عند جميلة وأحمد
كانت جميلة مع أحمد في الاجتماع و كان شريكه معة زوجته ايضا و كانت تنظر لجميلة بحقد من جمالها و تحاول ايغاظتها
زوجة شريكه:انتي عارفة يا جميلة انا جوزي مش بيعز عليا اي حاجة فاكر يا حبيبي لما سافرنا لندن الاسبوع اللي فات
جميلة :والله ......يبقي خودي بالك بقي لأن الراجل اللي بيحب مراته اوي ده بيلعب بديله فبيداري علي نفسه بالهدايا و الكلام ده هههههههه
احمد وهو يضحك ويخبطها في قدمها :بتحب جميلة تهزر كتير
وفجاءة نامت جميلة علي الطاولة امام الناس
أحمد بإحراج و هو يعلم ما حدث لها :جميلة جميلة حبيتي فوقي
أحمد :معلش اصلها بتتعب فجاءة
شريكه :طب قوم وديها المستشفي
أحمد:لأ هيا هتفوق حالا ...جميلة قومي يا حبيتي
نادين وهي تفتح عيونها :اااه انا فين
أحمد بضحك ليداري علي حرجه:معلش اصلها بتصحي ديما كده فاقدة الذاكرة
نادين :هي مين دي
أحمد بوشوشة:ممكن متفتحيش بوقك لحد ما نروح ماشي
شريك أحمد :حضرتك كويسة
نادين :اه الحمد لله
زوجه شريكه بإبتسامة صفراء :ما خلاص يا جماعة فاقت و بقت كويسة
ثم اكمل احمد وشريكه الحديث عن العمل ثم قالت زوجة شريكه الاقوليلي يا جميلة انتي اتعرفتي علي أحمد باشا إزاي
نادين:................
أحمد :احم المدام بتكلمك يا جميلة
نادين بغباء :جميلة مين
أحمد و هو يضحك بإحراج و يخبط نادين في قدمها :هو في جميلة غيرك هنا
نادين بتوتر :ااه ااه صح
زوجه شريكه :مردتيش علي السؤال اتعرفتي علي أحمد باشا إزاي
نادين :ابدا شافني عن طريق واحدة صاحبتي شغالة معاه في الشركة ثم وجهت حديثها لأحمد فاكر اول مرة جتلك الشركة
أحمد بغل و هو يتذكر الصفعة :هيا دي حاجة تتنسي
نادين :وبعدها بقي عرف عنوان جامعتي من صاحبتي وبقي كل يوم يجي قدام الجامعة بورد و انا معبروش واعمل نفسي مش شايفاه و امشي و يجيلي تحت البلكونة ويشغل اغاني في عربيتوا بالليل عشان اسمعها الجيران يبلغوا عنوا عشان الازعاج ثم اكملت بدراما مبالغ فيها وكان بيقولي نادين لو سمحتي يا نادين انا بحبك يا نادين
وكل هذا واعين أحمد متسعة بصدمة
قاطعتها زوجه شريكه :نادين مين
نظر لها أحمد بشماته لأنها اوقعت نفسها بسبب كذبها
نادين بتوتر :ااااصل نادين ده إسمي الحقيقي و اصحابي وكده بينادوني جميلة لأن ده كان اسم جدتي فبحب الناس ينادوني بيه
زوجه شريكه :دا انت طلعت رومانسي بقي يا أحمد باشا يا ريت تعلم صحبك شوية
شريكه:بقيت وحش دلوقتي ماشي اما نروح
ثم اكملوا الاجتماع وعندما وقفوا وكانوا سيهموا بالذهاب
وجد شاب يتطلع علي نادين فأمسكها من خصرها وقربها اليه نظرت له نادين بإستغراب
أحمد :مالك يا حبيتي.. وحشتيني
كانت زوجة شريكه تتأكل من الغيظ
ثم ذهب كل منهم الي منزله
~~~~~~~~~~~~
باقي حكاية منه (القصة حقيقية)
وجدت منه رقم ماجد مسجل بروحي صدمت منه و نادين
منه :إيه ده
نادين :مش عارفة
جاءت رحاب بالمشروبات
