#تحت_خط_الصفر
#بارت ١٨
#مريم_السعدي
يمان...
بيومها ماكنت مسافر لخاطرها بس
طلعت ادور على روحي بمكان بعيد عن اماكن التواصلت بيها وي جهالي وامهم ردت ارتاح وحدي ماريد احد يباوعلي ويسألني شونك شون صرت ويدري بالمريت بي ماريد يشفق عليه
ولا اريد يذكرني
ولا اريد احد يكول.. عمي زين منك عايش وتتنفس
ردت اكون انسان عادي فرصه الي ارتاح من عذابي انسى نفسي باكتشاف المكان الجديد الرايحله
وصلنا كانت صديقتها مهياه كلشي بإتفاق وياها
كانت متلهفه بس وصلنا ذبينا الجنط كالت
- ياغرفه تريد
- كيفج
- اريد ام البلكون اني حتى اقره بيها
- براحتج
جرت جنطتها وطبت واني هم طبيت فرغت الجنطه واندكت الباب مال شقه
طلعت اتصرف بثكل مستغرب كلشي ساعه اندم وساعه اتشجع
واردد تستاهل اوكفلها بلكن توكف بعينها
فتحت الباب طلعت صديقتها وزوجها جايبين اكل ومكيفه بيها.. زوجها تكول مصدك لكه احد وياه
لزمني ودك سوالف وتشجيع ويحجي عنه نفسه كال
- بغداد جنت مااشتغل هنا لكيت شغل حاير من ارجع شون
- ليش مرتك ياسنه
- سنه٢ بعد سنه تكمل
- ها الله يوفقها
باوعت لسنا وصديقتها سنا تسجل وذيج ترد وتدلي بيها وتوصف وتنطي ارقام تلفون ماعرف ايش
لليل يله طلعوا وتواعد ويايه باجر اروح وياه للشركه مال كولا حتى اقدم عالعمل ووافقت منطاني مجال حتى افكر اكلني حاصل فاصل
لليل راحو وفاتت سنا للحمام تسبح واني كاعد بالهول طلعت تنشف بشعرها
- سنا بارده لبسي
- لا زين الجو
باوعتلها وجهه وردي وشفافها متفحه ابتسمت مكدرت الزم نفسي
- شكو شبيك
- هاي شنو وجهج تفح
- اي جوهم يخبل باوعت للشباك وباوعتلي كالت
- تعرفت على احمد
- اي خوش ولد
- زين حتى متضوج
- امم
هزيت راسي اتأمل وجهه اني شون مكدرت احبها قبل يربي اصلا نسخه من عمتي دارت وجهه وشالت شعرها التفتت عليه كالت
- تبدل نطلع نتسوك كلشي ماعدي منضفات وزيت ومسواك جوانا سوبر ماركت
- كومي يله
- اكولك اني اجار البيت يجيني ويكفي
باوعتلها وجريت نفس
- الحجي كال وارد الكازينو يعني نسبتي توصلني
- لالا عليه
- واني شنو بله
- انت طلعت علمودي اني صح ردت تعبي يرجعلي لان انت اخرتني
تأشر ورافعه الحاجب تحجي
واني اباوعلها معاجبني ابد طريقه لهجتها
كملت كلام
- بس انت طالع علمودي
- علمودج شنو اني هم طلعت ردت ارتاح لو منقتنع تره مااطلع
- ميخالف كالتها ودارت وجهه خليني براحتي
- ماشي لعد اطلع ااجر بره
التفتت صافنه واني درت وجهي عنها البس بحذائي
سكتت مناقشت ولااني الناقشت
نزلنا للاسواق تسوكنا وتحاسبت وصعدنا بالمصعد كالت
المسواك عليك والاجار عليه
اممم باوعت عالباب ورديت
طبينا ترتب بالغراض واني وياها كل لحظه وياها عدي بالدنيا حركاتها ونضراتها شغلها السريع وترتيبها واني وياها وياها
- هذا وين اخلي
- هذااا بالحمام بالحمام
- خوش
- وهاي الصمون شون
- هنا هنا بالمايكرو
- خاف ييبس
- لالا بجيسه
- خوش
- الزيت
- عالكاونتر عوفه
- هاهي هسه جريت نفس خلص
