#تحت_خط_الصفر
#بارت ٨
#مريم_السعدي
مها....
بقت سنا تباوعله والتفتت على ابويه وعليه كالت
- شنو مااكل؟
ابويه صيح
- مريكتو لعددد
رجع ردد
- عمه جوعانه بطني
باوعتله سنا وتركته وفاتت شوي وهو طب للغرفه مال ابويه وطب ابويه وراه يتوسل بي
- اكل بابا... هاي جبتلك
وهو مغمض ومتغطي علساس نايم
لل٣ الضهر
وكت علاجه ويمان كلشي ممخلي بحلكه
تالي والدي ايس وطلع وطب بغرفه سنا طبيت وراهم وسديت الباب
جان خالد يمها يسولف عن بطولاته وهي تستمع وتتجاوب بكل هدوء.. ووالدي قاطعهم
- سنا خالي
باوعتله وباوعتلي
- نعم خالو
- بابا فدوه هذا ديشوفج عمته بس قنعي ياكل داانطي العلاج خبلني
غمضت ونصت راسها كالت
- صار خالو هسه اجي احجي وياه
طلع ابويه خجلان وطلعت وراه
طبو للغرفه
وهي الحجت متقربه من سريره
- يمان... يمان تاكل ويايه؟؟
وخر الغطا وكعد
هز راسه بلهفه
- يله امشي
كام وراها رجال طول بعرض بعقل جاهل يوجع شكله حيل صبتله من اكل الغدا وقربته منه
كام ياكل ويباوعلها ويكح
كال
- ماعيدها بعد
- شنو هي الي متعيدها؟!
- ماضوج سنا من تجي بيت جدها
كانت لهجته مضبوطه بس تعابيره تعابير طفل
ويباوع بعين سنا بكل حب ابويه يكول جان هيج متعلق بعمته
يأذي سنا كون يغار منها والفرق بينهم ست سنين ويريد عمته بس اله حتى قبل لتجي سنا كانت تاخذه يبات عدها الاسبوع كله
من جتي سنا كام يغافلها يأذي وهي بالكماط عاد كام ابويه ياخذه عدنا واذاه يله تعلم عليه كل هاي وعمته بالاسبوع مرتين تاخذه وتتحمل اذيته لان تحبه
حدما توفى زوجها واستقرت بيتنا عاد من صدك تعلق بيها
مها..
اباوعله يلزم ايدها من عضدها ويجرها لحلكه وياكل ويباوع بعينها يكمل لكمته ويكول
- هسه بعد انتِ
وهي تاكل نفس الصحن نفس الملعقه وابويه يباوع لازم راسه ويهز رجله
كملت بتعاطف كام غسل ويباوعلها
- باعيني غسلت زين
هزت راسها مغمضه تركت المطبخ وتركت عيوننا الي تراقبها
اني وامي وابويه
لحكها للغرفه
طبت وسدت الباب قفلتها
وهو كعد عالدرج منصي راسه وينود بجسمه
ابويه كله
- بابا كوم يمنا
كال
- لا هسه تطلع عمه ويباوع على باب الغرفه كال
كملتي عمه
وسنا مترد
ابويه طب للغرفه واسمع صوت بجيه من صرت قريبه عالباب وامي تكولي
-تخبل هذا اكيد
كعدت بصفه عالدرج
باوعلي ودار وجهه كال
-هسه تطلع عمه
ورجع وكف دك الباب عممه
ورد كعد
شوي وطلعت سنا بيدها جنطتها الصغيره مال سفر وقفلت باب الغرفه باوعلها وكف ويعاين للجنطه
- تروحين يم سنا تعوفيني
بقت تباوعله
وباوعتلي كالت
- خالي وين
- بالغرفه
طبت توها تكول
- خالي اني راي.... وسكتت طبت وسدت الباب عليهم
باوعت ليمان كال
- هو ااني اذيت سنا اليوم؟!
هزيت راسي لا
تعبت الله يساعدك يابه
شوي وطلعت سنا وجهه احمر كلش وعيونها منفخه فتحت باب غرفتها ويمان طب راسن وراها بقت الباب مفتوح هو كعد عالجربايه ويحجي انطلق ولاكانه صار شهور ساكت
وسنا تنزع حجابها وتمسح دموعها
كال
- عمه نروح للمرجوحه
هزت راسها ساكته
طلع كلها حروح قبلج
- اي
بقيت اباوعلها بس سالتها
- شبيج
بجت وكعدت عالجربايه تشهك مغطيه وجهه
- شبيج ابويه حاجاج
- هسه اني شسوي.. كوليلي شسوي.. خالي يكولي برضايه ويبوس بيدي ... يكلوي بس ابقي وياه وداري متعلق بيج بس هالفتره حدما يوعى..
