"ခစ်..ခစ်..ခစ်။."
လွှမ်းရောင်ထည်ဝါစံအိမ်ကြီးတစ်ခုလုံးသည် ရယ်ရွှင်မြူးထူးသံတွေနှင့် ဖုံးလွှမ်းနေလေသည်။ဟိုမှသည် သွားလာနေကြတဲ့ အိမ်အကူတွေသည် ပြေးလွှားဆော့ကစားနေတဲ့ ကလေးနှစ်ယောက်ကို မနည်းရှောင်တိမ်းနေရလေသည်။ သော်လွှမ်းသည် ထက်မာန်ဦးကို မခံချင်အောင် လျှာထုတ်ပြလေရင်း ရွှေရောင်လှေကားကြီးတလျှောက် အောက်ထပ်ကိုပြေးဆင်းသွားလေသည်။
"အို။ ဟဲ့..ငယ်လေးရေ။"
အောက်ထပ်လည်းရောက်ရော အပြင်ကနေ ပန်းတွေပိုက်ပြီး ၀င်လာတဲ့ အန်တီချောကိုပင် သော်လွှမ်းက ၀ုန်းခနဲ ၀င်တိုက်လေပြီး ချော်လဲကျမလို ဖြစ်လေသည်။ အန်တီချောမှာ သော်လွှမ်းကို လှမ်းဖမ်းဆွဲပြီး ထူပေးဖို့ ပြင်သော်လည်း သော်လွှမ်းက ထက်မာန်ဦး ပြေးလိုက်လာတာ မြင်သည်နှင့် အန်တီချောလက်ထဲကနေ ရုန်းထွက်ပြီး ခြံထဲကို ဆင်းပြေးသွားတော့သည်။
"ကလေးတွေ။ သတိထားဦး။ ချော်လဲကုန်မယ်။"
ထက်မာန်ဦးပါ ခြံထဲပြေးလိုက်သွားတော့ နောက်ကနေ အန်တီချောရဲ့ လှမ်းသတိပေးသံကို ကြားလိုက်ရလေသည်။ ထက်မာန်ဦး လှည့်မကြည့်သော်လည်း အန်တီချောက သော်လွှမ်းနှင့် ထက်မာန်ဦးကို ကြည့်ပြီး ပြုံးနေမည်ဆိုတာ သေချာလို့နေသည်။
"လာ။မိပြီ။ မပြေးနဲ့တော့။"
ခြံထဲက သစ်ခွပန်းခြံ ဘက်ကိုရောက်သွားတော့ ချောင်ပိတ်မိသွားသော သော်လွှမ်းသည် ပြေးစရာမြေမရှိတော့။ ထက်မာန်ဦး ထို ၀တုတ်လုံးကို နောက်ကနေ ကောက်ချီပြီး ပွေ့မလိုက်တော့ ထက်မာန်ဦးလက်ထဲ တနင့်တပိုးကြီး မြောက်တက်လာလေသည်။ ဒင်းကို ပွေ့ချီပြီး တပတ်လှည့်ပစ်လိုက်တော့ သူက မကြောက်တဲ့အပြင် တခစ်ခစ်နဲ့ ရယ်နေလေသည်။
"မောတယ်။ တော်ပြီ။ မဆော့နိုင်တော့ဘူး။"
သော်လွှမ်းကို မြေပေါ်ပြန်ချပေးလိုက်ပြီးနောက် ထက်မာန်ဦး မြေကြီးပေါ်မှာပင် ငုတ်တုတ်ထိုင်ချပစ်လိုက်သည်။ ထက်မာန်ဦးမှာသာ လျှာတန်းလန်းထွက်ကျမတတ် မောဟိုက်နေပေမယ့် ထိုကလေးကတော့ နဖူးမှာချွေးတွေ စို့နေရုံမှအပ နည်းနည်းလေးမှ ပင်ပန်းနေတဲ့ ရုပ်မပေါ်။ ဒါတောင် ထက်မာန်ဦးနှင့် သော်လွှမ်း မနတ်စာ စားပြီးကတည်းက တအိမ်လုံးပတ်ပြေးပြီး ဆော့နေတာ။
တအိမ်လုံးဆီက အချစ်တွေ ပိုတာခံရတဲ့ ထိုသော်လွှမ်းဆိုတဲ့ ကလေးလေးသည် လွှမ်းရောင်ထည်ဝါစံအိမ်ကြီးရဲ့ ဆည်းလည်းလေးပင် ဖြစ်သည်။ မနေ့ကဘဲ ထိုကလေးလေးသည် မြန်မာငွေနှစ်သိန်းကျော်တန်တဲ့ ပန်းအိုးတစ်လုံးကို ခွဲချပစ်လိုက်လည်း အဲ့ပန်းအိုးထက် ငယ်လေး ဘာဖြစ်သွားလဲဆိုပြီးတော့ အန်တီချောကအစ အိမ်အကူတွေအဆုံး တအိမ်လုံး ပွက်လောရိုက်နေလေသည်။
နောက်ပိုင်း တမင် ခွဲပစ်လိုက်မှန်းသိသွားတာတောင် အန်တီချောက သော်လွှမ်းကို အော်ဖို့နေနေသာသာ။ တစ်ချက်တောင် မငြိုငြင်။ အန်တီချောတင်မကသေး။ ဟိုကျောက်ရုပ်မ မေလွှမ်းကလည်း သူ့ဟာသူ နေရင်သာ ကျောက်သားပမာ မာတောင့်ပြီး တည်တင်းနေတာ သော်လွှမ်းကို မြင်တာနဲ့ ငယ်လေး ငယ်လေးဆိုတာက ပါးစပ်ဖျားကမချဘဲ ပွေ့ချီချော့မြူသည်။ အဲ့တာကြောင့် ဒီကလေး ဒီလောက်ထိ ဗိုလ်ကျနေတာ မဆန်း။ အခုလည်း ထက်မာန်ဦးကို ထပ်ဆော့ဖို့ အတင်း ဂျီတိုက်ပြန်သည်။
"လာလို့။ ဆော့မယ်။ ဒီတစ်ခါတူတူပုန်းမယ်။"
ထက်မာန်ဦးရဲ့လက်ကို အတင်းမရမက ဆောင့်ဆွဲပြီး ထက်မာန်ဦး မြေပေါ်က ဖင်မကြွကြွအောင်လုပ်သည်။ အဲ့ဝတုတ်လေးက လူကောင်ထွားသလောက် အားကကြီးသား။ ထက်မာန်ဦး သူဆွဲရာနောက် မြေကြီးပေါ်ဒရွတ်တိုက်ပါသွားလေသည်။
"တော်ပြီ။မပုန်းနိုင်တော့ဘူးလို့!"
ထက်မာန်ဦး ငိုသံပင်ပေါက်လာသည်။ မဆော့တာ ကြာလို့လားမသိ။ ထက်မာန်ဦး တကိုယ်လုံး နာကျင်ကိုက်ခဲနေပြီး ထပ်မဆော့နိုင်တော့။ ထက်မာန်ဦး ထိုင်နေရာမှ မကြွတော့ ထိုကောင်လေးက ထက်မာန်ဦးနားကို ငိုမဲ့မဲ့မျက်နှာလေးနဲ့ ငုတ်တုတ်လေးလာထိုင်သည်။ ဒုက္ခပါဘဲ။ ထက်မာန်ဦးက ငိုသံပေါက်ရုံရှိသေးသည်။ သော်လွှမ်းက ငိုပစ်ချလိုက်ဖို့အသင့်ဖြစ်နေပြီ။
"ကိုကြီးက ငယ်လေးကိုမချစ်ဘူးလား!"
ကလေးသာ မဟုတ်လျှင် ထက်မာန်ဦး အော်ပြီးတုတ်ပြီး ဆဲပစ်လိုက်မှာဘဲ ဖြစ်သည်။ နဂိုကတည်းက ကလေးမချစ်တတ်ပါဘူးဆိုနေ။
"ငယ်လေးကို မချစ်ဘူးလားလို့!!"
