#تحت_خط_الصفر
#مريم_السعدي
تكملة بارت ٩
يمان- شي بيه ضايع
جزء مني مفقود
لا والله كلي
احس مالي وجود وداعي اعيش بعد المن بعد اعيش
احس كلها تلوم بيه وتحملني الذنب
حتى روحي حتى روحي تلوم بيه
الا عيونها
معقوله محت دفتر ذنوبي بوكعتي هاي
معقوله. هيج. گلبها طيب مراح اتركها بعد مااكدر اعيش بدونها
وصلت حد
يوميه بليل افز ادورهم ومن الكاها احس روحهم بيها
بحبها الي
وعطفها عليه
ووكفتها ويايه
احس عيونها تكولي ماراح اعوفك وابقى احبك
حلفت بروحهم بروحهم حلفت راح ابدي من الصفر ومااخربط بحياتي
راح اعرف خياراتي واختياراتي
راح اعرف ناسي والمخدوع بيهم
اذا اريد اعيش
هاي اذا كدرت اعيش
كلشي بحياتي وكف ويبس كلشي صار بلا لون ولاطموح ولاامل كلشي ماله معنى
بس من اراقبها تدرس
واراقبها تترقب حركاتي
واراقبها تتأمل عافيتي وصحتي وتعوف البديها وتجي اذا ضعفت ونزلت دموعي
كانت مثل امها
نفس الحنان والامان
اللي عرفته متأخر بس المهم تصبر على جروحي المهم ماتتركني احس روحي اخاف وحدي اواجه الدنيا اريد ابقى بهالمنفى اللي اختارته هي
اريد اكون طوع امرها بس لتتركني
ومااتصور تتركني
كدامي اتفقت وي والدي يفرغ البيت الي مأجرته وكالتله من نرجع نكعد بي
يعني بعدها تحبني وتريدني
جنت مرتاح لهالفكره مرتاح وياها. بوجودها يمكن معاشقها. بعد. بس وجودها يريحني
وما اخجل منها خجلي بس لان اذيتها خجلي من قربي منها. وشلون راح اعيش وياها بهالجرح الجبير
مشكلتي اخجل حتى اقترب اخجل من كلشي يبين انه لتتركيني وحدي
ثاني يوم اجه علي من شافني وحضنني بجه وفتتح جروحي خلاني اطلع ضيم كلبي خاف ممطلعه
هو يبجي واني اشهك واحجي ويواسيني حدما تعبت وكعدني
ابويه تعب من كثر همي
علي مسألني عليهم كل الي سأله
- هسه شناوي سولفلي
- شناوي علي اني احس روحي مطشر
- حقك بس لازم توكف على حيلك كعدت البيت تسكطك تره وتضل تفكر تتعب والله لهي نفسك بالشغل
هزيت راسي منصي كمل كلامه
- يعني انت اذا متكدر ترجع لوضيفتك تكدر وي ابوك تروح
رفعت راسي مستغرب وابويه رأساً رحب
- اي يابه اني منو عدي غيره شفايتلي يلزم المحلات
- لاحجي ارجع لشغلي
- يمان تره فصلوك سويتلك اجازه شهر وانت طولت يابويه من خلص الشهر خلو بمكانك
- يعني شنو بعد ماكدر ارجع؟!!
- لازم ترجع تقدم وانت تعرف المطار اذا راح مكانك رأساً ياخذو غيرك
- لزمت راسي وغمضت وهاي اخر ورقه بشجرتي وكعت
احجي وي روحي
اخر ورقه امل وكعت
سكتت ووالدي صبرني
- هسه انت قدم واشتغل ويايه شوكت ميطلع اسمك ارجع هابابا شتكول
سكتت هزيت راسي موافق على مضض
طلعت سنا كالت
- خالو كملت شونك علي
- هله سناوي شونج عيني
- الحمد لله الله يخليك الجهال شونهم
- زينين الخمد لله يله عمي نروح
جاوب ابويه يله يابه يله
اخذ جنطنا وسنا كعدت ليوره واني بصفها والدي وعلي ليكدام بسياره علي
باوعتلها باوعتلي
ابتسمت تقويني
نصيت راسي منحرج شون حروح بعد الصار
لزمت ايدي وضغطت على ايدها تمتمت بصوت ناصي
- شون حكدر
- معليك بالكل عليك بخالو وبس
نصيت راسي خجلان
- كلنا وياك يمان
بقيت اباوعلها انتبهت علي يباوعلي بالمرايه عاكد حاجبه وصلنا بيت ابويه ونزلو الغراض
واتفاجأ بكصاب بالباب ذبح ذبيحه درت وجهي تذكرت من دست على صدر يوسف وطك عضمه جوه ايدي
راسي رأساً ون بشده لزمته غفل
فزت سنا وابويه
وعلي كدامي غسل وجهي
ويصبر
على كيفك يمان على كيفك
هزيت راسي
شي مجبور علي
لازم اعيش
لازم اقاوم
وراح تبقى ذكراهم تحفر بيه حفر
طبيت الباب مها حضنتني وتعاين بعيني نصبت راسي ورجعت تحضن بيه وتشم
كالت كلمه
اول مره تكولها
- حمد الله عالسلامه حزام ضهري
يمكن تحسسني بأنه لازم اقوي روحي
يمكن تحسسني بأنه هي محتاجه الي
مرت ابويه ابتسمت وبوستني ولمى هم.
