"ဆရာရေ။ လုပ်ပါဦး။ အနာက မပျောက်ဘဲ ပိုရင်းလာလို့။"
"ဆရာရေ။အဖျားတွေကြီးပြီး ကိုယ်ပူတွေတက်တာ အခုသတိလစ်သွားလို့။"
"ဆရာရေ။ ထင်းခုတ်တာ လက်တွေပါ ထိကုန်လို့။"
တစ်နေ့တနေ့ မရိုးနိုင်သော ဝေဒနာပေါင်း သောင်းခြောက်ထောင်သည် ထက်မာန်ဦးတို့ နေအိမ်ဆီ အကုန်ရောက်သည်။ တလောက မြွေကိုက်တဲ့လူနာကို လွှမ်းကူညီပေးလိုက်ကတည်းက ရွာထဲမှာထစ်ခနဲရှိတစ်ခုခုဆို လွှမ်းဆီရောက်လာတော့သည်။ လွှမ်းကတော့ သူတို့ဟာ သူတို့ ဆေးမြီးတိုတွေနဲ့ ကြိတ်ကုတာထက် သူတို့ရောက်လာတာ ပိုကောင်းသည် ဆိုပြီး ၀မ်းသာနေသေးသည်။ ဆေးကုတဲ့နေရာကတော့ အိမ်ရှေ့ဘုရားခန်းမှာပင် ဖျာခင်းပြီး ရောက်လာတဲ့ လူနာတွေကို စမ်းသပ်ရသည်။
ဒီတမနက်တည်းပင် လူနာက သုံးယောက်ရှိနေပြီ။ အခုနောက်ဆုံးရောက်လာတာက ထင်းခုတ်ရင်း လက်ထိသွားလို့။ လွှမ်းကတော့ အရိုးတွေပါ မြင်နေရပြီဖြစ်တဲ့ တဲတဲလေးသာ ကျန်တော့သော လက်ချောင်းနှစ်ချောင်းကို ဂရုတစိုက်ချုပ်ပေးနေရှာလေသည်။ ထုံဆေးမပေးဘဲ အစိမ်းချုပ်တာမို့ လက်ထိထားတဲ့ ထိုဦးလေးကြီးကတော့ သေမတတ် အော်ဟစ်လျှက်ရှိသည်။
"အား။..အား။"
ထိူလူကိုထိန်းရတာက ထက်မာန်ဦးရဲ့အလုပ်။ ထက်မာန်ဦးကတော့ မကြည့်ရဲတာမို့ မျက်နှာကိုခပ်လွှဲလွှဲထားပြီး လူနာကိုသာ ဖမ်းချုပ်ပေးထားလိုက်သည်။ သို့သော် ထိုလူရဲ့အားက မသေးလှသည်ဖြစ်ရာ တစ်ချက်တစ်ချက် ရုန်းထလာသည်မို့ လွှမ်းမှာ သေချာအာရုံစိုက်လို့ရပုံမတူ။ လွှမ်းမှာနဖူးက ချွေးပါကျချင်နေပြီဖြစ်သည်။
"မာန်။ သူ့လက်ကိုသေချာထိန်းထား။"
လွှမ်းပြောတဲ့အတိုင်း ဓားထိထားတဲ့လက်ကို လှမ်းဖိထားလိုက်မိသည်။ နဖူးကြောကြီးတွေ ရှုံ့တွနေတဲ့အထိ အံကိုကြိတ်ထားတဲ့ ထက်မာန်ဦး မျက်နှာက အစိမ်းချုပ်ချုပ်ခံရတဲ့ လူထက် ပိုပြီးကြည့်ရဆိုးနေမည်ဆိုတာ သေချာသည်။ ထက်မာန်ဦးထက်စာလျှင် ထိုဦးလေးကြီးရဲ့ သမီးဖြစ်သူက ပိုပြီးအားသန်ပုံရသည်။ သူပါဝိုင်းပြီးဖိပေးထားကာမှ ထိုလူသည်အတန်ငယ် ငြိမ်သက်သွားလေတော့သည်။ ထိုအခါမှ လွှမ်းမှာလည်း အပ်ကိုင်ပြီး ရဲရဲချုပ်လို့ရတော့သည်။
လွှမ်းမျက်နှာကို ထက်မာန်ဦးကြည့်မိတော့ မျက်ခုံးလေးနှစ်ဖက်ထိစပ်လုရုံ မျက်မှောင်တစ်ချက်တစ်ချက် ကျုံ့သွားတာမှအပ မျက်နှာပျက်သွားခြင်းလုံးဝမရှိ။ ခုနကသွေးတွေ ဒလဟောစီးကျနေတာကိုလည်း လွှမ်းကဘဲ အကုန်သန့်စင်ပေးသွားခြင်းဖြစ်လေသည်။ အခုလည်း ဒဏ်ရာဟပြဲကြီးကို ချုပ်နေပြန်သေးသည်။
ဆရာဝန်မို့ လုပ်ပေးနိုင်သည်မှာ အံ့သြစရာမရှိပေမယ့် လွှမ်းဟာ ဒီလိုအာရုံစူးစိုက်နိုင်စွမ်းကို သူ့အကြောက်တရားနှင့် ဘယ်လိုယှဉ်ပြီး ရယူခဲ့ပါလိမ့်လို့ ထက်မာန်ဦး တွေးမိပြီး မှင်သက်ရသည်။ ကြည့်ရသည်မှာ အတွေ့အကြုံနှင့် မဖြစ်မနေလုပ်ရမည့် တာဝန်တချို့သည် လွှမ်းကို သင်ကြားပြသပေးသွားပုံပင်ရသည်။
လွှမ်းတောင် ကြည့်ရဲနေတာ။ ဘာလို့ ထက်မာန်ဦးက မကြည့်ရဲရှိရမလဲဟု တွေးလိုက်မိရင်း ထက်မာန်ဦး မရဲတရဲနှင့် ဒဏ်ရာချုပ်နေတဲ့လွှမ်းရဲ့ လက်တွေဆီမျက်စပစ်လိုက်သည်။ လွှမ်းဟာ ဘယ်လက်နှင့် ဒဏ်ရာကိုဖိပြီး ညာဘက်လက်ကနေ ချိတ်ကောက်အပ်ကို ကိုင်ထားလေသည်။ ညာလက်ကို အဓိကအသုံးပြုနေခြင်းဖြစ်တာကို ရိပ်စားမိတဲ့နောက် ထက်မာန်ဦး မျက်လုံးပြူးသွားရတော့သည်။
လွှမ်းက ဘယ်သန်မဟုတ်လား။ လွှမ်းက ငယ်ငယ်ကတည်းက ဘယ်သန်လေ။
"ရပြီ။ မာန်။ ဖယ်လိုက်တော့။"
လွှမ်းဆီက စကားကြောင့် ထက်မာန်ဦးလည်း သတိဝင်လာလေရာ လူနာရဲ့ လက်ကို ထိန်းကိုင်ထားရာမှ ဖယ်လိုက်သည်။ လွှမ်းကတော့ ချုပ်ပြီးတဲ့ ဒဏ်ရာပေါ်ဆေးထည့်ပေးပြီး ပတ်တီးကို ခပ်ဖွဖွလေး စည်းပေးနေသည်။ လွှမ်းရဲ့လူပ်ရှားမူတွေအကုန်လုံးကို ဂရုထားပြီး ထက်မာန်ဦးလိုက်ကြည့်နေမိသည်။ အကုန်လုံးကို ညာလက်ကိုသာ အဓိက အသုံးပြုသွားလေသည်။ ထက်မာန်ဦးသည် လွှမ်းနဲ့တူတူရှိနေတာ ကာလတစ်ခုထိကြာပြီဖြစ်ပေမယ့် အခုမှဘဲ လွှမ်းညာလက်ကို သုံးနေမှန်း သတိထားမိတော့သည်။
"ဒဏ်ရာရထားတဲ့လက်ကို အရမ်းမလူပ်ရှားနဲ့နော်။ ရေလည်း မထိစေနဲ့။ ဒီဆေးလေး ယူသွား။ တနေ့နှစ်ကြိမ်လောက်ထည့်ပေး။ နောက်နှစ်ပတ်နေရင် ကျွန်တော့်ဆီမှာဘဲ ချုပ်ရိုးလာဖြေနော်။"
ထိုလူကြီးကတော့ လွှမ်းပြောတာကို ခေါင်းကိုတွင်တွင်ညိမ့်ပြလေသည်။ လွှမ်းစကားပြောတဲ့ပုံလေးကလည်း လူစင်စစ်ကပင် ပုတ်သင်ညိုဖြစ်ရလောက်အောင် နားထောင်ကောင်းလွန်းတာကိုး။
အသက်အရွယ်အားဖြင့် ခြောက်ဆယ်နားကပ်ပြီဟု သိခဲ့ရသော်လည်း တောသူတောင်သားမို့လား မသိ။ ထိုလူကြီးသည် သန်မာပြီး ဖြတ်လတ်နေဆဲဖြစ်လေသည်။ သို့သော် ဗမာစကားကို နားလည်ရုံသာ နားလည်ပြီး ရေရေလည်လည်မပြောတတ်။ အတူလိုက်ပါလာတဲ့ သူ့သမီးကသာ ဗမာစကားကို သေချာပြောတတ်ပုံရသည်။ အသားဖြူဖြူ ပါးအို့နီနီလေးနှင့် ထိုမိန်းမပျိုလေးသည် ချစ်စဖွယ်ပင်။
"ကျေးဇူးတင်ပါတယ်။ ဆရာ။ ဒါဆိုသွားလိုက်ပါဦးမယ်နော်။"
ထိုမိန်းမပျိုကလေးသည် ကြမ်းပေါ်မှာချထားသော တဘတ်အနက်ရောင်လေးကို ပြန်ကောက်ကာ ခေါင်းမှာပြန်ပတ်ကာ ပေါင်းလိုက်ရင်း သူ့အဖေဖြစ်သူနှင့်အတူ ထွက်သွားလေသည်။ ဆေးဖိုးဝါးခဆိုလို့ ရသလားဆို တပြားမှ မရပါ။ လွှမ်းကသာ ဝေသန္တရာအလှူပေးနေသလို ခပ်ပြုံးပြုံး လုပ်ပေးနိုင်ခြင်းသာ ဖြစ်သည်။ ထက်မာန်ဦးလည်း လွှမ်းစိတ်ကျေနပ်ရင် ပြီးတာဘဲဆိုပြီး ဘာမှကို ပြောမနေတော့။ ထိုကျောပြင်တွေနောက်ကို ထက်မာန်ဦးရဲ့ မျက်လုံးက ကပ်ပါသွားပေမယ့်လည်း လွှမ်းကို မေးမယ်လို့ ပြင်ထားတာကို အမှတ်ရလိုက်မိတော့ လွှမ်းဆီချက်ချင်းလှည့်ကြည့်လိုက်မိသည်။
