صيح الحجي
نسيت شسويت بيهااا
حجي فدوه بس اسمعني اني تعلقت بيها مداكدر. كلتها ودموعي تجري مدري ليش مداسيطر على اعصابي رجفه سرت بجسمي اشهك مثل الطفل
يابه فدوه حاجيها
ابويه ضل صافن مستغرب
شبيك يابه ليش هالبجي عيب ابني انت رجال
مادري شبيه يابه ممادري خاف اموت خاف يوكف كلبي من ياخذها غيري
لك ابني انت العفتها
يابه مو مو تندمت اني اخاف بدونها اعيش حجي هاك باوع كلبي حيوكف فدوه احجي وياها
انت تحبها
اني — صفنت اني مادري اذا احبها واذا اخاف ماكدر اذا راحت من ايدي
يعني يعني صدك اشوفها يم غيري
لك يابه خمس سنين عايفها انت عايش حياتك لتبجي بابا لتبجي دنتفاهم داشوف. شنو البيك غيررر اعرررف
يابه اني يابه احس روحي معايش قبل عبالك مداتذكر غير هالست شهور الهي دارتني بيها تعلقت يابه. فدوه اشتري عافيتي اني مو ابنك
افقدهم وافقدها ماكدر اعيش منو منو يحبني ويخاف عليه كدها يابه. تحبني وتخاف عليه مثل عمتي
يابه البنيه تريد تعيش حياتها
اي اي ويتيه تعيش حجي فدوه شتريد شون متريد موتريدني اشتغل ويااك والله اشتغل اروح واجي وياك
يمااااااان. ييزي بجي عيب انتت مررره انتتت مررره. فهمنني شجاااااك. البنيه. وكفت وياك لخاطررري.
لا بابا لا هي تخاف عليه وتحبني اني اني احس بيها من عيونها
لاااااااا ابني لااا هي بيوم النطقت. وكتلها عمه. رادت تنهزم. لبيت جدها منك. تكولي ماريد اشوفه. يتعذب. ولاريد اشوف يتعلق. بيه اريد اركز على دراستي
واني توسلللت بيها وبست راسها وكتلها لخاطر شيباتي وحنيه ضهري. اوكفي وياه لا حبتك ولاابد علمودي بابا
يعني هي كلتلك علمودك
اي هي كالت لخاطرك. خالي
سكتت صافن واشهك
عيب بابا ليش هالبجي
مادري يابه. اني ماعرف ليش اقل شي ابجي اعصابي تعبانه اقل شي ماسيير على دموعي داحس كلبي نار منا جهالي ومنا هي. ماكدر افقد احد اعزه بعد
دكول يا الله وبدل وامشي ويابه. خوش دكتور اعصاب. لكيتلك
ووهي شوكت تتزوج
ماعرف لتفكر ابني بيها خليها تروح تشوف حياتها خطيه
وتعيش بهذا بينها
اي كالها وغمضبتغب
زين زين يابه اللي ديريدها يدري بيها جانت قائمه بيه. هالفتره كلها
غمض ابويه بتعب جر نفس
ابني انت شتريد
اريد اموووت كلتها صرخت وكعدت بالكع اني شون حعيش ليش تتزوج. هالفتره كلها هسه رادت تتزوج
ابني الولد جان مسافر يكمل دراسات ورجع قبل شهرين. وتقدم كلتله عدنا حاله وفاه لخاطرك بابا كالت يكوم يمان بسلامه. يله. افكر بالموضوع
وهي موافقه يعني
اي لو مموافقه. مااحي اكولك
يعني هاهي
اي يابه هاهي لتتعبني بابا خلي تصير عدك عزه نفس
هزيت راسي مغمض احساس انه مبقالي احد وحدي اذاني كلش
نزل ابويه. واني بقيت لازم راسي ودموعي ماسيطر عليها من كيفها لكيفها تنزل مثل الطفل للعصر رحنا طبيب. وعيوني من طلعنا بالسياره على بيتها. والمي دينزل من الطرمه. مال بيتها يمكن خلصو تنضيف. جنت اتوقع اعيش وياها مردت. شي كل الردته تكون ويايه ليل نهار
ودخلنا الطبيب شرحوله المريت بي وسالني كم سوال وعرفت انه عدي ضعف بعصب من اعصاب الدماغ ماسيطر على مشاعري ابجي باقل تاثير واخذت كورس علاجي مكثف
هالمره مها صارت مسووله عن علاجي
سبوع. سبوع مشايفها. روحي تلوب
قاط الفوك صار الها والفارغه تقفلت. منكدر نطب لبيتها الا تفتحها جانت غرفه منهم مشتركه بين بيتها وبيتنا خلاها ابويه خاف تحتاج شي
واني بقيت بغرفتها القديمه
كلما ينحجي بموضوعها انهزمً
فتره مرت. وقوت اعصابي كمت اعرف افكر تغير تفكيري. عمل والدي وتجارته كعده وتخطيط واني كاضي الوكت كاعد وافكر شحسوي بحياتي اغلب الوكت صار يمر عليه ساكت وافكر
كل موقف وي اطفالي يقويني ميضعفني.
