احلام مراهقه>~<✌

43

"واقف قدامها ولابس هدوم بيضاء ......ابتسم في وشها وقال :قدير اهتمي بي نفسك .....قال كدا و اتلفت عل امو الكانت بتنادي فيهو ......واتحرك ...
قدير :علي ...ماشي وين ...اقيف ...ماتخليني هنا براي ...انا خايفه ......كانت بتقول كدا وبتحاول تلحقو ....وكل ماتقرب منو تلقاهو بعد ....لحدي ما وهي جاريه وقعت ........وهنا صرخت :علي "
صحت من النوم مخلوعه وجسمها كلو بقي مويه من العرق ....قشت وشها بي يدها ونزلت من السرير وهي بتقول :علي ....
وهي طالعه من اوضتها شافتها حبوبتها وقالت:قدير المصحيك  هسي شنو ....ومالك عامل كدا ...
قدير :ماشه اشوف علي .....
قربت منها وقالت:بسم الله يابتي مالك عرقانه كدا ...
قدير:حبوبه انا ماشه اشوف علي ....قالت كدا واتحركت......بس وقفتها كلمات حبوبتها وهي بتقول:علي لسه مارجع ......
قدير اتلفت عل حبوبتها وقالت بي خوف:لي لسه مارجع ....مشي وين ......قالت كدا ودموعها جات في عينها ....
حبوبتها قربت  منها وقالت:بسم الله ياقدير مالك هسي بتبكي ....علي مابجيهو اي حاجه ....مافي داعي للدموع دي هسي ...قالت كدا وحضنتها عليها ...
قدير وهي بتتنكد قالت:حبوبه شفتو وقال لي اهتمي بنفسك ....حبوبه امي ساقتو معاها ابي يتلفت علي .قالت كدا وبقت تبكي شديد .....
الحبوبه:دا حلم ساي يابتي ....ماتخافي ان شاءلله مابتجيهو حاجه .....
قدير كانت مصره وهي بتقول:حبوبه انا شفتو ....كان لابس هدوم بيضاء .......
الحبوبه غلبها التعملو لانو قدير ابت تسكت ....
بعد مسافه كدا صحي احمد واتخلع وقت شاف حبوبتو وهي حاضنه قدير وهي بتبكي .....
قرب منهم وقال:حبوبه في شنو ......
الحبوبه :الحمدلله صحيت يااحمد ....سكت اختك دي ...عليك الله ...ابت كان تسكت لي ......
احمد:مالا ....في شنو .....
الحبوبه :خايفه عل علي .....
احمد قعد جنبهم وقال :ودا الببكي ....قال كدا وجرا قدير من حبوبتو وقال :دا سبب  اشان تبكي قدر دا ...يابكايه ......
قدير عاينت ليهو وقالت:احمد علي ساقتو امي ...قالت كدا وحضنتو ........
احمد حسي بي شيء في قلبو زي طعنه كدا ....رفع يدو وهي بترجف وختاها في ظهرها وقال:دا كابوس بس ....علي كويس ماعندو حاجه ....قال كدا وهو في نفسو ماعارف لي كلماتها اثرت فيهو وزعزعت نفسو ....
مرت الساعات لحدي ماجاء الصباح ولسه هم عل نفس قعدتهم ......
قدير حاضنه حبوبتها شديد ....واحمد واقف جنبهم وشغال يمشي ويجي ....وشايل في يدو تلفونو وبحاول يضرب ليهم وكل مره يديهو مغلق .....
احمد:ليه بديني كدا .......لالا بحاول مره تانيه ...قال كدا وفي نفسو اتزكر كلام قدير وحسي كانو كلامها حقيقه ......بس حاول يكذب كلامها .....بقي في صراع في نفسو ......
وهو واقف كدا ...سمع جرس البيت ....جدع تلفونو في الكنبه وقال بفرحه :الحمدلله...بكون ديل هم ...قال كدا ومشي  اشان يفتح الباب ...وماكان عارف الراجيهو شنو.......
فتح الباب وهو بقول:الاخركم شنو يا.....بس ماتم كلامو واتصدم من الاسعاف الواقفه جنب الباب .....