- اي شكرا عالمساعده
- لاعادي
باوعت من البلكونه عالشارع بصف البنايه حدايق تخبل جانت التفتت
- شفتي الحدايق
- اي عزه على مد العين خضار
- سبحان الله
- هسه انتِ باجر بيش ساعه ترحين للكليه
التفتت عليه ودارت وجهه
- يعني تقريب ال٧ ليش
- كعديني عود اوصلج
- لا وين توصلني مسره تجي عليه واروح وياها
- ها هيج
- اي تروح تتيه لاتعرف لغه لاابد
- هههههه ومنو كلج ماعرف لغه بابا
- ها تعرف
- اي طبعا شون جنت اشتغل مطار لعد
- همم كالتها ودارت وجهه الحمد لله كالت بصوت ناصي
فاتت للغرفه والتفتت
- اني حنام
باوعتلها ساكت
بقت تباوع بعيني سألت
- تريد شي مني
بقيت اباوع شوي ساكت وابتسمت هزيت راسي بهدوء
- لا سلامتج نوم العافيه
- تصبح على خير
كالتها وفاتت سدت الباب كعدت بالبلكونه صافن واسمع طگة القفل فكيت عيني
تتوقعني اطب وراها يعني لو ممأمنه بيه
يمكن لان جنت مريض
تضايقت حيل ونطيتها العذر
ذاك الوكت مرت عليه لحظات اكول لنفسي
اني شداسوي هنا
صدك احجي
ومن اشوف الهدوء والابتعاد عن الناس شو عبالك ارتاح واهدأ
كبالنا مدرسه اطفال بس شون مدرسه وشون جهال يخبلون
ولد منهم كد يوسف لو جان عايش
ثاني يوم الصبح راحت للدوام واني اخذ كل فكري هالولد
اباوعله شعره طويل دلص ومخصل مي على حاله ووكح ولا كعد بس يركض وبالساحه مال مدرسه
لحد وكت طلعتهم واني اراقبه صرت اصفن بي وابتسم وحدي
تريكت بكل هدوء شي جنت محتاجه رغم حاجتي الها اكثر بس خليها هالفتره تأمن بيه اني اخليها تحبني من جديد
خلي اريح نفسي اول حتى اصفالها
هنا عدهم الدوام من الصبح للاربعه ضل بالي عليها
وتلفونات لحد الان مماخذين خطوط
واحمد رجل مسره صديقتها متصل ولااني اعرف رقمه تخبلت خاف تيهت
خاف احد تعرضلها
خاف ضاعت نزلت افتر بالشارع وارجع اصعد
تعبت اعصابي خفت حيل امانه هاي يربي شون
هاي صديقتها وين بيتها شسوي هسه
ورديت صعدت اعصابي بدت ترجف وبديت اختض خفت حيل
الصار بيه كمت اخاف اي احد احبه يتأذىه واني منو بقالي بحياتي غيرها هي وابويه ومها
اعصابي تعبت للسته ونص طبت انفتحت باب الشقه واني روحي رايحت صيحت اعصابي فرطت
- وووين صررتي
- فزت وعگدت حاجبها اشرتلي اش
- وينج وينج ادري صدك تحجين
- يابه الدوام لل٥ ونص خلص وانت شعللليك مني يممان
- شعليك مني شنو انتي مسووله مني هناا
- اني مسووله من نفسي فاااهم كلمن عليه بروحه هنا عيش حياتك وعوفني اكمل دراستي لتضل بالطابه والطالعه وين ووين جايه ادرس اني
صفنت عليها تحجي بغضب واني ارتعش انتبهت عليه
كالت بلا مبالاه وهدوء تام وكأنما تستخف بحالتي
- تره يعني مو وضعيه هاي اقل شي ورجفت الزم روحك شوي قوي اعصابك سيطر عليها يعني لاصير اوفر
فكيت عيني كلها
- احنا بغربه سنا
- صديقتي ويايه
- مادري توقعت رجعت وانتي بعدج لاتلفون لاصخام
- يمممان اني موصغيره تره مو صغيرره اعرف اتصرف
صفنت عليها مزنبر صرت نار عافتني ببرود وطبت الغرفه وركعت الباب وقفلتها نزلت جوه متحملت بقيت افتر داير مداير البنايه ركضت شفت ثنين ديركضون ركضت اريد اعصابي تبرد بس عبث