موعى شون فهميني شون
غمضت عيني وجريت نفس
- سنا حبيبتي انتي اهدأي
- اييي تعبببت مصدكت طلعت من عذابه وتآلفت وي جرحي رجع النوبه يذكرني بكل شي اذاني بالماضي وبالمستقبل
- ميخالف لخاطر ابويه
- هو اني شسكتني لعد كتله صار وتدلل قابل اكدر اكول لاااا اني اخاف على خالو واخاف على روحي مها... اخاف لاارجع احبه
بقيت صافنه بررت
- لا هو هسه فاقد
- اتعلق بي مااكدر مو بديه
- لا اعتبري حاله حال اي طفل بالمركز اعتبري خالد
- اكذب على روحي لو اكذب عليج والله مادري
- والله سنا من تعتبري حاله مرضيه ترتاحين اعتبريها لوجه الله
- صدقه على روح امي اسويها لخاطرها بس
سكتت وطلعت من يمها
طلعت ورايه للحديقه اباوعلهم شفته ابتسم ويعدل مكانها
- اهنا كعدي باعي عدلته
كعدت بصفه ولزم زندها حضنه ويباوعلها كانما يقره وجهه زعلانه لو لا
ابتسمت بتعب وهو وجهه ابتهج وبقه يسال كأنما طفل
- ليش البزونه تحفر بالطين؟
وسنا تحجي كأنما تحجي وي طفل
نصه ونام على رجلها جر ايدها لراسه
وبقه يحجي ويعاينلها ويسأل
- ليش الكمر يمشي ويانا
وهي ترد
حدما اذن وهي تلعب بشعره
واني اروح واجي اباوعلهم وابويه هم
اخر شي سأل :
- عمه تحبيني؟!
كالت
- اي طبعا احبك
-حتى لو ضوجت سنا؟!
- حتى لو ضوجتها
وسكت
بقت بله ملل بهدوء لل٩ بليل
من طلعنا شفنه يمان غافي على رجلها
باوعت لابويه ابويه نصه ورجع طب للبيت منحرج منها ومتورط وميكدر يكولها على راحتج
كامت طببته للغرفه نام وراحت لغرفتها
لليل اجه خالد من بيت عمه ونام واني بقيت سهرانه دك تلفون ابويه المعلكه عالشحن جانت ساعه ١١ الا
قريت مكتوب علي صديق يمان... رديت
- الو
- الو سلام عليكم
- اهلا عليكم السلام
- مو تلفون حجي ابو يمان؟
- اي نعم بس والله نايم
- ها ماشي حضرتج ام خالد مو
- اي
- ها عرفتيتي
- اي طبعا والا شون ارد
- شونج بالشغل
- زينه لله الحمد مصارت فرصه اتشكر منك
- لا الشكر لله خوما ديتعبوج
- لا بالعكس كلش حلو
- عاشت اديج انتي هم كلتيها بعدني بحيلي موصح
- اي بالضبط
- الله يسهلج اترخص
-الله وياك
سديته منه
وبقيت سهرانه
لا اني العشت الي عاشته سنا يتم واذيه من اهلي ورغم هالشي وصلت لطموحها ولااني الحبيت مثلها ورد رجعلها يذكرها بأذيته قبل سنين واذيته قبل كم سنه الله يساعدج
صافنه على روحي وتذكرت وليد شكد امي رفعته لان ابن اخوها وشكد كبرت براسه واني وياه من خيانه لخيانه
سفر وونسه ولعبان نفس واني حسره عليه اللكمه والهدمه خلف الله على ابويه
مدري شون قبل ينطي لمحمود لمى ولو محمود يختلف
كمت كويت هدومي شفت باب غرفه ابوبه انفتخت طلع يمان يمشي على كيفه وعيونه تارسها النعس
وبيده مخده وجرجف مالته يسحل بي
طب لغرفه سنا على كيفه وسد الباب
صفنت على حالته
شون يضل هيج
زين كرجل ميشعر بشي
فتحت الباب على كيفي شفته نايم بالكع وهي عالجربايه محاسه تغطه زين ونام
طلعت حالته غريبه
يومين مرت
ويمان صار مسؤوليه سنا وبالتالي هملت خالد
كمت ماسيطر عليه من يشوفها يمه يتخبل ويضرب بيه يريدها بس اله
نوبات توها كاعده يروحلها ركض قبل ليكعد يمان
وهي تكيف بي تسولف وياه وتصغر عقلها لعقله
شي حاولت اسوي اني بس هو متقبل مني ابد يريد اله سنا يبجي نوبات يصيح ويضرب واختمها اجنزه من الكتل وتجي هي تركض تاخذه
عاونتني هواي بي
ويمان من يشوفه يصفن يريدها بس اله وحايره بين الاثنين
ابويه تعب حيل
يمان من يشوفه ينكتل ويصيح يلزم راسه ويركع بي بالحايط ميتحمل طفل يبجي