لكن للاسف
من اتصل ومترد عليه احقد
رجعت احقد
ليش امنتني وياها وتركتني
الليل يمر عليه ناار تحرك
اخابرها كل ساعه
خافزمشغول
خاف دتحجي بالتلفون والكاه يددددددك ومترد
ارتاح واحترك نفس الوكت
كمت اترقب كمت ادور بالوجوه من يحجون بيها مها. مها حاولت هواي تتقرب مني واني كمت اخاف انطي مجال لاحد
تقوقعت بروحي وافكر شون اعيش
ماعايز عليها
انطيها فلوسها اي احاحي ابوبه
لاليش تحجي وي ابويه صفنت ليش احجي وياه عدي شقه ابيعها وانطيها فلوسها ولا منيتها
وفتحت موضوع وي الوالد من شافني قويت خرط الاول والتالي كال
ابني الشقه فارغه والام عدها وكاله. رحنا دنجيب هدومك كوه قبلت. تنطي المفتاح تكول شقتي صار
واني اشتعلت
وكانما تماضر كدامي واريد انتقم منها متناقشت وي ابويه راسن كمت وطلعت وابويه يلحكني
بابا ختولي
باباتعال عوفهم ذوله اصحاب مشاكل
حجي ماااالك دخل. والله ااطلعها من عيوونهى لا اسممها نفس مسممتني الله لابرحمهاااا
طلعت. ورحت بسيارته للشقه مال امها لكيت علي هناك ينتضر بسيارته
بس شافني داركض ناحيه درجهم. صاح
هوي هوي هبش كرررش حووو ويين هووووي. اني شون بالروسي
انت شجااابك
ابوك دز عليه كلي الحك
شنو صغيييير
والله شوف روحك اشوفك روحك بالمرايه شون كايل
علي دوووخرررر دفعته وهو مصوكر بوجههي
يمان-بيك شبيك متكولي
علي- اهدا موهيج التفاهم
ولك انت متعرف امها شنو ةله من وراها طلعتها وكتلت جهالي
استغفر الله دمشي بس شوي على كيفك. اهدا لتضيع خقك بالمصايح
يمان-سكتت دكيت الباب طلعلي اخوها الحبير
صفن بوجهي وحضنني ورجع باوع بوجهي ورد حضنني
شونك يمان بشرني شونك
الله يخليك
هديت بلحضه لان اخوها ادمي جانت نضراته مليانه احراج
طببنا ورحب بينا لدرجه اني فشيت
وضل يكولي كم مره جيت وكالو تعبان ومريض
بقيت ساكت كمل كلامه كال
بشر شونك هسه
اني الحمد لله بس جيت اخذ مفتاح الشقه
ليش موعدك
والله ضايع. والوالد يكول امك تكول الشقه شقتي صيحلي الوالده
امي. تكول هيج لا غلطان خل اصيحها يماا
طلع شوي وطب اخو الصغير رافع تك حاجب ومعنطز وطبت الام جانت مرتبكه من الاخ الجبير وتعاين للصغير
وبديت احجي
حجيه اني والقران كوه ساكت عنننج وبديت بله وعي افقد شوي شوي
انييييي كلبي هالكبررر صايرر منج انتتي من وراج طللللعت
