#تحت_خط_الصفر
#البارت_الاخير
#مريم_السعدي
يمان...
أيام عمري جنت أحسها قليله كم يوم..
يوم من انهزمت منهم
ويوم من جوي جهالي للدنيا
ويوم من فقدتهم
واليوم..
عبالك عمري صار شكدوته مبيوك منه كوم سنين وكوم لحضات حنينه معشتها بنظرات مرت ابويه المو راضيه
اصعب شي من تشوف شخص جبير مراضي عليك وانت طفل عفيه ليش نسيت
اقل غلطه بعيطه واني مدلل عمتي
احس اليوم الي
اليوم اني
مو قضيه انتقام
لا قضيه رد اعتبار
ثاني يوم رحنا للمقبره وسنا مارضت الا تجي وفعلا اخذتها واخذت ابويه ورحنا
وانصدم من اباوع صور جهالي معقجه بالكع احس كأنه واكعين ومتعورين ركضت انفظ واعدل بالصوره وصفطتها خليتها بالصندوك مال سياره
واتفق ابويه وي الدفان وقررنا نسوي سياج
كملنا زياره ورجعنا
والدي مبين عليه التعب مدري من زيارتهم مدري هو تعبان
اكثر من مره اسأله
- يابه بيك شي
- لاابني ماكو شي
رجعنا للبيت وذبيت سنا بالمركز كالت اشوف الوضع مركز الدكتور مؤيد اللي لازمه اخو
نطيتها كل الثقه وواثق بيها اهلا للثقه. رجعت للكازينو وكملنا شغل علي جان مختنك حيل
ياهو الشافه من العمال هچه
وكعد لازم راسه
- شبيك اليوم شكو شال ايده مغمض كال
- عوفني اليوم
- بربك تخبل من تعصب عليك الله شبيك
- يمان عوفني لاسويك يسار وداعت ابوك
- يابه شبيك هههه شبيك شبيك علي شبيك علي علي شبيك
- وصمم ها طبكن
- هاي انت هيج تسوي من تجلبلي روحي طالعه وانت تنگ
- اسف عمي اسف اسف وركض باس راسي اسف بس عوفني اسف
- ههههههاي
- بربك غير تنكرط من تعصب
- يمان عقل ماضل براسي عوفني
- هو غير اعرف شبيك
- شبيه اكو غيرها
- شبيها بعد اويلي يابه
- ولك تريد تخطبلي بنت اخوها مطلكه مرتين وحالفه تدخل موسوعه غينيس بيه
- ههه استغفر الله ليش مطلكه
- هي محد يوالمها طكه ونص واني فيوز بيه طافر واحسب بعد
- تالي صدك يعني خطبتها مغارت
- والله اكلك كتلها خطبيلي بمعرفتج حتى متنصدمين من اخطب ثاني يوم تكولي اخذلك عاليه خلتتي الطم
- ههههه ولك هيج متنجرع
- يمان اني صح اريد مره مره الي والله مقدرني اخذ اثنين بس مو اجي اجفص بنص حيااتي
- اكعد وي مرتك كولها ليش نافرتني
- كتلها تكولي مابيه حيلك وصلت حد تكولي جنك حيوان كفرتني طفرتتي من البيت
- لاحول ولاقوه الابالله
- تصور دا ابني مشتمل لسجاد تكولي اكعد وي سجاد خاف تصير مشاكل بينهم وانت ابقى هنا وحدك
- يااا صدك حذب
- اي تخبلت تالي عمرها صارلها عشر ايام بكربلاء وي خواتها حلكي مفتحته كلت بلكن تجي مشتاقه واني الاغبر رحت للسوك وذيج الكلابيه المرتبه شتريتلها تكولي معيب عليه البس الوان فاتحه صغيرونه اني
