روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثاني والثلاثون

عزام: ضاري انا مستحيل اتحمل هذا الحال مستحيل عجزت مصايبي ما تخلص وكملتها نور وش اسوي بنفسي انا وش اسوي بنفسي هم اهلها طال الزمن او قصر بترجع لهم فالنهايه يعني احنا مجرد سبيل بعد ما تزين اوضاعها بتضربنا بالجدار وتمشي
ضاري : صاحي انت بعقلك لا مستحيل عزام عزااام ناظرني انت ما تدري وش تقول اصلا انت شايف كيف تصرفاتهم انت كذا بتطير روحك وكل شي معك وحتى نور ي عزاام اسمعني انت الحين حل مشكلة هاله واركد وفكر زين بعدين صدقني بتسوي شي تندم علييه ي عزااام
عزام : لا تحاول تغيير رايي مستحيل
ضاري : طيب دامك ماتبيها في بيتكم وصرت تخاف من وجودها خلها تجي عندنا في بيتنا وتعيش معنا
عزام التفت : نععععم
ضاري : اتكلم جد انا
عزام: لا انجنيت انت اقول شيل الفكره من بالك
ضاري : وش اللي يمنع
عزام: ضاري لا تنسى إنا كلنا مراقبين عندي والا عندك نفس الحال
ضاري: طيب ي عزام ي حبيبي تكفى تكفى الحل هذا لا لا
عزام: عطني حل افضل وابشر
ضاري : اسمع بنجلس بهدوء ونتكلم انت بس هد
عزام وقف : ماعاد فيها هداوه انا بكره بحل كل هالبلاوي اذا لقيت حل تعال
ضاري وقف وهو يمسكه: عزااام بالله عليك لا تسوي اي شي تندم عليه عزام سوي اللي تبي في موضوع هاله بس نور لا
عزام: قلت لك ما راح تغير بالي وجيب لي رعد برجع البيت
ضاري : عزاااام
راح عزام وترك ضاري واقف مقهور من قراره الاهبل وتأكد انه فعلا بيفقد نور اما عزام كان مصر على رايه صح تعود على نور بس مكانها بين اهلها اخذ رعد وراح للبيت وصل حصل العشاء جاهز تعشى واكل وقام وهو يقول : رعد بابا خلص عشان ننام
رعد : بابا انت نام بنام عند عمه نور
عزام ( ياليل ي ذا النور): لا ي بابا بتنام معي ما وحشتك
رعد :  الا وحشتني بس انا ابغى انام مع عمه نور
عزام: لا ي رعد بتنام عندي كفايه عليك طول الايام
رعد : مابي بنام عندها
طلال: وش فيك عليه خليه ينام عندها
عزام: لا خلاص بلاش يتعود كثير ويزعج الادميه
نور تكلمت من الغرفه جوا : انت شدخلك اشتكيت لك انا وبعدين ياليت كل الناس مثل رعود
عزام ابتسم : ياخي بنام مع ولدي اشتقت له وش دخلك انتي
نور طلعت واللي مغطيه نفسها كليا بجلال الصلاه وتتكلم من خلف الجلال وشكلها يضحك وهي تقول : وش اللي وش دخلني خلاص مافيه ولدي هذا صار ولد قلبي يعني اقلب وجهك لو سمحت ولا تاخذه مني
عزام : ترا مره فليتيها انا اجيب وانا اربي وانتي تاخذين
نور : والله انت ماعندك حنان
عزام: هههههه ضحكتيني ي الحنان
نور : المهم لا يكثر ورعود بينام عندي تعال رعد
عزام: مافيه ينام عندك بينام عندي تعال ي رعد
رعد وقف بالنص وهو يطالعهم نور سحبته من يده وعزام رجع سحبه من يده الثانيه وكل واحد يسحب ويحلف انه ينام عنده
صرخت ام عزام: ي مال العافيه تركوه بينام عندي لا عندك ولا عندها
نور بزعل: لاااااا ي خاله انا تعودت عليه
عزام: يمه ولدي
ام عزام اخذت رعد : ابعد انت وهي.
راحت وتركتهم يناظرون بعض نور : عجبك .
عزام : انتي وش دخلك فيه
طلال: هوب لو سمحتوا ابعدوا بروح اغسل بعدين كملوا هواش
راح طلال يغسل وهم باقي يناظرون بعض بتحدي ولفت نور بسرعه يقالها بتقهر عزام بس .... صقعت في الباب وصرخت وهي تقول :عسااااك ي عزااام بالجن
عزام : جن اشتلوك
نور : استغفر الله ي نفسييه
عزام : خبله
نور : الله يدري مين الخبل
عزام: الحمدلله والشكر لله ما اعطى ولله ما اخذ ( يقصد ان ماعندها عقل)
نور: الحمدلله الف
تركها عزام وراح وهو يبتسم لانه نرفزها وضايق مايبي صوتها يختفي من بيتهم بس هذا اللي لازم يصير
نور راحت وهي ماسكه جبينها وتبتسم على لطافته اللي رغم العناد الا انها تخليها تبتسم ماكان عندها مانع ينام رعد عنده بس تحب تجاكره
....

اما ضاري اللي انقلب حاله وصار يدور مثل المجنون وخاف فعلا ان عزام يطبق اللي قاله هذا ماعمره قرر بشي ورجع جلس يفكر بحل يردع عزام فيه عن قراره الدايخ وهو مثل المقروص
...

اما عند يزن وتركي اللي كانو جالسين بشقة يزن الجديده جاء تركي وهو شايل بيده كوبين قهوه ونزلها وهو يقول : هاه وش لقيت
يزن: مدري ما عليه اي شي يخالف ماوراه اي شي اتوقع انه شي غريب صح
تركي : مو على اساس طلع سكنه واسمه وكل شي عنه من النفوس
يزن: باقي كلمت واحد اعرفه هناك وقال يومين ويرد لي
تركي : مدري ليش مصر وراء هالادمي
يزن : فيه شي احس وراه شي الرجل هذا احسه يشدني مدري ليش
تركي : ليه عزام مو ضاري
يزن : مدري عزام في عينه نظره اعرفها فيه شي يخليني افتش وراه وبعرفه قريب
تركي : والله غريب ..