#تحت_خط_الصفر
#بارت ٥
#مريم_السعدي
حاولت تنسيني تماضر وتضحك وتأشر من طارت الطيارة
وگلبي معصور حيل
وصلنا المطار التركي
وبدت رحلة شهر عسلنا
أسبوعين صرفت بيها٤٠ ورقة
بس طاير بيها وبإحساسها
صرافه بشكل بس فرحتها عدي بالدنيا
رجعنا جنت شايل هم المواجهه بس كلت ماراح اواجه واصفن وي روحي
خاف ابويه يصير بي شي
وابرر لنفسي صوجه هو ضلمني وجبرني
رجعنا وطبينا شقتنا تسوكت ورجعت جانت اول مره اشيل علاكه بيها
وبدت مسؤولياتي
والدي بعد اربع ايام من رجعتي
شفته كبالي بالمطار فزيت شون طببو وشفت علي وراه يباوعلي بعتب
تقرب مني وكال حجايتين
لا انت ابني ولا اني ابوك متبري منك ليوم الدين ولا راح ارضى عليك وعافني وراح
حجايتين هدت حيل حيلي
وعلي كملها عليه وراح
أخذت زمنيه ورجعت لشقتي حجيت كلشي لتماضر وروحي تلوب ضحكت وحضنتني
- حبيبي ولايهمك من يشوف جهالك روحه ترفرف بس كون الله يوفقنا ولك انت هالواحد لتنقهر گلبي
سكتت
شهر شهرين اني طاير دلال بيها خبرتها وجمالها واعتناءها بروحها رغم صرفها اللي ميبقى منه اي شي لاخر يوم بالشهر
يوم وره يوم
بديت اشتاق لراما
وحتى لمى ومها
وضل بالي على ابويه وسنا
بس ردت اتطمن وهذا هو
وخابرت راما
ردت مستغربه رقمي
- الو !!
- راما اذا اكو احد يمج اطلعي اريد احاجيج
- منو يمان؟!
-اي
- عزه بعينك لك انت شسويت
- شسويت اخذت الاحبها شصار... شونج
- زينه الحمد لله انت شونك مرتاح
-اي والله كلش انتو شونكم شخباركم
- زينين لمى انخطبت
- ها المن عالخير
- ابن خالي محمد
- مو متزوج هذا
- طلك مرته وتزوج لمى
- همم بيها الخير... انتي شونج
- زينه الحمد لله
- ووابويه
- ابويه زين الحمد لله بس ميقبل احد يجيب طاريك
- ها زين بعد سنا شخبارها
- عزه بعينك شسويت بالبنيه انت شسوو عمامها وببيتها گلبو الامه ورادو ياخذوها وصلت للموت وردت احتيت
وجعني كلبي وكلت
- وهسه شونها
- هسه احسن دتداوم وبس ساكته
- امم زين
- تصدك... مها وكفت وياها ومعافتها عمامها كلولها امشي عدنا مقبلت كالت ابقى يم خالي