حتى ابن لمى من يجونه بس يبجي يلزم راسه ويركع بي
سنا صارت المسؤول عنه
ريوكه الا هي تسوي و وره كل ريوك لازم جاي حليب وكعك مثل مكان طفل
توكله وتبدله
وابويه يجي يسبحه
ترتبت وضعيته و هدأ
تعلم عالحمام
ميحجي هواي بس يباوع لسنا اذا كعدت تكتب يكعد يمها يتفرج ابد ميحجي حدما تكمل يخاف تضوج منه وتعوفه
يخاف على زعلها كلش لدرجه اذا احد لابس نعالها ميقبل ينزعه اله ويكولهم نعال عمه ويودي الها
غراضها
هدومها عالحبل هو يلمها ويوديها للغرفه
ومن تغسل مواعين يوكف يمها
لازم لزك بيها
سنا جداً عادي عدها لان متعلمه عدها هاي شغلتها
بس هو جان يشوفها امه الميعرف غيرها
ومكيف من يسألها وين سنا تكوله بعد متجي يضحك يكولها لتضوجين اني يمج
وهي تبتسم
كام مينام اله يمها
وتبقى الباب مفتوح بأمر من بابا يخاف عليها خاف منعرف شيصير خاف يصير شي ويأذيها منعرف شيطلع منه لان عقله مو براسه
مستمرين بالعلاج
و خالد بده صبره ينفذ
بس يشوفها وحدها يركض يمها ويضل يسولف واني كمت اسولف وياهم نوبات يصفن هو عليه يريدني اروح واني اضل كاعده كلتلي كعدي ويانا وشجعي وانتي احجيلي عنه مدامه خالد هيج سوه اليوم خالد هيج فكر اليوم خالد هيج حب فلان اكله اليوم واني انفذ
كاعدين عالمرجوحه وهو يسولف بيت عمه شون عايشين
عدهم حوض جبير يفرشو يترسو من الليل مي ويخلون كراسي حتى مينجب المي
والصبح كلنا نسبح بس بيبي متقبل ننزع هدومنا
وسنا تتجاوب وياه
واني هم صار يباوعلي ويباوعلها
ويلبسني ويكمل كلام وي سنا
واني ارد عنه ابتسم ختمها
وكال
- ماما روحي جوه انتي مو متحبيني وتضربيني
توني اكوله مو انت متسمع كلام وسنا ردت
- لا حبيبي ماما تحبك بس هي تتعب بسرعه انت من تشوفها تتعب لتبجي متضربك
سكت ويباوع لسنا
- صيري انتي امي
كالت
- لااا هاي ماما الحلوه اللي تحبك تشتغل علمودك وتشتريلك كلشي تريده انت
- لعد مجابتلي بايسكل
- موكتلك راس الشهر بس استلم يا بايسكل تريد تدلل
سكت مبتسم
تاذيت من كال صيري انتي امي. لسنا
سنا تعلمه وتحاجي ولازمه ايده ومن تهدها يرد يخليها بنص ايدها وترجع تلزمها
طلع يمان يمشي بخطى متارجحه وصل يمنا شافها كاعده يم باوعله بغضب
وخر ايده توها سنا تكوم ردت كعدت كعد بنص خالد وسنا وخله ايده بيدها ويباوع لخالد مخنزر
خالد كام صيح علي
شبيك اعمى كعدت بحضني
مها- عطت بخالد
عيب ماما خالك
هو عبالك جاهل صغيروني حتى يسويها على روحه. اني احسن منه حتى بيبيتي تكول انت اكبر منه هذا مخبل
يمان نتر
- كمت ماسوي كمت ماسوييي ولي يلله
ولزم ايد سنا قوي ويباوعلها بقت ساكته. ويردد
- ماسوي عمه مو
هزت راسها اي
ورجع خالد كعد من صفحه اللخ
كام يمان جره وشمره من المرجوحه
وتخبل خالد يضرب بي ويمان. يدفعه ميكدرله عبالك ميكدر يدافع عن روحه سنا تصيح اني اجر بخالد
كوه جريته وسنا اخذت يمان خزرته طببته جوه وهوويتلفت لخالد يضحك
- باوع جتي ويايه
وخالد ينشال ويندك
بقينا بالمرجوحه حاولت اتواصل وياه وابوس واحضن وهوو.نار اخر شي كتله تطلع نفتر وشتريد اشتريلك قبل
وطلعنا بقه ضايج. شتريتله. لفات شتريتله موطه نوعا ما صار تقارب ولاول مره سأل عن ابو والسوال وجهه الي
- بابا ليش جان يضربج
مكدرت ارد لهيته بغير موضوع
للمغرب يله رجعت جان علي صديق يمان موجود وابويه كاعد يمه مطببه مسبحه لان والدي تعب مديكدر
من طبيت وكف سلم باحترام مبتسم حجه وي خالد خالد مرد علي.