"ဆိုးတဲ့ကလေးကို ဘယ်သူမှမချစ်ဘူး!"
"လိမ်တာ!ငယ်လေးဆိုးလည်း တအိမ်လုံးချစ်တယ်!"
ပြောထည့်လိုက်ရ မကောင်းရှိတော့မည်။ သူ့အိမ်ကတော့ သူ့အမျိုးတွေမို့ ချစ်မှာပေါ့။ ထက်မာန်ဦးက ဘာကိစ္စချစ်ရမလဲ။ အဲ့လိုကောင်လေးမျိုး ထက်မာန်ဦး အမေဗိုက်ထဲလာမ၀င်စားတာဘဲ ကျေးဇူးတင်မိသည်။
ထက်မာန်ဦး ထိုင်နေရာမှ ကုန်းပြီး ထရပ်လိုက်တော့ ထိုကလေးက ငုတ်တုတ်လေးထိုင်နေရာမှ ထက်မာန်ဦးကို ဆွဲထူပေးရှာသည်။ ဗိုလ်ကျအနိုင်ကျင့်မူလေးတွေရှိပေမယ့် သော်လွှမ်းက စိတ်ရင်းလေးကောင်းတာတော့ ၀န်ခံရမည်။
"ကိုကြီးမဆော့နိုင်တော့ရင် ငယ်လေး စာကြည့်ခန်းထဲကိုလိုက်ပြမယ်လေ။"
ငြင်းလျှင်လည်း သော်လွှမ်းက အတင်းဆွဲခေါ်မယ်ဆိုတာ သိသည်။ အခုတောင် ထက်မာန်ဦးရဲ့ လက်တစ်ဖက်ကို မောင်ပိုင်စီးပြီး အတင်းဖက်တွယ်ထားပြီဖြစ်သည်။
"အေး။အေး။လိုက်ခဲ့မယ်။"
သော်လွှမ်း မျက်နှာလေးက အပြုံးတပွင့်နှင့်အတူ ၀င်းလက်သွားလေသည်။ ပါးလေးတွေက နဂိုထဲက ဖောင်းတဲ့အထဲ ရယ်လိုက်လျှင် ပါးမို့လေးတွေက လုံးပြီးတက်လာသည်။ လွှမ်းတို့မိသားစုက အညိုဘက်သန်းတဲ့ မျက်ဆံတွေပိုင်ဆိုင်သည်တိုင့် သော်လွှမ်းမျက်ဆံကတော့ နက်နက်ကလေး။ ကလေးဆိုတော့ မျက်ဝန်းအိမ်ကြီးတာမို့ မျက်လုံးလေးက နက်နက်တောက်တောက်ကလေးနှင့်။ အုန်းမူတ်ခွက်ဆံပင်ကေကို ရှေ့နဖူးပြင်အပြည့်အုပ်ထားတောင် သော်လွှမ်းမျက်ဝန်းတွေရဲ့ လုံးဝန်းတောက်ပမူတွေကို အထင်းသားမြင်နိုင်သည်။
ငယ်သေးလို့လားတော့ မပြောတတ်ပေမယ့် မျက်လုံးကလွဲလျှင်ကျန်တဲ့နေရာကတော့ လွှမ်းတို့ မေလွှမ်းတို့လောက် ကြည့်မကောင်းဘဲ အသားဖြူပြီး သာမန်မျှသာ ဖြစ်သည်။ အန်တီချောကတော့ ပြောဖူးသည်။ သော်လွှမ်းက အမေဘက်က အဘွားနောက်ကို မျိုးရိုးလိုက်တာတဲ့။
"လာ။လာ။ကိုကြီး။ဝင်လာ။"
သော်လွှမ်း ဆွဲခေါ်ရာနောက်ကို ပါသွားတဲ့နောက် ထက်မာန်ဦး တခြား ကမ္ဘာတစ်ခုကိုရောက်သွားသလားဟု ထင်မှတ်ရသည်။ စာအုပ်တွေချည့်ရှိနေတဲ့ ကမ္ဘာသီးသန့်ဆီကိုပေါ့။
မေမေ့ရုံးခန်းထဲက စာအုပ်စင်ကြီးကို ကြီးလှပြီဟု ထက်မာန်ဦးထင်မှတ်ခဲ့တာ။ ဒီအခန်းထဲရောက်တော့ စာကြည့်တိုက်ကြီးတစ်ခုထဲ ရောက်နေသလို ထက်မာန်ဦး ခံစားလာရသည်။ကျွန်သားတွေနှင့် အခိုင်အခံ့တည်ဆောက်ထားတဲ့ စာအုပ်စင်ကြီးတွေသည် မြင့်မားခန့်ထည်စွာ။ မှန်ဗီရိုတွေထဲ ထည့်ထားတဲ့ စာအုပ်တွေက အမျိုးအစားစုံလင်စွာနှင့် စီရရီ။
"ကိုကြီး။ လာ။ဟိုဘက်။"
ထက်မာန်ဦးက စာအုပ်စင်တွေကို စိတ်ဝင်စားနေသည့်တိုင် သော်လွှမ်းပြချင်တာကတော့ စာအုပ်စင်ဟုတ်ဟန်မတူ။ သော်လွှမ်းနောက်လိုက်ပြီး သော်လွှမ်းလက်ညိုးညွှန်ပြရာကို ကြည့်လိုက်တော့ မြောက်မြားလှစွာသော ဆုတံဆိပ်တွေနှင့် ဒိုင်းဆုကြီးတွေ။
"ဟိုဘက်က မမလေးဆုတွေ။ ဒီဘက်က ကိုလေးဟာ။"
အထပ်ထပ်သော စင်တွေပေါ်က ဆုကြီးဆုငယ် အသွယ်သွယ်တွေက ထက်မာန်ဦးမျက်လုံးကိုပင် ပြာဝေသွားစေသည်။ မမလေးဆုတွေလို့ ပြောလိုက်တဲ့စင်ဘက်က ဆုတွေထက် လွှမ်းရဲ့ စင်ဘက်က ဆုတွေက နှစ်ဆနီးပါးပိုများသည်။ ဒါတောင် လွှမ်းက ဟိုပြောင်းဒီရွှေ့နဲ့ ဆုတွေ ပျောက်တာ ကျိုးတာတွေ ကျန်ရင်ကျန်ဦးမှာ။ ထက်မာန်ဦးလိုက်ကြည့်တော့ စာပေဆုတွေတင်မကဘဲ စာစီစာကုံး ကဗျာ၊ ပန်းချီဆုတွေစတဲ့ ဖွံ့ဖြိုးရေးဆုတွေကအစပါသည်။
"အများကြီးဘဲနော်။မိုက်တယ်မဟုတ်လား။"
"အင်း။မိုက်တယ်။"
ထက်မာန်ဦး ခေါင်းကိုပင်ညိမ့်ပြလိုက်သည်။ မျက်လုံးတွေကတော့ အဲ့စင်တွေပေါ်က မခွာနိုင်။ လွှမ်းက စာတော်တယ်ဆိုတာသိခဲ့ပေမယ့် ဒီလောက်တောင်တော်တယ်တဲ့လား။ ကိုယ်တိုင်က စာမလုပ်တဲ့သူမို့ အဲ့ဆုတွေကို ပကာသနသပ်သပ်လို့ ယူဆထားသည့်တိုင် လွှမ်းရဲ့ အောင်မြင်မူတွေကိုတော့ အံ့မခန်းဖြစ်ရသည်။
"ကိုကြီးမှာရော အဲ့လိုဆုတွေရှိလား။"
"ဟင့်အင်း။တစ်ခုတောင် မရှိဘူး။"
ထိုအဖြေကို ထက်မာန်ဦး တစ်ချက်ကလေးတောင် မဆိုင်းမတွဘဲ ဖြေလိုက်ခြင်း ဖြစ်သည်။ သော်လွှမ်းဆီက ၀ွန်း ဆိုတဲ့ အသံကြီးက ထွက်ပေါ်လာလေသည်။ ထက်မာန်ဦး ငုံ့ကြည့်လိုက်တော့ သော်လွှမ်းမျက်နှာက စူပုပ်ပုပ်။ ထက်မာန်ဦး ရယ်ချင်ပက်ကျိဖြစ်သွားသည်။
