر املا وخل ) خلطه من راسها عشان تكبها على عزام خصوصا انه تو تروش لفت بسرعه وهووووب كبت عليه الخلطه وركضت وهي تسمع صراخ عزام واتخبت ورا ام عزام
عزام وهو مغمض ومسكر خشمه عن الريحه : نووووووووووور
نور وهي تضحك: ايوه مايحتاج الحين اتوقع انسدت نفسك خلقه
عزام : حور تعالي غسلي لي وجهي بشوف
حور : معليش قرف
الكل رفض يغسله وصرخ وهو يقول : طييييييييب
صار يتخبط ليما وصل المغسله وغسل وجهه بس باقي ملبد على وجهه : نور ولله اوريك طيب
بالقوه غسل وهو متقرف ويسمع صوت نور وضحكها
بعد عنااء قدر ينظف نفسه بس باقي الريحه
عزام : طيب ي نور مردوده وربي واخس انتي اللي بديتي لا تزعلين
نور : تعال تعال ادحر الشيطان وتغدا مسموح خلاص
عزام : طيييب طييييب
اول ما جلس صرخت حور: وعوووه ي ريحتك عزاام دخيلك شوف لك حل
بعدت حور وجلست بعيد وام عزام بعدت شوي عزام: حتى انتي يمه
نور: هههههههه والله قويه ي دكتور
عزام : انتي انطمي اوريك
نور :ههههههه يلعن ام السعاده ي شيخ
عزام التفت على ضحكة رعد اللي يضحك على شكله وهو جالس بعيد عشان ريحة عزام : رعيد تضحك على ابوك طيب
صاروا يضحكون على ضحكة رعد اكثر من ضحكهم على شكل عزام اللي جالس بعيد عنهم وهو يتحلف ويتوعد في نور
٠٠٠٠

بعد المغرب عند يزن اللي قرر يروح لعزام ويشوف نور لبس وجهز وطلع واخذ جواله لما شاف فتحي واتعمد انه يمر من جنبه رفع صوته وهو يقول : هلاا ي الحبيب كيفك شتسوي اسمع جايك بتقهوى عندك صراحه جلسة بيتكم ما تتفوت وطبخ امك بعد هههههه ي رجل انا نسيت المطاعم صرت احب اجلس بحوشكم يلا جاي فمان الله (سوى كذا عشان يبين له انه صاحبه ورايح له عادي )
ركب سيارته وراح وشاف فتحي وراه نزل بأقرب محل حلويات وقش منه وراح السوبر ماركت وبعد قش ورجع وكأنه رايح فعلا لأصحابه وصل وقف قريب من الباب ونزل دق الباب وهو يجهز الاغراض وينزلها فتح عزام : يزن
يزن همس له: اضحك ورانا ناس تراقب
عزام بنظره قويه: مايهموني
يزن : ماتبي تدخلني
عزام: دقيقه اشوف لك درب
بعد شوي رجع عزام وهو يقول : تفضل
دخل يزن وهو يناظر البيت اللي حالته مزريه حس بيزن يضرب على كتفه : معليش طال عمرك بيتنا مو قد المقام
يزن التفت بأستغراب : انت ليش متحامل علي
عزام : ماني متحامل اقول الصدق المهم تفضل
دخلوا المجلس اللي بالعاده ينامون فيه طلال وعزام جلسوا وراح عزام يجيب القهوه كان يزن يناظر بالبيت اللي على حالته الكسيفه نظافته واضحه وريحته حلوه وكلها بخور قطع عليه دخول عزام اللي جاي بقهوته معاه ونزلها وابتدا يصبها
يزن تكلم بأحراج : عزام الاغراض اللي جبتها ترا لكم
عزام رفع عينه وهو منزل راسه اتكى بيده على رجله اللي كان ناصبها وشبه جالس وهو يصب القهوه : جزاك الله خير ما تقصر بس مو محتاجين صدقات اقدر ادلك على ناس محتاجين فعلا
يزن انصعق من كلامه : عزام تعوذ من ابليس ماجبتها صدقه جبتها نتقهوى عليها
عزام : اوك ..