ورجع وكعد يم والدي
سنا حانت تحضر كهوه ويمان عافهم واجه يمها
سنا كالت يمان روح يم علي
-مااضوج ماعرف شكول
- ميخالف ابقى كاعد
لايمج ويعاين لخالد خاف ياخذ سنا منه
سكتت سنا وصبت الكوفي واخذتها قدمتها و يمان وراها بقه علي صافن ونصه يردد لاحول ولاقوه الا بالله.
وباوع لوالدي
- حجي هذا العلاج مديشتغل لازم نغيره
وبابا جر حسره يباوعله
ابني الظاهر ماكو امل
- شتكول سنا... الدكتور شكالج
- يكول اذا اكو تغيير استمرو واحنا لاحضنا تغيير من نطق مو خالي
-بنتي صار شهر بنطقه وماكو اي تغيير بعد
- أسبوع اللخ يجي طبيب عراقي دارس بالطب النفسي الفرنسي للمركز بلكن اكدر اساله
مها...
طلع علي وكاعدين بالهول امي يم ابويه تخلي الدهن الكال علي الطبيب والتمارين تسويها اله
سنا بصفها يمان
واني خالد ديكتب بالكع خابر عم خالد كلي جبت بايسكل لخالد واني بالباب فتحيلي الباب كلش فرحت
ورحت رأساً تشكرت منه واخذته منه وراح
طببته وهوو كيف فرح ويلعب بي ويصيح
باعيلي سناوي
وسنا تبتسم يضحك ويصيح ماما صوريني
واني اطكله بالصور
لحد مانام. من التعب وكامت سنا باوعت ليمان
همست بتحذير
- انت تنام. يم خالوو
نصه راسه ويهز برجله يمنه ويسره
- فهمت
- مااحجي كال بتوسل
- لا يمان
- مااطلع صوت والله والله
- لااا تنام يم بابا مفهووم
سكت ونصه
- مفهوم
هز راسه وكام زعلان
- فرش اسنانك
- اي
- عفيه
- طبت لغرفتها وهو طب مكدرت انام ابد بقيت اكلب بالقنوات باجر دوام عدي وسنا هم
لل١ حسبت باب غرفه ابويه انفتحت بهدوء وطلع يمان ومخدته وجرجفه وطب للغرفه مال سنا
وسد الباب وراه
رجعت فتحتها وراه على كيف اباوعله نام بالكع على كيفه ويباوعلها. كأنما يباوع للجنه
حدما غفه
مكدرت انام للصلاه كملت صلاتي وسمعت كلام بصوت ناصي من غرفه سنا رجعت باوعت
شفته على ركبه كاعد يباوع عليها عالجربايه ميمد ايده
- عمه— عمه—
فزت سنا وخزرته
- هم جيت
- عمه اخاف
- بابا مويمك
- حتلو كالها بتوسل
- شوكت جيت
- هواي صار
- وليش منمت
-خاف متحبيني بعد وتروحين يم سنا
-يمان نام
- بس بطني جوعان
- جج استغفر الله
- حنام حنام
- لا كوم اسويلك اكل
- متزاعليني
جرت نفس نترت لا امشي
طلعت من الغرفه باوعتلي وهزت بيدها تبتسم
كلت الها... والله الج اجرج
جاوبت
- اي تعب اتعبه هديه اجره لروح امي
- واصل باذن الله
كعد بالمطبخ وسوتله لفه. وحليب
وكعدت بصفه توكله وهو يباوعله جر ايدها لزمها اللفه وياكل من ايدها
ابتسمت غمضت وتوكله جنت اراقبها من بعيد مستفاده من كل تصرف وي يمان لخاطر خالد وحجه يمان
- عمه انتي تحبين خالد
- اي احبه
- اكثر اني لو هو
- اذا انت اذيت احبه اكثر واذا هو اذه احبك اكثر
- مااذي بعد حتى متحبي
هزت راسها وتلمست شعره لو روحه ساحت يضحك
- كمتي تحبيني
- اي احبك كالتها تباوع بعينه
- يعني انام يمج
- لازم تنام يم بابا
- بس جنتي تنيميني عدج وتقرين قصه الي من جتي سنا بطلتي
- موصرت جبير
- عمه مواني اخاف والله
- منين تخاف يمان بابا يمك
- اخاف اغرك بالمي
فكت عينها كلها وبلعت ريك باوعتلي واني تقربت
مها : شون تغرك
باوعلي وباوع لسنا
- احلم اطب بالمي اريد اطلع ماكدر وافز گلبي يدك سريع سريع
بقت سنا صافنه عليه يحجي ويرجف
تنهدت مغمضه ميخالف نام يمي
- اجيب مندر من غرفه بابا
- اي جيب
- بس موتحبين خالد عود ومتحبيني
- لا احبك واحبه