"ဒါနဲ့ လွှမ်း။"
ထက်မာန်ဦး လှမ်းခေါ်လိုက်တော့ သူ့ရဲ့ ဆေးပစ္စည်းတွေကို သိမ်းနေတဲ့ လွှမ်းက မော့ကြည့်လာသည်။
"ဘယ်တုန်းက ညာသန်ဖြစ်သွားတာလဲ။"
"သြော်။ အဲ့တာလား။"
လွှမ်းက သိပ်မထူးဆန်းသလို ဆိုလာသည်။
"မင်းမှတ်မိလားတော့မသိဘူး။ ငါ့ဘယ်ဘက်လက်မှာ ဒဏ်ရာရဖူးတယ်လေ။ အဲ့မှာ ဘယ်လက်ကို သိပ်သုံးလို့မရတော့ ညာလက်သုံးရင်း ညာသန်ဖြစ်သွားတာဘဲ။"
လွှမ်းပြောမှ လွှမ်းနဲ့တူတူ ကန်တော်မင်္ဂလာပန်းခြံမှာ ငန်းလှေသွားစီးခဲ့တဲ့ တနေ့ကို အမှတ်ရမိတော့သည်။ လွှမ်းရဲ့ဘယ်ဘက် လက်ဖ၀ါးပေါ်က ကန့်လန့်ဖြတ်အရာစင်းကြီး။ ပြီးတော့ လွှမ်းရောင်ထည်ဝါ စံအိမ်ထဲက လွှမ်းက အသုပ်ပန်းကန်ဆီ လက်လှမ်းနေချိန် လွှမ်းမေမေရဲ့ လှမ်းဟန့်လိုက်တဲ့ အပြုအမူတွေကို ထက်မာန်ဦး မျက်လုံးထဲ ပြန်မြင်ယောင်လာရသည်။
လွှမ်းကတော့ ပြောပြီးလေသည်နှင့် သူ့ရဲ့လက်အိတ်ကို ချွတ်လိုက်လေသည်။ ဂျူတီကုတ်မ၀တ်ထားတဲ့ ထိုအဖြူရောင်နတ်သားလေးသည် မိုးသောက်ကြယ်ထက်ပင် ကြည်စင်လို့နေသည်။ ဖိအားတွေကို တွန်းလှန်ရုန်းကန်ရင်း တသားတည်းဖြစ်ခဲ့ရတဲ့ ထိုလူသားရဲ့ မျက်နှာပေါ်တွင် ရင့်ကျက်လာတဲ့ အရိပ်အယောင်တွေသည် နေရာယူလို့နေသည်။ ထိုမျက်နှာလေးကို ကြည့်နေရင်း ထက်မာန်ဦးရဲ့ နူတ်က ယောင်နနနှင့် လွှမ်းနာမည်ကို ရေရွတ်မိသွားသည်။
"လွှမ်း..။"
"ဟင်..။"
လွှမ်းက လှည့်ကြည့်လာပြန်တော့လည်း ထက်မာန်ဦးက စကားလွှဲပစ်လိုက်လေသည်။ စိတ်ညစ်စရာ ထိုအကြောင်းတွေကို ပြန်လည်း မတွေးချင်၊ ပြန်လည်း မပြောချင်တော့ပါ။ လွှမ်းတောင်မှ မေ့ပစ်နိုင်နေပြီဆိုလျှင် ထက်မာန်ဦးကလည်း ပြန်ပြီး အစဖော်မနေသင့်တော့။
"ဘာမှမဟုတ်တော့ဘူး။ ငါ့ကြက်မတွေကို အစာသွားကျွေးလိုက်ဦးမယ်။"
ထိုင်နေရာကနေ ထလိုက်ပြီး အိမ်နောက်ဖေးကို ၀င်သွားတဲ့ ထက်မာန်ဦးကို လွှမ်းက နောက်ကနေ လှမ်းအော်လေသည်။
"နောက်မှာဆန်ကွဲတွေကြိုထားတာကျန်သေးတယ်။ မကြိုရသေးဘူးဆိုပြီး ထပ်လုပ်နေမှာစိုးလို့။ ခဏလေး။ ငါဒါသိမ်းပြီး လိုက်လာမယ်။"
"မင်းဟာမင်း သိမ်းစရာရှိသိမ်း။ ငါလုပ်လိုက်မယ်။"
လွှမ်းက ဒီတစ်ကြိမ်တွင် ထက်မာန်ဦး စကားနားထောင်သည်လားမသိ။ နောက်ကနေတော့ လိုက်မလာတော့။ အိမ်ပေါ်ကနေ မီးဖိုချောင်ရှိရာအဖီလေးကို ဆင်းလိုက်တော့ ကြားခံနယ် လှေကားလေးက ကျွီခနဲ ထအော်လေသည်။ အားတဲ့ တစ်ရက်တော့ ဒီပျဉ်လှေကားကို ပြန်ပြင်ရပေဦးမည်။ ညရေးညတာဆို လှေကားကျိုးပြီး ချော်လဲနေတော့မှဖြင့်။
ထက်မာန်ဦး စိတ်ထဲမှာ လုပ်စရာတွေကို တေးမှတ်ထားလိုက်ပြီး လွှမ်းပြောတဲ့ ကျိုထားတယ်ဆိုသော ဆန်ကွဲအိုးတွေကို မီးဖိုချောင်မှာ လိုက်ပတ်ရှာသည်။ မနက်ပိုင်းက လွှမ်းက ကြက်တွေကို အစာကျွေးထားတာမို့ နေ့လည်အစာကျွေးတာကိုတော့ ထက်မာန်ဦးက တာဝန်ယူရပေမည်။
သိပ်မရှာရလိုက်။ တွေ့သွားလေပြီ။ ထိုအိုးထဲက ဆန်ကွဲတွေကို ကြက်စာကျွေးတဲ့ခွက်ထဲ ထည့်လိုက်လေသည်။ ကြက်စာကျွေးတဲ့ ခွက်ဆိုတာ တကယ်တမ်းတော့ ဆီထည့်တဲ့ ပလတ်စတစ်ပုံးကြီးကို တပိုင်းဖြတ်ပြီး ပြတ်ကျန်ခဲ့သော ဖင်ပိုင်းသာ ဖြစ်လေသည်။ ထိုကြက်စာခွက်ကို ကောက်မပြီး ထက်မာန်ဦး နောက်ဖေးပေါက်ကနေဘဲ ထွက်လာတာ ကြက်ခြံဆီကို သွားလိုက်လေသည်။
"ကြက်ဖနဲ့ ကြက်မတွေ။ ထွက်လာ။ ထွက်လာ။"
ထက်မာန်ဦး တကြော်ကြော်နှင့် အော်ခေါ်ရင်း ကြက်စာခွက်လေး ကိုင်ပြီး ခြံထဲဆင်းသွားပေမယ့် ခြံထဲတွင် တကောင်တမြီးမှမတွေ့။ ထက်မာန်ဦးနေရာမှာ လွှမ်းဆိုလျှင်တော့ ကြက်ခြံဘက်ရောက်သွားပြီဆိုတာနဲ့တင် လွှမ်းရဲ့ ခြေထောက်နားတွင် ကြက်တွေက ပတ်ချာလည်ဝိုင်းနေပြီဖြစ်သည်။ ကြက်တွေက တကယ်ကို ခွဲခြား ခွဲခြားနဲ့။
"ထွက်လာလို့ ပြောနေတယ်လေ။ မလာရင် ငါမင်းတို့ကို နေ့လည်စာ မကျွေးဘူးနော်။"
တကယ်တော့ သူတို့ ကြက်ခြံနားက ခွက်လေးထဲ သွားလောင်းထည့်ပေးလိုက်ရင် ပြီးနေတာကို တမင်ကို ကြက်တွေနှင့် အပြိုင်ဂျစ်တိုက်ပြီး ထက်မာန်ဦး ရစ်နေခြင်းဖြစ်နေလေသည်။ ခြံထဲ ဟိုဘက်ရှာနှင့် ဒီပတ်ရှာနှင့် နောက်ဆုံးတွင်တော့ အိမ်အောက်တွင် ၀ပ်နေတဲ့ ကြက်မသုံးကောင်ကို တွေ့လိုက်ရလေသည်။ ထက်မာန်ဦး ထိုကြက်မသုံးကောင်ကို ကုန်းကြည့်ပြီး လှမ်းအော်မေးလိုက်သည်။
"နင်တို့လင်ဘယ်မှာလဲ။"
နင်တို့လင်ဆိုသည်မှာ ထက်မာန်ဦးရဲ့ တစ်ကောင်တည်းသော ကြက်ဖကြီးကိုဆိုလိုသည်။ လွှမ်းမှာတဲ့ ဆေးပစ္စည်းတွေကို စိုင်းဝေယံ လာပို့တဲ့ရက်ကဘဲ စိုင်းဝေယံဆီကနေ ကြက်ဖတစ်ကောင် ရလာသည်။ ထိုကြက်ဖကို မြင်တော့ ကြက်ဥစားရလည်း မဆိုးဘူးဆိုပြီး ကြက်သားဖောက်လုပ်ငန်းက ထက်မာန်ဦးရဲ့ ခေါင်းထဲပေါ်လာလေပြီးနောက် ကြက်မတစ်ကောင်ကို ကိုယ့်အိတ်ကိုယ်စိုက်ပြီး ၀ယ်လိုက်လေတော့သည်။
နောက်နှစ်ကောင်ကတော့ ရွာသားတွေဆီကနေ လွှမ်းလက်ဆောင်ရထားတာ။ ထိုကြက်မသုံးကောင်သည် ထက်မာန်ဦး မျက်နှာကို မြင်တာနှင့် ကတော် ကတော်ဟု အော်မြည်ရင်း ထွက်ပြေးသွားလေတော့သည်။ အဲ့တာဘဲ။ ကြက်တွေနဲ့ ဓာတ်မတည့်တာ။ မရသေးတဲ့ ကြက်ဥမျက်နှာကြောင့်သာ သည်းခံနေရတယ်။
