في الصباح في منزل نادين الجديد استيقظت نادين صباحا وقررت ان تنسي كل ما حدث لها طوال الفترة الماضية وخرجت من غرفتها وهي تريد ان تحكي لوالدتها انفصالها عن شريف
نادين :صباح الخير يا ماما
الام :صباح النور يا حبيبتي
نادين :ماما انا كنت عايزة احكيلك علي حاجة
الام : احكي يا حبيبتي فيه إيه
نادين :ماما انا وشريف انفصالنا امبارح
الام بخضة وهي تضرب علي صدرها :ليه يا بنتي
نادين :احنا مش متفاهمين يا ماما وبعدين انا مكنتش مرتحالوا
الام بحزن علي حظ ابتها :اللي يريحك يا حبيبتي قومي يالا عشان تروحي كليتك انتي بقالك كم يوم لا بتفتحي كتاب ولا بتروحي الكلية
نادين بمزاح لتخفف من حزن والدتها وضعت قدم علي اخري وهي ترتدي شبشب بلاستيك وشعرها غير مرتب (كنبوش زي اي بنت لسا صاحية من النوم😂)
قالت :والله يا ماما انا شايفة انو كفاية تعليم لحد كده وبيتي الجميل ده اولي بيا
سحبت الام الشبشب من قدم نادين وضربتها به علي ظهرها وهي تقول :سيبي ايه يا بنت الجزمة
قامت نادين تجري بألم وامها تجري ورائها بالشبشب ولكن قبل ان تدخل نادين غرفتها كان قد اصاب الهدف موضعه صوبت امها الشبشب بمنتهي الإحترافية ثم ضربت ضربتها التي اصابت الهدف وهو رأسها
نادين :اااااه انتي المفروض الحكومة تجيبك تشغلك قناص ثم جرت الي غرفتها
الام بصوت عالي لكي تسمعه نادين في غرفتها :يالا يا بنت ال****عشان تروحي الجامعة قال تقعد منها قال
ارتدت نادين ثيابها وذهبت الي الجامعة
~~~~~~~~~~~~
اما عند شريف كان يفكر فيما قاله له صديقه بالامس
Flash back
كان شريف جالس في غرفته مكتئب عندما وجد باب غرفته يدق
شريف :انا عايز اكون لوحدي
زين:دأنا يا شريف
قام شريف الي الباب ثم فتحه عندما رأه زين بهذه الحالة استغرب كثيرا
زين :مالك يا شريف ايه اللي حصل
رمي شريف بنفسه بين احضان صديقه
شريف :انا تعبان اوي يا زين اوي
زين :طب اقعد كده واحكيلي براحة ايه اللي حصل
قص عليه شريف كل شئ من بداية سجنه حتي ترك نادين له
زين :طب انت مش ملاحظ ان في حاجة غلط
شريف :حاجة ايه
زين :يعني علي حسب ما كنت بتحكيلي عنها هي مش النوعية دي وبعدين انت دلوقتي قولت انها قبل ما تروحلوا الشركة كانت عندك تاخد رأيك طب لو هيا وحشة ما كانت راحت لوحدها من غير ما تاخد رأيك
شريف :يا ابني انا بقول ايه من الصبح ما هي لما راحت هو اكيد اغراها بالفلوس والمنصب والكلام ده
زين :والله يا شريف انا ماعارف بس البت دي الكلية كلها بتحلف بأخلقها وديما بشوفها واقفه مع بنات بس عمري ما شفتها واقفة مع ولد
شريف فجاءة:صاحبتها منه مفيش غيرها بس انا مش هقدر اكلمها لان اكيد نادين حاكيالها انا عملت معاها ايه وانا مش عايزها تعرف اني كنت بمثل علي نادين دلوقتي الا لما اتأكد ان نادين عملت كده غصب عنها وانا لو روحت وسألتها لازم ارسيها علي الحوار كله فمش هينفع انا اكلمها يبقي مين اللي يكلمها
زين :ايوة مين
شريف :جري ايه يا زين هو في حد غيرك انت طبعا اللي هتكلمها
زين :ننننعم
شريف :مالك فيه ايه
زين : في ان انا صحبك وهي لوعرفت اني صحبك هتقلعني ملط في الجامعة
شريف :ما انت مش هتقول انك صاحبي انت هتدخلها علي اساس انك عايز تتعرف عليها وكده وبعدين تبدأ تسحب منها الكلام
زين بصدمة : انت عايزني اضحك علي بنت
شريف : ومين قال تضحك عليها علي فكرة هي حلوة وبعدين انت مش عايز تسقر ولا ايه
زين بتفكير :والله علي حسب لو حلوه هستقر انما بقي لو
شريف :مفيش لو انا واثق انها هتعجبك
زين :تمام
Back
~~~~~~~~~~~~~~
عند نادين وهي ذاهبة الي الكلية جاءت فتاه بجانبها
الفتاه :لوسمحتي يا انسه
نادين :نعم
الفتاه :معلش عايزه اعرف العنوان ده
امسكت نادين الورقه ولكنها فجاءة داخت واغمي عليها بسبب المخدر الموضوع علي الورقة و كان الخط صغير لذلك قربت نادين الورقة الي وجهها لكي تستطيع رؤية العنوان
الفتاه :نسمة اختي نسمه فوقي ثم اشارت لتاكسي ووضعت به نادين وركبت بحانبها
السائق :كله تمام
الفتاه :اه اطلع بسرعة ثم فتحت هاتفها واتصلت بأحمد
أحمد :ها خلصتي
الفتاه :ايوة هيا معايا دلوقتي بس مش استيلك يا أحمد باشا
أحمد بعصبية :جري إيه يا روح امك انتي ملكيش غير القرشين اللي هاتخديهم غير كده مسمعش صوتك
الفتاه بخوف :حاضر يا أحمد باشا ثم اغلق احمد الخط في وجهها وهو يشعر بالانتصار
اخذت الفتاه نادين الي شقة جميلة للغايه راقية ووضعتها علي السرير بمساعدة السائق وتركوها واغلقوا عليها بالمفتاح ورحلوا
اخذ أحمد اغراضه وذهب الي الشقة الذي وضع بها نادين
دخل أحمد الشقة وذهب الي الغرفة التي توجد بها نادين اقترب من نادين وهي نائمة و ركز في ملامحها الهادئة وهي نائمة ولاحظ كم هي جميلة ولكنه عاد الي وعيه مرة اخري
احمد :نادين نادين اصحي
نادين :...........