نص سلعه وصعدت جانت دتحضر الاكل محجت ويايه بعد ولااني الحجيت
بس عيوني بغضب جانت تلاحكها
صبت الاكل كالت
- تعال تغده اكيد حتى ريوك ممتريك لان متعلم الريوك يوصل لحلكك
نترت
- تريكت اني تره وردت اتغده بس مكدرت اكل لانج تأخرتي ضل بالي الفطير عليج
باوعتلي وجرت عينها
كعدت عالميز وتقدمت كالت ببرود قتلني
- صبيتلك اني
كعدت كدامها
وكمت احجي
- خط تلفون يرادلنا وتكوليلي شوكت تطلعين وشوكت ترجعين بيت صديقتج لازم اندله وكليتج هم مفهووووم
ولا دارت بال تاكل ببرود ومتباوعلي
- سناااا؟
مردت ولاعاينت
- دتسمعيني لو لا
باوعتلي تباوع بعيني بكل برود
همست بالتفصيل
- دتسمعيني لو لا
كالت
- و ليش كل هذا
- من حقي تره وان ماوافقتي هسه فيز وارجع
ابتسمت همست
- ارجع احد لازمك
عگدت حاجبي صافن هاي شبيها تخبلت
تقربت مني
- ارجع والله اني المهم عدي اطلع وطلعت شنو خالي يزعل اكمل دراسه وارجع اصالحه اني ماكدر على كل التريده ولاحاسبتك رجلي
ضربت عالميز بعصبيه
- غصبببب عنج تحسبيني رجللج فاهمه
- نترت اني مااغلط الغلط مرتين
- شنو قصدج احجي
- تعرف كلش زين
- سنا وين تردين توصلين
- يمان جايه ادرس لااعرف شوكت اروح وشوكت اجي محاضرات زياره دور ومراكز ومستشفيات ودكاتره مااعرفف شوكت اروح وشكوت اجي ومو وحدي هنا من العراق ويايه اربعه اطباء ومسره هم
كلت بصوت ناصي محاول الزم اعصابي
- فهميني على كيفج حتى اوصل لنتيجه متدرين شصار بيه خفت حيل
- لتخاف مو وحدي والعراقيين كلهم هنا بهاي البنايه
- اوك ماشي
- يعني اروح وارجع وياهم
- ماشي اليوم نعزمهم على گهوه العصريه حتى افهم
- الله كريم ليش مرحت لشركه الكولا
- ماعرف رقم احمد
- المهم اخذت خطين هسه نفتحهم
- ماشي
جريت نفس وفركت وجهي وتقربت اكل وياها جانت تاكل بنهم ومتحجي افكار بنضرة عينها وصفنتها ترتبها وهي ساكته واني اتأمل سكوتها ردت تحجي تشاركني تفكيرها
- دراستج عن الاطفال بس
- لالا عام بس اني تركيزي على اطفال التوحد
- امم وشون جان اول يوم
- يعني متعب بعدني ممسنوده بكع
- جماعتج غالبيج
- اي للاسف ومحد يساعد احد بس مسره ودكتور ويانا هم عراقي ساعدني جان يدرس بالعراق وهسه طلع استقر هنا
- ها زين رحمه اقلها دكتورج يعرف مستواج
كالت
امم ونصت
كملت حولت الخطوط وجوي احمد ومسره ووحده لخ طالعه وي اخوها وامها هم طالبه علم نفس
ووحده لخ دكتوره كلهم ببنايتنا كاعدين
شوي صارت عدي خلفيه عالمكان وعيشتهم وتبادلنا ارقام تلفونات وراحو
ثاني يوم طلعنا سوه هي للجامعه واني لشركه الكولا وي احمد
شفتها صعدت بسيارة مسره وراحو
واحنا تمشينا للشركه قريبه جانت
وبلشنا دوام نص اليشتغلون عراقيين كان عملي مراقبه عمل مكاين وصيانه بسيطه بعد انتهاء العمل من السبعه الصبح لل٢ الضهرنرجع وابقه لل٦ انتضرها بالبلكون واراقب جيفن
الولد الاشگراني
يوسف جنت احسه بوكاحته