لزمني اخوها الحبير يهديني والصغير وكف انت سنو تصيح على امي وبيا حق
واني تخبلت
امك. من ورااها طلللعت. بتكم اللله لايرحمها. حرمتني م اطفاااللي. كلتها وشحط صوتي ورجفتي جسمي ارتعش
ببببيدي بببيدي مااااتوو اختنكوووووو
وضربت على صدري مكان حضن يوسف وكانما غريمي كدامي هي بكل صلافه جرت عينها والابن الحبير يهدي بيه اذكر الله خويه اذكر الله
يوم شنو السالفه صيح
كتله
امك جانت تدري واختك مسويه وكاله الها. عالشقه وطلعتتت وهي متعاونه وياها
يوم صدك هالحجيييي يوم انتي مشتركه بدمهم
والام بجت
لاكذاب ااني معليه ع سوت وكاله اني ماكدرلها
يعني حنتي تدرين حتطلع ومحجيتي يوم صدددك
لالا
لعددد شون سوت وكاله. كالها شايطه روحه.
سكتت وتباوع لابنها الصغير اللي نطق
انت شتريد جاي عالشقه الشقه صارت مالتي شتريد تسوي سوي
فقدت وكمزت عليه خنكته وفاككنا اخوه الجبير ودفعني عنه
كعدت وارتعش رعش علي لزمني وصيح
كال
عيب عليكم والله. مصدكتو بتكم ماتت انتي ام انتي
اي احنا اوله بشقه اختنا مهرها هذا
ونطق الاخ الحبير
غسلن شمسوي انت وامك. ولللك غسلن
انت مالك دخل الشقه باسمي هسه شتريد كلشي متحصل كوم اطلع بره كووموا
جرني علي وطلعنا والاخ الجبير يهدي واني صيحت. وعيطت ختمتها
والقران. افتتح. جااادر اريد اسوف العشبره التطلع وراكم بسيطه بسيطه حرامييييه حراميههع ودم جهالي بركبتكم
اصيح والعماره ملها طلعت تتفرج صم حلكي علي وسحبني للشارع. صعدت بالسياره شحطتها وطلعت هاي اعصابي ترجف وعلي ورايه يدك هورن
حدما وصلت لباب بيتنا ونزللت وعلي ورايه طبيت ابويه بالخديقه. السبحه بيده بس شافني وكف صاح هاا
حجي لم العشيره والشبخ الشقه اطلعها من عيونهم.
ابتس تولي فدوه ل— تروح الشقه
لا اله اخذذذها عبالك اني بعيني لا والله بس اكسر خشم امها ال—- من وراها
سكت ابويه من شافني مفرفح دك تليفون علي اندار كال
هذا اخوها الجبير ديدك
ويططططبه مررض
رد علي واني داطب للبيت لزمني من ضهر تيشرتي وكفت مغمض مداكدر اسيطر على اعصابي نار نار صرت من شفتهم
كال
انطيني مهله احاجيهم وعلي عممها ولكجها
ولك هذا يريد يفتح جادر ودز عالعشيزه والشيوخ تدري اذا جوكم. شون ينحكم تنفصل امك من وراها. الجهال راحو. والله الفصل يتربع. عليكم
كال
انطو ني مهله
رين ولو دز غراضه اثاثه.