- بس اني اكثر
- لتاذي واحبك اكثر
- مااذي بعد
كمل لفته وحليبه وكام غسل بلهفه وراح للغرفه. جاب مندر وفرشه
ونام يم رجل سنا وسنا عالجربايه
بقت تحجيله قصص مطول ونام لان منايم
ثاني يوم الصبح رحنا للدوام وخالد بالمركز خلت سنا يمان نايم بغرفتها. وطلعت
لل١ رجعنا. جان توه كاعد
من شاف سنا روحه ردت
طبت سنا للغرفه ديطب وراها كالت
دابدل يمان دقيقه
كعد عالدرج ينتظر خالد يباوعله بغضب شوي وطلعت راحت للمطبخ واجه وراها باوعتله
- جوعان
- اي...ويا جوابها هو يباوع يبتسم
صبت وكلته اخذ ايدها كالت
اكل وحدك ومتوكع ابد اني هم اريد اكل
وهو تصرف بهدوء وابويه مكيف كاعدين بالهول هالفتره تقاربنا خاطر ابويه ويمان صرنا هواي نكعد سوه
وطب خالد بدراجته
يفتر
ويباوع لسنا
وسنا تبتسم وتردد
- بطل تعلمها عفيه
ويكولها اصعدي افرج ابويه خرب ضحك
جاوب يمان بصغر عقل
لالا عمه توكعين يطلع الدم ولزم ايدها بقلق. توها باوعتله تبتسم
وخالد انزل من البايسكل وشيله واركعه براس يمان
ضربه وحده
الدواسها بيها بوري حديد
وانشك بيها راس يمان من اذنه لكصته.
وابويه كمز وسنا صرخت
الا اني جمدت مادري شسوي وخالد يتنفس بسرعه ويغلط علي
يمان ردد بصوت يبجي
- عمه ضربني اذه باعي اذه
سنا تخبلت من فار الدم ركض اخذت سويجها وشالها والصايه وتباوع لابويه
- خالي هذا ميوكف اله خياط
وشدت الخاولي بقوه على راسه. وباوعتلي بداعه خالي لتضربي طفل ميعرف
واني بس ابجي ابويه وكفه مبي يوكف بعد
وطلعت سنا ركض وخدها وي يمان للمستشفى
وهو يردد
عمه راسي
اي هسه هسه
ابويه خابر علي وراحله. ويردد
لااخ عده يوكفله لا عمام بيهم حيل يردد والله استحي اخابرهم
ساعتين ورجعت سنا وعلي ويمان ملفوف راسه وطببته سما لغرفتها نام بجربايتها
بس كان ساكت خانس
طلعت وحجتلنا
وصلت النستشفى وراسا طواريء وبنجه وخيط وهو ينفر براسه لزمته قوي يله سكن وكمل الدكتور شغله
وابويه عينه بالكع ولازم راسه
علي- عمي اقترح عليك اقتراح ولو خياذيك
- شور عليه وليدي تره تعب الداتعبه مووكته والله
- عمي خلي مصح اهلي
- وين اكو
- اكو قسم بالشماعيه بفلوس
كالها ونصه راسه
كمل كلام
- ناس واعيه وفاهمه حسب مكالو يتابعون حالته
نطت امي
- اي دخلص هو صاير خبل من اول كتلك خلي مستشفى مال مخابيل
عاط بيها ابويهه
فهييييمه
وسكتت
اباوع لسنا تباوع بقلق ابويه كلها ها خالي شتكولين
- خالو خاف يأذو
علي- نجرب مخسرانين لان الحاله دتصعب لازم دكتور
مها- بس ابويه مخله طبيب مراحله
- يختلف من يعيش وياه ام خالد
- زين واني خالد وين اودي
سنا- لج مبي شي ابنج لتخبلي
-دباعي هاي تصرفات
يغار منه
علي- ممكن سوال ولو تدخل اسمحلي عمي ابو يمان
مها- لا تفضل عادي
- هو عمه هم يجي يشوفه
- والله يروح على طول يمهم وهو خطيه ذاك اليوم جاب دراجه اله بس ملتهي هم جهال وهوسه
- اي حقه بس الداشوفه محتاج احد وياه يحتوي فوك راسه يخاف منه
- صح
- تسمحيلي احاجي اني هم عدي ولد والله هم خبلوني بفتره من الفترات بس عرفت اتصرف وياهم
عادي حاجي تعال خالد
اجه وكعد
وبده علي يحجي وياه
وهو يتجاوب ويدير وجهه لسنا
ابتسم علي رباوع لسنا
- ادري شمسويه انتي ههه الجهال كلها تحبج
ابويه كال
مدري شون تحجي وياه لو جان نار يهدا
سنا-دراستي هاي
- والله بالمكان الصح انتي
تجي ويايه عمو
مها- كالها وباوعلي
- ووين يجي