رحاب إيه مالكوا مسهمين كده ليه
منه :رقم ماجد بيعمل إيه عندك يا رحاب
رحاب بكذب :عادي ما هو زميلي
منه :تقومي مسجلاه روحي
رحاب :وانتي مالك هو مش خلاص رماكي كل واحد حر
منه :يعني إيه
رحاب :يعني هو بيحبني انا و هنتجوز وجه خطبني من بابا
منه :انتي إزاي كده انا كنت فكراكي صحبتي
رحاب بكره واضح :لأ احنا مش اصحاب انتي طول عمرك انانية ومبتفكريش غير في نفسك
منه بغل وبكاء :انا اللي مبفكرش غير في نفسي
ثم انقضت علي رحاب تضربها بشدة و نادين تحاول ان تحول بينهم ونجحت وابعدتهم عن بعض
رحاب :انا هوريكي يا منه انا هدمرك
نادين و هي تأخذ منه في احضانها خلاص إهدي يا حبيتي وذهب كل منهم الي بيته
عند رحاب و هي تكلم ماجد
رحاب :شوفت بنت ال*****عملت فيا إيه انا هوريها انا هضيعلها مستقبلها
ماجد:خلاص بقي فكك منها الحوار خلص علي كده
رحاب بغل :لأ مخلصش يا ماجد وانا هوريها مين رحاب
اغلقت رحاب الهاتف مع ماجد ثم اتصلت بشخص ما
رحاب :ايه يا حبيبي اخبارك إيه
الشخص :..........
رحاب :عايزاك في خدمة
الشخص :............
رحاب :واحدة زبالة ماشية تقول عليا كلام وحش و بتقول إن انا بشرب سجاير و بعمل حاجات وحشة وانا عايزاك تأدبهالي
الشخص:.............
رحاب :تمام انا هبعتلك رقمها و هحاول اجيب رقم باباها من حد من اصحابي و صورها و حبت معلومات هتفيدك
ثم اغلقت معها الهاتف
رحاب ماشي يا منه انا هوريكي
عند منه وجدت هاتفها يرن فأجابت وجدت شخص يعاكس بألفاظ بذئية فأغلقت الهاتف في وجهه
عند والد منه وجد رسالة علي هاتفه تقول :قول لبتك ال****يا حج تلم نفسها و متتهمش ناس في شرفها لأنها و*** وكانت وماشية معايا بالامارة وقام بوصف ملابس منه الداخلية والعلامات التي توجد في جسدهل و التي وصفتها له هي رحاب لانهم اصدقاء مقربين و كانوا يغيرون ملابسهم امام بعض و هذا خطاء كبير
الاب بعصبية :يا ام منه ام منه
ام منه: إيه يا حج
الاب :هيا بنتك عندها وقام بوصف الملابس الداخلية لأمها و علامات جسدها
الام بخضة :اه عرفت إزاي
دخل الاب غرفة منه وجذبها من شعرها بشدة وظل يضرب فيها حتي كادت ان تموت في يده
و امها تحاول ان تنقذها و لكن لا فائدة
بعدما ضربها ابوها و تركها وهي سيغمي عليها :مفيش تعليم بعد كده و هجوزك اي واحد معدي في الشارع
منه ببكاء في احضان امها:والله مل عملت حاجة يا ماما انا مظلومة
وبعد اسبوع
الاب :انتي هتتجوزي السمكري اللي علي اول الشارع
منه ببكاء:يا بابا والله انا مظلومة
الاب بعصبية :انتي تخرسي خالص و اللي اقولوا هو اللي هيتنفذ انتي سامعة غوري من وشي
(لحد هنا القصة الحقيقية خلصت )
دخلت منه الي غرفتها تبكي بشدة واتصلت بنادين
منه ببكاء :الحقيني يا نادين وقصت لها كل ما حدث
نادين :طب وهنعمل إيه
منه :مش عارفة ابوس ايدك اتصرفي
نادين :حاضر حاضر
ثم اغلقت معها و لاتعلم ماذا ستفعل و لكن جاءتها فكرة ذهبت الي امها