كلشي على حاله والله اني ولاادري ولااقبلها علينا لو ادري اخويه اقتله. الشقه ترجع ليمان بس خلي يصبر عليه والله هسه صرت مخبل وطردته من البيت والله
مندري احنا مهلتكم شهر. الشقه متحوله باسمه
صار صار بس كوله موضوع العشاير احنا والله موكده خلي يتهاده بي فدوه ابو سجاد انت من يمك اريدها
اني العليه اهدي انت دز غراض البيت لهنا
باجر باجر ادزهن بس الشقه طيني صبر عليها فد شهر ونحولها باسمه بركبتي
خوش حجي
سديته منه وحجيت ليمان هدا
يمان- موكفت رعشه جسمي. نطاني علي علاجي الوقت الحاجه وتمددت اريد اهدا مداكدر
اخيرا غفيت
لثاني يوم الصبح خسيت ابويه يصيح. عليه يمان يابه كوم على باب الله
بدلت ىنزلت اتطوطح الحبايه وكت الحاجه حيل تسطرني
تريكت وطلعنا للشغل
ورجعنا الضهريه
كملنا غده داشرب جاي والباب اندكت كام خالد يفتحها كال
رجال يريد خالو يمان
بقيت اباوعله ابتسم وطلعت شفت اخوها الجبير ويا سياره حمل تسالم واني الحمد لله مسيطر كال
هاي الغراض بقت غرفه النوم وغرفه الجهال والمطبخ. اني بس الملابس و القنفات حايبهن درب اللخ ادز الغرف
يايابه مدري شصار بطه من شفتهن
والدي فتخ المخزن وره البيت وطببو الغراض واني اتفرج
حيل حيلي انهد
بقت الملابس مال جهال ملابسها ماخذتها كم غرض من ملابس الجهال كتبهم مال روضه وتلويناتهم ملاعيبهم خلوها بكواني بالهول
لهنا وخلص حيلي
كعدت بالهول بنصهم واتفرج بلعبه لعبه. وصدى صوتهم براسي
بابا اريدباتريات للسياره
بابا نشكل الميكانو. نسوي طياره
لزمت راسي من صدى صوتهم اريد ابجي. اريد اصيح مداكدر اريد تطلع دمعه تريحني مااكو
نار نار اشتعلت بروحي كله الردته بهاللحضه
لو جهالي
لوو
سناا
البردات مفتوحه والهول كله جام
وكانما سمعت نداء عقلي وكلبي الها
طبت من الطرمه واني ماعرف شون صايرشكلي وبقت تباوعلي من الجام واني اعينلها
اكثر وكت احتاجيتها بي اليوم
اكثر بحضه ردت اسولفلها عنهم هسه
اكثر وكت ردتها بي هالوكت
بقت تباوعلي تتقدم خطوه وتوكف واني عيوني عليها كاعد بالزويه بنص هدومهم وبرنص يارا الوردي بيدي ومقرفص لام رجلي لصدري وداير وجهي عالجام
واحاجيها
عايني هاي غراضهم
هاي اللعبه. اشتريتهاوفاجئتها بيها بليل لان جنت مرزلها كونها. كسرت لعبه يوسف
وهاي الالوان الزيتيه. جانت تحبها كلش لان طوخ
هاي قطار يوسف وهاي سيارته جنت افره بيها بسارع العماره
احجي وياها بعينيوتعاينني بشفقه شكد جنت مشتاق الها
صاحها ابويه وتركتني وراحت واختفت نضراتها
هسه تجي
هسه تطب تكولي شونك اوقوي روحك
هسه متعوفني
لا اكيد حتجي تخاف عليه لاانخزبط
والمحها تطلع هي وبيبيتها من باب بيتنا
طبيت غرفتي اعصابي فارت كمت اضرب براسي من العصبيه. اشتعلت شعل لليل
مكدرت بعد
مها طبت طتني حبايه وباوعتلي
كالت
شونك هسههزيت راسي منصي
ييمان تريد شي محتاج شي
لا مها روحي
اذا تريد تسولف اني موحوده. فدوه لتصل حابس روحك اليوم جان طويل
جريت نفس ورفعت راسي باوعتلها
سنا مكالتلج شي
كالت بصوت ناصي
لا مملتهيه ببيتها مالها خلك وواخذها عمها للطبيب
وهي وين
بيتها غير
وحدها
بقت صافنه عليه تعاين بخوف
غمضت ودرت وجهي طلعت مها واني لل١ مداكدر كمت امللللخ اريداحاجيها شنوًعايفتني
شنو هاملتني
شنو هاهي بعد
لاماريد انزل نفسي بعد
لا ماريد افشل روخي واصغرها
احجي وي روحي وعيني عالشاشه مال تلفون رقمها بي واسمها
مكدرت
تعبت
تعبت تعبببببت
دكيت بس اسكع صوتها ووعلساس ببالغلط
رجعت رجفه اعصابي وقشعره جسمه خفقان صابني كعدت بالزاويه
مطفي الضوه
احس محد ديشوف ضعفي
حتى اني
حتى اني مادري بروحي هلكد ضعيف دونها
شنوالصار بهالست شهور كمت اشوف روحي اذا ابتعد عنها اعيش نفس العشته قبل خمس سنين وست شهور
شنو الصار
دكيت مغمض قوي
دك دك ردت
بصوت تعبان
الوو
بقيت ساكت اتنفس كل ذره بصوتها كالت بنعومه
يمان
مرديت صكيت على سنوني
يمان بيك شي
ليش عايفتني
كلتها بعتب صوتي كوه طلع
سكتت
سنا ؟
مردت
سنا. اصعد؟ صوت صار يتوسل بس يمها. اضعف بس. يمها انهار مثل طفل بيد امه.
