"Ikaw ang bias ko," pag-uulit ko dahil mukhang hindi nila ako naintindihan, tahimik lang kasi silang lima na nakatitig sa akin. Nagulat siguro na si Stell ang bias ko, maliban nalang kay Sejun na mukhang 'nung pauna palang ay may alam na.
Napangiti naman si Stell sa naging sagot ko. Hindi ko sure kung anong ibig sabihin ng ngiti niya na 'yon. Pero sobrang tamis ng ngiti niya. Baka natuwa lang dahil bias ko nga siya. Tiningnan ko si Ken, wala lang, gusto ko lang makita 'yung reaction niya. Blangko lang ang expression niya.
"Okay, okay next na!" Masiglang sabi ni Justin bago inikot 'yung bote. Kay Josh 'yon tumapat.
"Ibabalik ko sa'yo 'yung tanong mo sa'kin kanina. Possible ba na magkagusto ka kay Athina?" Tanong ni Sejun sa kaniya. Bakit ba ako na naman? Haynako!
"Si Athina? Nako, hindi." Tiningnan niya pa ako. 'Yung tingin niya sa akin parang nagsasabi na kahit ako nalang 'yung natitirang babae sa mundo ay hindi niya 'ko papatulan kaya napairap tuloy ako. "Masyadong malayo din ang agwat ng age namin kaya hindi."
Hindi rin ako papatol sa'yo 'no! Parang kuya kaya kita, hmp. Inikot na ulit 'yung bote at tumapat kay Stell. Si Ken nalang ang hindi pa natatapatan ng bote. Hmm. Ano kayang itatanong ko?
"Kung may liligawan ka, hmm, may pag-asa ba na isa 'yon sa fans mo or fans niyo?"
Wala akong ibang maisip na tanong e, kaya ayan nalang. For sure, curious din ang ibang fans so I'll ask in their behalf.
"Oo naman, bakit hindi!" Agad niyang sagot. Wow hindi niya talaga pag-iisipan? Go agad?
Sana noon mo pa 'yan sinabi, Stell. Baka niligawan na kita, hays. Huli ka na.
Tumango ako bago inikot muli ang bote. At sa kamalasan nga naman, sa akin na naman 'yon tumapat. Iikutin ko dapat ulit pero pinigilan ako ni Sejun.
"Aba bawal ikutin, sayo na tumapat."
"Madaya! Padalawa ko na 'to, e!" Reklamo ko.
"Wala, sayo tumapat e. Magtanong ka na, Stell." Sabi ni Justin.
Ano ba 'yan, dapat isa isa lang! Si Ken ang hindi pa, e. Dapat tumapat muna sa kaniya bago ulit matanong 'yung iba. Ang daya talaga ng mga 'to. Hindi nalang ako nakipagtalo pa, baka isumbat pa sa'kin na wala naman 'yon sa rules.
"Sagutin mo 'yung tanong ko rin kanina, 'yung kasunod." Sabi niya. "Kung may gusto ka ba sa bias mo?"
Seryoso ba? Wala bang dare dito, baka naman! Tumingin ng makahulugan sa'kin si Sejun. Papansin 'yon. Inirapan ko siya kasi parang sinasabi niya na umamin na daw ako.
Okay, fine. Aaminin ko na. Lalo at aalis na rin naman sila bukas. At least masasabi ko 'yung nararamdaman ko bago nila ako iwan, di'ba. Para walang regrets.
"Oo p-"
"Pasok muna ako sa loob." Biglang sabi ni Ken kaya hindi ko na natuloy ang sasabihin.
Bakit siya aalis bigla? Nagkalakas na nga ako ng loob para umamin, e! Tapos ayaw niyang pakinggan? Saan ba 'yon pupunta?
"Hoy bawal umalis! Madaya, hindi ka pa natatapatan ng bote!" Sigaw ni Justin pero tuloy tuloy pa rin ang paglalakad ni Ken papasok sa loob ng bahay.