يوم يومين ٣ مرت
حوار بيننا ماكو
اول متطب تاكل وتكعد تقره بغرفتها ادك الباب عليها طلعي اقري هنا تكولي مرتاحه
واعوفها
بديت احتصر
اشتاقيت لابويه وعلي
ولمها وخويلد
احساس الغربه يقتل
واحساس الاستنقاص والاستصغار منها ضوجني حيل
فعلاً كالتها
عيش حياتك وخليتي اعيش حيااتي
مر اسبوعين تعلمت افتر اطلع لان صدك كمت اختنك
قررت اطلعها من روتينها ولو يوم بالاسبوع قبل العطله الاسبوعيه بيوم
واثناء طلعتي افتر لكيت حديقه كلش حلوه واشجارها نازله تخبل
قريب نهايه دوامها رحت للجامعه وويايه علاكه بيها لفات وحلويات فاكهه شوي وعصاير وانتظرتها وي احمد دلاني عالكليه
اخابرها ترفض
احمد يخابر مسره ترد عليه تكوله محاضره وبقينا ننتظر
واني ببالي احاسيس وابتسم
احاجيها اكولها عن ندمي
اريد ابلش من جديد
اريدها بحياتي اشاركها بكلشي
واني صافن والمحها طلعت هي و٣ بنات وياها ابتسمت تحجي وتسجل مخبوصه
وانصدم بصوت احد صاحها
- سناا ... دقيقه عدي حجي وياج
جاوبت
- اي جيت
من اباوع زين هذا مو مؤيد
هو وقاطه وكرعيته شجابه هنا
وتذكرت من كالت دكتور جان يجينه
تشخصت عيني عليها من جر الكرسي تبتسم وكعدت كدامه وهو هم كعد يبتسم
عيوني صارت براسي شنو نار شنو حسيت روحي كمش شنو فشله من احمد
دار وجهه عليه كلي
- دكتورهم هذا صاحب المشروع
- مشروع يامشروع
- مشروع المركز الديفتحو ببغداد
صفن عليه مستغرب واني مثل الطرن واكف بس صافن عليها
كال
- يله نصيحهم جتي مسره
- ككيفك
رجعت رجفة اعصابي وتذكرت انتقادها شوي الزم روحك
بقيت ضابط اعصابي وصاك على سنوني لحد ما التفتت بالصدقه تضحك وشافتني راحت ضحكتها ومؤيد التفت وي التفاتتها وشافني حجه وياها حجت وعيونها بعيوني
كام وراح القهر فات من يمي سلم على احمد وباوعلي واني عيوني بعيون سنا المرتبكه تلملم بهدوء وتقدمت مؤيد صعد السياره وراح جتي مسره وراها سنا احمد كال
- سوينالكم مفاجاه نروح للحديقه والغدا ويانا
عيوني مكدرت اشيلها منها وهي صافنه بعيوني عاكده حاجبها
مشه احمد وهي مشت وره مسره وتلتفت كلسا عليه
روحي بدت تغيب كثر مصكيت على سنوني
احمد كال
- اكولك منا مو
مرديت علي أساساً مسمعت الا بعدما ركزت
نتر
- يممان
فزيت شفت روحي امشي بطريق السيارات
صعدت عالرصيف رأساً باوعت لسنا بلعت ريك
عفتهم وصعدت الشقه
واحمد صيح
- وين راح هذا معودد
تركتهم مداسيطر
طبيت للشقه ولغرفتي شوي وطبت ورايه للشقه سمعتها ذبت المفتاح والجياسه
راسي احس حيطك وجسمي يختض خظ قفلت الباب واروح واجي افرك بجسمي وارجف وجع وجع صار ورخت كل عضامي كعدت بالكع
بعدها وياه
يعني رادت تنتقم مني وتحسسني بالحسيته
هو اذا بعده رايدها ليش تركها
ضربت على راسي ماريد اسألها راح تكذب وتضم مثل مضمت سالفه المشروع
دكت باب الغرفه
مرديت
صاحت بهدوء
يمان خل نحجي
مرديت
بقت تدك واني مارد
احساس الحسته اندار بيه
نمت بيومها بمكاني بالكع مدري شوكت نمت
تأثيري مبالغ بي اعرف بس استصعبتها حيل.