ထက်မာန်ဦး သက်ပြင်းကို ခပ်လေးလေး ရှိုက်ချလိုက်ပြီး ကြက်ခြံထဲက ကြက်စာခွက်ထဲ ဆန်ကွဲတွေကို လောင်းထည့်လိုက်တော့သည်။ ထို့နောက် ကြက်ဖကြီးကို ရှာမည်ဆိုပြီး ခြံရှေ့ကို ထွက်လာမိတော့ ထက်မာန်ဦးတို့ရဲ့ ခြံရှေ့မှာ ကလေးတွေ တရုံးရုံးနှင့် ဖြစ်နေလေသည်။
ဘာများဖြစ်တာပါလိမ့်။
စိတ်ထဲက အတွေးနှင့်အတူ ရှေ့က ခြေတလှမ်းတိုးလိုက်ချိန်တွင်တော့ ခြံရှေ့က ရွာလယ်လမ်းမမှာ ပိတ်ရပ်ထားတဲ့ ကားအနက်ရောင်လေးဆီကို သတိထားမိသွားတော့သည်။ ပထမဆုံးအနေနဲ့ ထက်မာန်ဦး အံ့သြမိသွားသည်။ ကားလမ်းမပေါက်တဲ့ ဒီရွာထဲကို စိုင်းဝေယံပိုင်တဲ့ အီဇူဇူးလို အကြမ်းခံကားကြီးတွေသာ မောင်းလို့ ရခြင်းဖြစ်လေသည်။ အဲ့လိုခပ်နိမ့်နိမ့်ကားလေးတွေ မောင်းလာမယ်ဆိုလျှင် ချိုင့်တွေ ခွက်တွေပြည့်နေတဲ့ လမ်းမို့ ကားကို အရမ်းဒဏ်ဖြစ်စေသည်။ အဲ့တာကို မတွေးဘဲ ဒီထိမောင်းလာတဲ့ ကားပိုင်ရှင်သည် ဦးနှောက်က ခြကိုက်နေသလားပင်။
ဒုတိယအနေနဲ့ ထိုကားကို တနေရာမှာ မြင်ဖူးသလိုလိုရှိသည်ဟု ထက်မာန်ဦးခံစားနေရခြင်းဖြစ်သည်။ သို့သော် တောင်တက်လမ်းမှာ လမ်းပြင်တာနှင့် ကြုံလာပုံရတဲ့ထိုကားသည် ဖုန်အလူးလူးနှင့် ညစ်ပတ်တူးတက်နေလေရာ ဘယ်ကကားလဲဆိုတာ မနည်းပင် ပုံပေါ်အောင်ဖော်နေရသည်။
နောက်ဆုံးအနေဖြင့် ကားထဲမှ လူတစ်ယောက်ထွက်လာသည့်အချိန်တွင်တော့ ထိုကားသည် ဘယ်မှာမြင်ဖူးသလဲဆိုတာ ထက်မာန်ဦး ဆက်ပြီးတွေးစရာမလိုတော့။ ထိုကားထဲမှ ထွက်လာတဲ့လူရဲ့မျက်နှာကိုတော့ ထက်မာန်ဦး မေ့သွားစရာ အကြောင်းမှမရှိတာ။
"ကိုမင်းဥာဏ် မောလာတယ်မဟုတ်လား။ ရေသောက်လိုက်ပါဦး။"
ဝေ့ထံမှ ဧည့်ဝတ်ပြု စကားကိုပင် ဂရုမထားမိလောက်အောင် မင်းဥာဏ် အိမ်ထဲကို ဝေ့၀ဲကြည့်နေမိသည်။ ပေနှစဆယ်ပတ်လည်ပင် ကျယ်မည့်ပုံမရှိတဲ့ ပျဉ်ထောင်အိမ် ကျဉ်းကျဉ်းလေး။ ဘေးဘက်နံရံက ပျဉ်တွေက ဆွေးပြီးဟချင်သလိုပင်ဖြစ်နေပြီ။ ထိုအပေါက်တွေထဲမှ နေရောင်ခြည်က တိုးဝင်ဖောက်လာလေရာ ခနော်ခနဲ့ မညီမညာတဲ့ ကြမ်းခင်းကို အလင်းတန်းတွေက သက်ရောက်သည်။
ညဆိုလျှင်လည်း ဒီအိမ်လေးသည် ဒီလိုတောင်ပေါ်ဒေသရဲ့ အအေးဒဏ်ကို လုံအောင်ကာနိုင်မည်မထင်။ ပြတင်းပေါက်က လိုက်ကာလေးတွေက သစ်လွင်နေတာတောင်,ပရိဘောဂတွေပေါ်မှာ ဖုန်တစက်မတင်အောင် သန့်ရှင်းထားလေတာတောင် ဒီအိမ်ရဲ့ အိုမင်းဟောင်းနွမ်းမူကို ဘယ်လိုမှ ဖုံးကွယ်ထားလို့မရနိုင်ပေ။
"ဝေ ဘယ်လိုနေရာမျိုးမှာ နေ,နေတာလဲ!"
ကရုဏာဒေါသနှင့်ပြောလိုက်မိလေရာ မင်းဥာဏ်ရဲ့ အသံက အတန်ငယ် ကျယ်လောင်သွားလေသည်။ မင်းဥာဏ်ကို ကြည့်နေတဲ့ ဝေ့မျက်ခုံးလေးနှစ်ဖက်သည်လည်း အနည်းငယ် ပင့်တက်သွားလေသည်။
"ဆောရီး။ ဆောရီးကွာ။"
ဝေက ရပါတယ်ဆိုတဲ့ အကြည့်မျိုးနှင့် ခပ်ပြုံးပြုံးသာ စိုက်ကြည့်လာသည်။ မင်းဥာဏ်မှာသာ ဒီအိမ်ကို မြင်ရုံနဲ့ ရင်ထဲမှာ ပူလောင်လို့နေသည်။ သတင်းစာမှာတွေ့လိုက်ရတဲ့ ကြေညာစာ တစ်ခုမှ အစချီပြီး ဝေ့သတင်းကို မရမက လိုက်ပြီး စုံစမ်းခဲ့သည်မှာ ဝေ့ကို နောက်ဆုံး ဒီလိုပုံနှင့် မြင်ရဖို့မှ မဟုတ်ခဲ့တာ။
ဝေ့လို ကလေးမျိုးက ဒီလိုရွာငယ်ဇနပုဒ်မှာ ဇာတ်မြှုပ်ပြီးနေ,နေရမယ့် လူမျိုးမှမဟုတ်တာ။ မင်းဥာဏ်ယောက်ယက်တွေခတ်ပြီး အိမ်အတွင်းပတ်လည်ကို ကျီးကန်းတောင်းမှောက် ကြည့်နေမိရာမှ နောက်ဆုံးတော့ မင်းဥာဏ်ရဲ့ အကြည့်တွေက အိမ်နောက်ဖေးက ထက်မာန်ဦးဆီမှာ အဆုံးသတ်လေသည်။
ဧည့်ခန်းကနေလှမ်းကြည့်လျှင် ကိုမင်းဥာဏ် ထိုင်နေတဲ့ နေရာက ထက်မာန်ဦးကို တန်းပြီးမြင်ရတဲ့ အနေအထားပင်။ ခြံရှေ့မှာ ထိပ်တိုက်ရင်ဆိုင်လိုက်ရကတည်းက ထက်မာန်ဦးကို ကြောက်စရာ သားရဲတစ်ကောင်လို စူးစိုက်ကြည့်နေခဲ့တဲ့ ကိုမင်းဥာဏ်ရဲ့ အကြည့်တွေက အခုထိတိုင် အားမလျော့သွား။
လွှမ်းနဲ့သူဟာ ဘယ်တုန်းကမှ လမ်းမခွဲခဲ့ပါဘူးဆိုတဲ့ ထိုလူသားသည် အခုတော့ဖြင့် လွှမ်းရဲ့ ရှေ့မှောက်တည့်တည့်ကို ရောက်လာခဲ့လေပြီ။ ထိုအချိန်မှာ ထက်မာန်ဦးကတော့ သူသောက်ဖို့ ကော်ဖီ ထိုင်ဖျော်နေမိသည်။ ထိုအရာမှတပါး ထက်မာန်ဦး တခြားဘာများလုပ်နိုင်မလဲ စဉ်းစားကြည့်လည်း ခေါင်းထဲက ထွက်မလာ။
"တကူးတကနဲ့။ ငါ့ဟာငါဖျော်မှာပေါ့။"
ကော်ဖီနှစ်ခွက်ကိုင်ပြီး ထွက်လာသော ထက်မာန်ဦးကို လွှမ်းက ထိုင်နေရာကနေ ထမလာရုံတမယ် ထအော်ပြောလေတော့သည်။ လွှမ်းက အဲ့လို လုပ်ပြနေမှတော့ ကိုမင်းဥာဏ်က ထက်မာန်ဦးကို ပိုပြီး သောက်မြင်ကပ်တော့မှာပေါ့။
"ဘာလို့လဲ။ ငါလည်း အားနေတာဘဲလေ။ ဒါဖျော်ရတာ ပင်ပန်းတာမှ မဟုတ်တာ။"
လွှမ်းက ထက်မာန်ဦး မျက်နှာကို လိုက်ပြီး အကဲခတ်နေတဲ့ ပုံရှိတာမို့ ထက်မာန်ဦး စကားစကို မြန်မြန်ဖြတ်ဖို့ ကြိုးစားလိုက်သည်။
"ဒီမှာချထားခဲ့မယ်နော်။"
ကော်ဖီခွက်ကို သူတို့နှစ်ယောက်ရှေ့က စားပွဲခုံမှာချပြီး တစ်ခွက်ကို ကိုမင်းဥာဏ်ကို တိုးပေးလိုက်သည်။ ကိုမင်းဥာဏ်သည် ချောင်းတစ်ချက်ဟန့်ပြီး ချက်ချင်း မျက်နှာလွှဲသွားလေသည်။ မသောက်နဲ့လေ။ မသောက်လည်းနေပေါ့။ လွှမ်းမျက်နှာနဲ့ ဖျော်ပေးရတာကိုဘဲ အကောင်းမှတ်နေလားမသိ။
"ဝေ။ ကိုယ်တို့ တခြားတနေရာဖြစ်ဖြစ်သွားပြီး လွတ်လွတ်လပ်လပ်စကားပြောရအောင်။"