"မရှိရင် ကိုကြီးကို အစ်ကိုမတော်တော့ဘူး။"
"ဘယ်သူက မင်းကိုတော်ခိုင်းတုန်း။"
သော်လွှမ်းက နူတ်ခမ်းကို ရှေ့သို့တတောင်လောက်ထော်လာလေသည်။ ထက်မာန်ဦး အဲ့သော်လွှမ်းဆိုတဲ့ ကလေးလေးကို စချင်လာတာနဲ့
"အောင်မယ်။ မင်းက ငါ့ကိုကျပြောတယ်။ မင်းရဲ့ဆုတွေရောဘယ်မှာလဲ။"
"ငယ်လေးလည်း တစ်ခုမှမရှိဘူး။"
သော်လွှမ်းက သူ့လက်ထဲက ၀က်ဝံရုပ်လေးရဲ့ နားရွက်ကလေးကို သူ့လက်ချောင်းသေးသေးလေးတွေနှင့် ကုတ်နေလျှက်ပြန်ဖြေသည်။ သော်လွှမ်းမျက်နှာလေးက ခေါင်းငုံ့လျှက် ဆီးရွက်လောက်သာရှိသည်။ သူကျတစ်ခုမှမရှိဘဲနဲ့ ထက်မာန်ဦးကိုကျ လာပြောနေတယ်။ ထက်မာန်ဦး အောင့်မထားနိုင်ဘဲ ခွိခနဲရယ်လိုက်မိတော့ သော်လွှမ်းက မျက်စောင်းတစ်စုံနှင့်အပြိုင် မျက်လုံးဝင့်ပြီး ကြည့်လာသည်။
"ဒါပေမယ့် ငယ်လေးမှာ ကိုလေးနဲ့ မမလေးရဲ့ ဆုတွေရှိတယ်လေ။ ငယ်လေးမှာ မရှိလည်း ဒါငါ့အစ်ကို ငါ့အစ်မဆုတွေလို့ ကြွားပစ်လိုက်လို့ရတယ်။"
အသံအော်ကျယ်အော်ကျယ်နှင့် သော်လွှမ်းသည် ထက်မာန်ဦးကို ပြန်စွာနေတော့သည်။ လွှမ်းရယ် မေလွှမ်းရယ်နဲ့ ပတ်သက်လို့ ဒီကလေးလေးသည် ဒါငါ့အစ်ကို ငါ့အစ်မဆိုတဲ့ ဂုဏ်ယူဝံ့ကြွားစိတ် အပြည့်ရှိနေမှန်း ထက်မာန်ဦး ခံစားလိုက်မိသည်။ ဒီလို ညီလေးမျိုးပိုင်ဆိုင်ထားရတာ လွှမ်းကကံကောင်းသားလို့ ထက်မာန်ဦး တွေးလိုက်မိလေသည်။
"ရှုံးပြန်ပြီ...!"
လက်ထဲက ရီမုကွန်ထရိုးကြီးကို ၀ုန်းခနဲကောက်ပေါက်လိုက်ပြီး သော်လွှမ်းက ဗြဲခနဲ ထအော်ငိုလေသည်။ ရှေ့က တီဗီမျက်နှာပြင်မယ် ဂိမ်းအိုဗာဆိုတဲ့ စာတန်းကြီးက အထင်းသား။ ကြမ်းပြင်ပေါ် ဒလိမ့်ကောက်ကွေး လိမ့်ထွက်သွားတဲ့ ရီမုကွန်ထရိုးကတော့ ပျက်ပြီလားမသိ။ ထက်မာန်ဦးတောင် အရှောင်ကောင်းလို့ အဲ့ ရီမုကွန်ထရိုးကြီး မျက်ခွက်ကို လာမမှန်တာဘဲ ဘေးဘဲကျသွားတာ။
"ဟဲ့..မငိုနဲ့။"
ထက်မာန်ဦး မငိုနဲ့လို့ ပြောကာမှ သော်လွှမ်းငိုသံက ပိုကျယ်လာတော့သည်။ အသက်ကကိုးနှစ်တောင်ရှိနေပြီ။ ထစ်ခနဲရှိ ငိုဖို့ဘဲ တတ်တယ်။ ထက်မာန်ဦးမှာ လက်ထဲက ရီမုကွန်ထရိုးကြီး ပစ်ချပြီး သူ့ကိုဘဲ ပြေးပွေ့ချီရမလိုလို။ ထက်မာန်ဦးလည်း ဘယ်လိုချော့လို့ချော့ရမှန်းမသိဖြစ်နေချိန်မှာတင် ကယ်တင်ရှင် လွှမ်းက ရောက်လာလေသည်။
"သြော..ငယ်လေး။ ဘယ်လိုဖြစ်ရတာတုန်း။ လာ။ကိုလေးဆီလာ။"
လွှမ်းက သော်လွှမ်းနားကို ထိုင်ချလိုက်တော့ ထိုသကောင့်သားလေးက အလိုအလျောက်ပင် လွှမ်းပေါင်ပေါ်ကို လေးဘက်ထောက်တက်သွားလေသည်။ လွှမ်းက သော်လွှမ်းမျက်နှာပေါ်က မျက်ရည်တွေ နှပ်တွေကို မရွံမရှာသုတ်ပေးရှာသည်။
"ငယ်လေး ဂိမ်းရှုံးတယ်။ အဲ့ကိုကြီးက ငယ်လေးကို အနိုင်မပေးဘူး။"
ထက်မာန်ဦးဘက်ကို လက်ညိုးတထိုးထိုးနှင့် လွှမ်းကို ပြန်တိုင်နေလေသည်။ လွှမ်းကလည်း သူ့ညီငိုတော့ ထက်မာန်ဦးကို စောင်းငဲ့ကြည့်သည်။ ထက်မာန်ဦး မျက်နှာကို တမင်တကာ ပုပ်ထားလိုက်ပြီး တစ်ဖက်သို့ လွှဲပစ်လိုက်သည်။
ထက်မာန်ဦးကို တမနတ်လုံး လာတောင်မတွေ့တဲ့အဲ့ကောင်။ သူ့ညီငိုမှဘဲ ရောက်လာတော့တယ်။ နောက်ဆို လွှမ်းကို ရောက်လာစေချင်ရင် သော်လွှမ်းကို ငိုအောင်လုပ်ပစ်ရမယ့် အနေအထားတောင်ဖြစ်လာမလားမသိ။
"လာ။လာ။ ကိုလေး ငယ်လေးကို ကူဆော့ပေးမယ်။ အဲ့ကိုကြီးကို နိုင်စေရမယ်။ ဟုတ်ပြီလား။"
ထက်မာန်ဦးအပေါ်ကလွဲလို့ တခြားသူအပေါ်ကို လွှမ်းစိတ်ရှည်တာကို ပထမဆုံးအနေနဲ့ ထက်မာန်ဦး မြင်ဖူးခြင်းပင်။ မနေနိုင်မထိုင် ထက်မာန်ဦး မျက်လုံးလေးထောင့်ကပ်ကြည့်မိတော့ လွှမ်းက သူ့ပေါင်ပေါ်မှာထိုင်နေတဲ့ သော်လွှမ်းကို ပြုံးကြည့်လျှက်ရှိသည်။ ပြီးတော့ သော်လွှမ်း ကောက်လွှတ်ပစ်လိုက်တဲ့ ရီမုကွန်ထရိုးကိုလည်း ပြန်ကောက်ဖို့ပြင်နေလေသည်။သို့သော် သော်လွှမ်းက ပေါင်ပေါ်ထိုင်ထားတာမို့ သူ့မယ် လွတ်လွတ်လပ်လပ် လူပ်ရှားလို့မရ။
"မာန်။ ငါ့ကို အဲ့တာလေး တစ်ချက်လောက်ယူပေးပါဦး။"
