#تحت_خط_الصفر
#بارت ٢
#مريم_السعدي
يمان...
من ذاك اليوم بديت احاول بابتسامه بنظره بس ماعدت فتت لغرفتها
كدام خواتي انه مجبور عليها
انه مو فد شي عدي
بس من اتذكر الصار بيننا شي بيه يركض لباب غرفتها
جانت عيونها تصيحلي كلما تطلع من الغرفه نوبات تمشي بخطى بطيئه من توصل يمي عسى ولعل اذب كلمه لو نضره
أسبوع مر واني بشغلي عادي كللش واشوف تماضر وجمالهاو لبسها الي مطير عقل المسافرين و موضفي المطار
حدما انصدم بكونها صاعده بسياره كابتن سمير
تضحك ومكيفه وبيدها ورده
صدك صرت اعصاب انتبه عليه علي واني صافن عليها
كال بصوت ناصي
- انت ليش متشبع ليش موقنوع ولك
باوعتله
- شنو عليمن شكو؟!
- لا والله سلامتك
- علي شبيك هسه كايل شييي الله الاحد
- لك بابا.. وتقرب مني عيونه برزت اكثر
- لك بابا شيلها من راسك اني لوماعادك اخويه الصغير مااحجي وياك والله
- ادري شوكت نسقت وياه وشبينا احنا نبزز متباوع بوجهنا
- اي تبزز هي لاحكته عالرااتب والكشخه تكول بلكن الله وينضرب براسه ويتزوجني
بقيت اباوعله رفعت تك حاجب كال ويتلفت
- يمان لتطيح خضك بديك تالي تخسر المشيتين ركز على خطيبتك دللها اطلعو تونسو هاي احلى ايام بحياتكم
جريت نفس درت وجهي هزيت راسي
- الله يسهل
-اسمع مني يمان معليك بعمر تره من وحده لوحده ويوميه مشاكل وي مرته وخطيه جهاله حيتعقدون من وراه
- عمر شعلي علاوي زعطوط اني شنو
- لا داكولك نوبات واحد يتأثر بالمقابل اني من الناس هاي ابني صف ثالث متوسط بطولي وتأثرت ردت انجرف لو لا ستر الله جان اني براسي ذنب هالكبره بابا عيش بقناعه هاي متفيدك
هزيت راسي مقتنع بكلامه رغم نغزه اللي بكلبي كونها استصغرتني
رجعت للبيت صعدت نمت راساً امي او مرت ابويه جانت تتعارك وي لمى طبيت حتى السلام مسمعوا
صعدت عفتهم كعدت على صوت راما تكعد بيه
- ها شبيج
- توصلني بيت صديقتي
- لا مابيه حيل راما طلعي وطفي الضوه
- زين تخابر سايق بابا
- خلي امي تخابر
- ماعدها رصيد
- اخذي تلفوني وخابري عوفيني ارد انام
- اوك
اخذته وطلعت وره شوي رجعته
كعدت مغربيه لمى بالهول دتخيط مدري شنو بيدها مفتوك وامي تتفرج مسلسل
- ها الله يساعدهم
- هلا يمه تتغده
- شمسويه