قام احمد واحضر احد برفاناته ووضع منها علي يده ووضعها تحت انف نادين
نادين وهي تفتح عيونها :انا فين
أحمد بسخرية :في جهنم
انتفضت نادين من مكانها عندما رأته
نادين بصوت عالي : عاااااااا احقونااااااي ياناااااس يااااااااهو يا نااااااس الحقوني انا مخطوفة (بصوت عبلة كامل)
اراد أحمد الضحك علي طريقتها وهي تصرخ وتجري هنا وهناك تحاول فتح باب الغرفة المغلق بالمفتاح ولكنه رسم الجمود علي وجهه
أحمد :متحاوليش مش هتخرجي من هنا غير لما اللي عايزه يحصل
نادين بعند ورفع حاجب:بقي كده ثم ذهبت الي السرير ومددت عليه بمنتهي البرود وادي قعده وانا بقي مش عايزة اخرج وهو حد يلاقي اكل وشرب ببلاش ويقول لأ يا اخي دا كفاية الاوضه اللي عاملة زي اوض الفنادق دي والتكيف بلا تعليم بلا وجع قلب كده احسن
احمد بأعين متسعة من هذه المختلة :انتي بتعملي ايه
نادين وهي مغمضه عينيها بإستمتاع :إيه
احمد بغيظ :طب شوفي بقي يا نادين مامتك في واحد واقف عند باب الشقة ومستني مني اشارة انو يدخل ويخلص عليها
انتفضت نادين من مكانها :انت بتقول ايه
أحمد :بقول لو متجوزناش امك هتموت دلوقتي
نادين :اه يا كلب يا حيوان انا هعرفك وظلت تبحث حولها عن شئ لتضربه ولكنها لم تجد
أحمد بإبتسامة : انا شايل كل الفازات اللي في الاوضة
تركها أحمد وخرج هي تصرخ وتلعن فيه وتقول عليه افظع الشتائم ولكنه حاول التماسك وإظهار البرود لانه من تعامله معها علم ان الشخص البارد يجعلها يجن يجنونها
بعدما خرج من الغرفة نادين حاولت تمالك اعصابها وجلست لتفكر ماذا تفعل ولكنها قررت ان تكون في قمة برودها لكي تستفزه
نادين :ماشي يا أحمد والله لأجبلك جلطة
قامت نادين واتجهت الي الثلاجه التي توجد بالغرفه واخرجت جميع الطعام الذي بها ووضعته علي الطاولة
وشغلت التليفزيون الذي يوجد بالغرفة و شغلت مهرجان اسي اسي بدلوا بينا الكراسي
وعلت التلفزيون وظلت ترقص وهي ممسكة بالطعام وتأكل بشراهة
انزعج أحمد من هذا الصوت كثيرا وقام دخل عليها الغرفة لكي يبوبخها ولكنه صدم عندما رأي منظرها هكذا وفجاءة ضحك بشدة علي منظرها وخصوصا انها منسجمة جدا ظل يضحك بشدة الي ان انتبهت له نادين فنظرت له بغضب
نادين :انت بتضحك علي إيه شايفني اراجوز
أحمد وقد استعاد هيبته مرة اخري قال بمنتهي البرود: اه انتي اراجوز
نادين وهي تشتعل بداخلها ولكنها اظهرت البرود :شكرا واطلع بره
تركها أحمد وخرج واتصل بالمحامي لكي يأتي ليتزوجوا ويأتي معه بالشهود
كان أحمد يستمع الي صوت الاغاني بالداخل ويضحك بشدة عليها ويتذكر منظرها
وفجأءة سمع أحمد صوت صراخ شديد يأتي من غرفة نادين جري بسرعة وفتح الباب ولكنه صدم
#######
استنوني بليل وعايزة تفاعل علشان اتشجع واطول البارت شوية والايام الجاية ضرب نار وشغل عالي
أحمد ونادين
يا ريت تشتركوا عندي علي اليوتيوب بعمل فيديوهات حلوة وبنزل اقتباسات هناك لسه منزلتش هنا