လူကို့ တည့်ကြီးလာပြောတော့လည်း မသိချင်ယောင်ဆောင်လို့ ကလည်း မကောင်း။ သော်လွှမ်းကလည်း ဘေးနားရှိနေသေးသည်မို့လျစ်လျူရှုလိုက်လျှင် ကလေးနှင့်အပြိုင်ကောက်သည် ဖြစ်ဦးမည်။
ထက်မာန်ဦး တင်ပြင်ခွေထိုင်နေရာမှ ထက်မာန်ဦးတင်ပါးနား ရောက်နေတဲ့ အဲ့ရီမုကွန်ထရိုးကို ဖင်နှင့်ပေါက်ထုတ်ပြီး လွှမ်းဘက်ကို ပေးလိုက်သည်။ မျက်နှာကတော့ တီဗီမျက်နှာပြင်ပေါ်မှာ တစ်ချက်မှမကွာ။ ရီမုကွန်ထရိုးပေါ်က ခလုတ်တွေကို ဟိုနှိပ်ဒီနှိပ်နှင့်ထက်မာန်ဦးလုပ်နေသေးသည်။
ဒီလောက်ဆိုလျှင်တော့ ထက်မာန်ဦး လွှမ်းကို မကြည်ဘူးဆိုတာ လွှမ်းသိသွားလောက်ပြီ။ သို့သော် လွှမ်းက သူ့ပေါင်ပေါ်က သူ့ညီကိုသာ အရေးစိုက်နေလေသည်။
"ငယ်လေး။ဘာဂိမ်းဆော့ချင်လဲ။ကိုလေးကိုပြော။"
ရီမုကွန်ထရိုးကို သော်လွှမ်းလက်ထဲကို ထိုးထည့်ပေးလိုက်ပြီး သူကတော့ သော်လွှမ်းရဲ့ လက်ကိုအပေါ်ကနေ ထိန်းကိုင်ထားပေးသည်။ လွှမ်းရဲ့မေးစေ့က သော်လွှမ်းရဲ့ ခေါင်းပေါ်ကို တလှည့်၊ ပုခုံးစွန်းကိုတလှည့်နှင့် လူးလာခေါက်တုံ့လျှက်ရှိသည်။ သော်လွှမ်း ဂိမ်းရွေးပြီးသွားတဲ့အချိန်မှသာ ထက်မာန်ဦးကိုလှည့်ကြည့်ဖော်ရတော့သည်။
"မာန်။ တပွဲလောက်ဆော့ပေး။"
ထက်မာန်ဦး နူတ်ခမ်းစွန်းတစ်ဖက်ကို မဲ့ရွဲ့လိုက်ရင်း ရီမုကွန်ထရိုးကို တဖန်ပြန်ကောက်ကိုင်လိုက်သည်။ ရှေ့ကပွဲတွေလောက်ထက်မာန်ဦး စိတ်မပါတော့တာမို့ လွှမ်းတဖြစ်လဲ သော်လွှမ်းက နိုင်သွားလေတော့သည်။ တီဗီပေါ်တွင် သော်လွှမ်းကိုင်ခဲ့တဲ့ အနီရောင် ရေခဲလူသားအရုပ်ကလေးက ခုန်ပေါက်လျှက်ရှိလေသည်။
"ရေး!နိုင်ပြီ!"
သော်လွှမ်းက ၀မ်းသာအားရနှင့် ထပြီးခုန်ပေါက်သည်မို့ ထိုအခါမှ လွှမ်းပေါင်ပေါ်တွင် နေရာကလွတ်သွားလေတော့သည်။ ပြီးတော့ သော်လွှမ်းက သူ့အကျင့်အတိုင်း ထက်မာန်ဦးကို မခံချင်အောင် လျှာကို ထုတ်ပြသည်။ ထက်မာန်ဦးမျက်နှာက သော်လွှမ်းနှင့် အပြိုင် လိုက်မပြောင်နိုင်သည်အထိ ပုပ်သိုးနေလေတော့သည်။ ထက်မာန်ဦးနှင့် သော်လွှမ်းကြား တင်းမာနေတဲ့ အခြေအနေကို လွှမ်းက သိနေသလားမသိ။
"ငယ်လေး။ မာမီလှမ်းခေါ်နေတယ်။နေ့လည်စာစားမယ်တဲ့။သွားလိုက်ဦး။"
"အွန်း။အွန်း။ ကိုလေးရော မလိုက်ဘူးလား။"
"ကိုလေးက စားပြီးသွားပြီ။ငယ်လေးဘဲသွားလိုက်တော့။"
"ဒါဆိုကိုကြီးရော။"
"မစားဘူး!"
ပြတ်သားလှတဲ့အသံကြီးနှင့်အတူ ထက်မာန်ဦးနူတ်ခမ်းကြီးက ရှေ့ကိုတထောင်လောက်ထွက်လာလေတော့သည်။ သော်လွှမ်းကတော့ လန့်သွားပုံရသည်။ ဘာမှတောင် ဆက်မပြောတော့ဘဲ အခန်းထဲက ထွက်ပြီး အောက်ထပ်ကို ပြေးဆင်းသွားလေတော့သည်။
"မင်းကဘာရယ်တာလဲ!"
ထက်မာန်ဦး လှည့်ပြီး လွှမ်းကို အော်ပစ်လိုက်လေသည်။ လွှမ်းဆီက ရယ်သံတိုးတိုးကပျောက်သွားပေမယ့် လွှမ်းမျက်နှာပေါ်က ရယ်မြူးရိပ်ကတော့ ပျောက်မသွား။ လွှမ်းကထက်မာန်ဦးမေးတာကို ပြန်မဖြေဘဲ ဂိမ်းစက်ကိုကောက်သိမ်းနေလေသည်။
"ငါမနတ်ဖြန်ပြန်မှာကိုရော မင်းသိရဲ့လား။"
"အင်း။သိတယ်လေ။"
လွှမ်းက ဂိမ်းခွေတွေကိုပါ စင်ပေါ်သေချာသပ်သပ်ရပ်ရပ်ပြန်စီနေလျှက်မှ ခပ်အေးအေးပင် ပြန်ဖြေလေသည်။ အဲ့လို သွေးအေးနေတဲ့မျက်နှာပေးကိုက အသည်းယားဖို့ကောင်းတာ။ မန္တလေးရောက်တဲ့တောက်လျှောက် ပထမဆုံးတစ်ရက်က လွဲလျှင် ထိုသကောင့်သားဟာ ထက်မာန်ဦးကို ဖုတ်လေတဲ့ငါးပိရှိသည်ဟုတောင်ထင်ရဲ့လားမသိ။
တပတ်လုံးလုံး သူ့ကိုတွေ့ချင်လွန်းလို့ ထက်မာန်ဦးကသာ တအိမ်လုံး ပတ်ရှာရသည်။ တွေ့လျှင်လည်း စကားတစ်ခွန်းစ နှစ်ခွန်းစလောက်နှင့်ပြီးသွားရော။ အပြင်ကိုထွက်ပြန်လျှင်လည်း အန်တီချော မေလွှမ်း သော်လွှမ်းတို့ကပါ ကန့်လန့် ကန့်လန့်။ ထက်မာန်ဦးမှာ လွှမ်းကို တွေ့ချင်လို့ မန္တလေး တက်လာတာပါဆိုမှ မိသားစုလိုက်ဘုရားဖူးခရီးနှင့် ကြုံနေလေသည်။ အဲ့တာကလွဲလျှင် ကျန်တာကတော့ အန်တီချောက ထက်မာန်ဦးကို လိုလေးသေးမရှိအောင် ဧည့်ဝတ်ကျေပွန်ပါသည်။
"မင်းရော နေ့လည်စာ သွားမစားဘူးလား။ငါ့မာမီလာခေါ်လိမ့်မယ်နော်။ သွားလိုက်ဦး။"