ثاني يوم الصبح توقعتها رايحه للدوام طلعت من الغرفه فتت للحمام وطلعت بدون فانيله بقيت اباوع من البلكون
وشفته
جيفن وي امه
ارتاحت روحي سبحانه الله شكد حبيته
حسيت احد ورايه التفتت شفتها
فزيت صافن عليها
باوعتلي مستغربه
كالت بهدوء
- ليش مفتحت الباب
- ليش ممداومه اليوم
بقن صافنه بوجهي
درت وجهي عنها تعبت اعصابي
كالت
- ردت احجي وياك
- ابتسمت باستهزاء
- شتردين تكذبين كلتها واباوع بالسكف
- اكذذب؟ اني اكذب يمان
- والله مداعرفج ولاجنج سنا
- اي لعد شتريد مو لعبتو بيه طوبه مستقبلي—
قاطعتها
- وكفنا بمستقبلح ودمرتجج وطيحت حظج وغدرت بيج عمي انييي كل هذا اني سويته
بس جيت لخاطرج وعفت كلشي عطت بيها وباوع بعينها بغضب شفتها استغربت عاگده الحاجب ووجه ارتبك
تالي تطلعين ضامه عليه الدكتور صااحب المشرررروع الوحيد اللي دخل مخج وجنتي تتحلمين بي وتتشاورين وي مهااا عنه واني السگط انيييي الوكفت بطريق سعادتكم وهسه انتو رجعتو سوووه زين اني شنو سبيررررر فهميني
صفنت بوجهه فاكه حلگها تباوعلي
- اني شنو قشمر شايفتني... صح لو لااا
نترت
- لااا
- لعد شنوو شنو غير اعرف اني شعدي هناااا ومرتي مرتي ياامة الاسلام كاعده ركبه ونص وي دكتورها عفواً عفواً خطيبها السابق وسوالف وضحك والمصادف الغريب بالموضوع انه يطلع مدير المشروع
واوو واوو شون صدفه
باوعت بعينها انتظر رد
غمضت عينها تركتني وراحت للغرفه مشيت وراها واصيح واحجي سدت الباب بوجهي دفعتها عليها
برري دافعي عن نفسسسج متحجيين
- انت متريد تسمع
- لا والله انتي اللي مدتعرفين شتكولين
- اني موخاااينه مثلللك موخاينننه اذا انت انجريت بحجايه ونص مواني الاغدر لو بيننا شي مجان خابرتك اخليك تفركش زواجك وتاخذني
غمضت وكعدت بدت الرعشه عدي كعدت كدامي وكملت كلام
- يمان اني مكتلك لان ماكنت راح توافق كونه مؤيد مو غيره وهوومدير مشروع المركز
رفعت راسي بعدما كنت منصي
- وضحكج وياه
- علاقة عمل بس اني ومؤيد مستحيل نرجع بعد لان مصدكني وصدكك
- واني مفروض اصدك هسه
- براحتك بس اني هذا العدي
- سنا تعبت
بقت تباوع بوجهي نصيت راسي
- وروح جهالي تعبت رفعت عيني اباوعلها تباوعلي بقلق
شسوي فهميني
- مره وحده كتلك صيرلي سند سنه مكملنا وتصيح تعبت شون تريدني اكضي العمر وي انسان ضعيف وهش
لزمت راسي اصبر روحي واهديها
عافتني وطلعت
اربع ايام وره المواجهه تبينت اي حب بگلبها تجاهي ماكو وتبين انه الحب اللي بداخلي متشبع حد الصبر الصبرته
كلامنا انقطع كل الاشوفه بيها اربع ساعات تگضيها بكتب كل واحد شثخنه تطلع وتسجل ملاحضات وتقارير
احمد كام يجي يمي الضهر من نطلع من الشركه يطبخ ونتغده ويروح
حتى تنضيف كمت انضف ومن ترجع هي متقبل تكولي ليش واكولها عدج دراسه
مبادرت اي مبادره بعد حسيت روحي تعبان لان اطلع صفر عاليمين مو بس اليسره