ထက်မာန်ဦး အိမ်နောက်ဖေးဆီသို့ ပြန်လှည့်တာ ခြေလှမ်းသုံးလှမ်းတောင် မပြည့်သေးပေမယ့်လည်း ကိုမင်းဥာဏ်ဆီမှ ထိုစကားက ထွက်လာလေသည်။ ကိုမင်းဥာဏ်သည် သူတို့ပြောတဲ့ စကားတွေကို ထက်မာန်ဦးကို မကြားစေချင်မှန်း သိပ်ကို သိသာလွန်းနေသည်။ မဆိုင်ဘူးဆိုပြီး ဖယ်ထုတ်ခံရတဲ့အသိကြီးက ခေါင်းထဲ ထပ်မံ တိုးဝင်လာပြန်သည်။
"ကျွန်တော်ကတော့ ဒီမှာဘဲပြောချင်ပါတယ်။"
လွှမ်းရဲ့ပြန်ဖြေလိုက်သံလေးသည် ပြီးပြည့်စုံလွန်းသည်။ ထက်မာန်ဦးကို နှစ်သိမ့်ပေးလိုက်သလို ခံစားလိုက်ရပေမယ့်လည်း သူတို့ဘာပြောပြောထိုင်ပြီး နားထောင်နေနိုင်လောက်တဲ့အထိလည်း ထက်မာန်ဦး သည်းခံနိုင်မည် မထင်ပါ။
"ဆရာရေ။ ဆရာရေ။ ရှိလား။"
ထိုဝဲတဲအသံလေးက ထက်မာန်ဦးကို ကျဉ်းထဲ ကြပ်ထဲကနေ ဆွဲထုတ်ပေးနိုင်တဲ့ လမ်းစလေးပင်ဖြစ်သည်။ လွှမ်းက ထိုင်နေရာမှ ထမည်ပြုသော်လည်း ထက်မာန်ဦး က လွှမ်းထက်ပင် လျှင်မြန်စွာ အနောက်ကနေ ပြေးထွက်လာလေသည်။ ပြီးတော့ လွှမ်းကို ပြန်ထိုင်နေဆိုတဲ့ သဘောနှင့် လက်ကာပြလိုက်လေသည်။
"ဆရာ့အတွက် ဟင်းတစ်ခွက်လာပို့တာ။"
အိမ်ရှေ့မှာရပ်နေတဲ့ မိန်းမပျိုလေးသည် မနတ်က ထင်းခုတ်ရာမှ လက်ထိသွားတဲ့ ဦးလေးကြီးရဲ့သမီးပင်ဖြစ်လေသည်။ တစ်ဦးမေတ္တာ တစ်ဦးစေတနာဆိုသလိုပင် ရွာသားတွေဆီမှ ဟင်းတစ်ခွက်လောက်ကတော့ အိမ်ကိုနေ့တိုင်းလို ပုံမှန်နီးပါးရောက်မြဲဖြစ်လေသည်။
"ဆရာက ဧည့်သည်နဲ့စကားပြောနေတယ်။ ကျွန်တော်ဘဲ ဟင်းလှယ်ထည့်ပေးမယ်။"
ထက်မာန်ဦး အိမ်ထဲပြေးဝင်ပြီး ပို့ပေးလာတဲ့ ဟင်းကို ခွက်တစ်ခွက်ထဲ လှယ်ထည့်လိုက်လေသည်။ ဟင်းတစ်ခွက်ဟုသာ ပြောပေမယ့် ထက်မာန်ဦးနှင့် လွှမ်းဆိုလျှင် နေ့လည်စာရော ညစာပါ စားလို့ရလောက်တဲ့အထိ အပြည့်အမောက်ကြီးပင်။
ခွက်ထဲကိုရောက်သွားချိန် ကြက်သားဟင်းနံ့က နှာဝထဲတိုးဝင်လာလေသည်။ ကြည့်ရတာက အိမ်ကြက်ကိုပင် လတ်လတ်ဆတ်ဆတ်ချက်ထားပုံရသည်။ ပို့လာတဲ့ စတီးခွက်လေးကို ပြန်ဆေးပေးလိုက်ပြီး ထက်မာန်ဦး အိမ်ရှေ့ကိုထွက်လိုက်သည်။
"ထမင်းစားပြီးပြီလား။"
ဆေးပြီးသား စတီးခွက်လေးကို လှမ်းပေးလိုက်ရင်း ထက်မာန်ဦး မေးလိုက်မိသည်။
"စားပြီးသွားပြီ။ ပြီးရင် ရွာငံဈေးသွားမလို့။ လိုက်မလား။"
ဟုတ်သားဘဲ။ ဒီနေ့က ဈေးနေ့လေ။ ထက်မာန်ဦးအတွက် ရေငတ်နေတုန်းရေတွင်းထဲ ပြုတ်ကျသလိုပင်။ မီးဖိုချောင်အတွက် လိုအပ်တာလေးတွေလည်း ၀ယ်နိုင်သည်။ ဒီအခြေအနေကနေရှောင်ထွက်ပြီးသား ဖြစ်သွားမည်။
"ခဏစောင့်။ အင်္ကျီလဲပြီး တခါတည်း လိုက်မယ်။"
"မာန်။ဘယ်သွားမလို့လဲ။"
အိမ်ခန်းထဲပြေးဝင်သွားတဲ့ ထက်မာန်ဦးကို လွှမ်းက လှမ်းအော်ခေါ်လေသည်။ လွှမ်းမှာလည်း ထက်မာန်ဦးလုပ်တာနဲ့ ကိုမင်းဥာဏ်နဲ့တောင် စကားကောင်းကောင်းမွန်မွန် မပြောရဘူး။
"ရွာငံဈေးလိုက်သွားမလို့။ ဧည့်သည့်ရှိနေတာ မင်းနေခဲ့လေ။"
လွှမ်းသည် အလိုမကျသည့်ဟန်နှင့် မျက်နှာပုတ်သွားပေမယ့်လည်း ကိုမင်းဥာဏ်ရှေ့မှာမို့ထင်သည်။ ချက်ချင်း မျက်နှာထားကို ပြန်ပြင်လေသည်။ ၀တ်ထားတဲ့ စွပ်ကျယ်လက်ပြတ်နှင့် ပုဆိုးကြမ်းကို ဆွဲချွတ်ပြီး တီရှပ်နှင့် ဘောင်းဘီလဲပြီးချိန်မှာတော့ ထက်မာန်ဦးရဲ့ အ၀တ်လဲခြင်းက ပြီးဆုံးသွားပြီဖြစ်သည်။ အပြင်သို့ ထွက်လာတော့ ထိုဓနုသူမိန်းမပျိုလေးက ထက်မာန်ဦးကို စောင့်နေဆဲ ဖြစ်လေသည်။
"လွှမ်း။ ငါသွားပြီနော်။"
လွှမ်းသည် ခေါင်းလည်း မညိမ့် ခေါင်းလည်း မခါဘဲ ထိုင်ခုံမှာထိုင်နေလျှက်နှင့် ကျန်ရစ်ခဲ့လေသည်။ နေမွန်းတည့်ချိန်နီးနေပြီမို့ နေ့အလင်းရောင်က ပြင်းပြလို့နေရာ အိမ်တံစက်မြိတ်ကို ကျော်သည်နှင့် ထက်မာန်ဦးမှာ ခေါင်းပေါ်ကိုလက်နှင့်သာ ကာထားရလေသည်။ ဘေးက မိန်းမပျိုလေးကတော့ တဘတ်နှင့် ခေါင်းကိုပတ်ထားတာမို့ အပူချိန်ကို ခံသာနေပုံရသည်။
"ဈေးကဘယ်ချိန်ထိလဲ။"
"ညနေလောက်ထိတော့ရှိတယ်။"
ထော်လာဂျီစီးပြီးသွားရမည်ဖြစ်ပေရာ ရွာထိပ်မှာ ထက်မာန်ဦးတို့ လူပြည့်တဲ့အထိ စောင့်ရပေဦးမည်။ ရွာမှာကလည်း ဆိုင်ကယ်စီးနိုင်တဲ့သူဆိုတာ လက်ချိုးရေလို့ ရသည်။ ဆိုင်ကယ်လူကြုံရှိလျှင်လည်း ထက်မာန်ဦးက မစီးရဲတာမို့ ထော်လာဂျီကိုပင် ဖင်အဆောင့်ခံပြီး စီးရသည်။ ထိုမိန်းမပျိုလေးကတော့ သူ့သူငယ်ချင်းကိုပါ သွားခေါ်ဦးမည်ဆိုပြီး ထွက်သွားလေရာ ထက်မာန်ဦးသည် ရွာထဲက တခြားအဒေါ်ကြီးနှစ်ယောက်လောက်နှင့် ကျန်ရစ်ခဲ့ပြန်လေသည်။
ရွာကခပ်မြင့်မြင့်တောင်ကုန်းထက်မှာ တည်ထားတာမို့ လှမ်းမြင်နေရတဲ့ တမျှော်တခေါ် တောင်ယာခင်းတွေကို လှမ်းကြည့်နေမိသည်။ အစိမ်းတ၀က်၊ ၀ါရွှေတချည်နှင့် တောင်ယာတန်းတွေသည် နေရောင်အောက်တွင် ၀င့်ထည်စွာရှိနေသည်မှာ မျက်စိတဆုံးထိတိုင်။ ထိုယာခင်းတွေကို လှမ်းကြည့်နေရင်း ဘာမဆိုင်ညာမဆိုင် အိမ်မှာကျန်ခဲ့တဲ့ လွှမ်းကို ပြေးမြင်မိပြန်သည်။ အိမ်ကထွက်လာတာမှ မိနစ်သုံးဆယ်တောင်မရှိတတ်သေး။
"အပေါ်တက်တော့။အကိုရေ့။"
နောက်လှည့်ကြည့်လိုက်တော့ ခုနက ထက်မာန်ဦးကိုခေါ်လာတဲ့ မိန်းမပျိုလေးသည် ထော်လာဂျီပေါ်ပင်ရောက်နေပြီ။ သူနှင့်ရွယ်တူ မိန်းကလေးနှစ်ယောက်လောက်နှင့် ခုနက အတူစောင့်နေခဲ့သော အဒေါ်ကြီးနှစ်ယောက်ကို တွေ့ရသည်။ ယောင်္ကျားသားကတော့ ထက်မာန်ဦးနှင့် ထော်လာဂျီမောင်းတဲ့ တိုင်းရင်းသားအဘိုးကြီးသာ။ ထက်မာန်ဦးလည်း ထော်လာဂျီပေါ်ကို တွယ်တက်လိုက်မိသည်။
"....."
