زين :ايه يا عم انت فين اتأخرت ليه
شريف بصوت هامس افتح الاسبيكر
الرجل :شوف بقي يا برنس احنا مكناش نعرف انها بنت ناس مريشين اوي كده فالقطة معانا دلوقتي عايزها يبقي تدفع 3مليون جنيه و صحيح ابقي سلملي علي سبع الرجال لو طلع عايش ثم اغلق الخط في وجهه
نظر كلا من شريف وزين الي بعضهم بأعين متسعة
شريف بصدمة :هو ايه اللي حصل ده
زين بخوف :مش عارف يا شريف والله انا ماكن
قطع حديثه لكمة شريف له مما جعل الدماء تتساقط من انفه
زين بألم وعصبية :ايه يا شريف ما انا زي زيك انا اعرف منين انهم هيطلعوا كده
شريف بغضب :مش حضرتك اللي اتفقت معاهم و تقولي متقلقش عيب عليك ....تفائل ...خير انشاء الله
زين :اهدي يا شريف احنا لازم نفكر احنا هنعمل ايه دلوقتي و هنجيب المبلغ ده منين
شريف بعصبية :من عند امك
زين بغضب :في ايه يا شريف انا ماسك نفسي عنك عشان عارف ان انا اللي غلطان انما هتسوق فيها و الله يبقي اخر كلام بينا و هنسي ان عرفت حد اسموا شريف
تنفس شريف و حاول ان يكون هادئ ففي النهاية هو المخطئ وهو صاحب الفكرة و عليه ان يتحمل نتيحة افعاله
شريف :خلاص يا زين متزعلش بس تقدر تقولي هنعمل ايه دلوقتي
زين :قبل اي حاجة احنا لازم نهدي و نفكر احنا هنجمع الفلوس دي ازاي
شريف بتفكير :بس دا قال سلملي علي سبع الرجال لو طلع عايش يقصد ايه يا تري اذي مين
زين :مش عارف احنا لازم نروح القصر و نحاول نعرف اخبار
شريف :انا مش هعرف اروح لأن الامن هناك عارفني
زين :خلاص امري لله هاروح انا
شريف :طب ما نبلغ البوليس يا زين انا خايف علي نادين ليأذوها
زين :هتروح تقول ايه للبوليس انا اللي كنت عايز اخطفها من جوزها و اتفقت مع مجرمين والله اعلم نيلوا ايه كمان انت اللي هتلبس كل ده و خصوصا انهم هربوا
شريف بغضب مكتوم : وهو كان مين اللي اتفق مع شوية مجرمين
زين بعصبية :هنعيدوا تاني يا شريف يعني كنت هجبلك مين يخطفها محمد رمضان
شريف بتوتر:خلاص يا زين انا دلوقتي عايز اطمن علي نادين انا خايف عليها اوي
~~~~~~~~~~~~~~
في مكان مهجور بعيد عن الاعين مظلم لا يوجد به سوي ضؤ بسيط يأتي من مصباح بالي قديم بدأت نادين تفتح عيونها و هي تشعر بألم شديد في رأسها نظرت حولها حاولت ان تعرف اين هيا وجدت نفسها تنام علي سرير متهالك ووجدت الغرفة حولها مقرفة للغاية يملئها التراب و الحيطان مشققة ومتسخة و الضؤ تكاد تري به بسبب ضعفه
نادين :انا فين ايه المكان ده ايه اللي جابني هنا
قامت نادين و حاولت تذهب الي الباب و لكنه كان موصد ظلت تضرب علي الباب و تصرخ
نادين بصراخ :الحححححققققوووننااااي ااانااا فييين حدددد يخخخخررررجنننني
فتح احد الرجال ضخام الجثه و هو عينيه تشع غضب :في ايه يا روح امك عاملة دوشة ليه
نادين :انت مين وانا فين و بعمل ايه هنا و أحمد و ماما فين
الرجل :لأ انتي مشرفانا هنا لحد ما الغندور يدفع المطلوب
عقدت نادين حاجبيها :انت تقصد ايه انا جيت هنا ازاي انا مش فاكرة
الرجل بغضب :متصدعيش امي بقي غوري نامي ثم اوصد الباب عليها مرة اخري