ဟောကြည့်။ လွှမ်းက ထက်မာန်ဦးကို သော်လွှမ်းရဲ့အခန်းထဲ ထားရစ်ပြီး ထွက်သွားပြန်လေသည်။ ထက်မာန်ဦးမှာ ဒေါသူပုန်ထပြီး ကျန်ရစ်ခဲ့ရပြန်သည်။ ခဏနေတော့ လွှမ်းကြိုတင်ဟောကိန်းထုတ်ခဲ့တဲ့အတိုင်းပင် အန်တီချောက ရောက်လာပြီး ထက်မာန်ဦးကို ထမင်းစားခန်းဆီခေါ်သွားလေရာ ထက်မာန်ဦးမှာ မအီမလည်နှင့်ပါသွားရပြန်သည်။
"မာန်။ ငါဝင်လာခဲ့လို့ရလား။"
လွှမ်းရဲ့အသံကို ကြားလိုက်ရတာကြောင့် ထက်မာန်ဦး မနတ်ဖြန်ပြန်ဖို့ အထုတ်ပြင်နေရာမှ ခေါင်းလေးထောင်သွားလေသည်။အချိန်က ညရှစ်နာရီခန့်။ ပုံမှန်ဆို လွှမ်းက ထက်မာန်ဦးတည်းတဲ့ အခန်းကို လာလေ့လာထမရှိ။
"အေး။ဝင်လာ။"
အခန်းထဲ ၀င်လာတဲ့ လွှမ်းရဲ့လက်ထဲတွင် များပြားလှစွာသော အထုပ်အပိုးပေါင်းမြောက်မြားစွာနှင့်။ ဒီနေ့ သားငယ်ပြန်ရင် လက်ဆောင်တွေထည့်သွားလိုက်မယ်ဆိုတဲ့ အန်တီချောရဲ့ စကားကို ပြန်ကြားယောင်လိုက်မိလေသည်။ ဒါပေမယ့်အဲ့လောက်ထိ များလိမ့်မယ်လို့ ထက်မာန်ဦး မတွေးခဲ့မိ။
"အဲ့လောက် အများကြီးက ငါ့အိမ်အတွက်လား။"
ထက်မာန်ဦး တအံ့တသြနှင့် လွှမ်းကိုမေးလိုက်မိသည်။
"အင်း.."
အထုပ်အပိုးတွေကို လွှမ်းက စားပွဲပေါ်တင်လိုက်ရင်း ပြန်ဖြေသည်။ လွှမ်းတင်မဟုတ်ဘဲ နောက်ကပါ ၀င်လာတဲ့ ၀ါးဖောဆိုသူ ကောင်မလေးကြောင့် ပိုတောင် အံ့သြရပြန်သည်။ ထိုကောင်မလေးသည်လည်း သူသယ်လာသမျှ အထုပ်တွေကို ခုံပေါ်ချပြီးသော်လည်း အပြင်ပြန်မထွက်ဘဲ ဘေးနားမှာရပ်စောင့်နေလေသည်။
ထက်မာန်ဦး အခန်းထဲက ဆိုဖာခုံပေါ်ရော စားပွဲပေါ်ရော ပုံနေတဲ့ အထုပ်တွေကို ကြည့်လိုက်ကာ
"ငါတစ်ယောက်တည်း ပြန်မှဟ။အဲ့လောက်အများကြီး ဘယ်လိုနိုင်မလဲ။"
"ငါ့အိမ်ကလိုက်ပို့ပေးလိမ့်မယ်။ ပြီးတော့ ဟိုရောက်ရင်လည်း မင်းအိမ်က လာကြိုမှာမဟုတ်လား။"
လက်မခံချင်ပေမယ့် အင်းလို့ ထက်မာန်ဦး ခေါင်းညိမ့်ရပေမည်။ လိုက်ပို့ လာကြိုတယ်ဆိုရင်တောင် ကားပေါ် အတက်အဆင်းလေးတောင် အဲ့အထုပ်အပိုးတွေကို သယ်ရမှာ မစားသာလှပါ။
တင်ထားတဲ့ ကျွတ်ကျွတ်အိတ်တွေထဲက တချို့ကို ဖြေကြည့်မိတော့ ဗေဒါရွှေကြာလက်ဖတ်တွေကို တွေ့လိုက်ရလေသည်။ လက်ဖတ်ကြိုက်တတ်တဲ့ မေမေကတော့ ၀မ်းသာမှာပါ။ ကျန်တာကတော့ ထိုးမုန့်တွေဘဲ ဖြစ်လိမ့်မည်။ နည်းနည်းပိုကြီးတဲ့ အိတ်ကတော့ အမရပူရ ရက္ကန်းထည်တွေ ဖြစ်နိုင်သည်။ လွှမ်းတို့အဘိုးအဘွားတွေက ရက္ကန်းစင်တွေပိုင်သည်ဟု ကြားဖူးသည်။
"ဒါတွေအကုန် အန်တီချောပေးတာလား။"
"အင်း။ ငါ့မာမီပေးတာပေါ့။"
"မင်းကရော ဘာမှ မပေးဘူးလား။"
လွှမ်းဆီမှ အကြည့်စူးစူးက ရောက်လာလေသည်။ ရများရမလားဆိုပြီး ပြောကြည့်တာ မျက်မှောင်ကုပ်ကြည့်ခံလိုက်ရသည်။ ထက်မာန်ဦး ပုခုံးလေးတွန့်ပြီးတော့သာ အသာနေလိုက်သည်။
"အထုပ်အပိုးတွေက သိမ်းပြီးသွားပြီလား။"
"အေး။ ခုသိမ်းနေတာ။"
လွှမ်းပြောမှ ထက်မာန်ဦး ခုနကသိမ်းလက်စ အ၀တ်အိတ်ကို သတိရတော့သည်။ အ၀တ်အိတ်နား ကဆုန်ပေါက်ပြေးသွားတဲ့ မာန့်ကို ဝေလွှမ်းကြည့်ရင်း ခေါင်းကိုခါယမ်းလိုက်မိတော့သည်။
"အခုဘဲညရှစ်နာရီခွဲနေပြီ။ ကြိုမသိမ်းထားဘူး။"
"အေးပါဟ။ ငါသိမ်းနေပါတယ်!"
အ၀တ်အိတ်တွေထဲ အ၀တ်တွေ မဆံ့မပြဲနှင့် ထိုးထည့်နေတဲ့ မာန့်ကို ဝေလွှမ်း စိတ်လေစွာနှင့် ချန်ရစ်ခဲ့လိုက်သည်။
လွှမ်းလည်း ထွက်သွားရော ဘေးနားက ၀ါးဖောဆိုတဲ့ကလေးမလေးကပါ လွှမ်းနောက်ကလိုက်သွားလေသည်။ အခုတလော လွှမ်းရဲ့ဘေးမှာ ထိုကလေးမလေး ရှိ,ရှိနေတာကို မြင်နေရသည်။ ဘာမှမဟုတ်ပေမယ့် လွှမ်းဘယ်သွားသွား လွှမ်းနောက်က လိုက်နေတာမျိုး။ ထက်မာန်ဦးသာ လွှမ်းဆိုလျှင်တော့ စိတ်ကျဉ်းကြပ်မှာသေချာသည်။ ဘာလို့များအဲ့ လိုလိုက်နေရတာပါလိမ့်။ အန်တီချောတို့ကများလွှတ်ထားတာလား။
ထက်မာန်ဦးရဲ့ ဦးနှောက်က နည်းနည်းလေး အလုပ်ပေးမိပြီဆိုလျှင် ခေါင်းက ကိုက်လာတတ်လေသည်။ ထက်မာန်ဦး ခေါင်းထဲက အတွေးကိုဖြေဖျောက်လိုက်ပြီး အခုသိမ်းနေတဲ့ အ၀တ်အိတ်ထဲ အ၀တ်တွေဆံ့အောင်ထိုးထည့်နိုင်ဖို့ကိုသာ အာရုံစိုက်လိုက်မိသည်။
"ဒေါင်..ဒေါင်.."