"....."
ထော်လာဂျီပေါ်ရောက်သည်နှင့် ထက်မာန်ဦး နားမလည်သော ဓနုတိုင်းရင်းသားစကားတွေက နားထဲ အစီအရီတိုးဝင်လာသည်။ သူတို့အချင်းချင်း ကျွတ်စီကျွတ်စီညံနေအောင် ပြောနေလေရာ ထက်မာန်ဦးမှာ တစ်ယောက်တည်း ဘက်ပဲ့နေလေသည်။ ရွာထိပ်မှ ထော်လာဂျီသည် စထွက်ခါစပင် ရှိသေးသည်။
"ခဏလေး။ရပ်ပေးလို့ရမလား။"
ထော်လာဂျီမောင်းသူသည် ဗမာစကားနားမလည်သည်လား။ ထော်လာဂျီစက်သံညံနေတာကြောင့် မကြားရသည်လားတော့မသေချာ။ ထက်မာန်ဦးနှင့်အတူ လာသည့်မိန်းမပျိုလေးက အရှေ့ကထိုဦးလေးကြီးကိုသူတို့ဘာသာစကားနှင့် တစ်ခုခုလှမ်းပြောလိုက်လေတော့မှ ထော်လာဂျီက ရပ်သွားတော့သည်။
"ကျွန်တော်ပိုက်ဆံအိတ်ကျန်ခဲ့လို့။"
"အဲ့တော့ စောင့်ရဦးမှာလား။"
တောင်ပေါ်သူတွေပီပီ စကားကပြောလျှင်ကို ဆောင့်အောင့်အောင့်နှင့်။ ထော်လာဂျီပေါ်က ခုန်ချတဲ့ ထက်မာန်ဦးကို လှမ်းအော်လေသည်။
"မစောင့်နဲ့။ သွားနှင့်လိုက်တော့။"
လှည့်ပြောပြီးသည်နှင့် ထက်မာန်ဦးသည် ရွာထဲဘက်ကို တန်းနေအောင် ပြေးတော့သည်။ ထော်လာဂျီပေါ်က လူတသိုက်သည် ထက်မာန်ဦးကို လူထူးဆန်းပမာ မျက်လုံးအကြောင်သားနှင့် လှမ်းကြည့်နေမှာ သေချာသည်။ ဆောင်းနှောင်းကာလဘက်သို့ ရောက်လာပြီဖြစ်လေရာ ရွာလမ်းတလျှောက်ဖုန်တွေက နေရာယူစပြုလာပြီဖြစ်သည်။ လမ်းပေါ်မှာဆော့ကစားနေတဲ့ ကလေးတချို့ကို မနည်းပတ်ရှောင်ကွင်းရင်း ရွာလယ်နားလောက်က ထက်မာန်ဦးတို့ရဲ့ အိမ်ရှိရာသို့ အားသွန်ခွန်စိုက် ပြေးနေမိသည်။
ပိုက်ဆံအိတ်သည် ဘောင်းဘီအိတ်ထဲမှာ ရှိနေပေမယ့် ဘာလို့ အိမ်ကို ပြန်ပြေးနေသည် ဆိုတာကို ထက်မာန်ဦးကိုယ့်ကိုယ်ကို နားမလည်နိုင်။ တွေးလိုက်မိလေတိုင်း နေအပူရှိန်ကြောင့်ထင်။ ခေါင်းက ကိုက်တက်လာလေရာ အိမ်သို့အမြန်ရောက်ရေးကိုသာ ရှေးရှုလိုက်မိသည်။ အခုချိန်မှာ လွှမ်းရှိရာဆီ ရောက်မှကိုဖြစ်မည်။ လွှမ်းဆီရောက်မှကို ဖြစ်မည်။
အိမ်နားသို့ရောက်လာတော့ ခြံဝတွင် ရပ်ထားဆဲရှိတဲ့ ကားအနက်ရောင်လေးကို လှမ်းမြင်လိုက်ရပေမယ့် စိတ်မအေးနိုင်သေး။
"လွှမ်းရေ။"
ထက်မာန်ဦး သတိလက်လွတ်နှင့်ကို လှမ်းအော်လိုက်မိသည်။ ခြေလှမ်းတွေလည်း ခြံအ၀င်ဝတည့်တည့်မှာ တုံ့ခနဲရပ်သွားသည်နှင့် ထက်မာန်ဦးရဲ့ ရှေ့တည့်တည့်မှာ ရင်ဆိုင်လိုက်ရသူသည် ကိုမင်းဥာဏ်။ အိမ်ပေါ်ကနေ ဆင်းလာတဲ့ ကိုမင်းဥာဏ်သည် မောဟိုက်နေတဲ့ ထက်မာန်ဦးကို စိုက်ကြည့်လာသည်။ ကိုမင်းဥာဏ်နှင့် ထက်မာန်ဦးတို့ရဲ့အကြည့်ချင်းဆိုင်တဲ့ ထိုတိုက်ပွဲသည် လေထဲတွင် အတန်ကြာမျှ ဖြစ်တည်သည်။
"ဟင်း..။"
နှစ်ယောက်ထဲမှ အရင်ဆုံး မျက်နှာလွှဲသွားတဲ့သူသည် ကိုမင်းဥာဏ်ဖြစ်နေခဲ့လေသည်။ အောက်ကိုစိုက်ချလိုက်တဲ့ ကိုမင်းဥာဏ်ရဲ့မျက်ဝန်းတွေထဲမှာ ရောက်ခါစကလို ရန်လိုတဲ့ဟန်တွေရှိမနေတော့။
"မာန်။ ဘယ်လိုဖြစ်ပြီး ပြန်ရောက်လာတာလဲ။"
ကိုမင်းဥာဏ်နောက်ကိုလှမ်းကြည့်မိတော့ အိမ်ထဲကနေထွက်လာတဲ့ လွှမ်း။ ထက်မာန်ဦးရဲ့ အသံကို ကြားတာကြောင့် ထွက်လာခြင်းဖြစ်ပုံရသည်။ လွှမ်းက မပြန်ရသေးတဲ့ ကိုမင်းဥာဏ်ကိုလည်း ကြည့်ပြီး အံ့သြသွားပုံရသည်။
"ဝေ။ကိုယ်ပြန်တော့မယ်။"
"ဟုတ်ကဲ့။ ကိုမင်းဥာဏ်။ သေချာဂရုစိုက်ပြန်ပါ။"
လွှမ်းနှင့် ကိုမင်းဥာဏ်တို့ အပြန်အလှန်နူတ်ဆက်ပြီးတဲ့အချိန်ထိ ထက်မာန်ဦးသည် ခြံဝမှာရပ်နေဆဲပင်။ ထက်မာန်ဦးနားကနေ ကိုမင်းဥာဏ် လှစ်ခနဲ ဖြတ်သွားတဲ့အချိန် စက္ကန့်ပိုင်းအသေးစိတ် တကွက်ချင်းစီက မျက်လုံးထဲတွင် အနှေးပြကွက်နှင့် မြင်နေရလောက်တဲ့အထိ ကိုမင်းဥာဏ် ပြန်သွားတဲ့ပုံစံက မှတ်မှတ်ရရရှိလွန်းသည်။ ထက်မာန်ဦးကိုတချက်မျှ စောင်းငဲ့ကြည့်လိုက်သည့်အချိန် ကိုမင်းဥာဏ် တစ်ခုခုပြောလာမည်ဟု တွေးထင်လိုက်ပေမယ့် ဘာမှ ပြောမလာခဲ့။
"၀ူး..။"
သိပ်မကြာခင်ပင် ကားအနက်ရောင်လေးသည် အသံတစ်ချက်ကို ပေးရင်း နောက်သို့ဆုတ်ခွာသွားလေသည်။ ထို့နောက် ရွာလယ်လမ်းမကြီးအတိုင်း တရွေ့ရွေ့ထွက်ခွာသွားလေသည်။ လွှမ်းသည်လည်း ပျဉ်ထောင်အိမ်လေးပေါ်မှ ဆင်းလာလေရင်း ထက်မာန်ဦးဆီသို့ လျှောက်လာသည်။
"ဈေးကမသွားဖြစ်တာလား။ ဘာဖြစ်..အင့်!"
