احلام مراهقه>~<✌

(15)

قاعده في غرفتها وماسكه صورت بتها وبتبكي 😢💔وتقول:سليمه 😭😭😭.....بتك غرقت ياسليمه ....رحتي انتي اول .....بس لما رجعت بتك ...كنت حاسه بيها انتي .... وهسي هي لحقتك .......
قالت كدا وقعدت تبكي😭😭💔.....شويه وجاها صوت :ياحبوبه ماتبكي 😢💔.........
اتلفت وقالت :غدير!؟.........جيتي متين ......
قعدت جنبها وقالت :جيت هسي ياحبوبه.....
الحبوبه : سونار كيفو....
من قالت ليها كدا ........دنقرت راسها وقالت : والله ياحبوبه حالتو تحنن ......هو مامصدق لي هسي .....وعلي كان بحاول يهدي فيهو 😢💔بس هو انفعل وجري ......وهسي علي بفتش فيهو .......
الحبوبه دنقرت راسها وقالت : والله يصبرو .....بس حار عليهو والله 😭😭💔...... وبدت تبكي تاني ....وهنا غدير مسكت حبوبتها وبقت تبكي معاها ........
وبي جاي احمد سمعهم ....بس ماقدر يشوفهم وهم ببكو .....فتحرك ... وهو بقول " هي ماتت خلاص يعني ....تاني ماحاقدر اشوفها .........بعد بديت احبها ........قال كدا وسكت ............شويه ووصل السطوح وقعد في الارض وهنا دموعو بقت تجري .....رفع يدو وقشه دموعو وقال بي صوت مهتز " يارا لي مشيتي وخليتيني.........ليه كل زول بحبو بمشي ويخليني ......امي ......وهسي انتي .........وصرخ بي صوت عالي : لي انا منحوس كدا ......يارااااااا....
عند مدثر ⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅
سايق العربيه وكل دقيقه يتلفت ويعاين لي ايهاب ويلقاهو في نفس حالتو ......
مدثر في نفسو " غريب .......ياربي الولد دا قصتو شنو ؟؟؟؟"
شويه كدا ومدثر وقف العربيه ......وقال :دا المحل الوصفو لي صهيب .......يارب اجعلو خير......والله بعد دا ماقادر اتحمل مصايب الولد دا.............ونزل من العربيه ....
دقايق مامرت ولمح اخوهو قاعد في الارض وهنا قال : صهيب......
صهيب اتلفت عليهو وقال بي صوت متقطع : ح.....ي.....ه
مدثر جاء جنبو وقال: صهيب الجابك هنا شنوو .........ومالك عامل كدا ........
قام صهيب اشر ليهو ........و مدثر رفع فلاش تلفونو وضوي بالاتجاه الوصفو ليهو اخوهو ..........وهنا اتصدم وقال: صهيب دا شنووو؟؟؟ ......بس ماتكون 😨💔.......
صهيب وقف بي ارتباك ووشو عرقان قال وهو بحرك يدينو :لالا يامدثر .....والله ماانا .... والله لقيتها هنا ......مدثر انا ماعملته شيء ........وبقي يتكلم بي هستريه ..........
مدثر مسكو من كتوفو وقال :اهدي خلاص .....ايي ماانت .....
صهيب هدي حبه .....قال : مدثر ساعدها امكن تموت .......
مدثر: صهيب ماعندنا شغله بيها 😑💔يلا خلينا نمشي ....قبل مانبتلي بيها ....
صهيب : لااااااا
مدثر : لا شنو ياصهيب 😤.....صهيب لا اله الا الله
صهيب : محمد رسول الله ....
مدثر: يلااا قدامي .....
صهيب : كيف نخليها هنا 😢 امكن تموت ....
مدثر بانفعال:وشنو العرفك ......احتمال ميته .......والله ماناقصين مصايب ..........يلا غور كدامي ..........