"Hayaan na nga natin, baka magba-banyo," natatawang sabi ni Josh. "Ano ulit 'yung sinasabi mo, Athina?"
Tumayo ako at tumingin kay Stell. "Oo, Stell. Ikaw ang bias ko simula pa 'nung una. At oo nagkagusto ako sa'yo 'nung una lalo pa noong nakilala ko kayo ng ayos. Napalapit ako sa inyo, e."
"Pero narealize ko rin lately na si Ken pala talaga 'yung gusto. Kaya diyan na muna kayo, sundan ko muna 'yon." Huli kong sinabi bago umalis doon at sumunod kay Ken. Napansin ko pa ngang hindi makapaniwala 'yung reaction ni Sejun. Akala niya siguro ay si Stell pa rin ang gusto ko hanggang ngayon.
Hinanap ko si Ken sa loob ng bahay. Kinatok ko muna 'yung pinto ng kwarto niya bago 'yon binuksan pero wala namang tao.
"Nasa pool area siguro," sambit ko sa sarili.
At tama nga ako. Nando'n siya sa may kubo. Nakaupo lang siya sa upuan doon at nakasandal. Bumuntong hininga muna ako bago naisipang lumapit na sa kaniya. Kailangan ko ng lakas ng loob!
Oo aaminin ko na sa kaniya. Hindi pwedeng palagpasin ko pa ang pagkakataong 'to.
Umupo ako sa tabi. Nakapikit pa rin siya.
"Ken," kinulbit ko siya.
Hindi niya 'ko pinansin kaya tinawag ko ulit ang pangalan niya.
"Bakit ka ba nandito? Tapos na ba kayong maglaro doon?" Bigla niyang sabi.
"Hindi pa," sagot ko.
"Oh balik ka na doon. Alam ko namang mas gusto mong makasama 'yung bias mo." May kakaiba sa pagkakasabi niya no'n. Don't tell me nagseselos siya? Assuming na naman yata ako.
"At sigurado naman akong mas gusto mong kasama 'yung taong gusto mo," dagdag niya pa.
Hala, akala niya ba ay si Stell ang taong gusto ko? You're wrong! Hindi mo kasi pinakinggan ang sinabi ko. Bakit kasi umalis kaagad, e!
Instead of telling him the truth, tumawa lang ako. Nakuha ko ang atensiyon niya kaya nakatingin lang siya sa'kin ngayon. Sure na ako, nagseselos siya talaga.
"Ikaw ang gusto ko."
Nakita ko naman ang pagkagulat niya. Halatang hindi makapaniwala sa narinig.
"I like you, Ken." Nilakasan ko ang loob ko para masabi 'to sa kaniya. "Si Stell ang bias ko pero ikaw ang gusto ko. Halos lately ko lang din narealize 'yon. Gusto ko nalang din aminin sa'yo kasi aalis na kayo, iiwan niyo na ako." A tear escaped from my eye.
"'Nung tinanong mo 'ko kung ayos lang sa'kin na maiiwan ako dito, s'yempre hindi. Kaya umamin na rin ako sayo ngayon para wala akong regrets. Ang mahalaga nalang ngayon ay nasabi ko sayo 'yung nararamdaman ko." Tuloy tuloy kong sabi.
Pinunasan niya 'yung mga luha ko. "Don't cry."
"Gusto din kita, Athina. Noon pa. Na-love at first sight nga yata ako sa'yo e," natawa siya. "Hindi ko lang alam kung paanong approach ba 'yung ipapakita ko sayo kaya hindi ko nalang pinahalata."
Oh my god! May gusto rin siya sa'kin? Totoo ba 'to?
Ang bilis ng pangyayari. He was about to kiss me, then everything went black.
__________
Hiiii~
So ayan malapit na pong matapos ang story na ito. Please keep on supporting me, thank you so much! 💙