ရင်ဘတ်ဆီ အလုံးအရင်းနှင့် ဆောင့်ဝင်လာတဲ့ အရှိန်ကြောင့် ဝေလွှမ်း စကားတောင် ဆက်မပြောနိုင်တော့။ ကျောပြင်နှင့် ခါးတ၀ိုက်ဆီမှာတော့ တင်းကြပ်စွာ ဖက်တွယ်လာတဲ့ မာန့်ရဲ့ လက်တံတွေ။ မာန့်အပြုအမူလေးကို သဘောကျလွန်းလို့ ရင်ဘတ်အောင့်သွားတာကိုပင် မေ့လျော့ကာ ဝေလွှမ်းရယ်လိုက်မိတော့သည်။
"ဟား။ဟား။ဟား။"
"ဘာလို့လဲ။ ငါသူ့နောက်လိုက်သွားမှာ စိတ်ပူနေတာလား။ မင်းကျတော့ ဟိုဓနုမလေးနောက် ကောက်ကောက်ပါအောင် လိုက်သွားပြီးတော့။"
မာန်က ပြန်မဖြေပါ။ ဝေလွှမ်းရဲ့ ပုခုံးပေါ်သူ့မေးစေ့ ချွန်ချွန်လေးကို တင်ထားပြီး သူ့လက်တွေနှင့် ပိုလို့ တင်းကြပ်စွာဖက်လာလေသည်။ လည်ဂုတ်တ၀ိုက်ဆီမှာ မာန့်ရဲ့အသက်ရှုသံငွေ့ငွေ့လေးက လူးလာခေါက်တုံ့လျှက်။ ဝေလွှမ်းပြုံးလိုက်မိလေသည်။ မာန်က ဘာမှမပြောလာတာမို့ အတင်းဆက်မမေးဖြစ်တော့။ မာန့်ရဲ့ဆံပင်လေးကိုခပ်ဖွဖွ ပွတ်သပ်လျှက် ဝေလွှမ်းသည်လည်း ပြန်ပြီးပွေ့ဖက်ထားလိုက်မိတော့သည်။
ကားရဲ့နောက်ကြည့်မှန်ကိုတစ်ချက်မျှ ကြည့်လိုက်မိတော့ နှစ်ယောက်သား မခွဲနိုင်မခွာရက် ပွေ့ဖက်ထားသော မြင်ကွင်းသည် မင်းဥာဏ်ရဲ့ရင်ဘတ်ကို စူးအောင့်သွားစေသည်။ ချက်ချင်းဘဲ အကြည့်လွှဲပစ်လိုက်ပြီး အရှေ့တည့်တည့်ကိုသာ ပြန်လည်စိုက်ကြည့်လိုက်မိသည်။ သို့သော် ခပ်လှမ်းလှမ်းက ယာခင်းတွေအစား မကြာသေးခင်က ဝေနှင့်အတူရှိစဉ်က ပုံရိပ်တွေကို မြင်ယောင်လာရသည်။
အညိုရင့်ရောင် သစ်သားစားပွဲခုံလေးပေါ်မှာ ကော်ဖီခွက်လေးနှစ်ခွက်က အေးစက်ငြိမ်သက်လျှက်။ မင်းဥာဏ်ရှေ့မှာချထားတဲ့ ကော်ဖီခွက်ကိုမူ တစက်ကလေးမျှ မတို့မထိရသေး။ စားပွဲပေါ်တင်ထားတဲ့ ဝေ့ရဲ့လက်ချောင်းတွေကတော့ မင်းဥာဏ်ရဲ့ မြင်ကွင်း တစွန်းတစကို နေရာယူထားလေသည်။ တိတ်ဆိတ်နေတဲ့ အခြေအနေကို မင်းဥာဏ်ကဘဲ စတင်ဖြိုခွင်းလိုက်လေသည်။
"သူနဲ့တူတူနေတာ ကြာပြီလား။"
မင်းဥာဏ်ဆိုလိုတဲ့ သူဆိုတဲ့နာမ်စားက ဘယ်သူ့ကို ရည်ညွှန်းသလဲဆိုတာ ဝေက တန်းသဘောပေါက်ပုံရသည်။ချက်ချင်းပင် ပြန်ဖြေလေသည်။
"အင်း။အိမ်ကထွက်လာကတည်းကပါဘဲ။"
စိတ်ထဲ အနည်းငယ်မွန်းကြပ်သွားလေသည်။ ဝေ့ရဲ့သူငယ်ချင်းဖြစ်သူ စိုင်းဝေယံဆိုတဲ့ ကောင်လေးသည် အိမ်လိပ်စာကို ညွှန်ပေးလိုက်ရုံမှအပ ဘာမှသေချာမပြောပြလိုက်။
ထိုကောင်လေးသည် ယခုထိတိုင် မင်းဥာဏ်နှင့် ဝေကြားကို ၀င်ပြီး နှောင့်နေသလို ခံစားနေရသည်။ ဝေနဲ့ စကားသေချာပြောနိုင်ဖို့အရေး ဝေနဲ့ ထိုကောင်လေးကြားထဲက ပတ်သက်ဆက်နွယ်မူကို ခေါင်းထဲက အရင်ဆုံး ဖျောက်ပစ်လိုက်သည်။ ထို့နောက် မင်းဥာဏ် အသက်ကို တချက် ခပ်ပြင်းပြင်း ရှိုက်ရှုလိုက်မိသည်။
"ကိုယ်လိုရင်းကိုဘဲ ပြောတော့မယ်။ ဝေ။ စကားတွေအများကြီး ဆက်ပြောမနေချင်တော့ဘူး။"
အမြဲလိုလို တည်ငြိမ်နေတတ်တဲ့ ဟန်သည် ဝေ့ထံတွင် မပြောင်းမလဲပင်။ ဝေက ကော်ဖီခွက်ကို ကောက်ကိုင်ကာ မော့သောက်လိုက်လေရင်း ခေါင်းကို မသိမသာညိမ့်ပြသည်။
"ကိုယ်နဲ့ လိုက်ခဲ့ပါလား..။"
စားပွဲပေါ်ကော်ဖီခွက်ကို ပြန်တင်လိုက်သည့်အချိန် ကော်ဖီအောက်ခံပန်းကန်အဖြူလေးနှင့် ချော်ထွက်ရာမှ အသံတစ်ခုမြည်လာတာကြောင့် ဝေအတန်ငယ် စိတ်လူပ်ရှားသွားကြောင်း မင်းဥာဏ်ရိပ်မိလိုက်သည်။ သို့သော် ကော်ဖီခွက်ကိုနေရာကျအောင် ပြန်ချလိုက်ပြီးနောက် ဝေ့ဆီက ထွက်ပေါ်လာတဲ့ စကားသံကတော့ ပြတ်သားလွန်းလှသည်။
"ကျွန်တော်ငြင်းမယ်ဆိုရင်ရော..။"
"ဘာလို့လဲ။"
မင်းဥာဏ်ရဲ့ မေးခွန်းကြောင့် စိတ်ရှုပ်ထွေးသွားတဲ့ အရိပ်အယောင်တွေက ဝေကြိုးစားဖုံးကွယ်နေတဲ့တိုင် ဝေ့မျက်နှာပေါ်တွင် ထင်ဟပ်ပေါ်လွင်လို့နေသည်။
"ကိုယ့်မှာ ဘာလိုအပ်ချက်တွေများရှိနေလို့လဲ။ ကိုယ်ဝေ့ကို နှိမ်ချပြီးပြောတာတော့ မဟုတ်ဘူးနော်။ ကိုယ် ဒီထက် အများကြီးပြည့်စုံအောင် ထားပေးနိုင်တယ်။"
"ကိုမင်းဥာဏ်ရဲ့စေတနာကို နားလည်ပါတယ်။"
"ဒါစေတနာသပ်သပ်မဟုတ်ဘူး။ ဝေ။အဲ့စကားလုံးလောက်နဲ့ ချွေးသိပ်ပေးဖို့ မကြိုးစားပါနဲ့။"
မင်းဥာဏ်ရဲ့လေသံသည် တဖြည်းဖြည်း မာထန်လာရသည်။ ဝေ့ကို မအော်ရက်ပေမယ့်လည်း တကယ်ကို ခံပြင်းမိသည်။ မင်းဥာဏ်ကို ဆက်ဆံနေတဲ့ ဝေ့ရဲ့ပုံစံသည် မတွေ့ရတာ ကြာတဲ့ မိတ်ဆွေတစ်ယောက်ကို ဧည့်ဝတ်ကျေပွန်နေရုံလောက်သာ ရှိသည်။
"ဝေသိလား။ ကိုယ်မင်းကို အရမ်းချစ်တာ။"
မင်းဥာဏ်ရဲ့အသံက ရင်ခေါင်းထဲကနေ လိူက်ထွက်လို့လာပြီး အက်ကွဲစို့နစ်လို့နေသည်။ ဝေကတော့ ဘာမှထူးထူးခြားခြား မတုံ့ပြန်ပါ။
"အရင်ကဖြစ်ခဲ့သမျှတွေကိုလည်း ကိုယ်အကုန် တောင်းပန်ခဲ့ပြီးပြီ။ ကိုယ်ကလေးဆန်ခဲ့တာလို့။ ကိုယ်တကယ်လို့ အဲ့လိုအပြုအမူမျိုး ထပ်လုပ်ခဲ့မယ်ဆိုရင်တောင် ဝေကိုယ့်ဆီကနေ ထွက်သွားလို့ရတယ်။ ဒါပေမယ့် ကိုယ်ဘယ်တော့မှ ထပ်လုပ်ဖို့လည်း စိတ်ကူးမရှိဘူး။ ကိုယ့်ကို နောက်ဆုံးအခွင့်အရေးလေးဘဲ ထပ်ပေးပါ။"
မင်းဥာဏ်ဘက်ကနေ ဒူးထောင်တော့မတတ် အတန်တန် တောင်းပန်းတိုးလျိူးပြောနေတာတောင် ဝေကတော့ နေနိုင်ရက်လွန်းသည်။ မင်းဥာဏ်ရှေ့မှာ မျက်လွှာကိုစိုက်ချပြီး ထိုင်နေတဲ့ ဝေသည် လူသားတစ်ယောက်လေလား။ ကျောက်သားကျောက်စိုင်ကြီးတစ်ခုမသဲကွဲတော့ပေ။