ابو زياد عايز يتكلم معاهو ....بس احمد اتخطاهو  ومشي عل عربيه وفي كل خطوه حركتو قاعده تتقل اكتر ....
عاين لي باب عربيه الاسعاف المفتوح وفيهو زول مغطي ....وهنا حسي بي طعن في قلبو  ورجفه...بس حاول يتماسك ... .....
اتقدم وختي يدو في الزول الراقد وعايز يفتح وشو ...في يد منعتو ......
اتلفت وشاف عثمان صاحب علي ...وملامحو كانت مابتبشر بالخير ...
عثمان  هز راسو وقال  بصوت تعبان:الدوام لله يااحمد.....
احمد بقي مصدوم لي دقايق ...حتن استوعب كلام عثمان ....وبي سرعه رفع الغطي وهنا رجع لي ورا وهو بقول :ﻻالا لا البحصل دا ماحقيقه ....دا حلم ....هسي حااصحي .....قال كدا وبقي يكفت في نفسو ....
عثمان مسكو وقال :احمد ...احمد ...
احمد عاين لي عثمان وقال:عثمان اخوي مامات صاح ...دا مااخوي .....
عثمان دموعو جرت ماقدر يقول شيء ......بس حضنو عليهو وقال :ربنا يرحمو ........
من قال ليهو كدا احمد انفجر وبقي يبكي بي صوت...
وبي جاي .................
قدير وقفت وقالت :حبوبه دا صوت احمد .....قالت كدا وجرت ........
وقفت في الباب  وياريتها ماوقفت ....شافت اخوها ببكي بي حرقه .....وهنا قلبها دقه وحاولت تكذب نفسها واتحركت عل الاسعاف بس ابو زياد مسكها وقال :تعالي ....
اتلفت عليهو وقالت بي صوت برجف :احمد مالو ...لي ببكي  كدا .....
ابو زياد:تعالي خشي جوا ....قال ليها كدا وهو ماسكها ....
قدير نفضت يدو وجرت عل العربيه وشافت علي....في لحظه دي حست كل شيء لافي من حولها .....نظرها بقي ضبابي واترنحت لحدي ماوقعت واخر كلمه طلعت من خشمها :علي......
ابو زياد اتخلع وبقي يحاول يفوق فيها بس مافي فايده .....رفع راسو وبنادي في ولدو البقي زي المومياء واحد ....قنع منو وشالها براهو ......
وبي جاي .....................................
ماشي في الشارع وهو بقول في نفسو :اول مره تمد يدك علي يامزمل ........بس انا استاهل البحصل لي .........
وقف مشي ومستني الاشاره تقلب .....وهو واقف اتذكر يارا فجاءه ....هزا راسو وقال :لي بفكر فيها ...ياربي انا قسيت عليها .....بس العملتو ماغلط ....وهو شارد في افكارو الاشاره قلبت وتاني غفلت ...
اتختت يد في كتفو وهنا اتلغت وشاف مدثر ....ابتسم مدثر:انت كويس ....شايفك من بدايه الشارع واقف وماتحركته ....
ايهاب:بس شردته حبه....انا كويس ....قال كدا وعايز يتحرك مسكو مدثر من يدو وقال:مجنون انته ماشايف الاشاره .....
ايهاب فكي يدو من مدثر واتحرك مدثر حاول يلحقو بس العربات منعتو .....
ايهاب بقي وسط العربات ....ومدثر يدو في قلبو كل مايشوف عربيه قربت من ايهاب ....لحدي ماشافو قطع للجنبه التانيه ....حتن اخد نفس وقال "بالجد الولد دا مجنون ...." قال كدا واستني الاشاره اشان يقطع  ويلحقو.......
وبي جاي ....................
ايهاب لفه ....وبقي ماشي وماعارفه هو ماشي وين ..بعد مسافه كدا لقي نفسو قريب من بيت ناس يارا ..بقي في صراع في نفسو بين يمشي ومايمشي...في نهايه اتحرك وهو بقول "بس حأمر بي سرعه "
من قرب من بيتهم سمع صوت بكي ...قلبو نقبض  وسرع خطواتو ........
وقف فجاءه وهو بشوف يارا بتبكي وتقول:لالا انتو بتغشو علي .....سونار مات مش .....