كانت عيونهم تتفحص مستغربه.
هل اتذكر الصار بيه
او لا
طبيت صار خالد بوجهي
والله متت خجل ركض لسنا حضنها ويعاينني
بقيت حاير وين اختل وين اروح من عيونهم المشفقه عليه
ابويه كال
- ابني ارتاح بالغرفه محضريها الك
وسنا فتحت الباب مال عرفتها تبتسم
طبيت مهزوم من عيونهم كانت غرفتها على حطتها طبيت ولزمت راسي
سنا- ها تاكل شوي حتى تاخذ علاجك
هزيت راسي منصي
شوي وجابت شوربه ومها وراها تبتسم
كالت
- شون شوربه ماش سويتلك ادري بيك تحبها
هزيت راسي ونصيت خالد وراها يترقب
اخذتها وباوعتله
مها- تعال يم خالو خالد
يمان- رفعت راسي باوعتله مستغرب واني خجلان حتى منه
سنا- كالت
نخليك ترتاح وكمل اكل هاي حبايتك ابلعها
هزيت راسي موافق
طلعوا
وكانما ارتاحيت لبقيتي وحدي
ساعه وسنا مجتي
اخجل افتح الباب واصيحها
اسمع صوتها بره تحجي وي ابويه ومها وخالد وصياحه وسوالفه ومطبت يمي
كمت من سمعت صوتها قريب
مديت راسي شفتها التفتت عالغرفه رأساً ابتسمت
رديت سديت الباب عرفت اريدها
جتي طبت وسدت الباب
- ها يمان شونك
- زين.... اانتي شدتسوين بره شو مقريتي اليوم
- اي والله ولاقريت دارتب بيتي خل اكمل واتفرغ لدراستي
- زين شوكت تجين
- ليش
- موداريد انام راسي انسطر
- نام شبيك اخذ راحتك محد يطب
- وانتي باوعتلها ونصيت
بقت تباوعلي مستغربه
- اني مداكدر ولزمت راسي اخاف اغمض عيني واشوفهم
- واني راح امنع هالشي؟!
- اي... باوعتلها مسيطرت نزلت دموعي والله من تبقين يمي ما احلم بكابوس لقارب
- ميخالف بس لشوكت
- تعبتج مو باوعتلها بأنكسار صدك ميت خجل
كالت
- لاابد اني فرحتي بيك متنوصف خالي اليوم يله شفت ضحكته
نصيت راسي
- تحمليني هالفتره بس خل اوكف على حيلي
- الك كل وكتي ولايهمك
- يعني نبقى هنا اليوم
صفنت توها ترد وصاح ابويه
- سنا خالو جتي الحجيه ببيتج
- اي خالو جيت حروح اشوف بيبي وبعدين نكمل حجي
تركتني وطلعت لل١٢ يله جتي جانت غاسله ولافه شعرها بالخاولي تنشف بي بقت الباب مفتوح وسرحت شعرها وتحجي وي مها وتضحك
فرشت مها مندرين
باوعت للفراش وباوعتلهم
مها- اليوم احنا خطار يمك تتحملنا
هزيت راسي مبتسم بتعب لفراغ الي بداخلي جبيير
تمددت مها وجتي سنا بصفها دتحجي بحاله من حالات المركز ذكرت اكثر من مره اسم دكتور مؤيد
واني مركز وياهم اي شي يطلعني من طوفان ذكرياتي
مها كالت
- زين ماله جاره هذا
- لا بس تخف الحاله بس وهاهي
- الله يساعد اهله
يمان- هو شبي باوعت لسنا تبسمت كالت
سنا- مريض ميعرف يحجي ولاعده تركيز
شكد عمره
- تسع سنين موصغير
- الله يعين اهله
- اي والله خطيه امه ماتت قهر من ديسوون التخطيط الدماغي
يمان- سكتو وسنا تمددت شاورتها مها بس سمعت
مها- خابرتي
عيوني افترت عليها هزت راسها تبتسم لا
بقيت اباوع
المن
عليمن قصدها
سنا عدها احد او عليه يقصدون او يمكن سمعت غلط
غفيت وحسيت عليهم يتسحبون بهدوء للدوام وسدو الباب
رجعت نمت حسيت على صوت ابويه يوعيني اروح وياه للشغل كمت وبدلت مادري شلبس مادري شون ابدي
فتحت الكنتور صافن جريت تيشرت وبنطرون صفنت عليه بي علامه جانت تلعب بيها يارا من تكعد بحضني كم مره رادت تنشلع واني اكولها بابا عوفيها
لبست وطلعت ابويه جان ينتطر ويا ابن عمه سلمت وابن عمه حضنني و واساني واني ساكت
- ها يابه ياه عازمك على ريوك يرطب عروكك
