#تحت_خط_الصفر
#بارت ١٢
#مريم_السعدي
يمان.....
من يومها كعدت وي روحي ساعات صافن بالضلمه
لمست ايدها بخدي احس اخذت وضع بگلبي
عدي بيها امل
ماكرهتني
راح اخليها تحبني
اللي بگلبي حب لو تعلق
مااعرف كل الاعرفه سنا متروح لغيري على جثتي
كعدت وحدي بهدوء رتبت اولوياتي اول شي سويته فتحت الجرار ذبيت الحبوب والعلاج كله بالزبل
اعالج روحي بروحي
عصبيتي متفيد بعد لازم الزم اعصابي او اطب وحدي هنا املخ بروحي واطلع
شغلي حيصير دفن واني افكر واعصر بيدي العلاج واذبه حبايه حبايه
ودبدوب يوسف بيدي بدون وعي اتلمس بي تمسكي بيها نفس تمسكي بأطفالي اذا همه راحو مني بأمر واحد احد سنا متروح
راح اثبت الها
دخلت مها عليه توقعت اني نايم شغلت الگلوب الصغير وبيدها تعلاكه هدومي مكويه وتفاجأت من شافتني
يمان ؟
كاعد؟
رفعت راسي باوعتلها صفنت بيدي فازه عبالها اخذت الحبوب كلها
همست
- شسويت
نصيت راسي تقربت بخوف شافت الحبوب بالزبل تبسمت متنهده براحه
گنبصت كدامي
باوعتلها تبتسم
لزمت ايدي
- متريد تبلعها بعد... تحس روحك مسيطر
نصيت راسي
- ختولي ذبها انت طبيب روحك يمان
هزيت راسي منصي
كالت
- سنا تره متكرهك
رفعت راسي باوعتلها اريد تحجي بيها وتفهمني كلشي
كملت وتعاين بثقه
- والله يمان تخاف عليك مثل اخوها
درت وجهي ورجعت باوعتلها
- شاكيتني لابويه لان صعدتلها
- لا مو شكتك والله
- ابويه كلي... فتحت عيني بديت اعصب
- يمان موهيج الحجي نزلت كالت خالو يمان بليل صعد فوك شور عليه شون اتصرف وابويه صعد كدامي صارت والله
ارتاحت اعصابي اكثر
عمرها مرادت تاذيني بس اني اذيتها احجي وي روحي والعب بشعري انتبهت على ايدي عدلت روحي وسيطرت ماارجع وافقد لا خاف اصحى متأخر وسنا ضاعت مني
مها...
- يمان نام ارتاح اسويلك حليب دافي رأساً اعصابك ترتاح
باوعتلها هزيت راسي
- اي سوي
كامت تبتسم سوت گلاص حليب خبطت وياه عسل لحكتها للمطبخ شربته وهي تسولف
- تصير سوالف وتوكف على حيلك وتبدي من جديد مثلي اني بلحظه حسيت خسرت كلشي وهسه بديت من جديد
فلتتصور متكدر تعيش لا الحياه للاقوى يمان افهمني للاقوى
