احلام مراهقه>~<✌

41

استغرب وفي نفس اللحظه لحقها ومسكها من يدها وقال:خالتو...في شنو ياخالتو ....
ام فهد:مزمل فكني يامزمل ...خليني امشي اشوف ولدي وين ....
ابتسم وهو بحاول يطمن فيها قال:ماتخافي ياخالتو ...تعالي ارجعي البيت وانا بشوفهم وين ....
اتحركت معاهو وهي حاسه بي شعور غريب جواها ..
جنب الباب كانت واقفه اميره ومن شافتهم قالت بااستغراب وهي ماشه عليهم :امي مشيتي وين ...
مزمل :اخدي امك وخشي جوا وماتخليها تطلع وانا بشوفهم وين ....قال كدا ومشي طوالي ...
اميره  احاسيسها ملخبطه ...وفي نفس الوقت مستغربه متين جاء مزمل....بس وكنت ركزت في كلامو قالت في نفسها"معناها ايهاب زاتو طلع ...ياربي مشو وين الاولاد ديل" ...
مسكت امها من يدها وقالت :يلا ياامي ارح ....وقالت وهي بطمن فيها:هسي مزمل حيجي ويجيبو معاهو ماتخافي .....
كلام اميره مااثر في امها ولاطمنها ...بس اتحركت معاها......
وبي جاي ................................
كان ماشي في الشارع وبقول في نفسو"ياربي يكونو مشو وين .....بس ان شاءلله مايكون حاصله معاهم حاجه .....
بعد مسافه من المشي ....قعد لانو تعب من المشي ...
رفع راسو للسما وقال:لي بتعمل كدا ياايهاب .....
في الصباح ..................................
في بيت ناس يارا .....................
كانت واقفه قدام اخوها ومستغربه او بتحاول تستوعب البقولو اخوها ......
ابتسم وقال:مالك .....
يارا:كيف مالي ؟ .....انت واعي بتقول في شنو
سونار:ااي واعي .......يلا بجي الساعه 3 بعد الجامعه وبوديك ...قال كدا ومشي ........
بقت واقفه وبتعاين ليهو .....وهي واقفه جات قدير وختت يدها في كتفها وقالت:يارا مالك متسمره كدا ...سونار قال ليك شنو.......وخلاك واقفه كدا....
يارا :ماقادره استوعب البحصل ياقدير.....
قدير:شنو الماقادره تستوعبيهو....
يارا اتلفتت عل قدير وقالت:قدير سونار عايزني امشي ليهم .......
قدير:تمشي لي منو؟
يارا :لي ناس حبوبه ....قدير قادره تستوعبي معاي ...امس كان ماراضي والليله هو جاء قال لي كدا..
قدير  بي ضحكه :امكن محمو كان تشوفيهو ...
يارا :امكن ......
وبي جاي .....................................
عاين لي صحبو النايم وبتذكر الحصل امس ...ابتسم  وقال :في كل شيء متشابهين ....قال كدا اتلفت وبقي سارح .....
بعد دقايق وهو شارد اتزكر اهلو ...
في نفسو"حسي امي بتكون خايفه ...".قال كدا واتلفت عل صحبو وقال:حتي امو ....
من كمل كلامو مدا يدو وبقي يهز فيهو وهو بقول:فهد يافهد ....فهد
فهد وهة بتململ :خليني انوم شويه ....قال كدا واتقلب .....
ايهاب قرب من اضانو وكورك بي صوت عالي :فهددددد....
فهد قام مخلوع ......
ايهاب ضحك عل تعابيرو وقال:ههههه لو كان معاي تلفون كان صورتك هههه
فهد بي صره :قالو بصحو الناس كدا .....
ايهاب وقف وقال :اذا كان الناس نومهم زيك كدا  اااي .....يلا خلينا نمشي .....
فهد :نمش وين
ايهاب قوم فهد وقال:شكلك لسه ماصحصحته ....قال كدا وكمل كلامو وقال:ناسي انحنا وين ....يلا خلينا نمشي بكونو خايفين علينا ....من كمل كلامو اتحرك ...كم خطوه ...بس ماحسي بي فهد اتحرك وراهو ...اتلفت وقال:فهد.....
فهد :ايهاب امشي براك انا ماماشي لي اي مكان
ايهاب رجع ووقف جنبو وقال:فهد حاسي بيك ...بس امكن انت فاهم غلط ماتتسرع زيي وتندم .....قال كدا ودنقر  راسو في الارض  .......
فهد حسي بي شيء وهو بسمع في ايهاب ...بس مااتكلم ....
ايهاب رفع راسو وقال باابتسامه:حتي لو انت ماعايز تمش حااكرك كر ....واوديك...قال كدا وجراهو من يدو ....