هزيت راسي طلعنا ساعه بمحل الوالد وراسي اننفخ
والدي حس كال خل نرجع
ورجعنا جانت سنا توها طابه دتحجي وي مرت ابويه اتصور بيه سكتت من فتت تبتسم
- شونك اليوم
- زين كلتها بلا مبالاه
للعصر واني بالغرفه وسنا هم دتقره وتكتب ناطيه ضهرها الي. واني كل ايامي القبل تماضر وبعدها تفتر براسي
باول حضن حضنته لسنا
اول تقارب
اول ضحكه
والندم ياكلني
جانو جهالي مصبريني ومهونين عليه غدري
التفتت عليه كأنما حست وسمعت صوت تفكيري وعقلي كالت
- مجعت
- جج الحجي ريكني باجه
- الف عافيه
- شدتقرين
- دا الملم من المصادر
كمت رحت يم ميزها خليت كفوف ايدي استند بيها عالميز متقرب من الميز
رفعت راسها باوعتلي تبتسم
ابتسمت وبعدت شعرها من وجهه وره اذنها
مثل التغيرت ملامحها ابتعدت وعيونها مستغربه عكدت الحاجب ووكفت جرت الكرسي وطلعت من الغرفه
كعدت ولزمت راسي
ساعه اني وحدي كل مااكلب بالتلفزيون كل برنامج يذكرني بيهم جننا نتفرج سوه
طب والدي يبتسم
- ها بابا تاكل ويايه
هزيت راسي طلعت صبت مها وخالد صار مصادفه بصفي
ياكل بهدوء وعيونه عليه
والوالد يحجي سنا مموجوده ادور بعيوني واباوع لمها
اكلت لكمتين وطبت سنا نزعت الحجاب
هلاوو كالتها وباوعتلي ودارت وجهه
كالت
- خاله فدوه قنينه الغاز اريد وحده بس اشتري ادزلج
جاوبت مرت ابويه
- لا وين عدي بس ثنين
جاوب ابويه
- اني اجيبلج خالو اليوم عدج
- شكرا خالو
مرت ابويه كالت
- هي بيش شنو قيمتها
سنا- لاخاله مو المشكله بالشيل والحط نسيتها وهسه تورطت بيبي كرعت راسي
ابويه كال-
- لتدوخيها للحجيه خالو
- لا والله خالو بس هي تدقق هواي
- دتعالي اكلي خالو
- لالا ماشتهي جابت مرت عمي تمن وبرياني خطيه الف عافيه غداكم مهاوي فدوه عود تجين تساعديني
يمان...
بس ردتها تعاين
بس ردتها تدير وجهه عليه داافتهم ابد مباوعت
تالي مكدرت نطقت
- شنو اليوم ننتقل هناك يعني نبات هناك
باوعلي ابويه مستغرب همس
- ابني سنا تروح وحدها
صفنت فاك عيني باوعتلها تباوعلي مستغربه
- بابا حضر روحك باجر باذن الله الصبح متواعد وي المحامي نروح للمحكمه
يمان...
فكيت عيني واحس حفقد اخر جزء الي يشجعني عالحياه.
بقيت اباوعلهم يباوعولي مستغربين
واني للاسف اعصابي الضعيفه الراخيه مكدرت الزمها
مثل الاطفال نزلت دموعي
ابويه تفاجيء وسنا تعاينلي
عفت الكل وطبيت ركض للغرفه
وجع بكلبي قوي
اخر فرصه الي دتروح من اديه
واني متوقع اروح وياها
متوقع تريدني ابقيها على ذمتي
متوقع تحضرلي البيت النا
طب والدي
كال
- بابا شبيك
- حجي اني ماريد اطلك
- ابني البنيه من زمان منتهين انت وياها وخلف الله عليها وكفتها
- حجي فدوه حاجيها لخاطرك اني سنا اريدها ماكدر اعيش دونها احجي وارجف اعصابي راخيه
- بابا انت شدتتحجي
- ماطللك حجي
- خللص اذن طلاق غيابي
كالها بكل هدوء
ديطلع
لزمته من دشداشته
-حجي بس بس اسمعني
- اذا تركتتي اموت حاجيها لخاطرك هي تسمع منك وتخاف على زعلك
- بابا اعذرني مااكدر دست عليها هواي وصبرت هواي
كالها بأسف يعاين ضعف حالتي متفاجأ ومستغرب حتى اني مستغرب خوفي افقدها
معقوله جنت هالست شهور تعلقي بيها خلاها جزء ممتجزأ مني
نترت
- موكييفكم ماطلك مرتي واريدها
صيح والدي بغضب
-وهييي متريدددك شنووو نسيت السويته بيهااا جاييني هسه تكولي اريددددها
—
يتبع
ز