နာရီသံ နှစ်ချက်တီးနှင့်အတူ ထက်မာန်ဦး အိပ်ရာကနေ လန့်နိုးလာခဲ့လေသည်။ အသံလာရာကို ကြည့်လိုက်တော့ အခန်းထဲက တိုင်ကပ်နာရီကြီး။ တိုင်ကပ်နာရီကြီးရှိနေတယ်ဆိုတာ အခုမှ သတိထားမိတာ။ လူကတော့ ချွေးစေးတွေနှင့် နင့်နေလေသည်။ အိပ်မက်ဆိုးလည်းမမက်ရပါဘဲနှင့် ဗိုက်က ဒုက္ခပေးလေတော့သည်။
"အ..နာလိုက်တာ..။"
ညနေက စားခဲ့တဲ့ သခွားသီးနှင့် ချဉ်ပေါင်ကို ပြေးမြင်လိုက်မိတော့ ကိုယ့်ကိုယ်ကိုလေအောင့်ပြီ ဆိုတာ သိလိုက်ပြီ။ အဖေ့ဘက်ကမျိုးရိုးလို့ပင် ပြောရမလားဘဲ။ ငယ်ငယ်လေးကတည်းက လေစာတွေ စားလို့မရ။ အိမ်မှာတုန်းကတော့ အစာစားပြီးတိုင် ကြီးငယ်က သတိတရနှင့် ဆေးတိုက်တာမို့ လေအောင့်တတ်တယ်ဆိုတာကို မေ့မေ့လျော့လျော့ပင်ဖြစ်လို့နေပြီ။ အခုမှ တစ်ကြိမ် ပြန်ခံရတဲ့ ဝေဒနာသည် မစားသာလှ။
ထက်မာန်ဦး လှဲနေရာကနေ ကုန်းထလိုက်မိသည်။ အ၀တ်အိတ်ထဲ ဆေးရှာမည်ဆိုကာမှ ဆေးမပါလာတာကို သတိရသွားတော့ ကိုယ့်နဖူးကိုယ် ပြန်ရိုက်မိသည်။ ဘာလုပ်လို့လုပ်ရမလဲမသိတော့။
ဗိုက်ထဲကလည်း လေတိုးသံတွေနှင့်အတူ လူကချွေးစေးတွေပြန်လာပြန်သည်။ ဘေးဘီဝဲယာကို ကြည့်လိုက်တော့ ဘယ်သူမှမရှိ။ အခန်းက မီးအ၀ါရောင်မှိန်မှိန်လေးကလွဲလို့ အမှောင်ထုကြီးသပ်သပ်သာ။ အပြင်ထွက်ပြီး လမ်းလေးဘာလေးလျှောက်လိုက်လျှင်တော့ သက်သာသွားနိုင်သည်မို့ ထက်မာန်ဦး အားတင်းပြီး အခန်းအပြင်ထွက်ဖို့ ပြင်လိုက်သည်။
"မာန်..တရေးနိုးလာတာလား။"
အခန်းထဲက အထွက်မှာဘဲ လွှမ်းနှင့် တန်းတိုးလေသည်။ အမှောင်ထဲမှာမို့ လွှမ်းပုံစံက မသဲကွဲလှပေမယ့် အသံကြောင့်သာ လွှမ်းလို့ သေချာသိလိုက်ခြင်းဖြစ်လေသည်။ လွှမ်းက အမှောင်ထဲမှပင် ထက်မာန်ဦး ရှိရာဆီသို့ တန်းတန်းမတ်မတ်လျှောက်လှမ်းလာလေသည်။ လွှမ်းအနားကိုရောက်လာတော့ ထက်မာန်ဦးမျက်နှာက ဗိုက်ကြီးသည်ရုပ်နှင့် နံရံကို လက်တစ်ဖက်ကထောက်လျှက် လက်တစ်ဖက်က ဗိုက်ကိုဖိနှိပ်ထားလေသည်။
"အေး..ဗိုက်နာလို့။"
"ဘာဖြစ်တာလဲ။ အိမ်သာတက်ချင်တာလား။"
"အိမ်သာတက်ချင် ငါ့အခန်းထဲက အိမ်သာ ငါ့ဟာငါတက်မှာပေါ့။ အပြင်ထွက်လာမလား။"
ဗိုက်ကနာရတဲ့ အထဲ ထက်မာန်ဦး လွှမ်းကို ခပ်ဆတ်ဆတ်လေး ပြန်ဟောက်လိုက်မိလေသည်။ ထက်မာန်ဦးကို ပေးထားတဲ့အခန်းက ရေချိုးခန်း၊ အိမ်သာပါ တွဲလျှက်ပါတာမို့ အိမ်သာသုံးချင်လျှင်အပြင်ထွက်စရာမလို။
"လေအောင့်နေတာလား..။"
အနားကိုကပ်လာတဲ့ လွှမ်းသည် ထက်မာန်ဦးပုခုံးကို ခပ်ဖွဖွလာကိုင်သည်။ ဗိုက်ထဲက မအီမသာ ဖြစ်မူကြောင့် ထက်မာန်ဦး မျက်နှာက ရှုံ့မဲ့လို့နေလေသည်။ အင်းလို့သာ လွှမ်းကို တုံ့ပြန်လိုက်မိလေသည်။
"ခဏလေး။ ငါ့အခန်းထဲမှာဆေးရှိမယ်ထင်တယ်။ လိုက်ခဲ့။ ငါ့နောက်ကို..။"
လွှမ်းက ထက်မာန်ဦးကို သူ့အခန်းဆီကိုဆွဲခေါ်သွားလေသည်။ ဒီတပတ်လုံးနေမှ လွှမ်းအခန်းကိုတစ်ခါမှမရောက်ဖူးခဲ့တော့ လွှမ်းအခန်းဘယ်နားရှိသည်မသိ။ အမှောင်ထဲ ဟိုစမ်းသည်စမ်း သွားလျှက်မှာပင် လျှောက်လမ်းရဲ့အစွန်ဆုံးအခန်းမှာတော့ လွှမ်းက ရပ်လိုက်လေသည်။
အခန်းတံခါးကို တွန်းဖွင့်လိုက်သည့်အချိန်မှာတော့ စားပွဲဘေးက စာကြည့်မီး ငွေရောင်မှိန်မှိန်လေးကသာ လွှမ်း အခန်းကိုလွှမ်းခြုံထားလေသည်။ အခန်းအပြင်အဆင်က ထက်မာန်ဦးနေတဲ့ အခန်းလိုတခမ်းတနားမဟုတ်။ မထင်မှတ်ဘဲ လွှမ်းရဲ့အခန်းက လူငယ်ဆန်သည်။ နံရံမှာ နက်ပြာရောင် နံရံကပ်ခွာကို အသုံးပြုထားတာမို့ အခန်းက နည်းနည်းမှောင်တဲ့ဘက်ခြမ်းရောက်သည်။ ကုတင်ပေါ်တင်ထားတဲ့ ကွန်ပျူတာ ပြားချပ်ချပ်လေးကို တွေ့လိုက်တော့ လွှမ်းခုချိန်ထိ မအိပ်သေးဘူးဆိုတာ သိလိုက်ရလေသည်။
"မင်းခုထိမအိပ်သေးတာလား။"
"အင်း။ရုပ်ရှင်ကြည့်နေတာ။ ငါဒီချိန်အိပ်လေ့မရှိဘူး။"
လွှမ်းက ဗီရိုအံဆွဲတွေထဲ မွှေနှောက်ရှာနေရင်း ထက်မာန်ဦးကို ပြန်ဖြေသည်။ တကယ်ဘဲ ကွန်ပျူတာ မျက်နှာပြင်ပေါ်တွင် ရပ်ထားတဲ့ ကာတွန်းကားတစ်ကားကို တွေ့လိုက်ရလေသည်။ ဆံပင်အဖြူရောင်နှင့် ကောင်မလေးပုံလေး။
"Howl's moving castle ကြည့်နေတာ..။မင်းရောကြည့်မလား။"
"ငါ့ကို ဆေးသာမြန်မြန်ပေးစမ်းပါ..။"
