روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الخامس والعشرون

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

ضمه طلال اللي ماكان وده الا انه يطلع من حبس عزام ولا عنده طريقه الا يوهم عزام انه بيستقيم صدقه عزام ووثق فيه من جديد
ام عزام: الحمدلله الله لايجيب المشاكل بينا
رعد : بابا ليش عمو يبكي
عزام: شوي تعبان ي بابا
رعد : وينها عمه نور
التفت عزام لامه وهو فاقد نور من يومين : يمه وينها نور
حور: نور من يومين ماطلعت من الغرفه ي نايمه ي ساكته وتقرا في هالكتاب اللي معها او تبكي
ام عزام: خذت حيلي حتى اكلها اللي جابته من البقاله ما اكلته
حور : عزام تراها كانت عاده نفسها وحده منا لكنك نبذتها بكلامك جرحتها وزعلتها لا تنسى ان نور حياتها غير عن حياتنا
انصدم عزام من اللي قالوه :كيف يعني من يومين ما اكلت شي
حور: عايشه على المويه وكل شي مالها نفس فيه
عزام :نعم
رعد : بابا عمه نور بس تبكي
وقف عزام ومسكته امه : وين
عزام: بروح اشوفها
ام عزام: عزام لا تزيدها على البنت
عزام: يمه بكلمها بس
قام عزام وراح طلال يبوس يد امه وينسدح بحضنها وهو يجاكر رعد اللي كان يطقه مايبيه يروح لجدته
اما عزام قام ودق الباب وهو يقول :نور
نور التفتت لباب وهي مصدومه ( وش يبي ) تجمعت دموعها بعينها اول ما سمعت صوته
عزام: نور صاحيه ردي علي
نور : وش بغيت
عزام حس بصوتها وغمض : ابي اكلمك ضروري
نور وقفت وهي تجيب عبايتها والنقاب ولبست وجلست وهي تناظر الارض ومنزله الطرحه على عيونها : ادخل
دخل عزام اللي اول ماشاف منظرها فهم ردة الفعل العنيفه منها فهم انه صعب يراضيها وابتسم وجلس : شفيك لك يومين ماطلعتي
نور ماردت عزام نزل راسه :نور اكلمك انا
نور برضوا ما ردت عزام : نووور
نور :.....
عزام : نور انا اكلمك اقل شي ردي
نور تكلمت وهي صوتها متقطع بكي : مو الاضافه ما ترد الكلام لك يالاصل
عزام غمض لما سمع نبرة صوتها عرف انها تحسست من هذا الامر عدل جلسته ورفع راسه : نور ناظريني وارفعي الغطاء هذا اقلقتيني فيه ( يقصد انها مغطيه مره )
نور: حجابي مايعجبك ولا له داعي ارفع قول اللي بتقوله وتوكل
ضحك عزام بخفيف وقال: ماتعرفين تزعلين وناظريني
نور طنشته ولا ناظرته قام عزام وقرب شوي وجلس وهمس لها من بعيد : نور
رفعت راسها نور لا شعورياً وهو مستغربه النبره والصوت الهادي ردت من دون ما تحس :نعم
عزام ابتسم وهو يقول : طيب شيلي الطرحه هاذي عشان اكلمك مضبوط
نور تنحت على نبرته والنظره والابتسامه سحبت الطرحه ونزلتها عن عيونها وهي تمسح دموعها
عزام : افا تبكين
نور ماردت ابتسم عزام وهو مو متعود عليها كذا قال بهمس : انا اسف طيب ماكان قصدي اسوي كل هالهليله بس انتي الله يهديك ترمين بنفسك ما تفكرين باللي بيصير فيك ما تفكرين في اي احد خايف عليك اللي براسك تسوينه ولا تاخذين نصيحه احد نور افهميني تكفين انتي امانه برقبتي مقدر افرط فيك او ارميك لتهلكه وانتي متجاهله ذا الشي يمكن اذا عصبت عليك في امر البقاله وهزأتك عشاني خايف عليك انتي ما تقدرين توصفين شعوري لما شفتك انتي ورعد والكلب هذاك يطاراد فيكم ويتحرش فيكم نور انتي ما تدرين انتي وش تعنين لي
رفعت نور راسها وهي منصدمه ( لا ي ربي معقوله اعني له مثل مايعني لي معقوله حبني مثل ما حبيته ي ربي قلبي بيوقف )
عزام :نور
نور : هلا
عزام: لا تحسبين نفسك رخيصه انتي مثل حور عندي انتي اختي اخاف عليك مثل حور لا عاد تسوين كذا ومن ناحيه اني قلت انت مجرد اضافه جت بوقت غضب وزعل انا اسف من جد ( وهاذي اول مره عزام يعتذر من احد )
نور انصدمت ما توقعت انها عنده مثل اخته انهارت احلامها معه حبته في فتره قصيره حبت كل شي فيه وفي النهايه يقول انتي مثل اختي
عزام استغرب هدوءها :نووور انا ما توقعت انك زعلتي كذا
نور عجزت تتكلم انصدمت
عزام اشر بيده وهو يبتسم : قلنا اسف ي بنت الناس شوفي ترا عمري ما اعتذرت من احد غيرك زين خلاص افرديها عشاني
ناظرت نور بصدمه وهي بتبكي خلاص ناظرت فيه وهو يبتسم بغمازاته الحلوه غمضت بقوه واخذت نفس وهي تسمعه يعتذر منها وقالت:حصل خير
عزام : لالا قومي معي الحين وكلي الاكل اللي جبتيه وجيبي الاونو نلعب ونستانس ما دام بكره ما عندي دوام نسهر ونفرفش شوي
نور استغربت طلبه بس قد ماستانست فيه الا انها زعلت ليته طلبها ذا الطلب وهو يحبها قامت وهي تبتسم وراحت معه طلعوا وعزام يبتسم: هيا جبت لكم نور
رعد نط: عمممه نووور
ضمته وهي تبتسم حور: مابغيتي تطلعين لو دارين قايلين لعزام يروح من زمان
طلال : زعلها يسد النفس
نور : اقول انت بالذات اسكت ولا تكلمني
طلال: خييير
نور: روح بس قال خير
طلال: شبلاها متحامله علي هاذي
حور: عشان ما جبت لها ذاك اليوم اغراضها
طلال: اعوذ بالله ي الحقد ..