كلي غلط مالي حق اعاتب
بيوم رجعت من وكت جنت طالع وي احمد نفتر صار عدنا صديقات بالبنايه واصدقاء مثل المجموعه وهمه هم يشتغلون بشركه الكولا صعدو يشربون كهوه
طبينا نضحك بنات ٢ وولد ٢ واني واحمد
وتفاجأت بيها بالشقه
ركضت لبست الحجاب وطلعت
صافنه عليه وعالويايه
- شو جايه من وكت
باوعتلي صافنه كالت
- تعبانه شوي
- سلامات شنومريضه
كالت لا
وتعاين بحيره
كعدو بالهول جانت تعرفهم انه من سكان البنايه بعدين عرفت انهم يشتغلون بالشركه شربوا الگهوه وراحو
شقانا وسوالفنا وتصنيفنا واحد عاللاخ وهي بس صافنه عليه
من راحو كالت
- هواي تتشاقى وي البنات
- اي همه شقاجيات
تركتها داا ارتب الكوابه وهي مشخصه نضرها عليه
تقربت مني تباوع بعيني احس تقره وجهي
كالت
- يوميه يصعدون
- نوبات كلتها ببرود
رجعت كالت
- وحدهم لو احمد وياهم
ذبيت الغراض من ايدي صافن عليها
دتغار شنو
- تشكين بشي احجيها
- مجربتك قبل
- ليش البينا هسه مثل البيننا قبل
- لاصح هسه مابينه شي
رفعت تك حاجب جاوبت استفزها
- اي بعد شكو تحجين
نترت
- يعني عددك شي وياهنننن
عفتها وطبيت للغرفه
مدري شون قويت گلبي عليها يمكن من برودها ويايه بردت يمكن اني ردت اطلع من حبها
لثاني يوم حسيت ما موجوده رحت للشغل ورجعت ورديت طلعت وي احمد لليل رجعت
لكيتها نايمه عالقنفه
بس بحياتي متوقعت روحي اكون بهالموقف
لابسه برنص اسود قصير
لافته وخاولي اسود ملفوف براسها
ونعال حمام اسود من الخاولي
جسمها يضوي كان وي السواد
ونايمه عالقنفه
وجهه احمر حيل
وعبالك نومتها مو طبيعيه
رغبتي الفاقدها من سنين گلبي الجان ميدك
وبرودي الحجيت عنه تحول نارر
تقربت كعدت على ركبي كدامها
واتأمل ملامحها
واتذكر من جنت خاطبها
ليش مجنت اشوفها بالرقه
تلمست طرف اذنها البارز من صفحه المنشفه نار خدها نار
- سنا
همست
- همم
- سنا انتي مصخنه
مردت
هزيتها بخوف
- سنا سنا كومي
كوه فكت عينها
- حاسه عليه
- امم
مصخنه انتي
كالت بتعب
- راسي
- شبي عيني انتي شبي
تحجي وتتموع موعت شكو ثلج بمشاعري انفنيت كدام هالجمال والرقه
كمت ورحت للثلاجه اگلب بالادويه لكيت كم نوع مسكن وجيت نطيتها
اخذت ورجعت نامت
- تنامين هنا
- مبيه حيل
- زين بس بدلي تره انتي بالبرنص
فزت و باوعت لروحها باوعتلي وجرته تستر روحها درت وجهي ابتسم
كامت دايخه طبت للغرفه وسدت الباب
واني ضليت بناري ومراحت الصوره من راسي
ساعات اندم لان مستغليت الفرصه حلالي هاي
من يومها تغيرت هواي
صرت اعاين لاي ثغره منها كأن تكون كف ايدها او ركبتها والاحلام الورديه تاخذني لحضنها
جانت تحس بعيوني وتتهرب
وبليل عذابي يزيد
من تنقفل باب غرفتها عليها
نوبات الشيطان يوزني اجبرها
احصرها
بس مااتحمل اذيتها
زادت رقتي ودلالي ونضراتي بدون مااحس على روحي