جلست نادين تبكي و هي خائفة و لاتعلم ماذا اتي بها الي هنا اين أحمد لينقذها تري ماذا حل بعائلتها هل هم بخير كانت نادين جالسة و قلبها يتأكل من الخوف عليهم و حاولت عصر مخها لكي تتذكر ماذا حدث و لكنها لم تسطيع حاولت العثور علي مكان للهروب منه و لكنها لم تجد سوي شباك مغلق بإحكام عن طريق الخشب اتجهت نادين نحوه و حاولت ان تستمع لأي صوت او تري اي ضؤ و لكنها لم تستطيع فذهبت و جلست مكانها بخوف مرة اخري
~~~~~~~~~~~~~~
عند علي و اسماء في المستشفي
تعبت ام نادين كثيرا من البكاء و ارتفع ضغطها فاضطر الطبيب الي ان يعطيها مهدئ لكي تنام ظلت اسماء بجانبها الي ان نامت ثم اتجهت الي الخارج ووجدت علي جالس يكتم دموعه و يبدو عليه الخوف بسبب تأخر أحمد في العمليات و صعوبة حالته اتجهت الي حيث يجلس و جلست بعيد عنه بقليل
اسماء بهدؤ: استاذ علي انت كويس
علي بهدؤ و هو ينظر الي الارض بتوهان :مش عارف انا حاسس انو لو جرالو حاجة انا هموت وراه مش هقدر اعيش من غيره هو كل عيلتي هو اللي ليا في الدنيا ثم نزلت دموعه التي كان يكتمها انا حاسس اني بحلم بس لأ ده مش حلم دا كابوس و حش اوي ثم شهق شهقة عالية بسبب بكائة و نفسي حد يصحيني يا رب اصحي يا رب انا مش قادر
اسماء ببكاء هي الاخري :انشاء الله هيقوم بالسلامة ربنا مش هيختار لينا الا كل خير صدقني انت لازم تجمد لو سمحت
في العمليات عند أحمد
الطبيب :الحق يا دكتور القلب وقف
الطبيب الاخر :صدمات كهربا بسرعة
حاول الطبيب اكثر من مرة و نجح الامر وعاد قلب أحمد ينبض مرة أخري
وفجاءة خرج الطبيب من عند أحمد انتفض علي من مكانه
علي :خير يا دكتور طمني
الدكتور بإبتسامة هادئة :اطمن الحمد لله العملية نجحت و هننقلوا اوضة عادية حالا و انشاء الله كام ساعة و هيفوق ربنا يطنكوا عليه
تركه الطبيب ورحل و بعد قليل اخرج الممرضين أحمد من غرفة العمليات و ذهب الي غرفة عادية و كل هذا و علي بجانبة وضع الممرضين أحمد علي السرير ثم رحلوا و ظل علي بجانبه ليتأكد انه بخير و بعد حوالي ساعتين بدأ احمد بإستعادة وعيه بدأ بفتح عينه ثم نظر حوله وجد علي الذي هب واقفا بفرحة
علي :انت حاسس بإيه انادي الدكتور
أحمد بتعب :ن ا د ي ن ف ي ن
علي :اهدي انت بس دلوقتي و انا هتصرف
حاول أحمد النهوض و لكنه لم يستطيع بسبب الالم الفظيع الذي شعر به
علي بحزم:ارتاح يا أحمد و انا هتصرف نادين مرات اخويا وانا لازم ارجعهالك متقلقش
نظر له أحمد بإمتنان ثم تركه علي و خرج وجد اسماء جالسة امام الغرفة
اسماء :طمني يا استاذ علي هو كويس
علي :الحمد لله هو فاق بس لسه تعبان و متشكر علي وقفتك جنبي انتي فعلا انسانة نادرة الايام دي و خصوصا ايمانك القوي اللي بقي شبه معدوم في ايامنا ثم نظر لها في عيونها نظرة لم تفهمها و لكنها خجلت من هذه النظرة كثيرا فأخفضت بصرها و لكنهم فجاءة سمعوا صوت بحانبهم و كان هذا الضابط ليحقق في حادثة أحمد
الضابط :ممكن اتكلم مع حضارتكوا شوية
علي :اه طبعا اتفضل
جلس علي و اسماء
الضابط :لو سمحتوا عايز اسمع كل اللي حصل منكوا
قص عليه علي كل شئ ثم اسماء و كان كلامهم متطابق
الضابط :طب انتو ملكوش اعداء
علي :عادي يعني أحمد ليه منافسين لكن مش اعداء ومفتكرش ان له مشكلة مع حد توصل للقتل و الخطف و ارجوك يا فندم عايزين نلحق مراته قبل ما يعملوا فيها حاجة
الضابط :متقلقش احنا هنشوف شغلنا و انشاء الله هنلاقيها في اسرع وقت بس انا لازم اتكلم مع الاستاذ أحمد بس لما حالتوا تتحسن شوية لأن الدكتور قال انو مش هيقدر يتكلم دلوقتي