صهيب:لا هي حيه .......ودنقر راسو وقال :ساعدها قبل ماتموت زي هدي ......
من قال ليهو كدا ....بقي زي الضربتو كهربه .......وقال بي صوت مليان حزن:متاكد انها حيه ...
صهيب: ااي ....
مدثر اتحرك بتجاها وكل خطوه ...دقات قلبي بتزيد ........لحدي ماوصل جنبها .....جر نفس ومدا يدو وكانت بترجف ...لي رقبتها .......وهنا حسي بي نبضها الضعيف ......
طوالي اتلفت علي صهيب وقال: صهيب تعال امسك التلفون ....
صهيب مسك ليهو التلفون.........
مدثر رفع راسها وبقي يقرب شويه شويه ....لحدي ماوصل قريب منها ......بس تاني رفع راسو وهو بقول " لا مابقدر اعمل كدا ......بس يامدثر لازم تعمل كدا "
اتلفت عل صهيب وقال : صهيب اطفي الفلاش ......
صهيب طفيء الفلاش ومستغرب اخوهو لي قال ليهو كدا ............
دنقر بتجاها شويه شويه .....وهو حاسي بي نفسو بتقل .........بس ضغط عل نفسو وواصل الداير يعملووو ... ..وداها تنفس اصطناعي ..... وبقي يضغط عل صدرها .....دقايق وبقت تكح ......
هنا ابتسم براحه .....وفي نفس الوقت ماعارف روحو لي ابتسم ......بس قال في نفسوو" امكن لانو انقذته روح "
صحاهو من شرودو صوت صهيب بقول: مدثر ......بتعمل في شنو ......وليه قولت لي اطفي الفلاش ......سمعتها كحت ...هي صحت ......
مدثر ابتسم وقال : يلا ماترغي كثير ....وافتح الفلاش .....
صهيب فتحو وضوي فيها ...وشافها بتحاول تفتح ...طوالي قال بي فرح :ماحتموت يامدثر
مدثر : ااي 😹💔....مالك قال فرحان كدا .....بتعرفها .......
صهيب كشر وقال : مالا اعرفها 😒.....
مدثر:خلاص بطل درامه 🐸✋وخلينا نتحرك .......
صهيب بقي مضوي فيها ....وهي بتفتح عيونها بي تعب ....وفي نفس الوقت ماكانت شايفه كويسه .......شايفه مشوشه .......دقايق وحست بي زول شايلها .....عاينت في وشو ...بس ماكانت شايفاهو كويس ....
صهيب بقي ماشي ورا اخوهو ومركز معاها ........ووقت شافها غمضت عيونها قال بي خوف :مدثر عاينها 😱غمضت ماتكون ماتت........
مدثر نزل عيونو بتجاها وقال: ماماتت.....
من وصلو العربيه قال : صهيب تعال افتح لي الباب الورا واركب .....
صهيب فتح الباب وركب ....وهنا شاف زول قدام ، وقبل مايفتح خشمو ويسأل ....اخوهو قال ليهو : بفهمك كل شيء بعدين ....يلا حسي خلينا مع البت دي .....
صهيب سكت .......ومدثر ركب قدام ودور العربيه .......
صهيب بقي يعاين للزول القدام ويقول في نفسو "دا منو ياربي ......مااظن من اصحاب اخوي .....لانو ظاهر عليهو اصغر .......قال كدا وتاني دنقر عيونو عل البت الراقد في رجولو وقال: دي كمان منو😕؟؟؟؟......ولي كانت هناك ...اممم😕امكن حاولت تنتحر 💔 وربنا ستر وماغرقت ..........باين عليها اجنبيه ..........هههه حاسي نفسي في درتمه هنديه......😂😂😂💔...........ااممم امكن القدر لمني بيها😍 انه القدر .....قال كدا وبقي يتبسم ..
هنا جاهو صوت مدثر بقول :مالك بتتكشم كدا 😹💔جنيت .....
رفع راسو وقال : مالك ومال كشيمتي😌👋ركز في سواقتك .........
قبض الفرامل ووقف العربيه .......
صهيب:هي! مالك وقفتا
مدثر : يلا انزل 🐸
صهيب: يااخ معليش😅 .........يااخ ماتاخذ الموضوع كدا .........عاين معانا بت امكن تموت .....
مدثر ضحك وقال : مجنون 😹😹💔....وصلنا المستشفي ..........انت قايل شنوو......
صهيب حكي راسو وقال: ااه
مدثر فتح بابو ....وداير ينزل بس وقف وعاين للولد المعاهو الماعارف عنو حاجه ..........واحتار يعمل شنوو....بس من عاين للبت الفي رجول اخوهو ......... نزل وجاء وفتح باب اخوهو وشالها وقال:نزل الولد دا معاك وتعال لاحقني ....
في مكان اخر ⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅
وقف فوق الكبري وبقي يكورك : يارا ......يارا......يارا.....
الناس بقت تعاين ليهو وقايلنو مجنون ............شويه كدا وجاء جاري بتجاهو علي وقال:سونار
بس سونار مااشتغل بيهو ولسه بكورك 💔.... وهنا علي جاء جنبو وحضنو عليهو وقال:سونار عليك ماتعمل كدا .....سونار .......خلاص كفايه ......هي ماتت .......مافي ليها اثر ......الله يرحمها ........
سونار بينو وبين نفسو ماقادر يصدق .......بس بقي يبكي بي صوت ويقول :هي اختي البحبها .....هي الباقيه لي ....كيف تموت وتخليني ........انا اعيش لي منوو........ كلهم مشووو......وبقي يبكي .....
علي: سونار استغفر .....ماتقول كدا ...
بس مالقي رد من سونار لانو كان ببكي .......
علي بقي يعاين لي سونار ....وللناس البتعاين ليهم وشاف في عيونهم نظرات الشغقه ........وهنا وقف سونار وقال : سونار ارح .......
سونار وقف معاهو وكان بتحرك كأنو جسد بلا روح ......