بدون مايحس مشي عليها ......
يارا اتفكت من عثمان وجرت ......ايهاب من شافها جاريه ....قام جري  وراها .......وهو بقول :يارا يارا .....
ويارا كانها في عالم تاني ...كل الفي بالها ...اخوها......
ايهاب لحقها ومسكها من يدها وقال :يارا .....
يارا وعيونها ملانه دموع :سونار ماشفتو ....قاعدين يقولي لي كويس بس ماشايفاهو ....علي ....علي مات ......وهم كانو سوا ......
ايهاب ماعارف يعمل شنو في لحظه دي وهو بشوفها كدا .....
وبي جاي ..............................
قدير فاقت شغاله تقول بهستيريه:رجعووو لي اخوي ....اخوي  مامات ....انتو كذابين ....علي حي ...بقول ليكم علي حي.....ماتبكو ......
نسوان الجيران بقو بعاينو ليها و ببكو ....واحده قربت منها وحضنتها عليها وبقت تبكي ...........
قدير زحتها وقالت :علي مامات ....علي حي...قالت كدا وكانت ماشه بتجاها الصالون ....
المره مسكتها وقدير بتقاوم فيها وبتقول :فكيني ...ماشه لي اخوي .....اخوي حي....قاعد هناك ...
قدير جسمها تقل وجات واقعه في الارضه وبتردد:علي.....وين ماشي ياحبيب اختك .....علي ...قالت كدا ودموعها بقت تجر........
وهي بتبكي بقت شارد كانها ماقاعده معاهم او المره الواقفه جنبها بتتكلم معاها ........
فلاش باك .................
قبل كم سنه ....كانت قاعده تبكي بي حرقه ....جاء اخوها علي حضنها عليهو وقال:ماتبكي ياقدير....ياحبيت قلب اخوك.....
قدير وهي بتتنكد :امي ....امي....
مسح عل ظهرها وقال :ربنا يرحمها......انا هنا جنبك يلا ماتبكي .......امي اذا كانت هنا كانت حتنزعل اذا شافتك كدا ........قال كدا وزحاها منو وقال:يلا امسحي الدموع دي وارح جوا .......
قدير ودموعها لسه في عيونها:انا عايز امي ....قالت كدا وبقت تبكي تاني ....
حضنها عليهو وقال بي صوت براحه بس هي بتسمعو :حكون ليك كل شيء ....ماحااخلي دمعه تنزل من عينك .......
اند فلاش باك ......................
صحت من زكرياتها فجاءه وصرخت بي صوت عالي:علي ......وبقت تبكي ......
المره عايزه تتكلم معها الحبوبه منعتها قالت ليها :خليها .......
قدير مستمر في البكي وبتتقول:منو الحيحنسني ومنو  حيقول لي ماتبكي  تاني ....قالت كدا ووقفت وهي بتقول:اذا شاكلني احمد ...منو حيدافع لي ....قالت كدا ومشت علي حبوبتها وقالت :حبوبه  قولي ليهم يرجعو لي اخوي ....اخوي مامات ...
حبوبتها حضنتها عليها وبقت بتحاول تهدي فيها ....
قدير كانت متناقضه بي سبب الصدمه ...دقايق تصدق بي موت اخوها ودقايق تكذب موتو وتنكرو .....
تتوالي الصدمات .......وتتوالي الاحزان ....تغرق الكل في متاهه ...جاعلت منهم كاعمي اخذه منه عصاته فاصبح عاجزا.......
يتبع .........................................
مرحبا متابعي الروايه ....كيفكم ان شاءلله كويسين ^_^
يلا في سؤال متكرر عن عدد اجزاء الروايه ....معليش مش حفصح عن العدد ....بس اذا مليتو عادي بوقف النشر....
+دي اطول روايه كتبتها  في جزء واحد ^_^♥
علي العموم شكرا لكل من دعمني وكان سبب في رسم الابتسام عل وجهي  ازاء تقدير مجهودي♥
+انا متزبزبه في النشر يعني ماعندي وقت محدد لظروف .....فرجاءا قدرو بليز يعني .....والله انا بحاول قدر  الامكان مااتاخر ...فقدرو مجهودي>~<