فهد ابتسم واتحرك معاهو .......وبينو وبين نفسو كان بقول"معقوله اكون فاهم غلط ....اذا فاهم غلط الصاح شنو خلاص ....وهو لي خلانا ....."
وبي جاي..................................
وقف جنب سبيل في الشارع وغسل وشو ...كان ظاهر عليهو التعب .....
بقي واقف في مكانو وبقول "ماخليت مكان مافتشه فيهو ...شفت كل الاماكن البمشو ليها ... قال كدا وكمل :مشيت وين ياايهاب ....
وهو شارد لمح شيء .....في البدايه حسي انو بتوهم لانو مانايم .....بس لما دقق قال :داك ماايهاب ...قال كدا واتحرك بتجاهم .....لحدي ماوصل جنبهم قال:ايهاب
ايهاب من سمع اسمو اتلفت وشاف مزمل .....
مزمل :حسابك معاي في البيت ...قالت كدا وعاين لي فهد وقال:وانت ....ماعارف عملته شنو في امك...
فهد كان ساكت .....وايهاب كان عايز يتكلم بس سكتو مزمل وقال:ولا كلمه اتحركو قدامي ..سريع...
وبي جاي  ............
في بيت ناس فهد .............................
اميره عاينت عل امها النايم في الهول  وقالت"ماعارفه بس الحصل كثير .....من جهه ابوي من جهه فهد......ماعارفه كان شفتي قدامي حااحس بالشعور داك ...احساس عندي ابو وكدا...قالت كدا وابتسمت بس ماكانت ابتسامتها ابتسامت زول فرحان ولامبسوط ......
وهي واقفه كدا  ....صحاها من شرودها صوت الجرس ......
اميره :ياربي يكون  دا هو ....قالت كدا ومشت بتجاه الباب ......
اول مافتحت الباب شافت اخوها وهنا قالت :فهد وحضنتو .....زحت منو وقالت :مشيت وين .....يافهد ولي مارجعت البيت ....
فهد عاين ليها ومارده كانو ماقاعده تتكلم معاهو ...
اتحركت وراهو وهي بتقول :فهد انا ماقاعده اتكلم معاك .......
عل صوتها امهم صحت ومن شافت فهد طالع في السلم ...وقفت وهي بتقول :فهد كنت وين ...
فهد وقف واتلفت عليها وقال باختصار:كنت مع ايهاب ...قال كدا وواصل طريقو .. ...
اميره بي عدم رضي:شفتي ياامي تصرفات ولدك واصله وين......عل الاقل يحترمك ....مش يقل ادبو كدا .....
امها ولا كانت معاها .....كانت شارده ......
وبي هناك ....في الجامعه ................
بعد المحاضره الاولي .......... ..
علي اتلفت عل سونار وقال  من دون مقدمات:لازم تحسن علاقاتك .....
سونار اتلفت عليهو وقال:مع منو
علي:انت غبي ولابتتغابي ....اكيد مع زياد....قال كدا وكمل كلامو وقال:بالمناسبه زياد زول قلبو ابيض وطيب ....مافي زيو ....بس كلو من مخك الزي السمسمه دا البألف ليك قصص زي دي ....
سونار:وانا شنو العرفني انو اختو
علي :ظاهر ...بس انت عيونك مابتشوف  كويس ...
المهم هسي حتعمل شنو.......
سونار في نفسو "ماعارف ....بس لازم باي طريقه احسن علاقتي مع زياد"
علي:شردته وين ......
سونار:اه معاك
علي هزا راسو وقال :كالعاده مامنو فايده الكلام معاك .....قال كدا ووقف وكمل كلامو:يلا خلينا نمشي ....
سونار اتحرك من دون كلام مع علي .........
وبي جاي في الجامعه ...........
كانت واقفه تالين وبتعاين بتجاه ناس سونار ...
جات عسجد صحبتها وختت يدها في كتفها وقالت:لمتين حتفضلي كدا.......
تالين :ماعارفه
عسجد لفتتها عليها وقالت:خليك كدا لحدي ماتجي وحده وتخطفو منك ...وبعدين اقعدي اتبكي لي سمح تالين زحت يد عسجد وقالت:يعني عايزاني اعمل شنو مثلا ......
عسجد:اتلحلحي
تالين  بي صره :يلحلح راسك الكبير دا ....قالت كدا وقالت مغيره الموضوع:انا زاتي جعانه يلا خلينا نمشي ناكل ....قالت كدا واتحركت
عسجد:ااي غيري الموضوع ...لكن انتي حره ...
تالين في نفسها"لو في يدي كان كلمتو الليل قبل بكرا "
"كأني طفل فقير ! وانت حلوي باحدي المحلات اتطلع عليك من عل بعد ولااطالك ........"
يتبع .........................................