လေအောင့်တာကို ဆက်သည်းမခံနိုင်တော့တာမို့ ထက်မာန်ဦး အော်လိုက်တော့ လွှမ်းက ဘာမှ ဆက်မပြောတော့။ အံဆွဲတွေ စားပွဲပေါ်တွေကိုသာ ပတ်ရှာနေသည်။ ထက်မာန်ဦး ဘေးပတ်လည် တစ်ချက်လှည့်ကြည့်သော်လည်း ထိုင်စရာ ခုံတို့ဘာတို့ကို မတွေ့တာမို့ လွှမ်းရဲ့ ကုတင်ပေါ်မှာဘဲထိုင်ချလိုက်သည်။ ခဏနေတော့ လွှမ်းက အံဆွဲထဲကနေ သူရှာနေတဲ့ဆေး တွေ့သွားပုံရသည်။
"ရော့။ ဒီတိုင်းညက်နေအောင် ၀ါးစားလိုက်။"
ထက်မာန်ဦး ပါးစပ်ထဲ အတင်းလာထိုးထည့်တဲ့ လွှမ်းလက်ကိုဖယ်ပစ်လိုက်သည်။
"မင်းဟာက အင်္ဂလိပ်ဆေးကြီး မဟုတ်လား။ခါးမလားမသိဘဲနဲ့။"
"မခါးဘူး။ပူရှိန်းလိုဘဲ။စားကြည့်စမ်းပါ။"
လွှမ်းကို မယုံမရဲနှင့်ပင် ဆေးအဖြူလုံးလေးကို လျှာဖျားလေးနှင့် တို့ကြည့်လိုက်တော့ တကယ်ဘဲ မခါး။ နည်းနည်းချိုတိုတိုနှင့်။ ထက်မာန်ဦးက ငယ်ငယ်ကတည်းက မြန်မာဆေးနဲ့ဘဲ ရင်းနှီးနေတော့ အင်္ဂလိပ်ဆေးဆိုလျှင် နည်းနည်းလန့်သည်။
ကြီးငယ်ကတော့ လေအောင့်လျှင် မင်္ဂလာရွှေအုပ်တိုက်လေ့ရှိသည်။ လွှမ်း ပေးတဲ့ဆေးက ဘာလဲတော့မသိ။ ဘာဘဲဖြစ်ဖြစ် ထက်မာန်ဦးရဲ့ သူငယ်ချင်းက သေအောင်တော့ သတ်မှာမဟုတ်လောက်တာမို့ ပါးစပ်ထဲ ပစ်ထည့်လိုက်သည်။
"မခါးဘူးမဟုတ်လား..။"
"အင်း။ ပူရှိန်းရှိန်းလေး စားလို့ကောင်းတယ်။"
ပါးစပ်ထဲ ငုံပြီး တမြုံ့မြုံ့နှင့် အရသာခံနေတဲ့ မာန် ဟာ အရသာခံတတ်ခါစ ကလေးပေါက်စနလေးလိုပင်။ ဝေလွှမ်း ခေါင်းအုံးတွေကို ယူပြီး သူထိုင်နေတဲ့နောက် ထိုးထည့်ပေးလိုက်သည်။
"လေအောင့်ရင် မလှဲနဲ့။ ဒီလိုခပ်မတ်မတ်လေးထိုင်နေ။ ခဏနေလို့ လေတွေအန်ပြီးရင်ကောင်းသွားမယ်။"
ဝေလွှမ်းပြောပြီး ဝေလွှမ်းကိုယ်တိုင်ကလည်း ကုတင်ပေါ်တက်လိုက်လေသည်။ မာန်သည် ဗိုက်နာတာတော့ အရှင်းပျောက်သေးဟန်မတူ။ သူ့ဗိုက်ကိုလက်ကလေးနှင့် အုပ်ထားရင်း ဝေလွှမ်းနေရာချထားတဲ့ ပေါ်မှာ ငြိမ်ငြိမ်လေးထိုင်နေလေသည်။ ထိုင်နေပုံက ပုံ့ပုံ့လေး။
မာန့်ဘေးနားမှာ ၀င်ထိုင်ပြီး ဝေလွှမ်းလည်း ကုတင်နောက်ကို မှီလိုက်သည်။ ပြီးတော့ မပြီးပြတ်သေးတဲ့ ရုပ်ရှင်ကို ဆက်ကြည့်ဖို့လုပ်လိုက်လေသည်။ ခဏနေတော့ ဘေးကနေ လေတွေ တအေ့အေ့နှင့် အန်နေတဲ့ အသံကိုကြားရလေသည်။
"လွှမ်း..။"
"အင်း...။"
ဝေလွှမ်းလှည့်ကြည့်လိုက်တော့ ခေါင်းအုံးကိုပိုက်ထားရင်းနှင့် ခပ်မတ်မတ်အနေအထားနှင့်ပင် အိပ်ဖို့ကြိုးစားနေတဲ့ မာန့်ကိုတွေ့လိုက်ရသည်။
"ငါငယ်ငယ်ကလေအောင့်ရင်လေ ကြီးငယ်က ငါ့လက်ကို ကိုင်ထားပေးတယ်။ အဲ့တာမှအိပ်ပျော်တာ..။"
အသံတိုးတိုးလေးနှင့် အီနေတဲ့ မာန့်ကိုတွေ့လိုက်တော့ ရုပ်ရှင်ကြည့်ရတာ အနှောင့်အယှက်ဖြစ်ရလေခြင်းဟုပင် မတွေးမိတော့။
ဝေလွှမ်း မဆိုင်းမတွပင် မာန့်ရဲ့လက်ကို ဆုပ်ကိုင်လိုက်သည်။ စေးကပ်နေတဲ့ အထိအတွေ့ကို သူ့လက်ဖ၀ါးပြင်မှ ခံစားရသည်။ နာလွန်းလို့ ချွေးစေးတွေပါ ပြန်နေတာလား။ စိုးရိမ်စိတ်ကလေးက ကပ်ငြိတွယ်သွားလေသည့်နောက်
"မင်းသက်ရော သက်သာရဲ့လား။ ငါ့မာမီကိုသွားနိူးပေးရမလား။"
တစ်ခုခု အရေးပေါ်ဆို ဝေလွှမ်းလည်း ဘာမှလုပ်တတ်မှာမဟုတ်တာမို့ မာန့်ကိုမေးလိုက်မိသည်။ ဆေးရုံဖြစ်ဖြစ် ပို့သင့်ရင်ပို့ရအောင်။
"အွန်း။ရတယ်။ လေတွေက နှလုံးထိ ရိုက်လို့ နေလို့မကောင်းတာ။ ခဏနေရင်သက်သာသွားမှာ..။"
မာန့်ကို ကြည့်ရတာ ခုချိန်မှာ ငြိမ်ပြီးနေချင်ပုံရသည်။ လွှမ်းခုပေးထားတဲ့ ခေါင်းအုံးတွေပေါ်မှာလှဲပြီး မှိန်းနေလေသည်။ အလင်းရောင်စူးနေရင် အနှောင့်အယှက်ဖြစ်မှာစိုးလို့ စာကြည့်မီးကို ပိတ်ပစ်လိုက်သည်။ ကြည့်လက်စ ရုပ်ရှင်ကိုလည်း အသံကိုတဆုံးထိလျှော့ချပစ်လိုက်သည်။
ဘေးက အသက်ရှုသံတိုးတိုးမျှင်မျှင်လေးကသာ ထွက်ပေါ်လာတော့ မာန်အိပ်ပျော်သွားပြီဆိုတာ သိလိုက်လေသည်။ ဝေလွှမ်းဘက်ဆီ မျက်နှာလှည့်ပြီး ခပ်ကွေးကွေးလေးအိပ်နေတာမို့ မှီထားတဲ့ ခေါင်းအုံးပေါ်ကနေ လျှောကျနေလေပြီး ဝေလွှမ်းလက်မောင်းတစ်ဖက်ကို သူ့မျက်နှာက အပ်တော့မလိုဖြစ်နေလေသည်။
သေချာတာက ဒီအခြေအနေမှာ ဝေလွှမ်းလူပ်ရပြုရတာ မလွယ်ကူလှတော့။ ဘေးကြပ်နံကြပ် အခြေအနေထဲမှာမှ ဝေလွှမ်းပေါင်ပေါ်က လပ်တော့ကို ဘေးကစားပွဲပေါ် မရမက လှမ်းတင်လိုက်သည်။ ပြီးတော့ မတ်မတ်ထိုင်နေရာမှ ကိုယ်ကိုနည်းနည်းလေး လျှောချလိုက်သည်။
"အင်း.."