"အသည်းမာလှချည်လား။ ဝေရယ်။ ဆယ်နှစ်လောက် ဝေးသွားခဲ့ရုံနဲ့ ကိုယ့်ဘက်ကို တစ်ချက်ကလေးတောင် လှည့်မကြည့်နိုင်လောက်အောင် ကိုယ့်အပေါ် သွေးအေးသွားတယ်တဲ့လား။ ကိုယ်မယုံနိုင်လိုက်တာ။"
ဝေ့ထံမှ သက်ပြင်းချသံတိုးတိုးလေးကသာ ထွက်ပေါ်လာလေသည်။ စတွေ့ခါစက ဝေ့ရဲ့ ပုံစံကို မင်းဥာဏ် မျက်လုံးထဲ ပြန်တိုးဝင်လာရသည်။
ရှေ့ဆုံးတန်းရဲ့ ဘယ်ဘက်ထောင့်ဆုံးခုံက အေးဆေးလွန်းတဲ့ ကလေးလေး။
မင်းဥာဏ်နှင့် အကြည့်ချင်းများဆုံမိလျှင် ကပြာကယာနှင့် မျက်နှာလွှဲသွားတတ်တာလေး။
သူ့အတွက် စာအုပ်လေးတွေ ယူလာလျှင် ပါးချိုင့်လေးထင်းနေတဲ့အထိ ပြုံးရယ်နေတတ်ခဲ့တာလေးတွေ။
ခေါင်းကိုဖွဖွလေး ပုတ်လိုက်လျှင် မော့ကြည့်လာတတ်တဲ့ မျက်ဝန်းမို့မို့လေးတွေ။ ပြီးတော့ ဝေ့နူတ်ခမ်းပေါ်က ချိုမြိန်လွန်းတဲ့ အနမ်းတွေ။
အဲ့အရာတွေ အကုန်လုံးဟာ တကယ်ဘဲဖြစ်ခဲ့တာလား။
အိပ်မက်တစ်ခု သပ်သပ်လေးဘဲလားဆိုတာတောင် မင်းဥာဏ် ဝေခွဲမရဖြစ်လာသည်။
"ကိုယ်နောက်ဆုံး တစ်ခုဘဲမေးတော့မယ်။"
"မေးပါ။ရပါတယ်။"
"မင်းကိုယ့်အပေါ်တကယ်ရော ခံစားချက်ရှိခဲ့ရဲ့လား။"
ဝေက အတန်ကြာ ငြိမ်သက်လို့သွားလေသည်။ ထိုမေးခွန်းလေးကိုတော့ဖြင့် ဖြေပေးဖို့ မင်းဥာဏ်စိတ်ထဲက တဖွဖွရေရွတ်နေမိသည်။
"ရှိခဲ့ပါတယ်။"
ဝေ့အသံက ပြတ်သားတိကျလွန်းသည်။ ဝေ့အတွက်တော့ မေးခွန်းတစ်ခုကို ပြန်ဖြေရုံသပ်သပ်သာဖြစ်နိုင်ပေမယ့် မင်းဥာဏ်အတွက်ကတော့ မျှော်လင့်ချက်ကလေးပင်။
"ကိုမင်းဥာဏ်နဲ့ပတ်သက်ပြီး အမှတ်တရကောင်းတွေ ကျွန်တော့်မှာ အများကြီးပါဘဲ။"
"ဒါနဲ့တောင်များ...။"
မင်းဥာဏ် မချိတင်ကဲနှင့် ရေရွတ်လိုက်မိသည်။ သို့သော် ဝေသည် တရစပ်တည်းနှင့် မင်းဥာဏ်ရဲ့ မျှော်လင့်ချက်မှန်သမျှကို တပ်ပြန်ခေါက်သိမ်းစေသည်။
"ဒါပေမယ့် ကိုမင်းဥာဏ်မှမဟုတ်ဘူး။ သူနဲ့ယှဉ်ပြီး ဘယ်အရာမဆို တစ်ခုခုကိုများ ရွေးရမယ်ဆိုရင်..."
ဝေရဲ့ အသံကလေးသည် အဖျားတွင် တိမ်ဝင်သွားသည်ဆိုသော်ညား အဆုံးသတ်သွားသည်တော့ မဟုတ်ပါ။ ဝေသည် တိကျသောအဖြေတစ်ခုကို ပြတ်ပြတ်သားသား ပေးခဲ့လေသည်။
"ကျွန်တော်က ချွင်းချက်မရှိ သူ့ကိုဘဲ ရွေးမှာမို့လို့ပါ..။"
ထိုစကားသည် ဖန်တရာထပ်နေအောင် မင်းဥာဏ်ရဲ့နားထဲ ပဲ့တင်နေဆဲပင်ဖြစ်သည်။ အမြင်အာရုံတွေကေ၀၀ါးလာတာဖြစ်လို့ ကားကို လမ်းဘေးတနေရာကို အလျင်အမြန်ထိုးရပ်ပစ်လိုက်မိသည်။ ကားစတီယာရင်ကို ဆုပ်ကိုင်ထားတဲ့ လက်တွေသည် တဖြည်းဖြည်း အားပျော့လို့လာပြီး ခေါင်းငိုက်စိုက်ချထားလိုက်မိတော့သည်။
ဘယ်အရာတွေနဲ့ဘဲ ယှဉ်လာလာ ဝေက ထက်မာန်ဦးဆိုတဲ့ လူသားကိုဘဲ ရွေးချယ်မယ်တဲ့လား။ ခြံဝန်းကျယ်ထဲက စာသင်ဆောင်တစ်ခုရဲ့ စာသင်ခန်းတစ်ခုရှေ့က ပြေးထွက်သွားတဲ့ ခြေသံလေးတွေကို ပြန်လည်ကြားယောင်နေမိသည်။
အချိန်နှောင်းမှသိလိုက်ရလေခြင်း။ တကယ်တမ်းတော့ ဝေသည် အဲ့ဒီနေ့ အဲ့ဒီအချိန်ကတည်းက ရွေးချယ်နှင့်ပြီးသားလေဘဲ..။ ကိုယ့်ကိုယ်ကို သိပ်အထင်ကြီးခဲ့လွန်းတဲ့ မင်းဥာဏ်ကသာ မမြင်နိုင်ခဲ့တာ။ ဝေရဲ့ဆန္ဒကို သိလိုက်ရလေသည့်ဒီနေ့ဒီအချိန်ကစပြီး ဆယ်နှစ်လုံး တဖက်သတ် ချည်နှောင်ခဲ့လေတဲ့ ဝေနှင့် ဆက်နွယ်နေသော ကြိုးစလေးကို မင်းဥာဏ်ကိုယ်တိုင်ဘဲ ဖြတ်တောက်လိုက်မိတော့သည်။
"ယောင်္ကျားလေးတွေက ဘယ်လိုအရောင်တွေ ကြိုက်လဲမသိဘူး။"
ဧည့်ခန်းထဲက ရွှေရောင်စားပွဲခုံကြီးပေါ်မှာ မှာယူထားတဲ့ ရှပ်အင်္ကျီတွေ၊ ရက္ကန်းရုံက သီးသန့် အော်ဒါမှာထားတဲ့ ချည်ချောပုဆိုးတွေက ပြန့်ကြဲလို့နေသည်။ ထိုများပြားလှတဲ့ အဆင်တွေ၊ အရောင်တွေကြား ဝေလွှမ်း ရွေးရင်း ရွေးရင်းနဲ့ ဘာဆက်ရွေးရမလဲမသိတော့။ ၁၅နှစ်အရွယ်ကလေးလေး ဝေလွှမ်းသည် ခုံပေါ်မှာ ခြေပစ်လက်ပစ်နှင့်ထိုင်ရင်း ညည်းညူလို့နေသည်။
"ကိုလေးကြိုက်တဲ့အရောင်ကိုဘဲ ရွေးလိုက်ပါ။သူတို့လည်း ကြိုက်ပါလိမ့်မယ်။"
ဘေးက ဒေါ်မိုးက ခပ်ပြုံးပြုံးနှင့် ပြောလာတော့မှ ဝေလွှမ်းလည်း ရယ်လိုက်မိတော့သည်။ ဒေါ်မိုးဆိုလိုတာကို သဘောပေါက်သွားခြင်းသာ။ ဟုတ်သားဘဲ။ ဝေလွှမ်းလည်း ယောင်္ကျားလေးဘဲလေ။
"ဒါနဲ့ ဒေါ်မိုး။ အသားအ၀ါရောင်ဘက်သန်းတဲ့သူတွေက ဘယ်လိုအရောင်နဲ့လိုက်လောက်လဲ။"
"သနပ်ခါးရောင်နဲ့လိုက်မယ်ထင်တယ်။"
"သနပ်ခါးရောင်ဟုတ်လား။ ကူရှာပေးပါဦး။"
သနပ်ခါးရောင်ဆိုတာကို ဝေလွှမ်း သိပ်နားမလည်လှတာမို့ ဒေါ်မိုးကို အကူအညီတောင်းမိသည်။ များပြားလှစွာသော ရှပ်အင်္ကျီတွေကြားထဲမှ ဒေါ်မိုးက တစ်ထည်ကို ဆွဲထုတ်ပြလေသည်။ အ၀ါဘက်သန်းပေမယ့် အရမ်းမတောက်ဘဲ ခပ်ဖျော့ဖျော့အရောင်လေး။ မျက်လုံးထဲ လူတစ်ယောက် ထိုရှပ်အင်္ကျီကို ၀တ်ထားတဲ့ပုံကို မှန်းဆကြည့်မိတော့ ထိုအရောင်နှင့် တထစ်ချလိုက်မည်ဟု ခန့်မှန်းလိုက်မိသည်။
"အဲ့သနပ်ခါးရောင်က နောက်တစ်ထည်ရှိသေးလား။"
ဒေါ်မိုးက အင်္ကျီအပုံထဲ ထပ်ရှာပြန်သည်။ ထို့နောက် ခေါင်းခါပြလာလေသည့်နောက် ဝေလွှမ်းစိတ်ညစ်သွားလေသည်။
"မှာရင်တော့ ရမယ်ထင်တယ်။ ဘယ်လောက်ထပ်ကြာမလဲတော့မသိဘူး။ ဒေါ်မိုးပြန်မေးပေးမယ်လေ။"
"ထားလိုက်ပါတော့။ အဲ့မှာ ဆိုဒ်တူနှစ်ထည်ရှိတာ ဘာအရောင်တွေလဲ။"
"အင်း.ဆိုဒ်လည်းတူရမယ်ဆိုရင်တော့ ကော်ဖီရောင်ဘဲရှိမယ်။နည်းနည်းမိူင်းမယ်။ကိုလေးကတော့ ကြိုက်တယ်မဟုတ်လား။ အရောင်မိူင်းမိူင်းတွေ။"