- يم الولد هناك اني عدي الصغير اكبره منه ٤ سنين هذا صار بعد كعده ١٥ سنه هههه بزر الكعده وهم ماعده احد يلعب وياه
والله نوبات اني العب ويا هو امه مريضه تعبانه
- الله يساعدك
- ها تجي ويايه
مها- صفنت عليه ابتسم وباوع لابويه. عمي بله امر اخذه وبليل ارجعه
وباوعلي ابويه
ها بابا يروح
اي عادي تروح
اي اخذ بايسكلي واروح
اخذه وراح وياه
سنا صفنت عليه ابتسمت
شبيج هيج تباوعيلي
هيج والله
لااعرف تضرتج هاي احجي
وداعتج هيج هههه شبيج
وصيح يمان بصوت مخنوك
عمهه عمه راسي
كمزنا عليه لازم راسه ويفره يمنا ويسره عالفراش
ركض سنا طته حبايه وضربته ابره وابويه واكف واني
للاسف مبقه حرمه لجسمه كدامنا وكانه طفل لو كان يدري هيج وواعي. يتخبل
سنا تمسحله وجه بوصله مبلله وهو يباوعله يتوسل
والله يوجعني
هسه يطيب
بوسي حتى يطيب سنا باوعت لابويه ونصت باست راسه وهو طب لحضنها ويتنفس حدما رجع غفه
وابويه طلع واني هم
بقينا الباب مفتوح واشوفها تمسد على خده تباوعله ميته قهر وهو غافي
وره سبوع من الحادثه بلشت دراسه سنا الماجستير وصار لازمها هدوء وابويه من كيفه وداه للمصح بيومها تأذه حيل وهوويودعها ويتوسل
مااذي بعد
كولي لابويه مياخذني
طاب راسي عمه ميوجع
عمه اخاف انام وحدي
و سنا عيونها تجري حضنته وشاورته طولت وهو هز راسه. ودموعه على خده
وصعد بسياره ابويه
- شكتيله
- كتله اذا متروح واسمع الكلام ماحبك وراح كالتها وكعدت تبجي
- هسه ليش دتبجين كل اسبوع روحي وي ابويه وعلي وشوفي
- اخاف علي والله لج شون كوليلي مصدكت كرهت رجولته رجعت حبيت طفولته شسوي تعلقت بي
وتعوفين دراستج هسه دوام ودراسه وهو مجلب بيح سنا وبس يحجي
- غمضت عينها لعد اني شكو متحمله
- ودك تلفونها
- الو
- ها بيبي
- اي خلي يجي اي لا ابقى باي حبيبتي
- ها تروحين
اي هناك لازم صنطه وهدوء واقره هنا لمى كلما تجي كلشي ماكدر اقره وي جهالها وبجيهم
الله يوفقج
فدوه لكلبج دير بالج على خلود وخلي علي ياخذه كل فتره
لج عيني استحي واني هسه ارمله لازم اخذ حذري من الحجي. امي امي تلمحلي تكولي تره هذا متزوج ابويه جان ميدير بال هسه كام يكولي من يجي لتطبين بابا واني بس اسلم واطلع
- مادري شكولج بس هو كلي كلش يتونس وي سجاد ابنه. وياخذهم ابوهم للملعب مال طوبه
- اي ادري ماكيف قابل حتى هدأ بس شسوي اخجل
- خلي الامور عاديه من يجي ويكولج خالي خلي يروح لتحجين
- خوش اي اوك
وعلي هم اسلوبه حلو يجيبها على انه ابني وحده. يضوج
لعد هو شنو قصده
-ها مادري
- سنااا
- شبيج مها مادري يله اجه عمي رايحه اني
وطلعت
بيومها من رجعو علي وابويه من المصح. جان وجه ابويه حيل تعبان وطبلي للغرفه كال اخذ خالد وياه
سكتت
وسالته
- يابه شبيك
- تعبان بابا تعبان لو شايفه وجهه من شاف الغرب طفل طفل. ياربي تعبت لو تاخذ امانتك لو تطيبه مااشترط حاشا لله ربي بس تعبت فدوه لرحمتك
خليت ايدي على كتفه
حجي ادعيله
والله ادعيله والله ادعيله كون بيه ولا بي
اسم الله عليك يابه
مرد كلبي ابويه طلع من يمي دمعته على خده
اربع ايام وجتنا سنا ضهريه ابويه كيف بيها جانت لمى عدنا ويه الجهال
اخذت الاجار مال بيت وطلبت من ابويه يروحون يشوفون يمان وابويه كيف لان قلق رغم اكدلها يتصل بالطبيب المختص ويطمنه الطبيب ويساله. اجي اشوفه محتاج شي وياكدله انه ممحتاج شي ومتعلم وي البقيه وديكمل علاجه
