بعد طلعت يارا اتلفت جاسم عاين لي ايهاب مسافه واتحرك يلحق يارا ....
ايهاب ابتسم بس البشوفو بعرف ان ابتسامتو حزينه ...دنقر راسو شويه وتاني رفع راسو وعاين للسقف وبحرك في عيونو يمين وشمال دا كلو اشان دموعو ماتنزل ...وقت ماقدر يحبسها رفع يدو بتجاه عيونو وضغط عليها شديد وهو بقول "انا لي ببكي ....مافي شيء بخليني ابكي .....هي مالازم تكون قريبه مني بس لي لي بحصل كل دا معااي "
حسي بحركه وراهو بسرعه قشي دموعو وتلفت يشوف منو ....شاف قدير واقفه وماسكه في يدها مطبقتها ...اتحرك ومرا من جنبها من دون مايتكلم معاها ....
قدير عاينت ليهو وبتقول في نفسها "مالو ايهاب ياربي تصرفاتو بقت غريبه شديد ..."
وبي جاي ....................................
كانت ماشه ودموعها عشره عشره في وشها وهي ماشه حست بي يد بتوقفها اتلفت تشوف منو ....شافت سميره وهنا حضنتها وبقت تبكي
سميره بي خوف :يارا مالك ...في شنو لي بتبكي ...يارا ردي علي ....
كانت بتقول كدا ويارا مستمره في البكي ...
زحتها منها ورفعت يدها ومستحت عينها وقالت:يارا بتبكي لي
يارا بقت تعاين ليها ودموع لسه في عيونها ..
مسكتها من يدها وتحركت بتجاه مقعد وقعدتها وقعدت جنبها ....
سميره ساكته ويارا لسه بتبكي .....بعد مسافه بعد هدت يارا وسكتت اتلفتت عليها سميره ومدتت ليها شكولاته ...
يارا عاينت ليها باستغراب
سميره :لما اكون زعلانه او مضايقه من شيء باكل شكولاته وبنسي اي شيء ....قالت كدا وختت الشكولاته في يد يارا وقالت :جربي وماحتندمي ...
ابتسمت لي سميره وقالت :شكرا
سميره:عل شنو ماعملته شيء اشان تشكريني عليهو .....يلا اكلي الشوكلاته لانو لما تسيح بتبقي ماحلوه ......
يارا فتحت الشكولاته وقسمتها ومدت لي سميره نص وهي شالت نص ....
بقو ياكلو كانو ماحصل شيء ....
دقايق وسمعو صوت زول بقول :يارا
رفعو الاتنين راسهم وشافو جاسم جاي عليهم
سميره في نفسها "مالازم اضعف ...زيو زي غيرو "
وقف جنبهم ووجه كلامو ليارا:يارا انتي كويسه
يارا بابتسامه:ااي كويسه
جاسم :خلاص لي كنتي بتبكي
يارا رفعت ورقه الشوكولاته وقالت :وهسي بي سبب دي مافي دموع
قعد بي جهة سميره وقال:مجنونه ....خليتيني اجري المدرسه وافتش ليك زي الحاجه السمحه ...وخايف عليك وفي الاخر القاك بتاكلي شكولاته....
يارا:اممم معليش ...
جاسم:يمعلش قلبك ....لامعليش ولاشيء...قال كدا وبعدها جمع القاعد جنبها قال:سميره كيفك
سميره :ههه كويسه
جاسم بي جديه:يارا السبب ايهاب صح
يارا ابتسمت باصطناع وقالت :لا ماهو ....اتذكرت شيء ....
جاسم في نفسو "حااحاول اصدق ...لاكن متاكد 100%انو السبب ايهاب "
جاسم:اممم اوكي هسي احسن
يارا:ااي ... والفضل لسمورتي
سميره :ههه ماعملت الا الواجب ...
##في مكان تاني وتحديدا جامعه سونار .......
كان نايم في المرجع وشعرو نازل في وشو ...شكلو كان بريء وهو نايم ....
ختت يدها تحت خدها وبقت تعاين ليهو من حست بيهو اتحرك زي الداير يصحي قامت رفعت الشيت في وشها ...دقات قلبها بقت عاليه كانها كانت بتجري ....
في نفسها"يوم عن يوم انا بتعلق بيك اكثر بس انت اصلا ماشايفني ..."
رفع راسو وقال بي تمتمه :شكلي نمته .......رجع شعرو لي ورا وقال:هسي بكون علي بفتش فيني وانا نايم هنا في المكتبه ...
رفع المرجع ولملم حاجاتو ووقف ...شافها وهي رافعه الشيت في وشها وماكان باين بس عرفها ....وقف دقايق يعاين ليها وقال في نفسو"ماعارف لي كل مااشوفك مابقدر ابعد عيوني .... هز راسو وكمل كلامو:اصلا هي بتحب واحد مافي داعي اعيش نفسي في حب نهايتو مسدوده....
قال كدا في نفسو واتحرك .......
نزلت الشيت من اتحرك واخدت نفس وقالت :قلبي كان حيقيف....قالت كدا وختت يدها في قلبها وقالت :انا مامحظوظه في اي شيء ...
وبي جاي ..................
كان ماشي بتجاه الكافتريا ومن قرب منها لمح علي قاعد مع شلتو .....وقف وطلع تلفونو واتصل عليهو ....
علي طلع تلفون وشاف المتصل سونار ...داير يرد جاهو صوت زياد صحبو بقول :داك ماسونار ....
