#تحت_خط_الصفر
#بارت ١٦
#مريم_السعدي
نطتني اسم المستشفى دا اطلع علي صيح
- ولك ابوك وككع
رجعت عليه
- حجي فدوه لعينك
- روحلها بابا
- حجي كوم وياي
- روحلها ابني روح عليها
علي تكابل ويايه سندناه وصلناه بالسياره وطلعت
للمستشفى الكالت عليها دخلته طواريء للحجي ويأشرلي
روحلها
خلوله مغذي وركضت ادور عليها بالاستعالامات لكيت اسمها ورحت كانت مربوطه على جهاز انعاش الكلى
عمها واكف شافني كل عقله يخزر صيحت بي
- كله من وراكم موديها على ابوها مووو
سكت وتراجع خجلت عيونه ونصه طبيت للغرفه
وحدها والممرضه يمها
الغرفه وصخه بقع دم على ايدها اثر الوريد ونزفه
حست عليه ارتبكت كلت راح تطردني دمعت عينها وتقربت
- سنا شونج
غمضت وجهه اصفر حيل تلمست بشرتها ميت رعب
- سنا ابويه وكع متحمل وكعتج
عبست وجهه وبرطمت تبجي بله صوت بس دموع تنزل
- لج يموت عليج نصيت عليها ابتسم.. ابويه روحه بيج لتخافين من زعله تكومين بسلامه وتصير سوالف
غمضت كالت
- شونه
- زين خلوله مغذي ودزني عليج
هزت راسها برضا
- انتظريني هسه اجي
تركتها ورحت للدكتور المختص كال كلتها تعبانه لازم هالاسبوع غسل مرتين وراحه ونطاني لسته غذاء تمشي عليه وعلاجات
اخذتها وطلعتها بسيارة اسعاف غير مستشفى بوكت جان والدي مخلص بطل المغذي وصحصح و علي ويايه يروح ويجي
حولتها مستشفى خاص دكتور اختصاص تابع حالتها ودخل الحجي يمها محجه شي بس عاينها واني عيوني عليهم تأنيب الضمير يذبح
تعاينله تتوسل عيونها بس وهو داير وجهه عنها
باوعلي ابويه كال
- ابني بات اليوم هنا وادزلك مها وياكم
- صار حجي
باوعتلها نطاها ظهره وطلع
بجت... بقه وغطت وجهه
لو روحي احتركت
تقربت منها
- سنا لتشوفي هيج تره ميكدر يزعل عليج
- يمان روح فدوه روح الله يخليك عوفني مداتحمل اشوفك
صفنت عليها
عصبت كالت من بين سنونها
- رووووح يمماان روح روح روح
بقيت باهت طلعت خفت عليها من العصبيه شوي وجتي مها جابها علي وصل ابويه وجابها واني كاعد بره
شافتني كالت
- ها يمان وينها
- فوتيلها
كعدت علي بصفي عرف السالفه كال
- ها لصتها
هزيت راسي ونصيت
- ولك متجوز
باوعتله ورجعت نصيت
- علي فد مره نصحتني ومااخذت النصح كون الوكت يرجع والله اسمع نصيحتك
- كولي شسوي تعبت
جر نفس رفع راسه ليفوك
- تريد نصيحتي
- اي
- تزوج رفقه الي لازكتلك