وراحو ابويه وسنا
للمغرب طبو ويمان وياهم جسمه. محبب واحممر ومورم
وابويه مفرفح وسنا. نار
- شكو هاي شبي
وهو بس صافن ويفر بعينه بالكوه فاتحها يباوع لسنا وشفافه وارمه
شبي يمان
صيحت سنا
- الابن الجلب ناطي مسكنات صارله ٣ ايام نايم. وهووعده حساسيه من هالدوه وهايجه عده اني كتله. الجلب الحقيرر عده حساسيه. لتنطي ابد منه. كلي لا اصلا ميحتاج الجذاب
خالي يمان يبقه هنا واني اداري بس انت ابقى يمه وكت اروح لدوامي وكت دراستي
وبابا وافق
بس سنا اعصابها فايره
ضربته ابره تحت الجلد وتدهن بجسمه بالدهن وهووبس يعاينها خانس ويعاين لابوبه
والله ساعه هفتت الحساسيه فش الورم بقت الحبابي
تحجي ويا سنا وهووساكت
يمان
باوعلها
شبيك احجي
برطم ورفع تيشرته ايده. مطبعه ازرك
همس
توجعني عمه ضربني الاسود بالعوده
تخبلت سنا
- والقران ابلغ عليه والله ابلغ عليه
وابويه فحطت روحه راد يوكع
وجهال لمى يبجون
فجاءه صرخ يمان بعلو حسه
اسكتتتت اسكتتت لتبجيبي اشششش
اشش
لزمت وجهه سنا باوعت بعينه
- يمانن شبييك اهدا
عمه ماريد صوت راسي هوسه صياح داسمع صياح كومه جهال يبجووون عمه حيغركون
وطبب راسه لحضنها خايف يرتعش
سكتيهم عمه سكتيهم ماريد مارريد يبجون
بجينا لوضعه وسنا صافنه غفه بعدما ابويه طلب من لمى تروح وراحت زعلانه وامي تخبلت علمود ابنه المخبل يطرد بنتي
حدما ابويه صيح يله سكتت
طلعت سنا من الغرفه وكعدت يمنا صافنه
باوعلها ابويه كال
- اني اشوف العلاج ديشتغل
- اي خالي ديشتغل بس ليش باقي بعقله وديسمع باذنه
-والله خالو دراستج هاي اسألي دكاترتج
شالت الالفون باوعت للساعه ب٩ واتصلت
بقت تحجي وي الطبيب كومه وسدته فهمتنا انه يكول
عقله باقي بكونه طفل حمايه اله من الفقدان حتى خاف ميتحمل ويبدي جسمه من وحده شوي شوي يخلي يتقبل سبحان الله العقل مستشفى بداخل جسم الانسان مسؤول عن كلشي بي
بابا ردد
- كون ميتذكر هذا يموت
- خالو من بعد اذنك اتي راح ااجل الماستر هالسنه واتفرغ ليمان
-ابتسم بابا وهمس
عالواه
بس رايده منك شغله
اعتبريها صارت
خالو اريد ابقى ببيت وحدي وياه حالته حسب كلام الطبيب يريد هدووء وتفرغ بس اله.
زين ماشي
والعلاج حيتكثف
بسيطه هاي اصلا المؤجرين شهرين ويخلص السنه ويطلعون
- لاخالو ماريد هنا فدوه اريد بيت سنطه
ااجرلكم
- اي خالو
- بابا اخاف عليج هذا بله عقل وانتي وحدج احتاجيتو شي شون
مها- اجري لو يم بيت جدج لو يم بيت علي
سنا- بيت علي عالشط واكو هناك بيوت فارغه هواي خالو شوفلي بيت يمه فدوه
خل اشوف علي واشوف ولد عمي بلكن يدبرولي مكان قريب عنهم او اشوف هنا
- خوش
مها- بضرف سبوع. اخذت سنا يمان لبيت اجره الهم ابويه يم بيت جدها وبيت علي عالشط بحيث الحديقه عالشط
جان جبير
فارغ
وقديم
بس اجرو لخاطر مكانه وقربه من علي وبيت حدها
وبدت رحله علاج يمان سنا كانت على تواصل يومي ويايه وتواصل يومي وي الدكتور الدارس بفرنسا
علاجه
وقربه منها
جانت تحجيلي حتى غسل تغسله وتبقي بالملابس الداخليه من تكمل تكوله انزع والبس النضيف اني حطلع وهو يكولها
لان عيب
اي لان عيب
فتره مرت وتشرحلي
تكول صار يصفن هواي
على غفله يكعد نص الليل يصيح واني بصفه
يكولي عمه سكتيهم بس يبجون
لو يفز من خلم يكولي غركو ماتو وميت بجي
جانت خايفه يصحه ويتاذه وتنعاد ماساته
كانت لكل حركه مترقبه