ردت وره سكوت دقيقه كامله
كالت
اصعد
بله مااسده ركض صعدت وفتحت كيلون غرفتها الموحوده. فوك
مقفوله مقفوله سنا
انتضر داصعد جيت
اي
كلتها ارتعش رعش وكلبي يدك سريع.
وسمعت صوت المفتاح يفتح القفل ركض فتحتها
ابتعدت تباوعلي وجهه مال نوم مدري شصار بيه واني اباوع ملامحها
وهي صفنت
ليش ترجف
شبيك اهدا
ااريد انام سنا
تعال نام
ابقي يمي
اي باقيه
داسد الباب ابتعدت ليوره خايفه
للتسدها لتسدها
ماسدهااا نترت صاك على سنوني بغضب وضربت راحه ايدي براسي. ليش مااسدهاااا تتتخافين مني مووجتي عدي ست شهرروور بيتنا وحدنا
احجي واحرك وااءر لروحي واتقد م وهي ترجع ليوره خايفه مني عينها مغرغره
سناااا شبيج ويايه شبييج ضربت علىًصدري مرتين
ردت بصوت هاااديء دفه عروكي واعصابي المعصبه.
اهدا ولزمت كافي بايدها الاثنين يمنه ويسره
اهدا يمان خلص هليها مسدوده
هدات راسن
عركت والنفس دخل لريتي
كعدت على جودليه جانت بالكع
جرت كوشه خلتها جوه راسي
وتعاينلي تهدي بيه ارتاح يمك اني عاين هنا حنام
هزيت راسي متطمن واثق بيها وشاك بروحي والدنيا كلها بس يمها مخلي ثقتي
غطتني وتلمست كصتي تمسح العرك
سنا- ليش ترجف وانت تعرك شدتحس
لتعوفيني سنا
بقت تباوعلي دمعت عينها
غمضت
حنام سنا تعبان
ميخالف نام
ااريد احجي وياج.
اي من تكعد عود
غمضت فكي ثكلل وغفيت. على لمسه ايدها بفروك شعري وتنهيدتها.
نام يمان
يمك باقيه ارتاح
واني اردد
امم
للصبح حسيت براحه فضيعه وببالي قبل لاافتح عيني. راح اسرلف وياها راح اكولها اني ماكدر بلياج واحبج رجعيلي
فتحت عيني لكيت ابويه كدامي كاعد فزيت باوعلي بعتب
هاحجي
هووهذا حجي بابا
نصيت راسي
موعيب عليك ابني تخابرني بت عمتك تكولي تندمت. وكفت وياه وداريته هذا بعد جللب ميعوفني
صفنت عليه تلفتت للغرفه وباوعتله ههي وينها
شال ايده ضرب على فخذه نتر بهدوء
راحت بيت جدها كالت باجر ننفصل واما ادز عمامي يتفاهمون تعبت انيي
صفنت على ابويه صاير نار
ختمها
كافي ابني كافي اروحلك فدوه يوميه مفشلني متريدك صير رجاللل. واتركها
يتبع
.