نادين :ماما عايزة اقولك علي حاجة وقصت عليها حكاية منه.. وانا بصراحة شاكة في رحاب لأنها يوم الخناقة قالتها هضيعلك مستقبلك
الام :خلاص سيبي الموضوع ده عليا
قامت ام نادين وارتدت ثيابها وذهبت الي منزل منه
ابو منه :اهلا يا ام نادين اتفضلي
ام نادين :يعز مقدارك يا خويا انا جيالك بخصوص منه
ابو منه :لو سمحتي يا ام نادين الموضوع منتهي
ام نادين :لأ مش منتهي اللي عملت كل ده البت رحاب صحبتهم و هي اللي صلطت الواد ده يبعتلك الرسالة و هي اللي وصفت البس للواد
ابو منه :طب و صحبتها عرفت الحاجات دي إزاي
ام نادين :البنات كانوا سعات ايام الامتحانات بيحوا يباتوا عندي و كانوا بيبقوا في اوضة واحدة اكيد بيغيروا قدام بعض ثم قامت واتجهت للباب و قالت متظلمش بنتك ثم رحلت
اتجه ابو منه الي غرفة ابنته :منه متزعليش مني يا حبيبة ابوكي انا عملت كده من صدمتي في بنتي المتربية
منه :وانا عمري ما ازعل منك يا بابا ثم رمت نفسها في احضانه
(دول قصتين و انا دمجتهم في بعض الاولي البنت اللي خطيبها سابها بعد 5 سنين قاري فتحتها من وهما في إعدادي بسبب صاحبتها و دا لانها كانت ديما تحكيلها اسرارها هي و خطيبها والتانية بتاعت الرسالة بس القصة الحقيقية البنت اتجوزت السمكري ومظهرتش برائتها الا بعد سنين بالصدفة خدوا بالكوا يا بنات واقسم بالله كل دا حقيقي ماعدا اخر جزء اللي هو ظهرت فيه براءة منه)
Back
منه :بس يا سيدي
زين :معقول كل ده حصلك ليكي حق تكرهي صنف الرجالة
منه :انا هقوم اروح بقي عشان اتأخرت
~~~~~~~~~
عند أحمد ونادين
احمد :إيه اللي قولتيه قدام الناس ده
نادين: وانا قلت إيه مش الولية القرشانة دي هيا اللي سألت
احمد :تقومي تطلعيني عيل فرفور اودامهم
نادين :يووه بقي بطل دوشة وعايزة اعرف انا روحت هناك إزاي
أحمد :جميلة اصرت تيجي معايا و كنا قاعدين كويسين و فجاءة حضرتك جيتي بوظتي الدنيا لو كانت جميلة كانت اتصرفت بذكاء
نادين بفخر :طب ما جميلة هي انا
أحمد :بعد اللي انتي عملتيه النهارده ده اتضح انتي اغبي خلق الله انما جميلة مفيش وصف يتقال عليها بجد انسانة رائعة وعلي فكرة بكره هنروح للدكتور
ثم تركها وصعد
نادين :داهية فيك و في حلاوتك
أحمد من الاعلي: سمعتك
نادين بصوت منخفض:ما تسمع ...انا جعانة اما اروح اشوف حاجة اكلها بس اغير الهدوم الملزقة عليا دي عشان كرشي ياخد راحته
ثم صعدت وغيرت ثيابها ونزلت الي المطبخ وفتحت الثلاجة واخرت فراخ وجبنة و مكرونة وجاتوة دخل احمد عليها المطبخ وكان يريد ان يتقياء من المنظر
كانت نادين تأكل كل شئ مع بعضة وتأكل بيدها وبسرعة
أحمد :الله يأرفك
نادين والاكل في فمها:وانت مالك.... قرفان متبصش عليا
احمد :احنا مش اتعشينا بره
نادين :وانت بتسمي العينات دي عشا امشي اتكل علي الله شرف انت رايح فين وفجاءة نامت و الاكل في يدها
¤¤¤¤¤¤¤¤¤¤¤¤¤¤
استنوني بالليل ورأيكم ونجووووووم
بروموا جديد