يوميه بالحديقه يطلعون ياكلون ويلعب وياها مكيف بكونها صارت بس اله
حتى نوم صار ينام يمها عالحربايه. ويغطيها يخاف عليها
ويبقى لازم ايدها ميهدها حد مايكعد
صار يساعدها بالشغل لان البيت حبير كلش
حتى ابويه صار ميروحله وحدهم
تكول شكد مرتاح ومكيف بس بالليل كوابيسه واحلامه والصوت يفززه
واحضنه مخففه عنه حدما يغفه
خابرتني مره بالدوام جانت بالعشره الصبح
ها صباح الخير
مها كوليلي شسوي
شكو شبي يمان
مها متدربن شسوه بيه
شكو شسوه عزه
لج كعدت من النوم شفته صافن بوجهي يبتسم مثل مجنت اتمنى نضراته وابتسامته حسيته يمان الجبير تدرين شكلي
شكال
اول مفتحت عيني كال
احبج اني
لو تدرين شصار بيه
سوده عليه
شي جنت اتمناه. مها اتمناه منه وهسه كاله مها
ميخالف حبيبتي والله الج اجرج
ولج اذا صحه ووعه. هالتعلق كله يروح لج حيعوفني مرتين مو مره
استغفر الله ربي
اذا وعه. راح اكرهه من جديد واحساس الكره معناه اكو بكلبي شوي حب
هو خلي يوعى والله كريم
يكولي احبج كومه بكد روحي
حجي جنت اتمناه من جان خطيبي
- كافي سنا ارتاحي حتموتين نفسج
- تعبببت
- حقج والله حقج
- بس كون امي دتشوف شسوت من علقته بيها
- استغفر الله ربي لج غير ماعده ام غير يتيم
- واني مويتيمممه هاج دراستي سنه تأجلت راحت عليه. من وراه. ليش بس فهميتي شمسويلي هو شو مرمطني تمرمط متت عليه. عشقته وعافني وتزوج كرهني بالزلم كلهم لخاطر خالي والله لخاطر خالي ومااتحمل نضرته الطفوليه وتوسله بيه بس كون الله يصحى
الله كريم
جرت نفس كالت
- اكولج
- ها
- دكتور مؤيد رجع تقدم دز صديقتي خابرت يكول اذا توافق اتقدم
- وانتي شكتيله
جرت حسره
- كتلها فد شهرين عدنا حاله وفات هسه
سكتت
- شنو رأيج
- خوش ولد هو وواصل
- اي حباب واحس مستقبلي وياه ارصل الطموحي
- ان شاء الله
- دروحي باي كعد يمان
- الله وياج
- لتحجين لاحد هالحجي اني اخابر افضفض وارتاح
-اي اعرف بيناتنا والله
-باي
- هلو كلبي
سدته مني
سنا- كمت ريكته واسولف وياه اوكله لكمه يبتسم وهو يوكلني لكمه اكل من ايده واضحك بتعب كملنا وكمنا بالحديقه. جنت لازمه تمرين صيني صار اسبوعين
وره ميلعب رياضه يسبح مي حار ينزل بالدوش على راسه وراها راسا مي بارد ثلج
أسبوعين لازمته واليوم طببته اسبحه
وهو بطرك الشورت
ليفت جسمه كال
- اطب بالمي الحار
- اي طب
طب بقه وسديت الحار رأساً
ابقى يمان
-بارده عمه
نحسب يمان مثل كل يوم
-للعشرين
- لا للخمسين
- عمه باردتلي
- ميخالف يله واحدد اثنين
وبقيت لل٣٠ وابتعدت سديت المي ورجعت غسلت شعره بالشامبو كعد عالغربيه ماشوف اله يمان انفض راسه جبت الدوش المتحرك راسا غسلتله وخرت الشامبو
- شبيك شبيك شو باوعلي
عكد حاحبه
نضراته احتدت
ويتلفت للحمام
وباوعلي وباوع لروحه مستغرب حيل
لف ايده على نفسه وانزوه بالبانيو كعد ستر جسمه صافن ويتلفت عيونه نضراته غضب واستغراب وحده وصفن بوجهي
- انتي — انتي شجابج هنا شدتسوين شنو هاي شنو ليش
شششون طابه ويابه للحمام
فكيت عيني وكع الدوش مني صفنت ببس اهدأ
بقه صافن على خوفي ورجفتي
- ببس هسه افهمك
وعمش عينه بقوه ونتر راسه صرخ
- اخخخخخخ
مها... للمغرب ورجعت خابرت سنا ترجف
- لج مها لحكيلي
- شكو شصار
مادري شسوي وعه وعه وووبس ديصرخ خخالو مديرد ووعلي رقمه راح فدوه خابري دديركع راسه بالحايط مهاااا
—-
يتبع موعدنا الثلاثاء القادم
#مريم_السعدي
..
.
.
.
سنا-