မာန့်ဆီက အင်းခနဲက ညည်းသံက ထွက်ပေါ်လာသည်။ အိပ်ချင်စိတ်ထက် စိတ်လူပ်ရှားမူက အကဲပိုနေသည်ဆိုတာ ဝေလွှမ်း ကိုယ့်ကိုယ်ကို သိသည်။ ဘယ်ဘက်ဘေးကိုများ စောင်းငဲ့ကြည့်လိုက်လျှင် အရိုးရှင်းဆုံး သက်ရှိလူသားကလေးသည် အပူအပင်ကင်းကင်းနှင့်ကို အိပ်ပျော်နေလေသည်။ လက်တွေကိုလည်း ဆုပ်ကိုင်ထားရာမှ ရုန်းထွက်ခွင့်မပေး။ လပ်တော့ဆီမှ အလင်းရောင်ပါ ပျောက်ကွယ်သွားတာဖြစ်လို့ အခန်းထဲက အမှောင်ထုက သိပ်သည်းသည်ထက်ကို စိတ်အမှောင်က ပိုပြီးကြီးစိုးလာလေသည်။
တူတူအိပ်တယ်ဆိုတာ သိတတ်စအရွယ်ကတည်းက ရင်းနှီးခဲ့တဲ့ ဝေလွှမ်းနှင့် မာန့်အတွက် မထူးဆန်းလှပါ။ အဆောင်တူတူနေတုန်းကလည်း ဘေးကပ်လျက်အိပ်ခဲ့တာဘဲ။ သို့သော်နှစ်ယောက်တည်းမှလွဲပြီး တခြားလူမရှိဆိုတဲ့ အသိကြီးသည် ဝေလွှမ်းကို စည်းအပြင်ဘက်ကို ခြေလွန်မိအောင် တွန်းအားပေးလျှက်ရှိလေသည်။
နဖုးပေါ် ဖုံးလုဖုံးခင်ဖြစ်နေတဲ့ ရှေ့ဆံစလေးတွေကို အသာသပ်တင်ပေးလိုက်တော့ ဆံစပ်မှာ သီးနေတဲ့ ချွေးစက်လေးတွေက မခြောက်ချင်သေး။ ဝေလွှမ်းသူ့ကို တို့ထိနေတာတောင် မျက်ခုံးတန်းတန်းလေးတွေ နည်းနည်းတောင် တွန့်မသွား။ တကယ်ဘဲ အိပ်ပျော်နေပြီထင်သည်။
တဖြည်းဖြည်းရဲတင်းလာသည်နှင့်အတူ ဝေလွှမ်းရဲ့အကြည့်တို့က နယ်ချဲ့လာလေသည်။ နှာတံလုံးလုံးလေးမှသည် ခပ်ထော်ထော် နူတ်ခမ်းရဲ့ ဘယ်ဘက်ဖျားမှ မှဲ့နက်လေးတွေကို အကြည့်ရောက်သွားတော့ ပြုံးမိသည် ။
မှဲ့နက်လေးက ခပ်သေးသေးလေးမို့ သာမန်လူတို့ သတိထားဖို့ဆို သိပ်မလွယ်နိုင်ပါ။ မာန့်မျက်နှာနှင့် တထွာအကွာလောက်မှ မြင်နိုင်မည်မဟုတ်လား ။ ဒီလူသားက ကံကောင်းတယ်ဆိုတဲ့ ခံစားချက်ကိုပါ ရင်ဘတ်ထဲ အရောက် ရိုက်သွင်းနိုင်တာဘဲ။
တဆက်တည်းမှာဘဲ ဝေလွှမ်း ရင်ထဲနှမြောတသဖြစ်မိသည်။ ဒီညကို ကျော်လွန်သွားမယ်ဆိုရင် ဒီမျက်နှာသေးသေးလေးကို ထပ်တွေ့ဖို့ဆိုတာ ဝေလွှမ်းအတွက် မသေချာမရေရာ။
"မာန်.."
"....."
မာန့်ဆီမှ တစ်စုံတရာ တုံ့ပြန်သံပေါ်မလာ။ မျက်တောင်စင်းစင်းလေးတွေပင် တစွန်းတစမှ လူပ်ခတ်ခြင်းမရှိ။ မာန်တကယ်ဘဲ အိပ်မောကျနေလေသည်။ ဝေလွှမ်း မာန့်ရဲ့မျက်နှာနားကို ပိုလို့တိုးကပ်သွားလိုက်ပြီး
"နည်းနည်းလောက် နမ်းရုံနဲ့ ငါတို့ကြားက သူငယ်ချင်းဆိုတဲ့ ကြိုးက မပြတ်တောက်သွားနိုင်ဘူးမဟုတ်လား..။"
"...."
ပြန်မဖြေတာသည် လက်ခံသည်ဟုပင် ဝေလွှမ်း ယူဆလိုက်တော့မည်။ နူတ်ခမ်းဖျားက မှဲ့နက်လေးပေါ် ဝေလွှမ်းရဲ့နူတ်ခမ်းကိုဖိကပ်ချလိုက်မိတော့သည်။ ပြီးတော့ မာန့်ရဲ့ နူတ်ခမ်းထွေးထွေးလေးတွေဆီ။ နွေးထွေးချိုမြိန်တဲ့ အထိအတွေ့သည် နူတ်ခမ်းနှစ်လွှာဆီမှ ဝေလွှမ်းရင်ထဲထိ တသိမ့်သိမ့်တိုးဝင်လာသည်။ ဝေလွှမ်းရဲ့လက်ချောင်းတွေကို ခပ်တင်းတင်းဆုပ်ကိုင်လာခြင်းသည် မာန့်ခန္ဓာကိုယ်ရဲ့ အလိုအလျောက် တုံ့ပြန်မူပင်ဖြစ်လိမ့်မည်။
မှန်ပြတင်းအပြင်မှ တိုးဝင်လာတဲ့ ညရဲ့အလင်းရောင်သည် ကောင်လေးနှစ်ယောက်ကို လွှမ်းခြုံထားလေသည်။ ဒီညတွင် လ၀န်းသည် ပြည့်ပြည့်၀၀ သာလျှက်ရှိသည်။
..................................................................................................................................
(A/N)
ကဲ။ အပိုင်း ၂၈ နဲ့ ၂၉မယ် တန့်နှိပ်စက်ခဲ့သမျှ ကြေပြီ! အဟွတ် ..ဟွတ်..
ခုတော့ အချိုလွန်ကဲသွားလို့ ချောင်းဆိုးပျောက်ဆေးသွားသောက်လိုက်ဦးမယ်။