وهدأت هي عن قبل
حجيتلها عن الولد صارت بيننا حوارات وهي تسولف واني اسولف
شوي شوي
كمنا نكعد سوه
نضحك
ونحجي
نصنف ونطبخ سوه
ومن نصفن واحد يعاين عاللخ اني بعشق وتعب وهي بخجل وعتب تنتهي القضيه واشوفها كامت فاتت للغرفه وقفلت الباب
ويزيد عذابي
بقه شهر ونرجع تنتهي دراستهم لهالسنه
الوالد خبصني وعلي هم ومشاكله المتخلص وي مرته على حقوقه النوبه مزوج سجاد والام حايره بمشاكل الجنه ومشاكل ابنها
مرمم البيت ومعدله ومشتري غرفه نوم جديده ويصيح مبعينها
مدمرته وهي هم تعبت منه
وسنا هي هي متغيرت ولا لانت
المح.. اغني الها واسمعها واعاينلها
تبتسم وتدير وجهه
ولامره عتبت وكالت ليش هيج سويت
حد ما قبل يومين من رجعتنا للعراق
داسوي گهوه العصر وطلعت من الغرفه كعدت بالهول
- تردين ويايه
- اي
- ها خلصتي كلشي
- امم الحمد لله وانت
- اني هم
- زين
صبيتلها وكعدت كدامها
شربت وغمضت تستمتع بالطعم فتحت عينها
- ها طيبه مو يابه ابو كازينو
- اي ههه مشتاق للكازينو مو
- اي والله كلش
- كلش متشكره منك مداصدك خلصت الست شهور الاولى
الحمد لله
- تخلص واصير سوالف وتلزمين المركز
- يارب
باوعتلها ابتسم
اتأمل ملامحها
ابتسمت ونصت سألت بخجل
- شبيك
معرفت شرد
- انت ليش صاير تعاينلي هلكد
ابتسمت وجريت نفس
خلت عينها بعيني كالت
- جاوبني
- احب اصفن بيج
نصت راسها وجرت نفس
حسيت صار الوكت مناسب وحجيت
- سنا
- همم... شربت الگهوه كملتها وذببت الكوب
- سنا اكو حقد بگلبج تجاهي
باوعتلي رأساً
كالت بنتره
- سد الموضوع
وكفت و وكفت وياها لزمتها من عكسها
- دنحجي دقيقه
- ماريد ماااريد
ضلت تجر بإيدها تريد تبتعد وعصبت
صحت
- سنااااا
هدأت وغمضت
وهدأت وياها
حجت رأساً
- من تمر بالمريت بي ذاك الوكت تحس بيه يمان
دمعت عينها
- غلطت
همست بتوسل
- والله انتقم مني
- وانتقم مني هم اني شسويتلك هيج سويت بيه
كالتها واختنك صوتها
اول مره تكون بهيج حرگه ونشغه
- ااني شبيه محلوه احلى مني هي ليش حبيتها ليش مو جنت ويايه والتريده تسوي ومتقرب مني
هزيت راسي صح وامسح بوجهه دموعها تنزل
- تدري شنو الغيره والنار... تدري وصلت للموت والحچي الحچي اشكال الوان
اخذها وغدر بيها.... اخذها وشافها مو بنيه وعافها وانهزم
كامت تبحي بقهر
لاضلتلي ام الي احتمي بيها وخالي جماله خالي يصير ابوووك
سكتت تبجي وتنتظر تفسير
اما اني ضعت بدموعها ونارها
شكلت
- اني... اني... والله ماجنت اني
حسيت كومه كلام انجمع بحلگي واني اخرس اخررس اريد اعبر مكدرت
وهي تتنفس بسرعه تنتظر رد
كل الكدرت اسوي عبرت عن كلامي
وتقربت رأساً وجريتها لحضني ارتعش نفس قبل واضغط عليها مكدرت احجي شي يعبر عن اسفي و حبي وندددمي
خنست واني هدأت رجفتي
نبضها يم نبضي يدك سريع واني ازيد بالحضن بينما هي برهاوه صافنه على رجفتي
— يتبع
.