علي رفع راسو وشافو واقف بعيد منهم شويه ..قام رده علي التلفون :سونار مالك واقف تعال علينا ....انا شايفك ...قال كدا ورفع يدو لي سونار
سونار:علي انت عارفني ....كان جايني تعال ماجاي خلاص انا بمشي ...
علي:خلاص دقايق جايك ...قال كدا وغفل التلفون ودخلو في جيبو ووقف
زياد صحبو من شافو وقف قال:كالعاد حتمشي
علي:هههه ااي ...انت عارف سونار
زياد :عارفو ..بس ماعارف مشكلتو معانا شنو لي مابحب يقعد معانا مالو في زول قال ليهو حاجه عننا ؟
علي:ماكدا يا زياد ...بس سونار طبيعتو كدا مابحب التجمعات
زياد :ياتو تجمع دا ...كلنا ماتمين خمسه ...ود اهلك دا منفسن سااي ومتوحد
علي:زياد ....قال كدا بصوتو عالي شويه
زياد:اوكي فهمتا فهمتا ماحقول كدا تاني ....يلا امشي سيد سونار راجيك ...
علي عاين ليهو وهزا راسو ومشي بتجاه سونار ........
علي من قرب من سونار ...سونار قال:ساعه اشان تجي ....
علي:ههه سوريهات ...
سونار:اوكي يلا خلينا نمشي نقعد هناك ...
علي:سونار انت ماطبيعي ناديتني منهم اشان نقعد هناك ....كان ممكن تقعد معانا عادي
سونار: خلاث ارجع ليهم انا بمش ....قال كدا واتحرك ....
علي اتحرك وراهو وقال :خلاص بجي ...انا ماعارف لي مابتحب تقعد معاهم لي ...
سونار في نفسو "لان اخدها مني "
سونار :ماتنقنق زي المره المطلقه
علي:تبا للتشبيه ....
قعدو تحت شجره ...سونار ساكت وبعاين في فراغ وعلي جنبو ساكت .....شويه كدا واتكلم علي وقال:سونار انت ماطبيعي خالص ناديتني اشان تسكت كدا ....
سونار بصوت اشبه بهمس:هي ممكن ترضي بي .....
علي ركز في كلامو وقال باستغراب وقال:بتقول في شنو ياسونار؟
سونار جمع وقال :ولاشيء
علي :الله يكملك بعقلك .....
سونار بابتسام :امين جمعا ....
في مكان اخر .................................
ماسك التلفون في يدو وبقول :ياابوي مافي يدي شيء ....
ابوهو:كيف مافي يدك شيء ....مش رسلتك مع حبوبتك اشان تجيبها
رودين :ااي ...بس بعد كلمته حبوبه بالحصل قالت خليها تتم امتحاناتها وبعدين نشوف حل
ابوهو:اوكي خير ....بس بعد الامتحانات اشوفكم هنا
رودين :ان شاءلله ........قال كدا وغفل التلفون وختاهو في الطربيزه ....
رقد في السرير وبعاين للسقف وبقول :الزمن مايفعل ...قال الجمله دي وابتسم وكمل:زمان كنت من اشوفها بكشر هههه ومابحبها وهسي
من كمل كلامو ابتسامتو زادد ....
دقايق واتزكر اخوهو سونار ....قام قعد وقال وهو مكشر وشو :بس اخوها دا .....ضغط عل اسنانو وقال:خلي الامتحانات تخلص وحاوريهو رودين لما يقول شيء بنفزو ....وبعدين نشوف حتعمل شنو ......
وبهناك عند فهد ...............................
رمي التلفون في ث الكنبه ورجع راسو لي ورا وقال:اوووف مالو ايهاب مابرد ....معقوله! قال كدا ورافع راسو بخوف ....تاني هزه راسو وقال :لالاااااا مافي شيء من البفكر فيهو دا .....بس لي ماقاعد يرد ...
نكشت ليهو شعرو وقالت :حتجن اذافضلت تتكلم كدا .....
فهد:اميره.....
اميره :شكلك بتفكر في ايهاب صح ....
هزا راسو وقال :ااي ....ماعارف لي حاسي كانو في شيء حاصل
ضحكت وقالت:ههههه اها ياهندي ....
فهد بي جديه :جادي يااميره ....ماعارف لي ...وكمان تلفون مغفول مابرد ....
قعدت جنبو وقالت :طبيعي يكون مغفول لانو الامتحانات قربت
فهد :ماقادره تفهميني ايهاب دا مستحيل يكون تلفونو غافل ....الا كان في شيء حصل
اميره:اممم ...امكن شالتو منو امو اشان يقرا
فهد :امكن ....قال كدا وسكت .....
قربت منو وحضنتو وقالت:ماتكشر كدا بتبقي شين ....يلا ابتسم ...ماتخاف ايهاب كويس ....يلا كلها ايام وحتشوفو ...
فهد بي فرح:متين حنسافر ؟
اميره بابتسامه:يومن تلاته كدا ونكون هناك
فهد فرح وبقي يقول في نفسو "خلاص حاارجع وحشوفهم ....وحاشوفك ...ماكمل كلامو واتذكر الحيحصل لما يرجع ....بس برضو ماكسر فرحتو وردد في نفسو "المهم
حاشوفها"
يتبع ..................................
هلووو متابعي الروايه الاعزاء ♥
سوريهات عل التاخير ..>~<..
هعوضكم ان شاءلله بكم بارت كدا
سي يو بالبارتات الجاي ♥♥♥♥♥♥♥♥♥