#تحت_خط_الصفر
#بارت ٧
#مريم_السعدي
يمان.....
كل الي حسيته فقدان مدا اشعر بأي شي
بعد ست شهور تذكرت شوي شوي بعد صحوتي وراح اسولف الي تذكرته
فقدت واسمع هوسه العراقيين والسوررين
اركضوا اركضوا
واني بس صافن
راح يجون الامن
بس اني كاعد وكم واحد عده متوفين كاعد يم الجثث
واحد من جماعه وليد ركض ورد رجع عليه باوعلي وصيح بوجهي
- يماان يمان صاحي
رفعت راسي صافن بوجهه لحضتها نسيت الكلام بس عيوني عالجهال احسهم نايمين براحه رغم تغيير لون بشرتهم
تقرب من جثه تماضر وعاينلي كال
- هاي غراضها تره يبوكوها
مدافهم ولا دا أركز
كل السواه نزعها سواراتها واخذ جنطتها خلاها بيهن واحد صيح
- شدتسوي حرام عليك
- يابه هذا زوووجها بس محاس على روحه خلي من يجون الامن اقلها يرجعوا للعراق بدون مينباك واقلها فلوسها وياه
جاوب الثاني
- اذا هو جهاله راحو يفكر بفلوس
خلاها بحضني ويباوع بعيني طلع تلفونه من جلده مطاطيه ولزمه اتصل ويعاين بعيني حجه
- الو مفيد اخوك مات مفيد غرك غررك
كالها وضرب على كصته
- مفيد هذا اخو مرته ويانا خطيه جهاله ومرته غركو وهو فاقد خابر ابو يجي ياخذه تره محاس على روحه
- زين عاين حخلي الفون عده مااحتاجه بعد رايح اني قبل ليجون البوليس ابو اذا راده يخابر على رقمي فاهم تره يسجنوا حتى فلوس وذهب مرته وياه
- يله رايح اني الله يعينكم على مصيبتكم
خله التلفون بحضني ومشه باوع للرجال البصفي
كال
- عمي انت باقي هنا متجي
- لاابني المن جاي بعد مابيه ركضه رجليه تخيطت روح الله يفرجها عليكم روح
- فدوه خاف يخابروا للولد خطيه تره وحيد ابوه ومرته جبرته يجي رد انت ودليهم وين احنا
- ماشي يابه ماشي
راح يركض واني غفيت بصف يوسف ويارا واغطي بيهم ببطانيه مبلله ماعرف شون حسيت البوليس يكعدنا بس بالضرب
وسحلونا من الجثث هنا فقدت مكدرت اصبر
بس مكدرت احجي بس اصيح وبداخلي اصيحهم
يوسف يارا
حسيت رجعو اخذوهم مني
صعدونا البوكس ومستمر اصيح حدما لخمني ببوكس بوجهي واني قابض عالجنطه بأعصابي متقلص على نفسي من البرد
وصلنا مركز وجروها مني كوه واني خانس طبيت للسجن دفيت وهدومي بدا تيبس عليه
محاس على نفسي