ဒေါ်မိုးပြောလာမှ ဆက်စပ်တွေးမိပြီး ဝေလွှမ်းရဲ့ခေါင်းထဲ ဖျတ်ခနဲ အတွေးတစ်ခုက ၀င်လာသည်။ အနည်းငယ် ထူးဆန်းသလိုထင်ရပေမယ့်လည်း ကြိုးစားကြည့်တာတော့ သိပ်တော့မမှားပေ။
အခြားသူတွေကိုပေးမယ့် ရှပ်အင်္ကျီတွေကိုတော့ ဆိုဒ်တွေလောက်သာ သေချာရွေးလိုက်ပြီး ထိုကော်ဖီရောင် နှစ်ထည်နှင့်အတူ တခြားလက်ဆောင်တွေရော ဒေါ်မိုးကို အခန်းထဲ လာပို့ခိုင်းလိုက်သည်။ ဝေလွှမ်းကတော့ သီချင်းတအေးအေးနှင့် အပေါ်ထပ်က အခန်းကိုသာ ပြန်ဖို့ ပြင်လေရာ လှေကားရင်းမှာပင် မာမီနှင့်တန်းတိုးလေတော့သည်။
"ရန်ကုန်မပြန်ချင်တော့ဘူးဆိုပြီး အခုကျပြန်တော့လည်း အရမ်းကိုတက်ကြွနေပါလား။ ကိုလေးရဲ့။"
မာမီ့ စကားကြောင့် ဝေလွှမ်း မလုံမလဲဖြစ်သွားလေသည်။ ဝေလွှမ်းတကိုယ်လုံးကို ခေါင်းဆုံး ခြေဆုံးကြည့်နေသလို ခံစားလာရတာမို့ ဝေလွှမ်းကိုယ်လေးကို ကျုံ့နိုင်သမျှ ကျုံ့ထားလိုက်မိသည်။ မာမီပြောတာကလည်း မှားတော့ မမှားပါ။ ရန်ကုန်ကနေ ပြန်စရောက်တဲ့ညက ဝေလွှမ်းက ရန်ကုန်ကို ပြန်မသွားတော့ပါဘူးဆိုပြီး သောင်းကျန်းလို့ မာမီမနည်းဖြောင်းဖြထားရတာ။
မာမီကတော့ တီချယ်ကြီးနှင့် မိတ်မပျက်ချင်တာလည်း ဖြစ်နိုင်သည်။ ပညာရေးတ၀က်တပြတ်နှင့် ဖြစ်မှာစိုးရိမ်တာလည်း ဖြစ်နိုင်သည်။ ဖေဖေ့ဆီက ခုတမျိုးတော်ကြာတမျိုးဆိုတဲ့အသံမျိုးတွေ မကြားချင်တာကြောင့်လည်းဖြစ်နိုင်သည်။ မာမီ့မှာလည်း မာမီ့အကြောင်းပြချက်ရှိနိုင်သလို ဝေလွှမ်းမှာလည်း ဝေလွှမ်းအကြောင်းပြချက်နှင့် ဝေလွှမ်းပင်။
"ရန်ကုန်မှာ မတွေ့မဖြစ် ကျန်ရစ်ခဲ့တဲ့သူတွေများ ရှိနေလို့လား။"
ဝေလွှမ်း ထိတ်ခနဲ တုန်ယင်သွားမိလေသည်။ မျက်လုံးထဲမှာပြေးမြင်လာမိတဲ့ ကွက်ကွက်ကွင်းကွင်း မျက်နှာတစ်ခု။
"ဟင်း။ မာမီကစတာပါ။ သွား။သွား။ အခန်းထဲပြန်နား။ မနတ်ဖြန်အစောကြီး ရန်ကုန်ပြန်ရမှာ။"
မာမီ့လက်ဖ၀ါးပြင်က ခေါင်းပေါ်ခပ်ဖွဖွလေး ပွတ်သပ်လာပေမယ့်လည်း ဝေလွှမ်းစိတ်သက်သာရာ မရနိုင်။ ဟုတ်ကဲ့ဟုသာ ပြန်ဖြေလိုက်ပြီး မာမီ့လက်ဖ၀ါးတွေရဲ့ ကွေကွင်းရာကို ရှောင်လိုက်ကာ အပေါ်ထပ်က အခန်းဆီကို ဦးတည်လိုက်မိသည်။ အခန်းတံခါးကို ၀ုန်းခနဲ ပိတ်ချလိုက်သည့်အခါမှ အနည်းငယ်လုံခြုံသွားသည်ဟုခံစားလိုက်ရလေသည်။ ဝေလွှမ်းရဲ့အခန်းလေးသည် ထုံးစံအတိုင်း ငွေရောင်မီးအိမ်ငယ်ထံမှအလင်းတချို့မှ အပ မှောင်ပြီး တိတ်ဆိတ်နေဆဲ။
မာမီ့ရှေ့ကနေလွတ်ရာကျွတ်ရာကို ရောက်လာပေမယ့်လည်း ခုနက မြင်ယောင်ခဲ့တဲ့ မျက်နှာက မျက်လုံးထဲ ထပ်ပြီးပေါ်လာတော့ ရင်က တဒိတ်ဒိတ်နှင့် ပြန်ခုန်လာပြန်သည်။
ဘာလို့များ အဲ့မျက်နှာလဲ။
အစ်ကိုနဲ့အတူသူ့ကို တွေ့ခဲ့တဲ့ညက အကြောင်းအရာတစ်ခုလုံးက ရေချိုးခန်းထဲမှာ တကိုယ်တည်းလှောင်ပိတ်ပြီး ငိုခဲ့ရတာတောင် အရည်လဲ့နေတဲ့အဲ့မျက်ဝန်းတွေလောက်နဲ့ ဘာလို့များ အရာရာကိုသင်ပုန်းချေပစ်လိုက်ဖို့ အသင့်ဖြစ်နေရတာလဲ။
မျက်လုံးနဲ့တပ်အပ်မြင်ခဲ့ရတာတောင် ထိုလူသားနူတ်က ထွက်လာတဲ့ စကားလုံးတွေအပေါ်ကိုမှ ယုံကြည်နေမိရသလဲ။
ကိုယ်တိုင်မတွေ့ချင် မမြင်ချင်တော့လို့ ကားတံခါးကိုတောင် ဆောင့်ပိတ်ခိုင်းခဲ့တာ ထိုအပြုအမူအပေါ် ဘာလို့များ အပြစ်ရှိသလို ခံစားနေရပြန်တာလဲ။
နောက်ဆုံး သူ့အပေါ်အဲ့လိုဆက်ဆံခဲ့မိလို့ သူများဝမ်းနည်းနေမလားဆိုပြီး သူစိတ်ကျေနပ်လောက်မယ့်အထိ တစ်ခုခုပြန်လုပ်ပေးဖို့ စဉ်းစားနေမိတယ်တဲ့လား။
"လွှမ်း!"
"ဟမ်..။"
မာန့်ရဲ့အသံလေးက မှောင်ရိပ်သန်းနေတဲ့ အတိတ်ရဲ့ အခန်းငယ်လေးဆီမှ၊ ဇဝေဇ၀ါခံစားချက်တွေထံမှ ဝေလွှမ်းကို ဆွဲထုတ်သွားလေသည်။
"ဟင်းလာမြည်းပေးလို့ ငါမင်းကိုပြောနေတယ်လေ။"
မာန့်အသံက စိတ်သိပ်မရှည်တော့ဟန်ပေါက်သည်။ ဝေလွှမ်း အာရုံလွင့်နေတုန်း ဘယ်နှခါလောက်တောင် တကြော်ကြော် အော်ခေါ်နေခဲ့လဲမသိ။ သူ့အနားကို အပြေးသွားတော့ ဟင်းရည်အနည်းငယ်ထည့်ထားတဲ့ ယောက်ချိုဇွန်းကို ဝေလွှမ်းရဲ့ နူတ်ခမ်းနား ကပ်ပေးသည်။
"ပူတယ်နော်။အရင်မူတ်သောက်ဦး။"
မာန်က ဂရုတစိုက်နှင့် သတိပေးရှာသေးသည်။ ဟင်းရည်အချို့က ပါးစပ်ထဲရောက်လာသည်နှင့် လျှာဖျားမှာ စိမ့်ဝင်လာတဲ့ အရသာက ထူးကဲလွန်းသည်။ မာန်က ဟင်းချက်တဲ့နေရာမှာတော့ တကယ်ကို ပါရမီရှိရိုးအမှန်ပင်။ မာန်က လွှမ်းအတွက် ဘုရားပေးတဲ့ ဆုလာဘ်လေးဆိုလျှင် ဟင်းချက်တတ်တာလေးက အပိုဆုကလေးပင် ဖြစ်လိမ့်မည်။
"ကောင်းတယ်မဟုတ်လား။ ငါနည်းနည်း ပြန်ပြင်လိုက်တာ။"
မာန့်ကိုခေါင်းညိမ့်ပြလိုက်တော့ မာန်က ကျေနပ်သွားသည့်ဟန်ရှိသည်။ ပြီးတော့ ဟင်းအိုးကို တစ်ချက်နှစ်ချက်လောက် ထပ်မွှေလိုက်သည့်အချိန်တွင် ကြက်သားဟင်းနံ့က မွှေးပျံ့လာတော့သည်။ ဝေလွှမ်းကတော့ ဟင်းအိုးထဲက ကြက်သားတွေထက် မာန့်ရဲ့ မျက်နှာလေးကိုသာ တရှိုက်မက်မက်ကြည့်နေမိသည်။
တချိန်ချိန်တွင်တော့ ဒီမျက်နှာလေးကို ငေးကြည့်နေရင်းနှင့် ထိုလူသားဆီမှာ ဝေလွှမ်းရဲ့ ခံစားချက်တွေက ဘယ်လိုအမြစ်တွယ်ပြီး ရှင်သန်ကြီးထွားခဲ့သလဲဆိုတာ စီကာပတ်ကုံးနှင့် ပြောပြချင်ပါသေးသည်။
..............................................................................................................................................
(A/N)
ဒီနေ့အပိုင်းကရှည်ချက်ဘဲ။ စာပြန်ပြင်ရုံတောင် မနတ်ကနေ ညနေထိ အချိန်ယူလိုက်ရတယ်။