رحل الضابط و دخل علي مرة اخري الي أحمد وجده نائم جلس بجانبة فقط ينظر اليه و يحمد ربه الف مرة انه علي قيد الحياه
~~~~~~~~~~~~~~~
عند زين اتجه الي قصر احمد و ظل واقف مدة ليري اي حركة او اي شئ غريب و لكنه لم يجد فأخرج هاتفه و اتصل علي منه
زين :الو يا منه
منه:خير يا زين متصل بيا الفجر ليه
زين :انا واقع في مصيبة و عايز اعرف منك تعرفي اي حاجة عن نادين او أحمد جوزها
عقدت منه حاجبيها :لأ معرفش و بعدين مصيبة ايه فهمني
زين :طب اقفلي دلوقتي و هبقي اكلمك بعدين ثم اغلق الخط دون ان ينتظر ردها ثم اتجه الي القصر و كان يوجد عليه سيكيورتي و لكنه كان رأسه مربوط بشاش
زين :لو سمحت انا عايز اقابل احمد باشا
الامن :أحمد باشا في المستشفي
زين بتوتر :ليه ايه اللي حصلوا
الامن :جت ناس هجموا علينا و خطفوا مراتوا و ضربوه بالنار
زين :طب هو في انهي مستشفي
قال له الحارس العنوان ثم تركه زين و ذهب الي شريف الذي يتأكله القلق
شريف :ها ايه الاخبار
زين :احنا واقعين في مصيبة.... أحمد مضروب بالنار و في المستشفي
شريف بصدمة :يا نهار اسود
زين :انت لازم تدبر الفلوس
شريف :منين انا كل اللي معايا انا و ابويا صرفناه علي الشركة
ثم حاول ان يجد طريقة للحصول علي المال
~~~~~~~~~~
عند نادين كانت تريد ان تخرج فظلت تضرب علي الباب و تصرخ الي ان دخل عليها الحارس و هو غاضب بشدة و يمسك في يده سوط و نظراته لاتبشر بالخير
¤¤¤¤¤¤¤¤¤¤¤
نججججججوم و رأيكم
خطف نادين وضرب أحمد بالرصاص
الفيديوا شغال علي اليوتيوب مش عارفة مش شغال هنا ليه
¤¤¤¤¤¤¤¤¤¤¤¤¤¤
تحذير للبنات
خلي بالكم يا جماعه لان الأيام دي هي الاصعب في تاريخ الشعب المصري و انشرو البوست ده لاهميته و هو منقول عن جروب ثقه علي واتس ااب مع كامل التحيه للمصريين الشرفاء#اخبار_غرب_اسكندرية
انتشر الايام دى الخطف خصوصا للبنات بتوع ثانوى وفيما فوق والهدف
١_ سرقه (دهب _ موبايل _ فلوس)
٢_ اغتصاب وده طبعا مش محتاج شرح
٣_ وده المرعب سرقه اعضاء (كليه _ كبد _ قرنيه عين _قلب_ الخ..... )
*طرق الخطف *
واحده ست تقولك والنبى يابنتى اقريلى العنوان ده _ طلعيلى رقم ام حموئه من الموبايل _ انا مش من هنا وتايهه او اى زيطه من دى
بنتين يوقفوكى فى الشارع ويقولولك احنا من شركه زفت للعطور ومعانا عرض ازازتين برفان ببلاش وعليهم التالته هديه علشان تشمى وتتكلى على الله معاهم
_واحده فى العربيه تحطلك كريم فى هدومك والتانيه جنبك تقولك فى حاجه فى هدومك تحطى ايدك وتشمى تدوخى ويقولو صاحبتنا وياخدوكى
واحده ست تقولك لو سمحتى اروح كذا ازاى وتشممك منديل فيه مخدر
* ازاى تحمى نفسك ؟ *
١_ اياكى توقفى لحد وياريت متكونيش لوحدك حتى لو مكان زحمه علشان دول بجحين
٢_لما تلاقى واحده ف مكان اغمى عليها وحد قال دى اختى ، مرات ابويا ، صوتى ولمى الناس لحد مالبنت تفوق وغالبا هى هتهرب لان فى واحد بيكون مستنيها بموتوسيكل
ياريت تشيروا البوست على اد ما تقدروا لان فعلا مبقتش الدنيا امان وفى اكتر من بنت وطفل لاقوهم ميتين ومشوهين وبطونهم مفتوحه وواخدين اعضائهم وربنا يحفظ بناتنا وأولادنا من كل شر وسوء
#شير_ف_الخير
منقول للتحذير والحذر وربنا يحفظ بناتنا ونسائنا من كل شر ومكروه